Restored

په شروع کښې، خُدائ زمکه او آسمان پيدا کړل۔ او خپل کامل حِکمت، طاقت، او لوئى شان ئي ښکاره کړو۔ خُدائ سړے او ښځه په خپل صورت کښې پيدا کړل، او هغوئ ته ئي دا عزت او مقصد ورکړو چې خپل خالق وپيژني او د هغۀ دپاره په زمکه حکومت اوکړي۔ د انسان او خُدائ ترمينځه يوه کامله رابطه وه۔ خو هغوئ د خپل خالق نافرماني وکړه، او دا ئې يقين وکړو چې هغوئ هم د خُدائ په شان جوړيدے شي، او خپله د جلال سرچينه جوړيدے شي۔ هغوئ ګناه وکړه۔ ګناه هغوئ داغدار کړل، او د انسان او خالق ترمينځه رابطه ماته شوه۔ ټول انسانان دا جداوالے د خُدائ نه په ميراث کښې اخلي۔ مونږ دا خاليتوب محسوسوو، او کوشش کوو چې دا ډک کړو۔ په بابل کښې، خلقو يو برج جوړ کړو چې د خُدائ په شان شي۔ د هغوئ په شان، مونږ هم دا کوشش کوو چې خپل عزت او مقصد خپله پيدا کړو۔ خو د انسان ټول کوششونه ناکامه کيږي او آخر تباهۍ ته رسي۔ ګناه انسانيت تباه کوى، او خاندانونو کښې جداوالے راولي او مونږ د خُدائ نه جدا کوي۔ خو خُدائ، چې په رحم کښې مالامال او په مينه ډک دے، د انسانانو د بچ کولو يو منصوبه لرله۔ هغۀ عيسىٰ، وعده کړے شوے مسيح، راوليږلو، چې انسانان بيا د خپل خالق سره يو ځائ کړي۔ د يو اُستاذ په شان ئي تعليم ورکړو، او د رد کړے شوو خلقو سره کښېناستو۔ هغۀ د خُدائ د دسترخوان د يو لوئ ميلمستيا ذکر وکړو، چرته چې هر يو کس د عزت ميلمه کيدے شي۔ بيماران او رد کړے شوي خلق هغۀ ته راغلل، او د دے په ځائ چې عيسىٰ ناپاک شي، هغوئ روغ او بحال کړے شول۔ خو خلقو يو ځل بيا بغاوت وکړو۔ عيسىٰ دا هر څه برداشت کړل۔ هغۀ هغه ټول شرم او سپکاوے برداشت کړو چې انسانانو ورباندې وکړو۔ رسولے شوه۔ د خپل مرګ نه لږ مخکښې، عيسىٰ په معجزانه توګه زمونږ ټولې ګناهونه او شرم په ځان واخستل… او د خُدائ غضب او د انسان د خُدائ نه جداوالے ئي برداشت کړو۔ ځکه چې که عيسىٰ خپل ځان قربان نه وے کړے، نو انسانان به هيڅکله هم د خپلو نيکو عملونو يا مذهبي رسمونو په ذريعه بحال شوي نه وے، او نه به ئې د خُدائ سره رابطه جوړه شوې وے۔ بيا خُدائ عيسىٰ د مړو نه راژوندے کړو! هغۀ په مکمل توګه د انسان ګناه او شرم مات کړو۔ هغۀ وښودله چې اصل جلال د خُدائ نه راځي، او د زمکې هيڅ څيز هغه خرابولے نشي۔ هغۀ آسمان ته واپس لاړو، او مونږ ته ئي بلنه راکړه چې د خپل خالق سره بيا بحال شوې رابطه کښې داخل شو، او خپل عزت او مقصد د اصل د عزت د سرچينې نه حاصل کړو۔ آيا تاسو به د هغۀ دا بلنه قبوله کړئ؟ که تاسو غواړئ چې د خُدائ سره خپله رابطه بيا بحال کړئ، نو تاسو په دُعا سره خپل ايمان څرګندولے شئ۔