9. Prayer

പ്രപഞ്ചത്തെ സൃഷ്ടിച്ച ദൈവവുമായി നമുക്ക് എങ്ങനെ ഒരു ബന്ധം കെട്ടിപ്പടുക്കാൻ കഴിയും? പരസ്പരം സംസാരിക്കാനുള്ള നമ്മുടെ കഴിവിൻ്റെ അടിസ്ഥാനത്തിലാണ് ബന്ധങ്ങൾ രൂപപ്പെടുന്നത്. ദൈവവുമായി തുറന്നതും ഹൃദയംഗമവുമായ ഒരു സംഭാഷണം നടത്തുന്നതിനുള്ള നമ്മുടെ മാർഗമാണ് പ്രാർത്ഥന. യേശു പറയുന്നു, നാം അവനോട് സ്വതന്ത്രമായി സംസാരിക്കുകയും പൂർണ്ണഹൃദയത്തോടെ അവനെ അന്വേഷിക്കുകയും ചെയ്യുമ്പോൾ, അവൻ നമ്മിൽ വസിക്കാനും നമ്മുടെ ഹൃദയങ്ങളുമായി ആശയവിനിമയം നടത്താനും അയയ്ക്കുന്ന പരിശുദ്ധാത്മാവിലൂടെ അവൻ നമുക്ക് ഉത്തരം നൽകുമെന്ന്. നാം ദൈവത്തോട് പ്രാർത്ഥിക്കുമ്പോൾ, നമ്മുടെ ഹൃദയങ്ങൾ അവന് സന്തോഷം നൽകുമ്പോൾ നമുക്ക് അത് അറിയുവാൻ സാധിക്കും, അല്ലെങ്കിൽ, നാം അവന് ദുഃഖം വരുത്തുമ്പോൾ നമുക്ക് അത് അനുഭവിക്കാൻ സാധിക്കും. കാരണം, നമുക്കായുള്ള ദൈവത്തിന്റെ പ്രത്യാശ, അവനുമായി അടുത്തതും വ്യക്തിപരമായതുമായ ഒരു ബന്ധം ഉണ്ടായിരിക്കുക എന്നതാണ്, അതുവഴി അവൻ നമുക്ക് എല്ലാ ദിവസവും നൽകുന്ന നന്മയും സ്വാതന്ത്ര്യവും ആസ്വദിക്കാൻ കഴിയട്ടേ എന്നും. പ്രാർത്ഥനയില്ലെങ്കിൽ നമ്മൾ അവനിൽ നിന്ന് അകന്നുപോകും. എന്നാൽ നാം യേശുവിനോട് സംസാരിക്കാനും, അടുക്കാനും കൂടുതൽ സമയം ചെലവഴിക്കുമ്പോൾ, നാം അവനെ കൂടുതൽ കൂടുതൽ സ്നേഹിക്കാൻ തുടങ്ങും. നാം അവനെ കൂടുതൽ സ്നേഹിക്കുന്തോറും, അവൻ സ്നേഹിക്കുന്നതിനെ കൂടുതൽ സ്നേഹിക്കുകയും, അവനുമായുള്ള നമ്മുടെ ബന്ധത്തിന് ദോഷം വരുത്തുന്ന എല്ലാ കാര്യങ്ങളും ഒഴിവാക്കുകയും ചെയ്യും.