God's Rescue Plan

Tu hîs nake carinan wekî ku Dunya xerabû ye? Wekî ku tiştek ne rast e? Di destpêkê de, me guh neda Xwedê û me riya xwe ji Wî dûr xist. Dunya xerabû û em jî xerabûn. Incîl ji vê re dibêje guneh. Ew ne tenê kirinên me ne, lê helwesta dilê me ye jî. Encama xwezayî ya bêguhdariya me mirin e— dûrbûna ji kaniya jiyanê ye. Em wê dûrbûnê hîs dikin Gava em sûcdarî, şerm û qirêjiyê dikin, Lê tiştek ji destê me nayê, ji bo rakirina gunehên me an jî nûkirina jiyana me, Dema em ji Xwedayê pîroz dûr ketin. Eger çîroka me li wir biqediyaya, wê trajedî ba— lê Xwedê riyek vekir! Ji herî pêşî de plana Wî ya rizgarkirinê hebû! Xwedê plana xwe ji bav û kalên me re eşkere kir. Di Incîl de, Îbrahîm li ber Xwedê mirovekî rast û bi bawerî ye. Xwedê amadebûna Îbrahîm a ji bo qurbankirina kurê wî wekî nîşana guhdariya wî qebûl kir. Lê bi destwerdana Xwedê, Wî beranek da Îbrahîm da ku di şûna kurê xwe de qurban bike. Xwedê dadperwer e, lewma em heq dikin ku bimirin û ji Wî dûr bikevin. Lê Xwedê ji me hez dike jî, Ew dixwaze ku jiyana me ya herheyî bi Wî re hebe. Çawa ku Xwedê di şûna kurê Îbrahîm de beranekî mûcîzewî danî, Xwedê Îsa Mesîh da ku bibe qurbana dawî û temam ji bo me. Îsa gunehên me dinixumîne, me ji cezayê guneh—ku mirin e—rizgar dike, û me rastdar dike. Îsa, yê ku bi temamî Xwedê ye, bi bû mirov da ku bikeve cîhana me ya xerabûyî û jiyaneke temam derbas bike. Gava Ew mir, Wî şerm û cezayê me girt ser xwe. Ew li şûna mirina ku em heq dikin mir. Piştî sê rojan, Ew ji miriyan rabû û êdî qet namire. Mizgîniya Incîl ev e— Xwedê riyek vekir da ku em her û her bi Wî re di jiyana herheyî de bin. Gava tu baweriya xwe bi tiştê ku Xwedê bi destê Mesîh ji bo te kiriye bînî, Ew şerma te bi rûmetê, û gunehkariya te bi rastdariyê diguhere. Incîl dibêje: “Ji ber ku heqê guneh mirin e, lê diyariya Xwedê di Xudanê me Îsa Mesîh de jiyana herheyî ye.” Lê ev diyarî tenê gava tu qebûl bikî dibe ya te. Tu dikarî her dem bi duakirinê vê yekê bikî.