JESUS

初みに神や天と地-ちゅくいみそーち、 うりから、くぬゆぅぬ あるうっさむるちゅくいみせーびたん 神ぬ、ちゅくいみそぅちゃるむのー、むるゆたさいびたん。 うれーむる神ぬゆたさとぅ、力あらわちょういびん 神や、木ー草から、いちむぬから、むるちゅくいみせーびたん 神や、んーちゃしいきがちゅくいみそーち、 鼻んかいいーちふちかきてぃ、命さじきみそーち くぬはじみぬ、いきがーアダムんでぃち、なじきみせーびたん 神やアダムぬとぅじとぅし、いなぐちゅくいみそーち、 いなぐやエバんでぃちゆばってぃ、エバとぅアダムや神がちゅくたる、楽園うてぃ、 たい、かながなーとう、神んとぅむどぅむにくらち、 うまんじぇーあわりするくとぅんまーするくとぅんねーらんたん 神や、アダムんかい、くぬ木ーぬないむんや、かでーならんでぃち、 いみせーびたしが、まじむんが、エバんかい、 かでぃん、まーするくとーねーらんでぃち、いちゃくとぅ うりとぅてぃかでぃ、アダムんかいんかまちゃん。 うぬとうちから、うまんちゅや、ちみあるむんとぅなてぃ、 神とぅまじゅん、くらするくとーねーらんなたん いぃちきぐとう、ちかん、アダムとぅエバや、楽園からいーほぅらってぃ うぬあとぅからーくゎぬちゃーまでぃん、むるあわりくちさし、 まーするくとぅんかいなたん。やしが、神や、うまんちゅかなさし、 いちか、ちみとぅがぬがーらち、まじゅん、くらするくとぅんかいないん。 神ぬやくすくや、ちみとぅが許ち、いちがいちまでぃん、 まじゅん暮らすんち、聖書んかい、かかっとーいびーん。 くぬ定み、アブラハムんかいん、現ちょーいびーん。 神や、アブラハムんかい、かふうさじきてぃ、また、アブラハムとぅーち、 しきんうまんちゅんかいん、かふうさじきみせーびたん。 また、浜ぬしな、てぃんぬ星ぬぐとぅ、くわぁ、うまがんちゃーしーひるがい、すんでぃ、 やくすくしみせーびたん。 アブラハムや、まくとぅなむんち、神んかいゆばってぃ、 又、ちゅぬちゃーからー神ぬどぅしんちゆばったん。 神やアブラハムが、どぅぬくゎ、神んかいうさぎゆーすがやーんでぃち、 たみししみそーちゃん アブラハムや神がくぬくゎとぅーち、くゎうまがんちゃー さじきーんでぃち、やくすくうびとーたくとぅ、神信じてぃ、いいちきまむたん やくとぅアブラハムや、どぅーぬくゎ　うさぎーんち　しこーたん。 アブラハムや刀あぎたん やしが神やいみせーびたん。まてぃあやみてーならん。 いやーが、わんうすりてぃいーちきまむゆるくとーゆーわかたん うぬあとぅ羊がすばひらぬ木－んかいからまっとーしんーち、 アブラハムやうりとぅってぃ、どぅーぬくゎぬかわい、神んかいさじきやびたん。 アブラハムんかい　ひちじきたるくとー 神がしきんうまんちゅ　かなさし、しめーぬうさぎむんとぅし イエスうくいーくとぅ　あらわちょーいびん。 うぬんかし、神や、アダムぬ、くゎうまがんちゃーぬみがわいぬたみ、 ぬーんちみねーらんうかたうくいみそーち、 うぬうかた、信じーるむのー いちがいちまでぃん、神とぅまじゅん、 うんでぃち、預言者がいちょーいびーん 預言者ぬちゃーや、うぬうかたぬくとぅ、 キリストんちいみそーち、うまんちゅ救てぃ、 いちまでぃん、うさみーる、救い主んちいちょーいびーん 預言者ぬちゃーが、んかしから、キリストがしみせーるくとぅとぅ、 キリストんかい、うくいりーるくとぅ、語とーいびーん 神が、キリストやわんくゎんちいみそーち、 くぬゆー救てぃ、王とぅし、神とぅまじゅん、 うんでぃち、預言者がいちょーいびーん 預言者イザヤや、いきがしらんいなぐが、みぐむてぃ、 いきがんぐゎなすんでぃ、いみせーたん。くぬくゎや、神ぬくとぅば、どぅーい、うまりてぃ、 神が、くぬゆーんかい、うりてぃきみせーる、しるしなとーいびーん。 キリストや、ベツレヘムんじ、うまりーんち　かかっとーいびーん。 また、王とぅし、エルサレムんかいめんそーち くぬうかたー　でぃしんかい　うふぃぐゎーぬじんさーに　うらりーん。 キリストや　どぅーぬ、ぬちささぎたしが　神が　3日みーに　いちげーらち 神ぬ　むとぅんかい　むどぅらち　むるむるぬ国　いちがいちまでぃん　うさみーるむぬとぅし、 力さじきーんでぃち、預言者や　いちょーいびーん。 ２千年めーにイエスんでぃいみせーるうかたぬうみせーびたん。 ちゅぬちゃーや、イエスがうくなたるむるむるぬくとんーち うぬうかたー預言者ぬかたたる、キリストるやいびーがやー、んちいちょーたん。 くぬ映画や　聖書んかいあるぐとぅ　イエスがかたてぃ、うくなたるくぅとぅ　みしとーいびーん。 くぬ映画やちゅがる、イエスぬ役そーいびーしが、イエスぬさるくとぅやたーがんないびらん。 くぬ映画やしきんうんちゅんかい　イエスぬくとぅしらち、 かみがやくすくそーるかふうさじきーるたみに　ちゅくらっとーいびーん。 テオピロさい、うまんじうきたるくとぅとぅ、 わんがしっちょーるくとぅ、むる書ちうんぬきやびら。 シーザーがローマぬ皇帝、ヘロデがユダヤぬうすがなしーやたるとぅち 神やナザレぬまちぬ、みやらびぬとぅくるんかい　神ぬちけーうくいみせーびたん。 マリヤうどぅるちぇーならん。いゃーや神からかふーさじきらってぃ、いきがんぐゎやどぅちなすん。 うぬっくゎー　イエスんでぃちなじきーるくとぅ。 わんねーなーだ わらびるやしが 聖霊がいゃーんかいうりてぃちゅーん。やくとぅ　うまりてぃちゅーるくゎー 　神ぬくゎんでぃちゆばってぃ うぬくゎぬみ国やふるぶるくとーねーらん。 マリヤがたじにたる　エリザベスや、 くゎなするとぅしぇー　あらんたしが　みうむになたん。 エリザベス あい、マリヤ いちくぬマリヤ いゃーや かふーなむんやんやー。 やーくゎとぅーち　わんにん　かふーやん。 いゃーぃえーさち　ちちゃくとぅ、 わん　くゎー うっさし　もーとーんどー わんねー神あがみやびーん。 わんたましーや　ゆるくでぃ、神、救い主ふみやびーん。 わんねー　うまんちゅから　かふーなぃいなぐでぃち　ゆばりーん。 ナザレぬちゃーんかいちぎーん。くれーローマぬ皇帝ぬはかれーやん。 ガリラヤとぅユダヤぬちゅぬちゃーや、んなどぅーぬ　うやふゎーふじぬ うまりたるとぅくるんかいけーてぃ　のーじかちとぅみーるくとぅ。 ヨセフや　いーなじきぬマリヤとぅまじゅん　のーじかきとぅみーるたみ　 ユダヤぬベツレヘムかい　んかたん。 やしがたいや、泊いるとぅくるん　ねーらん、牛馬ぬやーんかいとぅまたん。 羊ちかなとーる　ちゅぬちゃーが、夜－る　ふかんじ羊ばーんそーたくとぅ， あかがいぬなーか、神ぬちけーぬ　あらわりてぃ　うったーてぃらちゃん。 ちゅー　ベツレヘムんじ、いったー救い主ぬうまりたん。 うぬうかたが　主キリストやいびーん。 羊ちかなとーる　ちゅぬちゃーや、うーきぬなーかぬ　うみんぐゎあがみてぃ、 救い主ぬうまりたる　ゆかるうとぅじり　はじみてぃちぎたん。 七日ぬあとぅ　ヨセフとぅマリヤやイエスそーてぃ エルサレムんかいぬぶてぃ、神ぬ宮んかいんじゃん。 うまうてぃ、救い主んーじゅるえーだー　まーするくとー-ねーらんでぃち 聖霊から約束うきたる　シメオンとぅあーたん。 神様　なーくぬ目ーし　救い主んーじゃびたん。やくとぅ　約束どぅーい くくる　やしやしーとぅ　まーするくとぅ　ないびーん。 くぬくゎー　神んかいいらばったる　くゎやん。 いったーんかい　神ぬ　かふーあるくとぅ。 ヨセフとぅマリヤや　定みだっとーる　ちとぅみ終わらちあとぅ ナザレぬ　家ーんかいけーいびたん。 イエスが１２ぬとぅち　ヨセフとぅマリヤや　過ぎ越しぬ祭ーぬたみ　 エルサレムんかい　イエスそーてぃんじゃん。 家ーんかいむどぅいる道なか、まじゅんうんりちうむたるイエスやうらんなとーたん。 ヨセフとぅマリヤや、町んかいむどぅてぃ、3日みーに ユダヤぬしんしーたーとぅ　まじゅんうるイエス　かめーんじゃちゃん。 うんぐとーるくとぅ　知っちょーるわらばーや　まーぬたーやが。 ナザレんちゅやいびーん まじゅんりちうむたしが ぐぶりーさびたん ちちょーるちゅぬちゃーや　んな　うどぅるちゃん。 ぬーんち　うんぐとーるくとぅさが？　わったーや　しわし　あまくま　かめーとーたんどぅ。 ぬーんでぃち　わんが親がなしーとぅ　うんでぃち　わかいびらんたんなー？ イエスや親とぅけーやびたん。どぅふどぅん、じんぶぬんまさてぃ、 神とぅ　んなからんかなさ　さったん。 くぬ映画や　イエスキリストぬ　まくとぅぬ　むぬがたいやいびーん。 くぬくとー聖書ぬ　ルカぬ福音書ぬ　なーかんかい　かかっとーいびーん。 イエスキリスト ティベリア皇帝ぬ、うさみてぃ１５にんぬち， ポンテオピラトがユダヤぬくゎんにんやたるとぅち ヘロデやガリラヤぬうすがなしー、 アンナスとぅカヤパや大祭司やたん 神ぬくとぅばちちゃる、ヨハネや　ヨルダン川ぬ　すばひらあっち、 ちみとぅが悔い改みーる、洗礼さじきたん。 ちみとぅが悔い改みてぃ 洗礼うきりよー 神や　ゆるちきみせーいびーんどー 聖書ぬ　イザヤ書んかいや　うんぐとぅーし、かかっとーん。 荒地ーうてぃ、まぎあびーするちゅぬ、うん とー神ぬ　たみ道あきりよう キリストぬとぅーいる道　まっとーばなち 谷すくん、むるうみてぃ、 森ん山んむるまっとーばなち 曲がとーる道ん、とぅがいひがいそーるとぅくるん、とーみーん あんしから　しきんうまんちゅぬちゃーや 神ぬ救いうきーん ちゃーされー ちゃーさびーがやー いったーむぬしらんちゅぬちゃーよー ぬーされーしまびーがやー ならーちきみそーり。うにげーさびら ちん、にんめーむっちょーるむのー ちきよー てぃーちん　むっちょーねーらんむぬんかい てぃーちぇー いーらせーわ かみむん（はんめー）むちょーるちゅん わきれー しんしー わったーや　上納あちみやー　やしが ぬーされーしまびーがやー ちゅぬちゃーからだましとぅってーならん わったーや ちゃーされーしまびーがやー たーからん　うどぅち　とぅってーならん ぬーん　ちみねーらんちゅ、さぐいたてぃてーならん どぅーぬもーきーるうっぴしゆるくべー むしか うんじょー 救い主どぅやいびーんな？ わんねー　みじさーなかい洗礼さじきとーん あんしが　わんやかまさとーる　うかたが、あとぅからめんせーびーん わんねーうぬうかたぬ、はちむんぬ　ひむふとぅちゅる、にうちんねーらん。 うぬうかたー聖霊とぅ火さーに　洗礼さじきやびーん。 いーむんとぅ　やなむんいらびわきてぃ、いーむのー、どぅぬ、くらんかいうさみーん うぬとぅち　神ぬ霊が　ほーとぅぬく"とぅし　イエスぬ上－んかいうりたん。 ”いゃーやかなさある、わんちゅいんぐゎ。 わんねーいゃーくとぅ、いっぺーかなさん、”でぃる神ぬうくとぅばぬあたん。 イエスや３０ぬとぅし、う神ぬしくちはじみたん。 イエスや聖霊んかいみたさってぃ　ヨルダン川からけーみそーち　あらじーうてぃ、 40日まじむんぬ　たみしうきてぃ うぬえーだ　ぬーんうさがみそーらんたん まじむんがイエスんかいいちゃん 神ぬくゎやれーうぬ石、かみむぬんかいけーてぃんでー 聖書んかい、かかっとーん。 ちゅやかみむんびけーせーいちからん、神ぬくとぅばどぅたゆいる まじむんや高さるとぅくるんかいイエスそーてぃんじ、王国みしたん。 くぬ世ぬむのーむるわーむんやん。 わんねーたーんかいやてぃんうりとぅらする権利ぬあん。 わんうがめー、あんしーねーうれーむるいゃーむんないさ。 聖書んかいや、神びけーうがでぃ、 ちちるぐとぅんちかかっとーん うぬ後まじむんや、エルサレムぬ神殿ぬ上んかいイエスそーてぃんじ いゃーが、神ぬくゎやれーうまから飛びうりてぃんでー。 聖書んかいや神ぬちけーがいゃーまむてぃ、 いゃーが地ーんかいうたりーるくとぅーねーらんでぃち、かかっとーん 聖書んかいや 神たみしせーならんちかかっとーん うりから　イエスや　うまりじま　ナザレんかいけーやびたん はい はいたい ユダヤぬ安息日ねー　イエスや　宮んかい　いちゃびたん うまをぅてぃ　イエスや　預言者イザヤぬしむち　ゆむるぐとぅ　いらったん 主ぬ霊や　わんとぅ　まじゅんうん ゆかる　うとぅじりしらすたみ　わんねーいらばっとーん うさーっとーるちゅ　とぅきはなち　みーぬみーらんちゅぬ　みーひらち しーたぎらっとーしん　自由にすん いったーかい知らすん　神ぬ救いぬとぅちぇー　ちょーん あんし　ちびらーさる　話やる いったーがちちゃる　神ぬうくとぅばや ちゅう　かなたん うくとぅばが　かなたんりな？ 救い主ぬる　はたしゆーするむんぬ ちゃーしわかいが？ 医者やれー　どぅくるし　のーせーんでぃち いったーや　いーぶさらやー あんしから　また カペナウムんじ　うくたるくとぅ うまんじん　しんでぃ　いちょーるばーい　？ いーしが 預言者や　どぅぬ島んじぇー　ゆーんけーららん うぬ　くとぅばとぅーち　イエスや　どぅーが　神からうくらったる 救い主やんでぃち　いみそーちゃしが　ユダヤぬちゅぬちゃーや　うきいりらんたん うりびけーのーあらん イエス　ふちばんたから　ちちうとぅすんちそーたん あんしが　イエスや　ちゅぬちゃーぬ　まんなかとぅーてぃ ガリラヤぬ町　カペナムんかい　んかたん ローマぬ支配や　ユダヤぬ　まぁまでぃんうゆでぃ ユダヤんちゅや　くぬくとぅから　自由になしみせーる　救い主むとぅみたん ペテロ はいさい　イエス様 シモン　ふにちかてぃん　しむんなー？ しまびんどー あぬうかたー　んじてーいかんえーさに？ 話しちかちきみそーり うにげーさびーん イエス様　話しちかちきみそーり パリサイんちゅとぅ　じょぅのうあちみやーぬ　たいが いぬいるたみ　宮んかい　んかたん パリサイちゅや　くぬぐとぅいぬたん、わんねー あまんかいうる　じょぅのうあちみやーぬぐとぅ　ゆーくーやあいびらん。 わんねーゆくしんさん　いなぐあしびんさんくとぅ　かふーやいびーん。 かみむんやみてぃ　いぬいん。 もーきぬ　十分ぬいちん　ささぎやびーん。 やしが　じょうのうあちみやーや　てぃぬんかい　ちらんあぎゆーさん なさき　かきみそーりんでぃち んにたたち　神んかいいぬたん やくとぅ　神んかい　うきいりらったるむのー　パリサイんちゅやあらん　 じょぅのうあちみやーどぅやたる。 いばとーるむのー　低くさってぃ どぅ　低くするむのー 高みらりーん なーひん　深さるとぅくるまでぃくーじ うりから　網うるち　いゆとぅれーわ あいえー　しんしー わったーや　ゆながた働ちゃしが ぬーん　とぅいゆーさんたん うんじゅが　いみせーらー わんねー　網うるさびーん ヤコブ ヨハネ あっはっはっはー いったーふにん　うまんかいゆしてぃ　助きれー　へーくなー ならん　わったーん　ちゃっさんあるむん　助きららん 笑 主いよ　離りてぃきみそーり わんや　ちみぶかさるむん　やいびーん しわー　さんてぃんすむん いやーや　ちゅすらーするちゅんかいないん わんくとぅばゆーちきよー　あんしーねーいちちゅん。 主むとぅみてぃ　やなぐとぅするちよー　うぬ道してぃてぃ わっさるむぬかんげむっちょーるちゅんやなうむいしてぃてぃ　神んかい　たちけーれー。 う神や　情きむっち許ちきみせーん。 まくとぅに　いったーや　ゆるくでぃ　んじてぃんじ、平安ぬーかみちびかりーん あり、ちゃーびーんどー　んーちんでー イエス様、　イエス様 わん　ちゅいなぐんぐゎ　たしきてぃきみそーり さり　なま１２どぅないびーしが　まーしがたーやいびーん。まじゅんちきみそーり ヤイロ、ちぬどぅくやしが イエス様 いなぐんぐゎー　けーまーちゃん しんしーぬ　じゃまーさんけー しわー　すなよー ただ　信じれー　いなぐんぐゎー　のーいん なかんてぃん　しむん まーちぇーうらん、にんてぃるうる わらびよー うきれー ぬーがら　かみむんきてぃとぅらせー ゆーちきよー くぬくとー　たーんかいん　いちぇーならん うぬあとぅ　イエスや　じょぅのーあちみとーる　マタイんかい　みーかきみそーちゃん うーてぃくーわ うりから　イエスや　いぬいるたみ　山んかいぬぶてぃ　ゆーぬあきるまでぃ　いぬとーいびたん。 ゆーぬあきてぃから、イエスや　でぃしんちゃーぬなーかから　12人　いらびみそーちゃん シモン　ペテロ ちょーでーぬ　アンデレ ヤコブとぅ ヨハネ ピリポ バルトロマイ マタイ トマス アルパヨぬくゎ　ヤコブ ねっしんとーぬ　シモン ヤコブぬ　ちょーでーぬ　ユダ イエス　うらぎたる　イスカリオテぬ　ユダ ひんすーむのー　かふー 神ぬくねー　いったーむんどぅやる なまやーさそーるむのー　満たさってぃ なまなちょーるむのー　笑てぃくらすん わんたみに　ふりむんやなむんあちけーさってぃ　くちさそーるむのー　かふーなむん いやー報いや　てぃぬんかいどぅあくとぅ　うぬゆーなとぅちん　ゆるくでぃもーれー 預言者ぬちゃーん　いーぬぐとぅ　し　ちゃん １７，１８，１９，２０．うっぴぐゎー んーうっぴぐゎ じんむちやせーあわりなむん じんぬたみにる　いちちょーる 笑い声 あれーえーきせーやーんでぃんうまーん　ふりむんどぅ　やしが なま　わらとーせー　あわりなむん あとぅからーくちさし　なちゅん ふみらっとーるむのー　あわりなむん 偽預言者ぬちゃーん　いぬぐとぅ　ふみらっとーたん ゆーちきよー いやー　かたちん　かなさし みっくわさするちゅん　かなさしよー いちじゃま　するちゅぬ　たみにん やなあちけーするちゅぬ　たみにん　いぬれー むし、たーがらが　いや　ちらすぐいらー 反対ぬ　ちらんすぐらせー むし、たーがらが　いやー　はうい　とぅいるむんやれー　ちぬん　むたせー たーやてぃん　ふさするむんかいや　きれー むし、たーがらが　いやーむんとぅてぃん とぃけーちぇーならん どぅーぬ　にがとーるくとぅ ふかぬちゅんかいん　し　とぅらせー どぅかなさする　ちゅびけー　かなさしん ぬーぬ　とぅくぬあが ちみうかするちゅん　いぬぐとぅそーん いーくとぅするちゅんかい　いーくとぅしん ぬーぬ　すぐりとーが ちみうかするちゅん　うっぺーないん あんねーる　いなぐさーてぃ ちゃーし　話しないがやー あんし　はごーさる あねーあらん かたちん　かなさし うったーんかい　いーくとぅし とぅいめー　かんげーらんくとぅ　からせー あんしーねー　だてーん　ふーびうきーん まささある　う神ぬくゎんかいないん 神や　なさきしらん　くんじょうむぬんかいん　いーくとぅすん あんすくとぅ　なさきかきれー てぃんぬう神ん　あんどぅやみせーる イエス　救てぃきみそーり さばちぇーならん　さばからんたみに ちみにさだみてーならん あんしねー　ちみんかいさだみららん ゆるせー あんしーねー　ゆるさりーん 主よ　まじゅん　あっかちきみそーり いーらせー　あんしーねー　いーゆさ いやーが　するくとぅる　いやーんさりーん みーぬ　みーらんちゅや　みーらんちゅ　うんちけーならん うんちけーしーねー　まじゅん　あなんかいうてぃーん ぬーんでぃち　慶良間ーみーしが　まちげーみーらんが？ わったーならーち　きみそーり 主よ　うんじゅ　たゆとーいびん うんじゅ　なしみそーちゃるうやー　かふーやいびーん 笑 かふーなむんや　神ぬくとぅば　ちち したげーる　ちゅ　やん うぬちょー　たーやがやー うぬ　うかたがどぅ 救い主やみせーがやー イエスや　パリサイんちゅんかい　うんちけーさってぃ　んなとぅまじゅん 　むぬうさがいみせーびたん わらびんちゃー　なーにんじゅる とぅちなとーんどー へーくなー なー　てぃーかかいん　わらびんちゃーなてぃ ぬーんちいなぐが　うまんかい わんにん　わからん ぬーそーがやー 預言者やれー　さーとーるいなぐが　ちゃんぐとーるむんち　わかとーるはじやしが だてーん　ちみうかちょーる　いなぐやんち シモン　いなぐぬくとーわかとーん ゆーちきよー いきがたいが　じんかとーたん ちゅいや５百万、なーちゅいや５０万、 たいやけーしゆーさんたん、やしが けーさんてぃん　しむるくとぅなたん うふくゆるくどーせー　たーやが？ うれー　うふくかとーるちゅんでぃ　うむやびーん あたとーさ くぬいなぐ　んーんちんでぃ いやーや　わんひさ洗いるみじん　んじゃさんたしが くぬいなぐや　なだし　わんひさ洗てぃ、からじしふちょーん いやーや　口ずけぬ　えーさちん　さんたしが、 くぬいなぐや　ひさんかい　口ずけやみらんたん かばさるあんだ　ぬてぃんとぅらさんたしが くぬいなぐや　わんひさんかい　ぬてぃとぅらちょーん ゆーちきよー いなぐぬさるくとー　ちみとぅが許さったる　ゆるくびあらわちょーん いひぐゎーぬ　ゆるしや いひぐゎーぬ　ゆるくび いやー　ちめー許さったん いやー　信仰ぬゆいに許さっとーん　いけー イエスや　神ぬ　ゆかるうとぅじり　ならーさがちー　旅　しみそーちゃん。 12人ぬ　でぃしぬちゃーとぅ　いなぐんちゃーん　まじゅんやいびーたん。 やなむん　んじゃさったる　マグダラぬマリヤ ヘロデぬ役人、クーザぬとぅじヨハンナ うりから　スザンナ ちょうでーぬとぅじとぅてぃ　ゆみとぅさる　ヘロデうすがなしーとぅがみたる 洗礼者ヨハネや　ろーやんかい　くみらとーたん うりから？ ナインぬ町かい　近じちゃるとぅち そーしきんかい　はっちゃかたん イエスやうまうてぃ ちゅいいきぐゎんぐゎ失なたる　親んーち　ちむぐるさうむてぃ　なさきかきたん わかむん　みーさまち　うきれー！ わかむのー　イエスぬくとぅばどぅい　いちげーたん。 あんやれー うんじゅがる 救い主やみせーびーがやーんち イエスんかい　たじにてぃ　くーわ さり しんしー うんじゅがる　救い主やみせーびーがやー あとぅからどぅ　めんせーがやーんりち ヨハネが　たじにとーたん みーんひらち　ぐーにーん　のーたるくとぅ ヨハネんかい いちくーよー わん信じるむのー　かふーなむんやん わんねー　みーやびらんしが だー　かたんかいぬしら、なまーみえーさに イエス様が　みーゆん あるちゅが　さにまちゃしが 道端んかい　うてぃたるさねー　ちゅんかい　くなーさってぃ とぅいんかい　うちくぁーったん 石じーんかい　うてぃたるさねー みーや　んじたしが　じーぬ　くふぁさぬ　ふどぃいーゆさんたん もーぬみーんかい　うてぃたるさねー 草んかい　まきてぃ ふどぅいーらんたん くぇーとーるじーんかい　うてぃたるさねー だてーん　ふどぅいーてぃ うふーくぬ　実ーならちゃん しんしー ぬーんでぃち　たとぅい話　しみせーびーが いったーや　み国ぬくとぅ　わかいるぐとぅ　さっとーん ふかぬちゅぬちゃーや　ちちん　んーちん　わからんくとぅ たとぅい話　そーん たとぅい話せー　くぬとぅーい　やん さねー　う神ぬ　みくとぅばやん 道端ぬ　さにぬくとー　みくとぅば　ちちゅしが 神ぬ救い　信じらさんたみ　悪魔が　みくとぅば　ぬすでぃいちゅん 石じーぬさねー　みくとぅば　ちち　ゆるくでぃ　うきいりーしが にーじかん いっとぅちや　信じてぃん くちさるくとぅぬ　ちーねー 神から　はなりてぃ　いちゅん もーぬみーぬ　さねー　みくとぅば　ちちゅしが しわぐとぅ、くぬゆぬ　ゆちく　たのしみんかい　くくる　とぅらってぃ 実ーうまするくとーならん くえーとーる　じーぬさねー みくとぅばちちゃーに　まむてぃ　実ーぬ　ないるまでぃ しぬでぃ　いちゅるくとぅやん たーん　とぅぶい　ちきてぃ うり　くゎっくゎちゃい 台ぬ　しちゃんかいや　うちきらん ちゅが　みーゆるくとぅ　台ぬいーんかい　うちきーん くゎっくゎさっとーるむのー　あかがいんかい　んじゃさってぃ てぃらさりーん やくとぅ　ゆーちきよー むっちょーる　むのー　なーひんきらってぃ うひぐゎー　むっちょーるむのー　うひぐゎーまでぃん　むる　とぅいあぎらりーん しんしー いなぐうやとぅ　ちょーでーが　ふかんじ まっちょーいびーん わん　親ちょーでーんでぃせー　神ぬ　くとぅばちち したげーいん。 イエスが　でぃしぬちゃーとぅ　まじゅん　船んかいぬてぃ でぃーあがたぬ岸んかい　わたらな　”　でぃち　いみせびーたん 船くーじんじゃちゃるなかば　イエスや　深々とぅ　にんじみそーちゃん 主よー うきみそーれー イエス様ー うぬままやれー　わったーや　けーまーすしが うふ波かい　ぬまってぃ　んぶきーしが　たしきてぃきみそーり なめーうさまてぃちょーん 信仰や　ちゃーなたが？ うりから　しんかぬちゃーや　ガリラヤぬ　たんかーぬ　ゲラサんちゅぬ島んかい　わたたん （レギオンの走る音） イエスー 天ぬ神んぐゎー ぬーすんち　やみせーが うにげーさびら たしきてぃきみそーり 名ーや　ぬーんでぃが レギオンやいびーん 闇ぬ　世ーんかい わったー うとぅちぇー　きみそーらんけー あまんかい　うる うわーぬ　なーかんかい わったー いってぃきみそーり えーし むどぅらにー まてー まてー まじむんたーや　うわーぬなかんかい　いっちゃん むどぅらにー うまから　んじてぃいけー 魔術ちかやー あまんかい　いけー うまから　んじてぃいけー なまん　うるばーい へーくな　んじてぃいけー わんにん　うんじゅぬうとぅむ しみてぃ きみそーり やーんかい　けーてぃ 神ぬ　さるくとぅ　語りよー しんしー うったーや　けーしみそーれー あんしーねー　うったーや　うまりかーぬ村んかい　いかりやびーん かみむぬん　とぅまいるとぅくるん　あいびーえさに　うまんかいや　ぬーんねーびらんしが いったーし　ぬーがらしこーれー いちちぬパンとぅ　たーちぬ　魚びけどぅ　あいびーしが 地－から　かみむん　うたびみせーる　宇宙万物ぬ王 　わったーうかみがなしー　あがみやびら あいえー　う神ぬわざ 信じららん わんくとぅ　たーんでぃいちょーが？ バプテスマぬヨハネんでぃ　いちょーいびーん ふかぬちゅぬちゃーや　エリヤんでぃ　いちょーいびーん あるちゅぬちゃーや　んかしぬ預言者ぬいちげーいやんでぃ いちょーいびーん あんせー　いゃーや わんくとぅ　たーんでぃうむいが うんじょー　神、キリストやいびーん うれーたーんかいんいちぇーならん わんねー　くちさし、みーしてぃらってぃ くるさりーん　やしが 3日ぬあとぅ　いちげーん わんとぅ　まじゅんちゅーせー　うーみ？ わんねー　うんじゅ　うーてぃいちゃびーん あんしが　やーにんじゅんかい　えーさち　しちゃーびーん むぬぐとぅ　はじみてぃから　あとぅむどぅいするむのー　神ぬ国んじぇーちかーらん わんとぅ　まじゅん　ちゅーるむのー　どぅーぬくとぅ　うむてーならん めーなち　どぅーぬ十字架かたみてぃ　うーてぃくーわ どぅーぬぬち　救いんでぃしねー、うり失なてぃ わんたみ　ぬちしてぃーせー、ぬち さじかいん たとぅい　じんかに　もーきてぃん　どぅーぬぬち　失いねー　ぬーぬもーきやが たーやてぃん　わんくとぅ　はじんちうむいるむのー わんが　かがやちぬなーか　あらわりーるとぅち わんにん　うぬちゅ　はじんちうむいん ゆーちきよー うまんかい　神ぬ国んーじゅるまでー　死なんちゅぬ　うん イエスや　いぬいるたみ　ヨハネとぅ　ヤコブとぅ　ペテロそーてぃ　山ぬ　いーんかい　ぬぶやびたん イエスが　いぬとーるとぅち　ちらしがたうちかわてぃ、 ちちょーるちぬん　みーひちゃらさるあたい　まっしらーなたん 神ぬ　かがやちぬなーか　あらわりたる　エリヤとぅ　モーセや　イエスとう　話しそーいびたん いゃーや　神ぬうむい　はたすん エルサレムんじ　まーすんち　さだまっとーん たいが離りてぃんじから　ペテロがいちゃん しんしー、まじゅんうるくとー　いっぺーかふーなくとぅやいびーん ペテロが　はなちょーるとぅち、曇んかい　とぅいかくまってぃ　でぃしぬちゃーや　うどぅるちゃん。 曇ぬなーかから　”わんがいらだる　ちゅいんぐゎ、いったーや　 うぬかたぬいいし　ゆーちきよー”　でぃる　うくとぅばぬあたん。 しんしーさい しんしーさい どーりん　わんいきぐゎんぐゎ　んーちきみそーり たしきてぃきみそーり わんちゅいいきぐゎんぐゎ　やいびーん でぃしぬちゃーんかい　やなむん　いーんじゃしんでぃち たぬだしが　ないびらんたん ぬーんち　あんし信仰ねーらん　ちゅぬちゃーやがやー いちまでぃ　にじてぃうらりーがやー くまんかい　そーてぃくーわ あきさみよー　ちらまでぃん　うちかわてぃ あんし　ちびらーさる わったーや ちゃんぐとぅし　いぬれー　しまびーがやー くぬとぅーい　いぬれー てぃんぬ　うやがなしー うなー　あがみやびら 御国　ひちゆしてぃ てぃんぬぐとぅ　地にん　あらちうたびみそーり めーなちぬ　はんめー　うたびみそーり やなぐとぅする　ちゅぬちゃー 許さびーぐとぅ　わったーちみん　許ちきみそーり わったーが　道　まゆらんぐとぅ なむんから　救いみそーり むとぅみれー　あんしーねー　さじきらりーん かめーれー　あんしーねーかめーらりーん はしるたたけー　あんしーねー　ひらちゅん たーやてぃん　むとぅみーねー　さじきらってぃ かめーいるむのー　かめーてぃ たーやてぃん　たたちゅるむのー　ひらかりーん 親やれー　くゎが　魚ふさんでぃ　いーねー はぶとぅらする親ーうらん くーがんでぃいーねー　やまんかじ　とぅらすみ？ ちゃんぐとぅ　やなうや　やてぃん　くゎんかいや　いいむんとぅらすん あんやれー　てぃんぬ　うやがなしーが　むとぅみーる　むぬんかい　 聖霊さじきらん　くとぅぬあんなー？ うりから ぬーかむがやー、ぬーちーがやーんでぃち しわーせーならん ぬちぇー　かみむんに　まさてぃ、　ちのー　どぅーんかい　うゆばん がらさー　んーちんでー まちんさん、刈い取いんさん、うさみーる　くらんねーらんしが 神がちかなてぃ　きみせーん いったーや　がらさーやか　まさとーえーさに たとぅい　しわさくとぅんでぃち 命　ぬばするくとぅ　ないんなー？ うりんならんむん　ぬーでぃち あちゃぬ　しわすが 花　んーちんでー　ちゃーしさちょーが？ はたういん　さんしが ソロモン王ぬ　上等ぬすがいん　花々んかいや　うゆばん むし　神が あちゃねー　枯りてぃいちゅる　草花ん　うぬぐとぅ　すがらすんでぃあれー いったーんかい　ちんくしらんち　あんな？ いったー　信仰やよーさん 信仰　ちゅうみてぃ　きみそーり 信仰が　しまなーぬ　さにぬぐとぅ　やてぃん くぬ　くゎーぎぬ木ーんかい 海んじ　根ーじけー　んでぃいーねー　うぬとぅーいないん 罪からぬ　たぬかしや　かんなじ　ちゅーん うり　むたらするむの　災いむん わらびまどぅわち　罪うかしみーしやかー 石臼かきらってぃ　海んかい　なぎひてぃらりーせー　ましるやる 神ぬくねー　ちゃんぐとーる とぅくるんでぃ　うむいが？ あるちゅが　しまなーぬさに　畑んかい　まち うぬ苗が　まぎ木－ぬぐとぅなてぃ 鳥が　巣－ちゅくいるまでぃなたん うぬちゅが　いちょーせー　ゆー分からん ぬーんち　うんじょー　罪深さる　ちゅぬちゃーとぅ　ぬだいかだい　すが？ がんじゅーむのー　医者ーかからんしが　やんめーむのー　あねーあらん わんねー　立派な　ちゅぬちゃーぬ　ためー　ちぇーうらん とぅがある　ちゅぬたみに　ちゃん なーひん　ちかしみそーり ふかにん　あいびーんなー？ いふぃぐゎーぬ　しんかやてぃん　うすりてーならん。 神や　ゆるくでぃ　いったーんかい　御国さじきーん。　 えーきんちゅや　貧すうむぬんかい　わきてぃ　てぃぬんかい　宝　ちめー。 うまんじぇー　ひないるくとーねーらん うまんかいや　ぬすどぅんうらん 虫んちかんさ いやー思いぬ　あるとぅくるんかい　いやー　宝んあん いなぐよ いやー　やんめーや　のーとーん くまんかいち、んーちんでー　くぬちゅぬやんめーや　のーとーん！神ぬわざやさ かっ　かっ　神様、主よー にふぇーでーびる １８年ぬえーだぬ　やんめーが なー　のーとーいびーん ぬーんち、働ちしむる6日ぬえーだに のーさりーが　くーんたが？ 安息日ねー　働ちぇーならん いったーや　ちらたーちゃーやん 安息日んでぃち　どぅーぬ牛馬んかい　水ぬまさんでぃちないみ 18年ぬえーだ　悪魔んかい　じゃーまさっとーる　アブラハムぬくゎうまが、 安息日やくとぅんち　のーすせー　わっさみ？ まささるしんしー、ちゃーされー　いちがいちまでぃぬ　命　うきらりーびーがやー ぬーんち　まささんでぃいーが 神びけーぬる　まさとーる いーちきぐとー　わかいみ？ いなぐあしび　せーならん ちゅ　くるちゃい、　ゆくしぬ証　たてぃてーならん うやふぁーふじ　うやまいるぐとぅ わらびぬとうちから　いいちきぐとー　むるまむとーいびーん なーてぃーち　さんねーならんくとぅぬ　あん ゆぜー　貧すーむぬんかい　分きーらー てぃぬんかい　宝ちむさ あんしから　うーてぃくーわ わったーや　あちねーさーぬ えーきんちゅやいびーん えーきんちゅぬ　神ぬ御国んかいいーせー　むちかさん えーきんちゅぬ　御国んかいいーせー、らくだぬ はーいぬみー　とぅーいしやか　むちかさん あんせー　たーが救わりやびーが？ ちゅのーならんてぃん　神ぬ　ならんくとーねーらん 神ぬ　くねー　いちなんどぅち ちゃーびーがさい ちゅが　思とーるぐとぅ　見ーゆるむのーあらん 神ぬ　御くねー いゃー　内んかい あくとぅ、くまんかいあん あまんかいあんでぃち　見ーゆるむのーあらん いったーが　神ぬ国んーじぶさんでぃち　ぬずでぃん んーじゅるくとー　ならん 救いぬしぇー　ふでぃーぬ　ぴかみかち　光いるぐとぅちゅーん やしが　うぬめーに　くぬゆぬちゃーから　苦しみらってぃ　みーしてぃらりーん わんがそーるわじゃ　んちょーるいったーや　かふーやさ 預言者ん　王ん　んな　んじぶさんでぃうむたしが　んーじゆーさんたん また　ちちるくとぅん　ならんたん ちゃーされーしまびーが 神ぬ　うくとぅば いったーや　ちゃーし　うきとぅとーが？ まぐくるから　魂ーとぅ 力とぅ 思いくみてぃ う神がなしー かなさしよー いぬぐとぅ　隣んかなさしよー あたとーん うぬぐとぅすらー　ぬちこーいん けーとぅないんでぃいーねー ひーたいやてぃんなー？ ローマぬ皇帝んなー？ あるちゅが　エルサレムから　エリコんかいんかとーたん へーれーんかい　はっちゃかてぃ くるさってぃ　ちんはじとぅらってぃ　はんなぎらったん 祭司がとぅーてぃ　うぬいきがんーちゃしが　うぬまま　とぅーいすぎてぃんじゃん いーぬぐとぅ、　レビんちゅん　とぅーてぃ　うぬいきが　んーちゃしが　 うぬまま　とぅーいすぎてぃんじゃん あんしが、旅ぬ道中　うせーらっとーる　サマリヤんちゅぬ うぬいきがんーち　ちむぐりさ　うむてぃ すばんかいゆてぃ　傷ぐちんかい　あんだとぅさきぬてぃ 宿んかいそーてぃんじ　とぅんじゃくさん。 あきてぃぬて日、宿屋ぬ　ぬーしんかい　じんわたち とぅんじゃくしよう、ふすくぬあれー　けーいるとぅちに　わたすんでぃ　いちゃん。 うぬ　みっちゃいぬなーか　たーが　けーとぅないちゅ　なとーが？ なさきかきたるちゅ とー　いったーん　いぬぐとぅしよー とー わんみーんかい　ちゅーる　わらばーたー　とぅみてーならん 神ぬくねー　うんぐとぅーやん まくとぅに　いったーんかい　いーん わらびぬぐとぅし　神ぬ国　うきとぅゆーさんあれー　うまんかい　いーるくとーならん わらび　うきいりーるむのー、わんうきいりーるくとぅやん わん　うきいりーるくとー　神　うきいりーるくとぅやん くーさるむんぬる　たーやかん　すぐりとーる えー　ぬーぐとぅやが？ ナザレぬイエスが　とぅーとーいびーん イエスー イエス様 どーりん　うなさきかきてぃきみそーり いやー　ぬずめーぬーやが？ みーゆる　くとぅやいびーん うぬとぅーい　なれー いやー　信仰ぬどぅ　のーちゃんどー あい　みーゆん みぃーっさー みーるぐとぅなとーん イエス　が　エルサレムんかい　んかとーたる　とぅち、 ちゅぬちゃーが　イエス様ぬ　めーんかい　あちまてぃ、 救いぬ道とぅ　神ぬ国ぬくとぅ　ならーちきみそーり　んち　うにげーさん うぬうかたー　まくとぅぬ　預言者やさ しんしー　すくてぃ　きみそーり 主よー　わったー　すくてぃ　きみそーり 主よー　あがみやびーん 主よー　まくとぅぬ　道　みしてぃ　きみそーり エリコぬ町んかい　ザーカイんでぃる　じょうのうあちみやーぬ　うたん。 ザーカイや　イエスみーぶさぬ　木ーんかい　ぬぶたん。 あれーじょうのうあちみやー　やさ ザーカイ、へーくなー　うりてぃくーわ ちゅーや　いやー　家ーんかい　とぅまいんどー わん　家ーんかい？ へぇーっ　たーが　あんぐとーる　ちゅぬ　家ーんかい　とぅまいが？ ぬーんち　ザーカイ　や　イエス　しっちょーが？ ちけー ゆぜー 貧すーむぬんかい　半分 わきーさ わんが だまちゃる　ちゅねー 4倍なち けーさびーん じょうのうあちみやーぬ　あちみたるじん　けーすんでぃいーせー　信じららんさー （笑い声）　ちゅー　救いが　くぬ家ーんかい　うとぅじりたん ザーカイん　アブラハムぬ　くゎうまが　やさ わんねー　まゆてぃうるむん　救いるたみ　ちょーん ゆー　ちきよー 預言者ぬ　いちゃるくとぅ なしとぅぎーるたみ　エルサレムんかい　いちゅん わんねー　兵隊んかい　ひちわたさってぃ ふりむんぬぐとぅ わらーってぃ、　ちんぺー　かきらってぃ ぶち　かきらってぃ　くるさりーん やしが　三日みーに いちげーいん イエスや　うまんちゅぬ　罪とぅがぬたみ　くるさりーんち　わかとーたしが エルサレムんかい　ぬぶたん。 うまんちゅや　神あがみてぃ　イエスや　王んでぃち　みとぅみてぃ　ゆるくだん しんしー　でぃしぬちゃー　だまらしみそーれー うったーが　だまいねー 道ぬ石ぬ　うふあびーすん まささある神　あがみやびら イエスや　エルサレム　んーち　うぬ町ぬくとぅ　うむてぃ　涙うとぅしみせーびたん いったーが 平和ぬ道　しちょーたれー、やしが、わかてーうらんたくとぅ てぃちんかい　かくまーさってぃ あまくまから　しかきらってぃ　うちとーさりーん いったーとぅ　くゎぬちゃーや　うぬなーかうてぃ むる　ふるでぃいちゅん いったーが　神ぬ　うとぅじり　知らんたくとぅ、 石がちぬ石せー　てぃーちん　ぬくさりーるくとーねーらん エルサレムぬ　神ぬ宮や　うがみどぅくるから　あちねーどぅくるんかい　かわてぃねーらん くぬ　宮や いぬいる　とぅくるどぅやる。やしが 、 いったーや　あちねーどぅくるんかい　けーたん ぬーすんちがやー とぅみれー あぬちゅ　とぅみれー 兵隊ゆべー　兵隊ゆべー うまんちゅが　イエス　王んでぃち　あがみとーし　わかとーみ？ 王やんでぃ？（笑う声） いぬぐとぅ　どぅーや　頭んでぃいちょーたる　ちゅぬちゃーん いっとぅちぇーうたしが　うらんなてぃ　わしらっとーせー あねーあらん 信じてぃ　あがみーるちょー　めーなち うふくなとーしが やくとぅ　王んでぃ　うむとーさ むし、くぬいきがが　むんどーうくしーねー　うれー　いったー責任どぅやんどー あんやさやー あぬひゃー　ちゃーがらさんとーならん イエスや　ふぃーじーから、”宗教頭ぬちゃーや　ならーしぐとーすしが 口びけーどぅやる”　んでぃち　いちょみせーびたん イエスや　貧すーむんぬ　赤じなー　うさぎとーし　んーちょーみせーびたん うっぴぐゎー なーひん　なえーさに？ いったーんかい　いーしが くぬいなぐや　たーやかん　うふくうさぎたん えーきんちゅや　ちゃっさんあるなーかから　うひぃぐゎー　うさぎたしが くぬいなぐや　ねーらんなーかから　あるうっさ　うさぎたん いちんーでー ぬーぬ　権利ぬあてぃ　うんぐとーるくとぅ　いいが たーが　うり　さじきたが？ あんせー　いやーんかい　ちちゅん ヨハネが　洗礼さじきとーせー　たーからんち　うむいが ぬんでぃいれー　しまびーが？ 神からんでぃいーねー　ぬーんでぃち ヨハネ信じらんがんでぃち いらりんどー ちゅからんでぃいーねー　わったーや　うまんちゅから、石なぎらりーん ヨハネや　預言者んでぃち　うまーっとーん たーからがやら　わったーがーわからん あんしーねー　わんにん　ぬーぬ権利し　そーんちぇーいらん あるちゅが　ぶどぅ園　ちゅくてぃ うり　はるさーんかい　からち なげーん　旅んかいんじたん ぶどぅ　あちみーるとぅちなたくとぅ どぅーぬ　わきめー　うきとぅいるたみ ぬーしや　はるさーめーんかい　ちけーむん　うくたん はるさーや　ちけーむんすぐてぃ　ぬーんむたさんぐとぅ　けーちゃん また　ふかぬちゅ　うくたしが うりん　いぬぐとぅすぐてぃ　はじかかち　ぬーんむたさんぐとぅ　けーちゃん あんさぐとぅ　みっちゃいみーぬ　ちけーむん　うくたしが　いぬぐとぅ　傷ちきらったん。 ぶどう園ぬぬーしや　かんげーてぃ、なーどぅーぬ　ちゅいんぐゎ　うくりわるやる わんくゎ　やれー　うすりーえさに ぬーしぬ　くゎ-んーち　はるさーや　たげーにいちゃん うれー　ぬーしぬくゎどー うりくるさな　ゆぜーや　わったーむん　ないさ さり、なーひんちかちくぃみそーり うったーや　うぬっくゎ　いーいんじゃち くるちゃん あんしーねー　ぬーせー　はるさーたー　ちゃーすんでぃ　うむいが？ うったー　くるち　ふかぬ　はるさーんかい　ぶどう園　あじきーん うれー　くんぐとーる　くとぅやさ 石ぜーくーぬ　とぅいどぅくるんねーんち　ひたるいしぇー ぬーやかん　かんぬーな石やたん やくとぅ　うぬ石んかい　うてぃーるむのー　くなぐなに　くだきーん うぬ石が　ちゅぬ　いーんかい　うてぃーねー うぬちゅん　くなぐなにないん しんしー うんじゅぬ　むぬならーせー　あたとーいびーん うんじょー　てぃーちん　ちゅぬ　ちらいるん　んーだん 神ぬ　みくくるならーちょーいびん あんすらー わったーが　ローマんかい　上納ーうさみーせー　律法んかい　かなとーいびーがやー 主よ　やーまる　やいびーんどぅ しるがに　みしてぃまー たーちらとぅ　のーじぬ　あんでぃうむいが？ ローマぬ皇帝ー 皇帝ーぬむんやれー 皇帝ーんかい　けーち 神ぬむんやれー う神んかい　けーするくとぅ ちゃーやが　いったーや　けーするくとぅばん　あみ？ ひちじぬ　くゎ　うさぎーる　過ぎ越しぬまちいぬ　ちかくなたくとぅ イエスや　うぬまちいぬ　しこーいするたみ　ペテロとぅヨハネちかーちゃん 苦しみうきーるめー、過ぎ越しぬ祭ー　まじゅん　しーぶさたん ぬーんでぃやれー 神ぬ国ぬないるまでー　過ぎ越しぬはんめーさんくとぅ てぃんとぅ　地ー　ちゅくいみそーち むるむる　うたびみせーる う神がなし　にへーうんぬきやびーん うり　んーなんかい　みぐらち　ぬめー 神ぬ国がちゅーるまでー　わんねー　ぶどう酒ぬむるくとー　ねーらん う神がなしー　あがみやびーん むるむるぬ王 はんめーうたびみそーち　にへーでーびる くれー　いったーんかいきーる　わんどぅ わん　わしらんたみ　いーぬぐとぅ　しーよー くぬ　さかじちぇー　わんがながする血ゆいぬ　やくすくやん 裏切ーるむんぬ　くぬ座ーんかいうん わんや　神ぬ定みゆい　死ぬしが　裏切りむんや　ぬるわりーん わんどぅ　やいびーん？ たーやがんち　ちけー 主よ　たーやいびーが？ うんじゅから　はなりやびらん すぐりとーるむのー　どぅ低くし 頭や　僕ぬぐとぅく むぬ　うさがいんちゅとぅ うり　しこーいるちゅとー たーがすぐりとーが？ あたいめー　むぬ　うさがいんちゅやん あんしが　わんねー　しこーいる　ちゅぬぐとぅそーん くちさぬとぅちん　いったーや　まじゅん　あっちとぅらちゃん 神が　わんにんかい　うさみーる権利　さじきたるぐとぅ んにん　いったーんかい　うりさじきーん いったーや　御国んじ　わんはんめーぬじゃーんかい　ちちゅん いったーや王ぬ座ーんかいちち　イスラエルぬ１２部族うさみーん 裏切ーるむのー　ういびらん シモン　シモン　ゆーちきよー 悪魔ぬ　いったー信仰が ねーんないるぐとぅ　神んかいにがてぃ　ちちいりらったん やしが　いやー信仰が　ちゅみらりーるぐとぅ　いぬたん たちのーいねー　ちょーでーぬちゃー　ちからちきてぃきれー 主よ まじゅんやれー　たとぅい　牢屋やてぃん 死じんしまびーん ゆーちきよー　ペテロ ちゅー　鳥がなちゅるめーに　いやーや　みけーん　わん知らんでぃいーん 旅んかい　んなどぅ　んじゃちゃしが　ふすくぬあてぃ？ うーうー ぬーんねーびらん なま　じんぶくるぬ　あるむのー　うりむてー たちぬねーらんむのー　ちんうてぃ　たち　こーれー ゆーちきよー あるちゅが　ちみにんあちけー　さりーんち しるさっとーん　うれーわんくとぅ　やん さり うまんかい　たちぬ　たーちあいびーん しむさ 議会ぬ頭ぬちゃーや　イエス　くるすんち　じんみそーたん でぃしぬちゅい　イスカリオテぬ　ユダぬなーかんかい　悪魔がいっち 頭ぬちゃーとぅ　イエスかちみーる　はかれーぐとぅそーたん イエスや　いぬいるたみ　エルサレムから　オリーブ山んかい　んかたん わくららんぐとぅ　いぬりよー イスカリオテぬユダや　うひぐゎーぬじんし　イエスうたん。 イエスや　うまんちゅぬ罪ぬたみ　死ぬるとぅちが　近じとーんち　わかてぃ　いぬたん うやがなしー うんじゅぬ　みくくるやいびーら くぬさかじち　とぅいあぎてぃきみそーり やしが、うやがなしー うんじゅぬ　みくくるが　ないびーるくとぅ うぬとぅち　神ぬちけーぬあらわりてぃ　イエスちゅうみたん イエスぬ　あしみじや　血ーぬぐとぅなてぃ　地ーんかい　たいうちたん ぬーんち　にんとーが うきれー わくららんぐとぅ　いぬりよー ユダー 口ちきてぃえーさちし　わんうらぎーるばーい 主よー　たちさーに　うちとーさびーみ かちみれー なーしむさ はっ　神ぬわじゃ やなむぬんんかい　んかてぃちゅーるぐとぅ　ぼーん、たちん　むっちちゃんなー？ めーなち　宮んかい　まじゅんうたるとぅちぇー　てぃんじゃさんたのーあらに なまー　いったーとぅちやさ 闇ぬ　うさみーる　とぅちぬちょーん うり　とぅっかちみれー ちゅーじゅーく　ばーんそーきよー 兵隊ぬちゃーや　ふぃらじゅんかい　イエスそーてぃんじ　ふりむんあちけーさん うれー　王がちちょーたる　ちんやさ なまから　うくりーるくとぅ　あかち　んでー わったー　救いるくとぅないみ　とー救てぃ　みしれー うぬちゅん　イエスとぅ　まじゅんうたせー わんねー　あぬちょー　知らん あぬちゅとぅ　まじゅんうたし　んちゃん わんねー　いゃーちけーむんやさ しちゃから　うちゃぎてぃんーじゅせー　ちゃーやが？ いやーん　あぬちゅぬ　しんかやえーさに わんねー　しんかーあらん 確かに　うぬちゅん　イエスとぅまじゅんうたん うぬちゅん　ガリラヤぬちゅやん あまんかい　行けー いやーが　いちょーせー　ぬーぬくとぅがやら　分からん イエスや　とぅんけーてぃ　ペテロんーじみそーちゃん うぬとぅち　ペテロや　イエスぬ　くとぅば　うむいんじゃちゃん ”いやーや　鳥がなちゅるめーに　みけーん　わん知らんでぃいいさ” 主よー いちまでぃん　うんじゅとぅ まじゅんうんでぃ　いちゃしが　わんねー うんじゅ　知らんでぃち　うんじゅから　離りやびたん 主よー わん　罪　洗い流ち、ちゅーみてぃきみそーり 主よー わん　許ちきみそーり うんじょうー　むる知っちょーいびたん わんちむぐくるけーてぃ　ちゅーみてぃ　きみそーり 主よー　許ちきみそーり たーが　すぐたが? あてぃてぃまー くんどー　たーが　すぐいんちうむいが？ 止みれー やみれー　なーしむさ 議会かい　そーてぃいえけー 立てー 議会ぬ頭ぬちゃーや　あちまてぃ　イエスんかいとぅーたん いちまーに いやーがる　救い主　やるい？ わんが　いちゃんてぃん いったーや　信じらんえーさに わんが　ちちん　いったーや　いれーらんえーさに なまからあとぅ　わんねー　神ぬにじりぬ　座ーんかいちちゅん あんせー　いやーがる 神ぬ　くゎやんなー？ いちょーるとぅーいやさ たーが　うぬ権利　うりんかい　さじきたがやー？ いやーや　罪うかちょーん なまねー　うぬちゅぬ　いちゃるくとぅ　むるちちゃらや？ くゎんにんぬめーんかい　そーてぃいけー やさ　やさ　へーくなーそーてぃいけー どぅけー 兵隊ぬちゃーや　ピラトぬとぅくるんかい　イエスそーてぃんじゃん。 ピラトや　ちむわっさる　ローマぬくわんにんなてぃ　うふくぬちゅ　十字架んかい　かきたん。 うぬへーさ　ひとぅみてぃから　ぬーぬゆーじやが？ うまんちゅ　まどぃわちょーるいきが　そーてぃちゃーびたん 宮ぬ市場んじ　うーそーどーうくちゃる　むんやいびーん くぬひゃー　とぅいしまてぃ きみそーり わんが　んーちぇー　ぬーん　罪ーねーらんしが あいびらん　救い主やんでぃいち　上納んうさみらんてぃん　しむんでぃ　いちょういびーん 王ーんでぃ　いちょーいびん 王ーんでぃ？ いやーや　ユダヤぬ王どぅやるい？ いちょーるとぅーいやん ガリラヤから　うままでぃ　ちゅまどぅわちょーいびーん ガリラヤんでぃ？ くれー　ガリラヤんちゅどぅやんな？ あんやれー ヘロデ王ぬ　とぅいしまいやさ なまん　エルサレムんかいうえーさに ヘロデぬめーんかい　そーてぃいけー いゃーや　どぅーぬくとぅ　ぬーんでぃ　うむーとーが？ いやー　でぃしんでぃいーせー　たーやが？ うふくぬちゅぬちゃーや　いやーが　神ぬわざすんでぃ　いちょーしが わんにんかいん　し　みしてぃんでー さり うれー　しきんぬちゅぬちゃー　まどぅわちょーん どぅーぬくとぅ　王ーんでぃち ゆどーん うぬ　いきががな？ 王ーんでぃ？ははっははははははー しじだかさる　うかた ちゅーじゅーく　すぐれー うまー　ピラトぬ島やくとぅ ピラトんかい　けーせー くぬ　いきがや 死ぬふどぅぬくとー　せーうらん やくとぅ　ぶちかきてぃ 行かせー 祭いぬとぅちねー　やなむんちゅい　許するくとぅ　なとーるはじやいびーん あんせー　バラバ 許しみそーり やさ イエスやあらん やさ　バラバ許せー 十字架んかい　かきれー やさ　十字架んかいかきれー いやーとぅいやーが　うてー ぬー　まっちょーいびーが？くゎんにん 救い主どぅ　やいびーしが ぬーんでぃち　うぬちゅすぐとーいびーが？ 止みれー　救い主どぅ　やみせーんどー ぬーん　わっさるくとー　せーういびらん 立たせー うまんかい　うるちゅぬちゃーや　イエス十字架んかい　かきれーんでぃち 　うふあびーし　やみらんたん ピラトやイエスんかい　死刑　任じたん。 うぬかわい　ちゅくるち　ろーやんかい　いりらっとーる　バラバ　許ちゃん どぅけー 下がれー どぅけー 道あきれー 下がれー どぅけー くしんかいどぅけー 前ーあきらに どぅけー うまから　どぅかに どぅけーんでぃいーねーどぅけー 立たに さがれー えー いやー　名ーや？ クレネぬ　シモンやいびーん くまんかい　くーわ ちな　ちれー いやー　むてー へーくなー　あっけー 下がれー 下がれーさに さーてーならん どぅけー　道あきれー 下がれー じゃまー どぅけー イエス様－　わったーん　くちさいびーん。　うぬ水うさがみそーれー うさがみそーれー エルサレムぬ　いなぐんちゃー わんたみ　泣ちぇーならん どぅーぬくゎとぅ　どぅーぬたみ　泣けー わんにんかい　うんぐとーる　くとぅぬ　うくりーんでぃあれー いったーんかいや　ちゃんねーるくとぅぬ　うくりーがやー？ 神様　たしきてぃきみそーり イエス様　いぬとーいびんどー どぅけーわ うまから はい へーくなー いすがに なま　行けー へーくなー　へーくなー　行けー あわてぃれー なま行けー いすげー とーなまやさ　いやーん　行けー あっけーわ へーくなー　うわらせー 十字架　うくせー 杭　打ってーわ 綱　とぅい下ぎれー うやがなしー　うったーや ぬーそーがすらー　わからんくとぅ　許ちきみそーり ふかぬちゅん　救たえーさに どぅーん　救てぃんでー やさ　いやーが救い主やれー　十字架から　うりてぃ　どぅ救いてぃみしれー 神ぬわざ　てぃーちやてぃん　みしてぃんでー イエスや　たいぬ　ぬすどぅとぅまじゅん　十字架んかいかかやびたん。 うぬくとー　んかしぬ　預言者ぬ　語たるとぅーい　やいびーん うれー　てーげーぬちゅぬ　ちのー　あらんどー だーあんせー　わんがとぅいさ、ありあり　やりんどー。　だーあんせー　くんぐとぅーさー だー　あんせー　くじひかな　やさ、くじひかな うりひやー、　うれーわーむんやさ。　いやーや　ふーがあっさー。ちゃーやが 木ー札んかい、”うれー　ユダヤぬ王”　んち書かっとーん いやーが　ユダヤぬ王やれー　どぅーくるし　救てぃんでー えーひゃー いやーが 救い主やれー どぅーん わったーん たしきらりーえさに いやーや　神んうすりらんなー？ わったーや　どぅーがさるくとぅぬ とぅが　うきとーん やしが　うぬちょー　ぬーんやなぐとぅ　せーうらん 王に　ないんとぅちねー わん　うびんじゃち　きみそーり わんねー　いやーんかい　やくすくすん ちゅー　いやーや　神ぬ　むとぅんかい わんとぅ　まじゅんをぅん うぬとぅちぇー　真昼どぅやたしが、真っ暗しんが　3時までぃちじちゃん 宮ぬまーくや　真ん中　から　裂ちたん うやがなしー わん　魂ー うんじゅぬ　てぃーんかい あじきやびーん うり　みとぅどぅきたる　ローマぬ　てぇーそうや　神あがみてぃ さけー　あいびーるぐとぅ。うぬうかたー　まくとぅに　う神やみせーびたん アリマタヤぬ　ヨセフ議員や　安息日ぬめーに、 イエスぬ　どぅー　墓んかい　うさみらちきみそーりんち くわんにんかいうにげーさん わったーや　イエス　墓んかいうさみーる　しこーい　さびーん わんにん　てぃーがねーすさ へーくなー ユダヤぬ安息日ちぇー　始まいんどー いなぐんちゃーや 朝へーく　しこーたる　かばあんだむっち　いすじ　墓んかい　んかたん 墓ぬめーぬ　石が　どぅかっさとーしんーち　中んかい　いっちんじゃくとぅ 　イエスぬ　どぅーや　ねーんなとーたん ぬーんち　いちちょーるうかた　うまんじ　かめーとーが？ うぬうかたー　いちげーてぃ　うまんかいやうらん。 わんねー　十字架んかいかきらってぃ　死ぬしが、3日ぬあとぅに　 いちげーいん”でぃち　イエスがいみせーたるくとぅ　わしたんなー？ ちちみそーれー 石やどぅかさってぃ なーかんかい　いっちゃくとぅ わったー　主ぬどぅーや ねーんなとーたん ねーんなとーんでぃな？ てぃーだぬぐとぅ　光たる たいぬう神ぬちけーが 墓んかい現りてぃ ぬーが　いちちょーるちゅ うまんじ　かめーとーがんでぃち いちょーたん ふんとーやんどー わったー　しんじみそーれー ゆくせーあいびらん わったーや　んーちちゃん。墓ぬなーかねー　主ぬどぅーやねーらんたん。 いったーん　んーちくーわ。 ペテロ　信じてぃきれー イエスんかいあーたる　たいぬでぃしぇー　いっぺーゆるくでぃ　けーてぃちゃん まくとぅに　主や　いちげーみせーびたん シモンぬんかいん　あらわりたんでぃどー 道んじあーたるとぅち　イエスんでぃち わからんたしが はんめーどぅちに わかたん ぬーんでぃち エマオんかい　うみせーびたがやー いったーんかい　平安あるぐとぅ ぬーうどぅるちょーが ぬーんち　いったーや信じらんが んーちんでー わんてぃーとぅ　わんひさ わんどぅ　やんどー さーてぃんれーわんやさ ゆーれー　やれー　骨と皮ーやねーんしが　わんねーあん まじゅん　うーたるとぅち　いったーんかい　いちゃる　とぅーいやん モーセぬ習ーしとぅ　預言者ぬ　かたたるくとぅが　まくとぅに　なたん くぬぐとぅ　しるさっとーん わんや　苦しみうきてぃ 死ぬしが　3日　あとぅ　いちげーいん わん名ーとぅーち エルサレムからはじみてぃ　しきぬんかい　罪ぬ許し　うきーるぐとぅ ちぎてぃいきよー いったーや　すーくぬちゅ　やん わん　うやがなしーが　やくすくさる聖霊 うくいくとぅ　うぬうかたぬ 力さじきーるまでぃ　まちゅるくとぅ う神ぬ　まむい、かふーあるぐとぅ 天とぅ地ーぬ　むるむるぬ権威や　わんにんかい　さじきらっとーん。 やくとぅ　いったーや　しきんうまんちゅんかいん　わんが習ーちゃるくとぅ　いいひるみてぃ 天ぬ神とぅ　イエス　聖霊ぬ名ーとぅーち　洗礼さじきりよー。 わんや　いちがいちまでぃん　いったーとぅまじゅんうん。 預言者や　神が救い主とぅーち　うまんちゅぬ罪とぅが　許ち 神とぅ　仲のーいしみーんでぃち　聖書んかい　しるさとーいびーん イエス様やまくとぅに　救い主やみせーいびーん 預言者イザヤが　書ちぇーるとぅーい 預言者イザヤが　書ちぇーるとぅーい　神ぬ力にゆてぃ　 いきがしらんマリヤが　みうむになてぃ　イエスさじかやびたん 聖書んかい　書かっとーるぐとぅ 神ぬ御業とぅーち　生まりたるうぬっくゎー　救い主んでぃいーる印なてぃ、 　神や　わんくゎんでぃ　いみせーびたん イエスんーちゃる　ちゅぬちゃーや　神ぬうくくるとぅ　力ぬーちゃん。 イエスや　やんめーのーち　わったー　罪許するたみに、ばちうきてぃ　命までぃん　してぃみそーちゃん。 また、　わったー家や　天国かい　あんでぃち　約束そーいびーん イエスや　いちげーみそーち わんねー　どぅぬ命　してぃーるくとぅん　いちげーるくとぅん　ないんでぃいち 　どぅーぬ力が　死やかん　まさとーるくとぅ　みしとーいびーん イエスぬさるくとぅや　預言者ぬ　書ちぇーるとぅーいなたん。 くぬくとぅや　神ぬうくとぅばが　確かに　ゆゆぬみくとぅばやんでぃち　あらわちょーいびーん イエスや　神ぬ　いちちょーるくとぅば。　 神や　イエスとぅーち　どぅーぬくとぅ　くぬゆーんかい　あらわちょーいびーん 神が　アダムとぅエバちゅくてぃ　かふう　さじきたるぐとぅ、 イエスん　わったーんかい　かふぅ　さじきーるたみ　めんせーびたん やしが　うったーや神たゆらん　神ぬいーちきん　まむらんたん やくとぅ　罪ぬたみ　うまんちゅや　んな　死ぬるくとぅになてぃ 神とぅまじゅん　暮らするくとー　ならんなたん 神や　アブラハムぬ　ちゅいんぐゎぬかわい　羊きみせーびたしが、 しきんうまんちゅぬかわいや　イエス身代わいとぅし　さじきやびたん。 くぬイエス信じてぃ　たゆるちゅぬちゃーや　神とぅまじゅん　暮らするくとぅんかいないびーん やくとぅ　イエス信じてぃいちゅる　ちゅぬちゃーや　地獄ぬ　くちさ　ぬがーりてぃ 　神とぅまじゅん　いちがいちまでぃん　暮らちいかりーん イエスや　いちげーたるとぅち　でぃしぬちゃーんかい　いみせーびたん。 ””聖霊うくてぃ　まくとぅぬ道んかい　従げーてぃいちゅる力　さじきーくとぅ わんなとぅーち　罪くいあらたみーねー　許さでぃーんでぃぬくとぅ　いったーや　しらちいきよー。” 罪深さるいなぐが　ちむいりけーてぃ　イエスんかい従げーたるとぅち、 ”いやー　罪ー許さっとーん。　いやー信仰ぬどぅ　救いたんどー”んでぃち　イエスやいやびたん。 イエス信じるむのー　たーやてぃん　神ぬうなさきにゆてぃ　救わりーん。　イエスや　罪許する力ぬあいびーん。 イエスんかい　従げーてぃいちゅんでぃちきみたるちゅや 信仰にゆてぃ　イエスとぅ　とぅむに　あっちいちゅん。 まささあみせーる　天ぬうやがなしー、わんかなさしきみそーち　いっぺー　にへーでーびる。 わんねー　うんじゅぬ　いいちきまむいゆーさん　ちむ　やどーいびーたしが うんじゅぬ　うくいみそーちゃる　イエス様が、わん　罪ぬばち　かわいにうきてぃ 十字架うてぃ　苦しでぃ、まーしみそーち、　ゆみげーたるくとぅ　信じやびーん。 わんねー　イエス様　救い主とぅし　うきいりてぃ　従げーてぃいちゃびーん。 わん罪とぅが　許ちきみそーち　にへーでーびる。 神ぬ国うてぃ　うんじゅとぅまじゅん　いちまでぃん　うらりーる道　あきてぃきみそーち　にへーでーびる。 どーでぃん　うんじゅからぬ　聖霊　うたびみそーち　うんじゅぬ道んかい　わん　ひちゆしてぃきみそーり。 わんにんかい　うんじゅぬ力　さじきてぃきみそーち　うんじゅが　ゆるくぶるぐとぅ　わん　生かちきみそーり。 しきんうまんちゅぬちゃーが　うんじゅぬ　御名あがみてぃ　いちゃびーるぐとぅ　うにげーさびら。アーメン イエスやいやびたん。　でぃしぬちゃーや　わんきーちち　わんにんかい　従げーいん。 わんにん　うったーくとぅ　わかいん。　でぃしぬちゃーや　めーなちあちまてぃ 御言葉習てぃ　イエス　みふんとぅし、　ふかぬちゅぬちゃーんかいん　イエスぬくとぅ　知らちゃん。 イエスや　でぃしぬちゃーんかい　宿とーる　聖霊とぅーち　力さじきやびたん。 でぃしぬちゃーや　イエスが　天ぬんかい　むどぅてぃめんせーるめーに　 いみせーたるくとぅ　うびとーたん。 ”神やわんにんかい　天ぬん、くぬ世ーん　うさみーる力さじきとーん。 ちゅーじゅーく　うびとーきよー　わんねー　くぬ世ぬうわいどぅまでぃ　いったーとぅまじゅん　うん”