Baptism of Jesus by John
Baptism of Jesus by John
John the Baptist calls out in the desert. He preaches by the river Jordan, "Turn away from your sins and be baptized, and God will forgive your sins." He is the one Isaiah predicted would make way for the Lord. The crowds gather. Immediately, he warns them not to only say they have repented. Instead, they're to follow repentance with actions that exhibit a changed heart. Jesus is baptized and receives the Holy Spirit. He kneels at the feet of someone lesser than Himself to be baptized. He demonstrates how we are to be humble.
QuestionsRelated Questions
Ask yoursBible Quotes
Shareतिबिरियुस महाराज़ेरे हुकूमतरे परहनोवं साले मां ज़ेइस पुन्तियुस पिलातुस यहूदिया इलाकेरो गवर्नर थियो, ते गलीलेरे इलाके मां हेरोदेस गवर्नर थियो, तैसेरो ढ्ला फिलिप्पुस इतूरैया ते त्रखोनीतिस इलाकां केरो गवर्नर थियो, लिसानियास, अबिलेन इलाकेरो गवर्नर थियो। तैस वक्ते हन्ना ते कैफा महायाजक थिये, तेइस परमेशरे जकर्याहेरे मट्ठे यूहन्ना सेइं गल्लां की। ज़ैन सुनसान ठैरी मां रहतू थियूं। ते यूहन्ना यरदन दरियारे आसे पासेरे इलाकन मां गेइतां ई प्रचार केरने लगो, कि अपने पापन करां मन फिराथ, ते बपतिस्मो नेथ ताके परमेशर तुश्शे पाप माफ़ केरे। ज़ेन्च़रे यशायाह नेबेरी किताबी मां लिखेरूए, “सुनसान ठैरी मां फुकारने बालेरी आवाज़ एइचे कि, ‘प्रभुएरी बत बनाथ ते तैसेरी बत्तां पेट्ठी केरा।’” “डुग्घी ठारां सैरी भेरोई गैनिन, हर अक पहाड़ ते च़ौढ़ु बिछ़ड़नोए ते ज़ैना ट्लेढी बत्तन तैना सिद्धी केरनिन ज़ैना उन्ढी उबरिन तैना पेट्ठी केरनिन। ते सब लोक तैस हेरेले, ज़ै परमेशरे तैन मुक्ति देने भेज़ोरोए।” ते यूहन्ना तैन लोकन सेइं ज़ोवं, ज़ैना जथन मां तैस करां बपतिस्मो नेने एवरे थिये, “तुस ज़ेहरीले सप्पेरे ज़ेरे बुरे आथ! तुसन केनि ज़ोवं कि, एजने बाले परमेशरेरे कोपे करां नश्शा? बस्सा, सज़ाही करां बच़नेरे लेई तैना कम्मां केरा, ज़ैन सेइं पतो लग्गे तुसेईं सच़्च़े पापन करां मन फिरावरोए। ते अपने-अपने मने मां एन न ज़ोथ कि, अब्राहम ज़ेन्च़रे इश्शो बाजीए, किजोकि अवं तुसन सेइं ज़ोताईं कि परमेशर इन घोड़न मरां अब्राहमेरे लेई औलाद पैदा केरि सकते। ते हुन्ना त बुट्टां केरे ज़ीलन पुड़ परमेशरेरो मैक्कु रखोरोए, एल्हेरेलेइ ज़ै कोई तैस बुट्टेरो ज़ेरो भोते, ज़ै रोड़ो फल न दे, तै कटनोए ते अग्गी मां छ़डनोए।” लोकेईं तैस पुछ़ू, “फिरी असां परमेशरेरी सज़ाही करां केन्च़रे बच़म?” यूहन्ना तैन सेइं ज़ोवं, “ज़ैस कां दूई कुरतेन त अक कुरतो तैस देथ ज़ैस कां अक भी नईं ते ज़ैस कां रोट्टी आहे त तै भी रोट्टी बन्टे ज़ैन कां नईं।” ते धड़त नेनेबाले भी बपतिस्मो नेने एवरे थिये तैनेईं तैस पुछ़ू, “हे गुरू जी असां कुन केरम?” तैनी तैन सेइं ज़ोवं, “ज़ैन तुश्शे लेई सरकारी कानूनेरे हिसाबे सेइं रखोरूए तैस करां जादे धड़त न नेइयथ।” ते तैखन होरि सिपाहीयेइं भी तैस पुछ़ू, “असां कुन केरम?” यूहन्ना तैन सेइं ज़ोवं, “केन्ची पुड़ ज़ुलम केरतां बेहक न नेइयथ, ते न केन्ची पुड़ झूठो दोष लेइयथ, पन अपनि तनखुवाही पुड़ गुज़ारो केरथ।” तैखन लोक इंतज़ारे मां थिये कि, मसीह जल्दी एजनोए, ते सब लोक अपने दिले मां यूहन्नारे बारे मां सोचते थिये कि ज़ै एवरोए तै मसीह आहे या नईं? त यूहन्ना तैन जुवाबे मां तैन सेइं ज़ोवं, “अवं त तुसन पैनी सेइं बपतिस्मो देताईं पन ज़ै मीं करां महाने तै एजनेबालो आहे। अवं तैसेरो गुलाम बेनतां तैसेरी जुट्टी केरे तसमे भी खोलनेरे काबल नईं। तै तुसन पवित्र आत्माई ते अग्गी सेइं बपतिस्मो देलो। तैसेरू छज्ज तैसेरे हथ्थे मां आहे ते तै खलाड़ रोड़ेच़ारे साफ केरेलो, ते गेहुं अपने कोठारे मां रखेलो पन झ़ाझ़ी तैस अग्गी मां फुकेलो ज़ै कधी हिशनेरी न भोल्ही।”
भड्लाई भाषाई मां पवित्र शास्त्र
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
Read more...ज़ैखन सब लोक बपतिस्मो नेने लोरे थिये त यीशुए भी बपतिस्मो नियो, ते ज़ैखन तै प्राथना लगोरो थियो केरने, त एरू भोवं कि सुर्ग खुल्ली जेवं। ते पवित्र आत्मा कबूतरेरी शक्ली मां यीशु पुड़ अव ते अम्बरे मरां ई आवाज़ अई, “तू मेरू ट्लारू मट्ठू आस, अवं तीं पुड़ बड़ो खुश आईं।” ज़ैखन यीशुए अपने सेवारू कम शुरू कियूं त तैसेरी उमर 30 साल थी (ज़ेन्च़रे समझ़ू गातू थियूं) एन यूसुफेरू मट्ठूए, ते तैन एलेरू
भड्लाई भाषाई मां पवित्र शास्त्र
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.
Read more...
