Burial of Jesus

तेती यूसुफ नाओं रा बड़ी सभा रा एक सदस्य था, जो पला और तर्मी माणूं था और तिना री योजना और तिना रे इना कामो ते खुश नि था। से यहूदिया रे नगर अरिमतियाह रा रणे वाल़ा था और परमेशरो रे राज्य री बाट न्याल़ने वाल़ा था। तिने पिलातुसो गे जाई की यीशुए री लोथ मांगी। और से उतारी की मलमलो री चादरी रे लपेटी और कब्रा रे राखी, जो चट्टानी रे खणी राखी थी और तिदे कदी कोई नि राखी राखेया था। से त्यारिया रा दिन था और रामो रा दिन शुरू ऊणे वाल़ा था। तिने जवाणसे जो गलीलो ते तिना साथे आयी री थिया, पीछे-पीछे जाई की से कब्र देखी और ये बी कि तिना री लोथ किंयाँ थी राखी री। तेबे तिने आपणे कअरे वापस आयी की खुशबूदार चीजा और इत्र यीशुए रे शरीरो पाँदे मल़ने खे त्यार कित्तेया और रामो रे दिने तिने आज्ञा रे मुताबिक राम कित्तेया।

पवित्र परमेशरो रा वचन बघल्याणी भाषा दे

This work is licensed under Creative Commons Attribution-ShareAlike 4.0 License.