هل في مرة سألت ليه كان مهم جدًا إن يسوع يرجع تاني للحياة بعد موته علشاننا؟ تعالى نتخيل للحظة إيه اللي يقدر راجل ميت إنه يقدمهولنا. هل يقدر يدينا حياة؟ لأ، لأنه في النهاية ميت. طيب، الصداقة؟ ممم، يمكن لأ. طيب، هل يقدر يدينا القوة إننا نغير حياتنا؟ كدة إنت شايف المشكلة. الأخبار المفرحة هي إن علشان يسوع قام من الموت ولسة عايش، فهو يقدر يغير كل حاجة. لكن إزاي قدر يرجع تاني للحياة؟ يسوع كان نقي تمامًا. ودا معناه إن الشر اللي بيقتلنا ما قدرش يخليه جوة القبر. هو الشخص الوحيد الصالح جدًا لدرجة إنه فعلاً هزم الموت! مش بس علشان يصلح انكسارنا، لكن كمان علشان يمحي شرنا ويدينا حياة معاه. حياة الحرية والفرح، منسكبة بالمحبة والخدمة ليه. لأن الحياة اللي بيديها ما بتنتهيش أبدًا.