إيه اللي بيميز دم يسوع لدرجة إنه هو وحده يقدر يدي حياة أبدية؟ الله قال لنا إن كل حياتنا هي في دمنا وحذرنا من إننا لو عصيناه هنموت. لكن إحنا عصيناه على أي حال. وحاولنا يائسين إننا نغير اللي كان جوانا، لكن ما قدرناش. فانتشر الشر، وسيطر علينا. والعنف أدى لعنف أكتر. والشر أدى لشر أكتر. لما الله شافنا، الظلم والعنف أغضبوه، وأحزنوه جدًا فوعد إنه في يوم من الأيام هييجي شخص مميز علشان يصلح كل حاجة. بعض الناس توقعت ملك قدير. وكتير تساءلوا إذا كان هيقتل كل الناس الأشرار. لكن بدل كدة، الله، بمحبته، بعت نفسه كطفل ضعيف مالوش قوة. وكبر وعاش معانا علشان يموت مكاننا ويتقتل بإيدينا. لأن بس دم إنسان نقي وبريء هو اللي فيه الحياة إلى الأبد، واللي يقدر يغسل شرنا ويمحيه. ولما نثق فيه بتسليمه حياتنا زي ما هو إدانا حياته، الحياة اللي في دمه بتحل محل حياتنا وتحررنا من شرنا إحنا. فنقدر نستمتع بالحياة معاه للأبد.