10. Church

إيه هي الكنيسة؟ وليه هي مهمة جدًا؟ على الرغم من إن الكنيسة بتعتبر مكان لاجتماع الناس، إلا إن الله بيقول إن الكنيسة هي كل إنسان منتمي ليسوع. الله خلصنا مش علشان نبقى مستقلين، لكن علشان نعتمد عليه وعلى الآخرين اللي بيحبوه. أشواق الله إنه يخلينا خدام أنقياء لبعض، في مجتمع مميز بيحبه أكتر من أي حاجة تانية. وإحنا ككنيسته، بنتعلم بروحه وكلمته إزاي نحب وندعم بعض. وكل ما بنتجمع مع بعض باستمرار لدراسة الكتاب المقدس، والصلاة، وعبادة الله، بنساعد بعض على النمو والنجاح في أوقات الفرح، والحزن. ولما بنعيش مع بعض كعائلة الله، بنلاقي آخرين نقدر نشارك معاهم مشاكلنا، ويقدروا يشجعونا نعيش بالطريقة اللي ربنا عايزها مننا. ودا بيدينا الدعم اللي بنحتاجه علشان نشارك بثقة مع العالم صلاح يسوع وعدله ومغفرته ومحبته. وبالطريقة دي، تكون الكنيسة جزء أساسي ورائع من الحياة اللي خططها لنا الله.