Неліктен Иса өлуге мәжбүр болды?

Күнә. Бұл тосқауыл адамдар арасына жік салып, бізді жаратқан Құдайдан алшақтатады. Расында, адамдар өз әрекеттеріне жауапты болып, күнә жасай берсе, онда неге Құдай адамдар өз істеріне жауап беруі керек деудің орнына, оларды құтқармақ? Құдай сүйіспеншілік, Ол өмір беруші. Ол адамдарды Өзімен рухани қарым-қатынаста болуы үшін жаратты. Алайда адамзат Құдайдың әділ еркіне қарсы шығып, күнә жасауды таңдады, ал бұл Құдайдан - шынайы өмірдің қайнар көзінен алшақтатты. Күнә - адамдар арасында, адамды Құдайдан, әрі бір-бірінен ажыратып, ұрпақтан ұрпаққа жұқпалы ауру секілді беріліп отырды. Құдай ежелден бері Өзінің пайғамбарлары арқылы сөйлеп, Жаңа өсиеттер мен Оның заңдарымен жүруге өте көп мүмкіндік берген еді,бірақ адамдар оларды әрқашан бұзатын. Құдайдан алшақтататын күнәміз үшін құн, ол - өлім. Құдай аса әділ болғандықтан, Ол адамзаттың күнәсін жайдан-жай кешіріп, не елемей қоя салмайды. Құдай Киелі әрі аса Әділ. Оның ымыраға келмейтін табиғаты - Ол күнәні соттап, күнә жасаған адам жазаға тартылуы керек. Барлық өсиеттерді ұстанып, игі істерді жасай отыра әділ өмір сүріп, соттан құтыла алмаймыз ба сонда? Мәселе - адам Құдайдың бұйрықтарын орындай алмауында, себебі біз күнәсіз өмір сүре алмаймыз, әрі біз өз-өзімізді құтқара да алмаймыз. Біз тығырыққа тірелген сияқтымыз Бірақ Құдай өзінің жаратылысының құрып, жоқ болғанын қаламайды. Ол мейірімді әрі сүюші, біздің күнәміздің кешіріліп, Онымен толыққанды өмір сүргенімізді қалайды. Ғасырлар бойы Ыбырайымнан бастап басқа да пайғамбарлармен қоса, Құдай құтқару жоспарын, яғни адамзат күнәсының құнын өтейтін жалғыз Құтқарушыны жіберетінін адамдарға уақыт аралығында аша бастады. Бұл құтқарушы - Иса. Ол көктегі салтанатты орнын тастап, жерге түсіп, адамдық кейіпті қабылдап, біз ешқашан сүре алмайтын күнәсіз өмір сүрді. Иса Мәсіх біздің күнәмізді Өзіне алды, біз үшін өлім жазасына бір рет әрі мәңгі төтеп берді. Алайда өлім Оны ұстап тұра алмады. Иса өлім мен күнәні жеңіп, қайта тірілді, және бұл Құдаймен қайта қалпына келтірілген қарым-қатынасты иемденуге мүмкіндік береді. Құдай бізді сүйеді, адамдар өз күнәсінің құнын өтеуге қауқары болмағандықтан, Иса бізді күнә мен өлімнен құтқарып, біздің құтқарылуымыз бен Онымен мәңгі өмір сүруімізге жағдай жасады. Енді Құдаймен ара қатынасымыздың қайта қалпынакелгені мен бостандық алғанымызға қуана алуымыз үшін, біз үшін берілген Исаның құрбандығын қабылдай аламыз.