The Four Principles

-الناس جواها أفكار كتيرة عن الله. في مرات بيكون رجل عجوز غضبان دايمًا مكشر ومش عاجبه أي حاجة. عنده قوانين وأحنا مش ملتزمين بيهم قوي. أو رجل لطيف لما تطلب منه حاجة يديهالك، زي بابا نويل أو جِنِّي وبس، مش أزيد من كده. كتير بالنسبالهم ربنا خلق الكون الكبير ده وخلاه شغال زي الساعة، وسابه. لكن ربنا مش زي ما إحنا فاكرين،أو حاسين، أو متصورين. وهو مش بيتغير حسب تَغَيُّر كل زمن. هو ثابت المبدأ وخلق العالم كمان ثابت القوانين. وقوانين الفيزياءبتحكم العالم المادي، زي الجاذبية. كل جسم في الكون بيجذب الأجسام المحيطة بيه. كل جسم، في كل مكان. ده أمر بنحس بيه، وبنشوف آثاره، وممكن حتى نحسبه. وزي ما ربنا وضع القوانين الفيزيائية للعالم المادي، فيه قوانين روحية بتحكم العالم الروحي. أمور نقدر نحس بيها، ونشوف آثارها، ونعرفها. المبدأ الأول: الله بيحبك وعنده خطة رائعة لحياتك. من بداية الخليقة، ربنا كان عنده خطة. فهو خلقنا على صورته. وكان من المفروض إننا نعيش معاه في الجنة ونستمتع بحياة كلها سلام وشبع. هو اعتنى بأول بشر خالص وباحتياجاتهم. وهم كانوا مدَينه نفسهم بالكامل. حتى النهاردة، إحنا بندي نفسنا بالكامل لحاجات ولأشخاص لأن ربنا صممنا إن يكون لينا علاقة بيه. هي دي الخطة. نحس بالشبع في حياتنا في اتصالنا العميق بيه وفي كل إللى هيديهولنا. المبدأ التاني: الإنسان فاسد ومنفصل عن الله. علشان كده، ما يقدرش يعرف ولا يختبر محبة الله وخطته لحياته. كده، ربنا بيحبنا وعنده خطة ومحبة وتواصل عميق، وشبع، وسلام لكن أول بشر جم بوظوا الدنيا علينا كلنا، وإحنا لو مكانهم كنا عملنا زيهم بالظبط. هم اختاروا طريقهم بدل من طريقه، وبعدوا عن محبته وسلامه، وخلص الموضوع. هيكون للأبد جوانا النزعة والتوجه الطبيعي لإنكار الله إللى خلقنا، والتخلي عنه. هيفضل العصيان للأبد زي المرض يفسد الجوهر الروحي البشري وما نقدرش نعالج نفسنا طول ما هو موجود، ما نقدرش نقرب من ربنا. إحنا ملوثين، ومذلولين مذنبين وأموات للأبد. المبدأ الثالث: الرب يسوع المسيح العون الإلهي الوحيد على خطية الإنسان. من خلاله تقدر تعرف وتختبر محبة الله وخطته لحياتك. لكن ربنا عنده خطة، صح؟ بالظبط، وهو لسه المسيطر تمامًا. إحنا ما نقدرش نبوظ خططه. زي ما بيقول المبدأ الأول، هو بيحبنا والخطة إننا نكون معاه. ربنا عمل حاجة علشان نقدر نقرب منه. ربنا أرسل ابنه الوحيد يسوع للأرض. وعاش حياته بكمال وطهارة وكرامة. عاش دايمًا قريب من الله، فَصُحبة الله تدي قوة وحياة أبدية. وبكده كان عنده القوة إنه يموت، ويهزم الموت، ويقوم تاني، وبكده، بقينا كلنا نقدر نرجع لربنا. بفضل تضحيته، اتنقينا، واتجددنا، وبقينا أبرياء في عين الله. الإنسان بقي يقدر يرجع لله، واتصحح وضعنا كله من جديد. وكل الناس عاشوا في سعادة إلى الأبد. بصراحة، مش بالظبط. المبدأ الرابع: لازم كل واحد لوحده يقبل الرب يسوع المسيح مخلص ورب. ساعتها نقدر نعرف ونختبر محبة الله وخطته لحياتنا. الموضوع شكله غريب. يموت رجل من البشر في القرن الأول في أورشليم، ولسبب ما الأمر ده يكون ليه علاقة بيك دلوقتي؟ لكن كل ده جزء من الخطة. وهنا تبتدي الخطة تكون شخصية. يقدر ربنا يخليك تحبه بس هو مش عايز شوية "زومبي". بمعنى، هل ترضى إن شخص يكون مجبور إنه يحبك؟ إزاي ده يكون حب؟ ولا أحسن لما هم يختاروا إنهم يحبوك؟ من بداية الخليقة وهو أدانا حرية الاختيار. تقدر تختار تتبع الرب يسوع وتقبل تقديمته لنفسه علشان ترجع لله وتتعلم منه إزاي تكون مع الله تاني. أو تقدر ترفضه وتتبع طريقك أنت، وتفضل منفصل عن الله. لأنك مُصمم من أجل علاقة مع الله، إنك تتبع الرب يسوع وتكون مع الله بيقود للحياة والرضا والشبع. أما الانفصال عن الله بيقود للموت والإحباط والافتقار للشبع الحقيقي. المبادىء الفيزيائية الكونية ثابتة. فيه دايمًا جاذبية. والمبادىء الروحية ثابتة زيها بالظبط. فيه خطة، وأنتَ ليك الاختيار.