Invitation to Know Jesus Personally

Ka̱mikle jì bata shäk wa wa̱ kte yöle äyë ki̱, Säkeklä te Säbäkäkksa̱ patkemi jì yakei wakbläk wa tsa̱tkäkksa̱, sa̱ je̱r bäinakläni Säkeklä ra. Jesús te jì wá̱ wà ijuena iyina si̱ ije rä Sa̱tsa̱tkäkksa̱, je ne patkäk Säkeklä kablele ka̱jiska wa ia̱ rä. Jì bata shäk kie Isaías wa̱ iyöle: “Busi bitämiwa̱ yaba ki̱, je yaba su̱ami jäiyi.” Jera jekäi io̱na. María ji̱a busi ra ibitewa̱ yaba ki̱ rä Säkeklä täkili ne wà, je wà ite Jesús ku̱a rä. Jishtä kte yöle ki̱ka ipakale je ne su̱ta iko̱na rä, je rä jì ka o̱nak käi. Je ne wà Säkeklä te ikjasha ije ne rä Säbäkäkksa̱ rä, je kia ite: “Iyaba”. Ditsä te Jesús su̱a ra, jera ijewa te rä jishtä iá Säkeklä rä ne su̱a, ñakäi itäkili ne su̱a. Ije te sä bäiwa̱, sa̱ nui jawa̱. Jekäi ije kabla sa̱ ia̱ ka̱ yuläk igobiernoí ska jekjeye. Jesús je̱k ju̱aksa̱ ko̱ta̱nakwa̱, jekäi iweikana sä biköle nui bata ki̱ka. Jekjepa ishkinaka̱ni, je wà ite ikjasha itäkili rä bakleka̱ duëwa̱ ki̱ka. Jesús, ale Säbäkäkksa̱ te isha: “Yis ia̱ ka̱ tso̱ yis je̱k ju̱akläksa̱, je su̱ta yis je̱käkläka̱ni kseka”. Jì bata shäk wa wa̱ kte yöle je wao̱na Jesús te jì wá̱ wà, je te Säkeklä ktä kjasha je rä iyina si̱ jekjeye, jishtä jì bata shäk wa wa̱ je yile käi. Säkeklä Ktä je ne rä Jesús dä. Jesús ne ja̱mi Säkeklä je̱k kjashäke̱ sa̱ ka̱jiska wa ia̱ rä. Jesús deju̱ rä saje wa se̱naklä bäisi̱. Jishtä sä säkätä wa yöleksa̱ Säkeklä wa̱ jäiyi, alaklä, jewa bakle käi. Ata ka ijewa wa̱ Säkeklä biketsane, ka iwa̱ iktä ssëne. Je iñayakeitewa̱ wà ibala butsa̱naksa̱ Säkeklä yika. Kte yöle te ishe rä: “Sä biköle wa̱ jì yakei wakblele”, etkä rä: “Sa̱ to̱rke̱ jì yakei wakble ki̱ka rä duëwa̱ wà.” Sä rä jì wakbläk yakei ra, ka sä däkwa̱ etka yebä Säkeklä ra. Ata jishtä Säkeklä te Abraham ia̱ oveja kjasha kota̱nakwa̱ iyaba säkei ye, je su̱ta ite Jesús patkaté duäkwa̱ Abraham batala säkei ye. Je rä yi te Jesús biketse, iktä kuke, jewa däkläwa̱ Säkeklä ja̱mi. Je ne ki̱ka yi te Jesús biketse ra, jewa te weikane yökö na che̱ jolowe̱mi, jekäi jewa se̱rmi Säkeklä ra jekjeyemi. Jesús shki̱naka̱ni ra, jera ite isha ira shkäk wa ia̱ rä: “Bas te ka̱ biköle ska wa paktemi yis ktei wà, jekäi yi je̱rike manewa̱ke̱ksa̱ Säkeklä ia̱ ra jewa nui janakläwa̱.” Ñaebä Jesús te isha ite Wikblu Sikina patkemi däkwa̱ ijewa ja̱mi, ijewa je̱rku̱ak jì rä iyina si̱ wà, itäkiwa̱k chatkäkwa̱ Säkeklä ja̱mi. Ale alaklä ka̱se̱newa̱k yakei je̱rike manewa̱ksa̱ shkamini Jesús da ra, jera Jesús te isha iia̱ rä: “Bä nui janawa̱ bitaba, ba te yis biketsa wà ma tsa̱tke̱naksa̱." Jekäi Säkeklä je̱r bäi shäke̱ wà sä rä tsatkenakksa̱ sa te Jesús biketse wà. Jesús, ale Säbäkäkksa̱, je ki̱ sä sherke̱ däkwa̱ ija̱mi. Jekäi yi ssërke̱ je̱k manewa̱ksa̱ Jesús ia̱ idäkläwa̱ ije ja̱mi ra, jera je ka̱kiö jikäi: Sa Ká rikä, ba se̱r dä wämo. Wekte ba ra ba wa̱ yis shka̱l ki̱. Yis te ba ktä weikawa̱ irä, yis te jì wakbla ba ukä ja̱mi irä je te e̱e̱na yis je̱r iawe̱ke̱. Ta wekte, ba te Jesús patkaté duäkwa̱ cruz ja̱mi yis säkei ye, je shki̱naka̱ni ba oloi ja̱mi. Kshana si̱ ije weikana e̱e̱na yis wa̱ jì ka bäi kuna wakblele bata ki̱ka. Yis te Jesús kukewa̱ yis Tsa̱tkäksa̱ ye, yis Säkekewaí ye. Wekte ba ra, ba te yis nui jawa̱ bitaba, wekte, ba te 's ia̱ ka̱ ma̱ ka̱ bikökje le ra sa̱ se̱nakläña ba ra mai ba rä sa̱tsa̱ku̱i ye ska. Wekte ba ra, ba te Wikblu Sikina patka däkwa̱ yis ja̱mi yis wäsikewa̱k ye. Ba ku̱ yis täkiwo̱pa yis wa̱ ba shka̱li̱bläklä sí̱wa̱, yis wa̱ jì te ba wäbätsewe̱ rä je ebä wa̱klä. Jekäi ñaebä biköle wa döwa̱pa ba ebä biketsäk. Jekäi yis ka̱kia ma ia̱. Amén. Jesus te isha iktä ssäk wa i̱a: “Yis oveja wa te yis ktä ssëke̱, ñaebä yis wa̱ ijewa rä su̱nak, jewa mike̱ yis itäki̱.” Jekäi Jesús ja̱mi wa ñawäjiäke̱ tapanak. Ijewa ka̱kiäke̱ iia̱ itso̱ ye, iñayuäke̱ iktä wà, ichatkäke̱wa̱ se̱nak ije se̱le̱ ja̱mi. Ijewa te iktei pakeke̱ sa saka ia̱. Jekäi Jesús te ijewa wäsikewe̱ke̱ täkiwe̱ke̱ Wikblu Sikina se̱nak ijewa ja̱mi oloi ja̱mi. Ijewa je̱r ja̱rke̱ jì yile Jesús wa̱ iwa̱ dulanak wa ia̱ ka imiju̱ba ka̱jöir ska mo̱ ja̱rka ra jeska, je te isha rä: “Yis ia̱ ka̱wei rä me̱le jì biköle wa̱klä ka̱jöir ska, ka̱jiska. Yis kaldu bas da marä sa̱ ke̱i e̱rwa̱ kje.”