JESUS

Am anfanng hét Got dai veilt mókt. Hai hét déa himal un dai eia mókt un alas vat in é is. Vén vi kika nó dat vat Got mókt hét, is alas vundabóó. Alas vat Got mókt ha, ve gaut. Alas vist zin groutheit, gauaheit un kraft. Got hét dai ganza zuóda planda un tiira mókt. Dun hét hai déa aaista man mókt fom eia xtóf. Hai hét ém int néés pust un lévant yéft. Dai aaist man is Adam niént voura. Dun hét Got dai fruch mókt, ta Adam zin fruch zin un mit ém toup lévan. É nóma ve Eva. Got hét déa man un dai fruch mókt mit vék daila vat zich énla mit ém, tam dat zai gaut un dicht mit Got léva küna. Zai dera fruidich léva in aim góra vat Éden haida de. Dó ve kain vaidóch un ka dout. Got hét ta Adam zécht: "Du kast dai béra éta fo déa ganza böim, blous fo aim nich. Vén du fo déa béé étst, blifst dout". Óva aina dach hét Satanás, dai övast fóna düvals, Eva fozöcht. Zai hét fo déa béé yéta, un é keil ouk. Fo dó an lous, is é toup zin mit Got fobróka. Got is Hailich, un zündas kóna nich léva bi ém. Zou hét Got Adam un Eva ruta yócht fom góra. Zai héva deicha xóm mit mókt vail zai Got nich hööit héva. Dó véicha hét Adam, Eva un dai ganza af-xtampta fo é, vaidóch un dout mit mókt. Got hét dai lüia bi al dém liibt. Hai ha aina pléén trécht vo duó zai véra mit ém toup léva küna. In déa Xrifta vist Got zina pléén tam dai lüia riéran fóna xtróf vat zai fodait hara, dat zai evichlich léva küna toup mit ém. Got hét vék daila fo dém pléén ta Abraham bekant mókt. Abraham hét an Got löivt, un ém rexpektit. Got hét foxpróka ém zéichna, un dat fólk ouk zéichna duó ém. Got hét foxpróka ém féél afxtampta yéva, féél meia as dai zant köin upa prai, un as dai xteina am himal. Abraham hét an Got löift. Véicha zim glouba, hét Got ém fonümftich rékant, un dai lüia héva ém niént "Got zia frün". Aina dach hét Got Abraham fozöcht, tam zaan óf hai an ém löiva de un zin órnuung móka. Hai hét xikt Abraham xul zina aichna yonna dout móka. Abraham vüst dat duó zim ainslicha yonna Got foxpróka ha ém féél afxtampta yéva, óva mit al dém héta löivt an Got un ém hööit. Dun hét Abraham zich trécht mókt tam zina yonna dout mókan tam Got dinan. Abraham hét zia méts houch buót. Óva Got hét zécht: "Abraham! Xték déa yonna nich. Ik vait dat du an mi löivst un büst trécht tam mókan vat ik zécht héf". Dun hét Abraham a kla xóp za dó dicht bi. Zin höin vera fast an aim bux. Zou hét Abraham dat xóp nóma un dout mókt tam Got dinan, in zim yonna zina xtél. As Got a xóp yéft hét as a dinan, tam dout blivan in Abraham zim yonna zina xtél, hét hai zina grouda liiba véza. Zia liiba is as dai liiba vat a gaua papa hét uóva zia kint. Hai hét ouk zina pléén véza tam aina létsta dina yéva vat dout bliva de in déa lüia éna xtél. Ain grout tit tröich, hét Got déa proféts véza dat hai aina meix xika de ón zün. Tam dout blivan as a grout dinan in déa éna xtél vat fo Abraham afxtampt zün, un frai móka fom zün un xóm. Dai proféts héva deicha meix "Mesias" niént. Zai héva zécht Got de déa Mesias xika tam dat fólk riéran, é Könich zin, un uóva é reyira ta üma, in Got zim nóma. Féél yóó aira as hai kóma is, héva dai proféts fotélt uóva dai zachan vat dai Mesias móka de, un dai zachan vat mit ém pasira dera. A profét, vat Davi haida de, hét zécht Got de dém Mesias zécha: "Du büst mia Yonn". Dai proféts dera nich fotéla uóvam menxlicha natur. "Gotes Yonn" vist vou dai Mesias un Got toup zün, un zia abeit as Hailant un Könich. Dai profét Yezaias, hét zécht: "A méka vaat xvanna vara un vaat a kint héva". Dat is dat evich Gotes Vout, vat Got xikt hét tam yeboura vara fóm aim méka, in menxlich natur, tam Got vizam tana veilt. Dai proféts héva ouk xréva dat dai Mesias in Belém yeboura vout. Zai héva zia rina gón in Yeruzalem as könich al fuó hé zécht, un dat a fo zina frün ém foróra de fo draizich zilba nikals. Dai proféts héva zécht dai Mesias de zia lévant yéva, óva Got de ém up-léva am drüra dach. Dai proféts héva dém Mesias niént "Gotes Yonn", un zéra hai de tröich móka na Got in aina vólk, un dat Got ém reyirunnk yéva de uóva dai ganza fölka ta üma. Tvai duzant yóó tröich, hét up deicha veilt a meix léft vat Yezus haida de. As dai lüia dai zachan za dera vat hai móka de, hévas zich frócht ina nana: "Is deich vól dai Mesias? Is Yezus zia lévan vól zou as dai proféts zécht héva uóvam Mesias?". Deich film vist vé Yezus is, un vék fo dai zachan vat hai zécht un mókt hét, zou as dai xréva voura zün ina Xrifta. In deicham film is a meix vat Yezus mökt. Ka meix is dat veeit, óva deich film is mókt voura dat dai lüia kéna un leira uóva Yezus zim lévant, un dats dai zéichan kóna kricha vat Got foxpróka hét. Liib Teófilus, féél lüia héva al xréva dai yexicht fo dai daila vat mannk ous pasit zün, un ik héf dat gaut funa dit alas xriva in órnunng, dat du dai gans vórheit kéna kast. In déa tit as César August dai Römix Kaiser ve un as Herodes, dai Grout, könich ve fona Yudeia, hét Got déa enhal Gabriel xikt na aim méka ina xtat Nazaré. Dat méka de Mari haida. Héf kain anngst, Mari, vail du hést a grout yefal kréicha fo Got. Du vaast xvanna vara, vaast a kint héva un vaast ém Yezus niéna. Vou kan dat zin? Ik bün nóch méka. Dai Hailich Gaist kümt uóva di un Got zin kraft vaat mit di zin. Dó véicha, vaat dai yonn Hailich un Gotes Yonn niént, zia Raich vaat nichas tam xtan kóma. Mari hét zich trécht mókt un is rax na Yudéia gó, én prima Isabel bezuiga, vat out aina yonna lura de. Izabel! Mari Büst dai meist zéichant fóna fruchas. Un zéichant is dat kint vatst kricha vaast. Glik as ik di tit bairan höit, dat kint vö fruidich un hét zich in mi rööich. Mia hérts louft déa Her. Un min zeel is fruidich véicha Got, mia hailant. Un fó nu an vira dauas mi ala niéna as zéichant fruch. Dat dai ganza keils in Nazaré vaida, dat duó dém Kaiser César August zin órnnung, dai ganza lüia fo Galiléia un Yudéia tiéélt vara. Ala muta zich an-xriva lóda ón tit folairan, in éna vón xtéla un xtéra vous yeboura voura zün. Un Mari is na Belém fo Yudéia hén mókt tam zich an-xriva lódan, mit Yosef, é keil.... Óva ve kain xtél ta é in Belém. Dó véicha hévas müst zich up hula in aina klaina xup. In déa nacht dera vék xóp-huiras én xóp up-pasa, as dai enhal fom Her fuó é kóma is, un a grout licht fo Got uóva é xint hét. Hüt in Davi zin xtat is yuch Hailant yeboura: Kristus, dai Her. Zai zün rax hén gó déa yonna za im kau-kum. Zai vera ouk dai aaista vat dai gaua nóricht bekant mókt héva, dat Evangelium fo dém Hailant zin yeburt. Ain vék nó-hé, as dai tit kaim ta déa yonna sirkunsidiran im Tempel, yeivas ém déa nóma Yezus. Im Tempel vóónt Simeão, vém dai Hailich Gaist foxpróka ha, déa Mesias za fuó zim dout. Un nu Her, yéf dim dina ru zou as du foxpróka hést in dim vout… Vail ik héf din rétunnk za. Dit kint hét Got ut-zöcht. Yi xóla zéichant vara. As alas mókt hara vat dém Her zia yezéts bezécha de, maiga Yozef un Mari tröich na hus, na Nazaré in Galiléia. As Yezus tvélf yóó ve, naima Yozef un Mari ém mit nam oustra-fést in Yeruzalem. Im tröich-véich, dachta zin papa un mama hai ve mannga trup, un reista déa ganza dach, óva Yezus ve in Yeruzalem bléva. Zai maiga tröich nana xtat tá ém zuigan un drai dóóch nó-hé funas ém im Tempel, toup zidan mita maisters. Vé is deich yonn vat dai frócha mökt? Is fo Nazaré. Vi dachta du veist mit ous kóma. Foyéf ém zin lustichkeit. Ala vunata zich uóva ém. Mia yonn, vorüm hést du dit mókt? Dia papa un ik vera unruich un zuikta di. Vorüm zuikta yi mi? Vüsta yi nich dat ik in mim papa zim hus ve? Yezus maik tröich mit é na Nazaré. Hai de vasa körplich un in xlauheit. Got un dai lüia hara ém yein. Im Fümtseinda yóó, im reyirunng fo Tibério Cézar, Poncio Pilatos ve dai anyixtélt fo Yudéia. Herodes reyit uóva Galiléia Anás un Kaifás vera dai höichsta praistas. Dat Gotes vout kaim ta Yohanes ina dröicha yeichant, un hai prééicht am Yordão flus uóvam taufan tam bekeiran fóna zün. Bekeit yuch fo yucha zün, lót yuch taufa! Un Got foyift yuch zün! Zou as bexréva is im bauk, fóm profét Yezaias: “Deit a xricha ina dröicha yeichant: mókt dém Her déa vééich trécht!” “Mókt ém gróó xtróta up. Dai ganza grün vara ful mókt un dai ganza biéich vara gróó xóva. “Dai kruma xtróta vara gróó. Dai vééichs mit biéich vara évan mókt Un dai gans menxheit züt Got zin rétunnk.” Vat xóla vi móka? Vat xóla vi móka? Yifticha xlanna tucht! Vat xóla vi móka? Hélp ous un vis ous déa vééich. Dai vat hét tvai kapas mut aina dém meix yéva vat kaina hét. Dai vat édan hét mut indaila. Maister, vi zün xtüia in-trékas, vat muita vi móka? Némt nich meia as dat yezéts bexrift. Un vi maister, vat muita vi móka? Némt kaim yeilt af mit yevalt nichmóls duó falxa anklóchan un vést frou mit yucham loun. Zéch ous, büst du dai Kristus? Ik tauf mit vóta, óva deit a kóma vat vichticha is as ik. Ik bün nich veeit dat ik zin raima-xau lous bin. Hai vaat taufa mim Hailicha Gaist un mit füia. Mim xpóram vata ina hant hét vaada déa veita fóm xtrou mannk ut móka. Deit déa veita int xup brinha, un dat xtrou fobréna im füia vat nichas ut yeit. Dai Hailich Gaist kaim runa fom himal im fórm fo aina duuf up Yezus. Un kaim ain xtim fom himal, vat zé: Du büst mia liib yonn un yifst mi féél fruit. As Yezus zina diinst anfounn, hara meira-veinha draizich yóó. Ful fom Hailicha Gaist, kaima tröich fom Yordão, un Got zia Gaist naiman nana dröicha yeichant, vo hai fitsich dóóch lannk fozöcht voura is fom Düval. In déa tit héta nüxt yéta. Dun zé dai düval ém: Vén du dai Gotes yonn büst, xik dat deich xtaa a brout vaat. Is xréva Nich blous fom brout léft a meix, óva fom Gotes vout. Düval naim Yezus hén nó aina houcha xtél un veis ém dai ganza raichs fóna veilt. Ik yéf di deich gans kraft un deich gans rikheit. Dit alas is mi yéft voura un ik kan dat yéva vém ik vil. Dit alas vaat dia zin, vén du di hén knaist un mi anbéést. Is xréva, béé an déa Her dia Got un dau blous ém dina. Dai düval naim ém na Yeruzalem un xtélt ém upt höichst xtél fom Tempel. Vén du dai Gotes yonn büst, xmit di runa fo hia. Vail dai Hailich Xrift zécht, Got vaat zin enhals xika tam di up pasan un vara di fast hula mit éna hein dat du nichmóls din fuit xtötst ana xtain. Dai Xrift zécht: Dau nich déa Her Got in prouf xtéla. Yezus is hén mókt nana xtat Nazaré vo hai grout voura is. Olá Olá Am zünovant, zous zin moua ve, yünna nana sinagoga. Dun iza rauba voura tam a xtük lézan fom profét Yezaias. Dai Gaist fom Her is up mi hét mi ut-zöcht dai gaura nórichta déa aama brinha. Hét mi xikt fraiheit bekant móka déa fasta, déa blina kikan yéva. … frai móka vat unadrükt zün un ouk bekant móka dat yóó vén dai Her zia fólk frai móka vaat. Réét gaut Hüt héva dai Hailicha Xrifta zich in-hula vat yi nu höit héva. Dai Bibal is hula voura? Óva blous dai Mesias kan dit foxprékan hula. Óva vou? In zichaheit vara yi dat vout zécha: Dókta, mók di alain yezunt. Un vara ouk zécha: Mók hia in dina aichna xtat dat zélbich vatst in Kafarnaum mókt hést. Un ik zéch yuch in vórheit: Nich a profét vaat gaut up-nóma in zim aichna lant. Mit deicha vöia hét Yezus zich véza as dai Mesias, déa vat Got utzöcht hét tam zia fólk riéran. Óva deich yuden héva ém nich an-nóma as Mesias. Zai xléptan hén up aina houcha baach tam ém dó runa xmitan, Óva hai yün duó dém folk duó Un yün véch. Maik na Kafarnaum, ain xtat fo Galiléia Dai römix obrichkeit de reyira im ganza lant un dat fólk haa folannk dat dai Mesias kóma de tam é frai mókan. Dai fréé xal mit di zin! Un mit di, maister. Kan dia bout mi mit néma, Simon? Yivis, maister. Zéch us as a dail?... Fotél ous! Fotél mit ous! Yezus, fotél mit ous! A móól, tvai keils yünha ina Tempel tam béran: a ve a farizeu un dai anat a xtüia in-tréka. Dai farizeu bleif xtóón un de alain zou béra: Oh! Got, ik dannk di dat ik nich gaitzich, un-elich un un-moral bün zou as dai andra lüia. Ik dannk di ouk dat ik nich zou bün as deich xtüia in-tréka. Blif ón édan tvai mól upt vék un yéf di dat teichant dail fo dat vat ik fodain. Óva dai xtüia in-tréka bleif vit af un nichmóls keik houch nam himal. Xlouch zich upt aichan buóst un zé: Her beduu mi, ik bün a zünda. In vórheit, is deich keil un nich dai anat vat in ainichkeit mit Got tröich mókt is na hus, vail dai vat zich grout befint vaat klain mókt un dai vat zich klain mökt, vaat fogröitat. Ném dat bout hén vo dai lagou daiba is. Un du un din hülbas xmit dai nétsa tam fixan. Ha maister! Vi héva féél arbeit dai gans nacht duó un héva nüxt fixt kréicha... Óva dats du xika deist, vaa ik dai nétsa xmita Tiago, Yohanes! (lacha) Tiago, Yohanes, kómt, kómt, kómt hélba! Vi kóna nich, dat bout yeit uóva! (lacha) Gó af fo mi, Her, vail ik bün a zünda. Héf kain anngst! Fo nu an vira, büst du a lüia ficha. Kómt na mi, past up vat ik yuch zécha dau un dén vaaich a nich lévant héva. Zuikt hülp fo Got zou lann as yi ém fina kóna; béét ta dém Evicha Got zou lann asa dicht is. Dat dai xléchta lüia é lévant einra daua, un dai xléchta yedannga bezia lóda. Kómt tröich ta dém Evicha, ous Got, vail hai hét yedult un foyift dai ganza zün. Yi vara véch gó in fruit un vara lennkt in fréé. Is bim kóman, is hia, kikt as Yezus! Yezus! Ik folann xast mia ainslich méka riéra! Her, héf yedult. Zai is blous tvélf yóó un is bim dout blivan kum mit mi! Jairo, mi dei dat leit. Yezus! Dia méka is dout. Lót déa maister in ru. Héf kain anngst, Löif blous un zai vaat gaut. Nich hüla Dat méka is nich dout, deit blous xlópa. Méka! Xtó up! Yéft é vat tam étan. Un ik órn an: Zécht kaim vat hia pasit is. Un nó dém, hét Yezus aina xtüia in-tréka za, vat Levi haida de, vat up dém plats zait vo dai xtüia betólt vö. Kum mit mi. Yezus is aina baach houch gó tam béran un hét dai gans nacht uóva béét ta Got. Ast dach voura is, héta tvélf yünnra ut-zöcht un é apóstels niént. Simon, véma Petrus niént hét; un zia braura André; Tiago un Yohanes. Filip un Bartolomeu, Mateus un Tomas Tiago, Alfeu zia yonn, Simon, niént Zelote, Yudas, Tiago zia braura. un Yudas Iskariotes, vat Yezus forót hét. Fruidich zün yi, dai aama, vail dat Gotes Raich is yuch. Fruidich zün yi, vat nu hunnra, vail vara féél héva. Fruidich zün yi vat nu hüla, vail vara lacha. Fruidich zün yi véns vut héva, yuch foachta, ut-xpóta, un zécha yi zün xlécht vail yi mim Man zim yonna gó. Fröicht yuch un blift zeia früntlich vail a grout yexennk luut yuch im himal. Dai ülra fo deicha lüia héva dat zélbich mókt mit déa proféts. ziptsen, achtsen, nuitsen, tsvanzich. Is blous vat ik héf. Vou kast blous dit héva? Yi aama vat nu rik zün, vail yi héva al hat yuch fruit (lachan...) Hai vil nich rik zin. Vaat vol forükt zin. Yi aama vat nu lacha. Vail yi vara hüüla un yamra. Yi aama véns ala yuch lóva Vail dai ülricha lüia héva dai falxa proféts ouk lóvt. Óva ik zéch ta yuch vat mi hórga: Liibt yuch fainda. Vést gaut mit déa vut uóva yuch héva. Zéichant dai vat yuch xléchtichkeit vünxa Un béét fo dai vat yuch xlécht behanla. Vént yuch a int yezicht houcht, hul ém ouk dai anat zia hén. Vén a di déa kapa véch nimt, lót ém ouk déa mantal mit néma. Yéft a dail ta dém vat yuch folanngt. Un vén a vat nimt vat dia is, folann nich dat tröich. Mókt déa andra dat vat yi vila xalas yuch móka. Vén yi blous liiba dai vat yuch liiba vorüm lu yi looun fo Got? Zogó dai vat xlécht anzan héva móka dat Un vén yi dat gauras móka blous déa vat yuch dat móka, vorüm lu yi fodintst fo Got? Zogó dai lüia vat xlécht anzan héva móka dat. Vou kan hai é an-xtöita? Vou kan hai mit é fotéla? Vou éklichas! Nei, Liibt yuch fainda un mókt é dat gauras, bóicht un luut nich dat tröich krichan un vara a grout fodintst fo Got héva. Zou vara dai kina fom höchsta Got zin. Mókt dat vail hai is gaut mit déa vat nich dannka. Héft mit-liiban zou as dai papa ouk is. Yezus riéé ous! Daut nich richta, dén richt Got yuch nich. Nich xtrófa, un Got vaat yuch nich xtrófa. Foyéft un Got vaat yuch foyéva. Leinng ous up dim vééich, Her. Yéft, un Got vaat yuch yéva. Dai zélbich mót vat yi benutsa, vaat Got benutsa mit yuch. Ka blin kan aina andra blina lennga. véna fozöcht dat mókan, vara zai beit int lóch fala. Vorüm zai yi déa xplida vat in yucham braura zim ouch is, un zaa nich dai tiélch vat in yucham is? Lenng ous, Maister! Vi brüka di, Her! Fruidich is dai mama vat di upt veilt bröcht hét un up past. (Krint zich) Nei, fruidich zün dai vat min vöia höira un hula dai in. Ik vul déa meixa kéna. Maintst du hai kün zin dai Mesias? Deich fariseu hét Yezus in-lót tam ómbrout étan. Yezus is hén gó na émzim hus un hét zich hén zét tam étan. Góót kina, gót dó butan hén. Ik héf al zéch. Ruta. Zai móka dai ganza xplinichkeit vats kóna. Vat mökt zai hia? Ik vait nich. Vat is zai bim mókan? Vén deich meix virklich a profét ve, dera vaida vatfon fruch as dit is vat ém an-fota deit. Dera vaida dat lévan in zün vat zai hét. Ik vait vé deich fruch is, Simon. Ik vil yuch as vat fotéla: Tvai keils vera yeilt xülch aim andra vat ut-bóicha de. A ve fif-hunat un dai anat fuftsich. Ka ainzich kün bitóla, dun héta é dai xuldan foyéft. Vatfo vaat ém meia liiba? Ik main dai vat meist xülch ve. Du büst richtich. Züst du deich fruch? Ik bün in dia hus kóma un hést mi ka vóta anbora tam fuit vaxan. Óva zai héts vaxt mi éna trona un héts af-dröicht mit éna hó. Du hést mi nich pust as ik kóma bün. Óva zai hült nich an min fuit pusan. Du hést ka öil yéft ta mim kóp, óva zai hét rük vóta up min fuit góta. Ik zéch yuch: É grout liiba bevist dat én féél zün al foyéft zün, óva vém veinich foyéft vaat venich liiba bivista. Din zün zün foyéft! Dia glouba hét di riét. Gó in ru! Yezus reeist, un maik bekant dai gaua nóricht fom Gotes Raich. Un dai tvélf zün mit ém gó un ouk vék fruchas vat frai mókt voura vera fo xlechta gaista un krannkheita. Mari, vat niént ve Madalena Yohana, Kuza zin fruch, vat a an-yixtélt ve fo Herodes zim reyirunnk, un Suzana. Óva Herodes, dai römix governant fo Galiléia, hét Yohanes, dai taufa, int kadei xpunt, vail hai ha zécht zia fofrichan mit zim braura zina fruch ve fokeit. Dun? Yezus yünn rina in Naim as ain gréfnis ruta gó de uta duó fona xtat. Dai dour ve a ainslich yonn fo aina vitfruch. As dai Her é za hét héta é zeia biduut. Hét déa körpa up-dékt un hét zécht: Yonn, ik órn-an xtó up. Hai hét zin hén zét un an-fonna ana fotélan. Un Yezus hét ém af-yéft ta zina mama. Fróch ém: zéch, Büst du dai vat Yohanes zé vat kóma de ura muta vi up aina andra lura. Maister. Maister. Yohanes dai taufa hét ous xik frócha: Büst du virklich dai vat kóma müst ura muita vi aina andra lura? Fotélt ta Yohanes vat yi za un höit héva. Dai blina za, Dai lóma gó, Frou zün dai vat an mi löiva Ik biia, buó mi houch. Zét di up min xula. Deist nu za? Ik dau Yezus za. A meix is lous gó tam xtröichan. vék köin zün hén fala ana rant fom vééich vous fopiét voura zün. un zün up-fréta voura fona föhals. anat zün hén fala mannkt xtain un as up-loupa zün, züns fodröicht, vail kain frucht ve. anat zün hén fala mannkt paiga vat vusa zün toup mit dai planda un héva dai af-xtikt, Óva vék zün hén fala in gaua lant. Dai planda zün vusa un héva véra an-drócht: hunat köin up yeira koun. Maister, Vorüm binutst du baixpils vén du fotélst mitam fólk? Ta yuch vist Got dai hamlicha zachan fo zim Raich, óva déa andra vaat alas in-leit duó baixpils Dats kika óva nüxt za, dats höira óva nüxt foxtó. Dit baixpil hét dit upzich: Dat zót is dat Gotes vout; vat hén fala is ana rant fom vééich zün dai vat höira, óva dai düval kümt un hólt dat vout utam hérts, dats nich löiva un riéét vara. Dat zót vat hén fala is mannkt xtain zün dai lüia vat dat vout höira un néma dat an mit zeia grout fruit. óva héva kain vödla. Löiva blous ain tit lannk un vén dat fozuigan kümt lódas alas im xtich. Dat zót vat hén fala is mannkt paiga zün dai lüia vat dat vout höira, óva dai zóich, dai rikheit un dai zachan fom veilt vara zou grout un xtika dai af. Én béra vara nichas rip. Un dat zót vat int gaua lant fala is, zün dai lüia vat dat vout höira un up-bevóra in ém gaura hérts. Un bliva fast béts béra an-drócha. Ka xtikt ain xmöil-lamp an un deit dai undra kuóf un nich unat bié. dai vaat hén dó up ain xtél tam dat dai ala vat rina gó dat licht za kóna. Vail dat alas vat foxtéka is vat ruta funa… un alas vat hamlich is vaat kéént un bikant mókt. Dó véicha, past up vou yi dat höira. Vail dai vat hét, vaat meia kricha, óva dai vat nüxt hét, zogó dat vada dennkt hét, vaat ém véch nóma. Maister, din mama un din bruiras zün dó butam. Vila mit di fotéla. Min mama un min bruiras zün dai vat höira un in-hula. Aina dach xteich Yezus mit zina yünnra in a bout, un zé: Vif nana andra zia fom lagou. As bim ruóva mókan vera, is Yezus in-xlópa. Maister, Maister, Yezus! Vi kóma üm... Dai vélas móka dat bout ful, vi fozöipa ous! Riéé ous Maister! Vaat al béta…. Zünf riéét! Vo is yuch glouba? Un zai kaima hén nana yeichant fo Geraza, ana andra zia fom lagou fo Galiléia. Yezus, Yonn fom Höchsta Got... Vat vist du mit mi? Ik biia, dau mi nich xtrófa. Vou is dia nóma? Fólk… Ik biia: Nich ous int höl xika. Xik ous rina in dai xviin vat dó zün. vat dó zün Eeei! Kómt tröich! Hult an!! Hult an!! Dun zün dai xléchta gaista ruta gó ut dém meix ... Kómt tröich! un rina gó int xviin Gó véch fo hia! Du héks, Lót ous! Gó véch fo deicha xtél! Gó véch! Gó véch, héksa meix! Ik gó di nó voust hén yeist. Elaub dat ik mit di gó. Mók na hus. Un fotél vat Got mókt hét ta di. Maister xik deich lüia na hus. zai kóna hén gó na déa vón xtéla hia dicht bi vous étan un plats fina tam blivan. Hia is nüxt. Yéft yi zélbst étan ta é. Óva vat vi héva zün blous fif bröia un tvai fix. Louft xast du zin ó Her Got, Könich fom veilt, vatst mökst dat dat veilt brout yift. Is a tsaichan! Is nich tam löivan! Vé zécht dat fólk bün ik? Vék zécha du büst Yohanes, dai taufa, Anat bextó du büst Elias. Zün nóch anat vat zécha du büst a fo déa ula proféts vat up-lévt is. Un vat zéch yi? Vé zéch yi bün ik? Dai Mesias vat Got xikt hét. Yi döra dat ta kaim fotéla. Dai Gotes Yonn mut féél ut-hula, fo-xtöt vara, un ouk dout mókt vara. Óva drai dóch nó-hé vaada up-léva. Vil a fo yuch mi nó gó? Ik gó di nó, Maister, óva aista lót mi atcheis zécha mina familch. Vé anfenngt ana pluichan óva kikt zich üm, dócht nich tam Gotes Raich. Vén a mi nó gó vil, mut zich zélbst foyéta, yeira dach zin krüts dréicha, un mit mi gó. Véicha vé zia lévant riéra vil, vaat dat folaira, óva vé zia lévant folüst véicha mi, vaat dat riééra. Vatfon fodainunnk vaat a kricha véna dai gans veilt yevint un folüst zin zeel. Vén a zich xémt fo mi un mia in-leiran, dén xémt zich dai Gotes Yonn ouk fo ém véna kümt in herlichkeit, ina herlichkeit fom Papa un fona hailicha enhals. Dennkt an dit Ik bixtó dat vék hia nich dout bliva airas dat Gotes Raich za. Yezus hét Petrus, Yohanes un Tiago mit zich nóma na aim houcha baach tam béran. Asa bin béran ve, de zia yezich anas ut-zain vara un zia tüch vout zeia vit un blennkrich. Mit ais, zün tvai keils kóma un héva an-fonna ana fotélan mit ém. Vera Mozes un Elias vat aina himlicha xiin ümzich hara. Got zia vila vaat zich in-hula duó di. Du vaast dout bliva in Yeruzalém. As bim lous gón vera, zé Petrus: Maister, is gaut dat vi hia zün. Vif drai plóns up-xpana: As Petrus bin fotelan ve, Ain ta di, anat ta Mozes ain volk es runa koma un het é bidenk, un ain ta Elias. un dai yünnra héva anngst hat. Ain xtim vat fona volk kaim zé: Deich is mia kint, dai ut-yezöt. Hórkt vat hai zecht. Maister, Maister. Ik folann di uóva mia kint Ik biia, ik biia, hélp mi. Is mia ainslich kint. Héf folanngt din yünnra xula déa xléchta gaist ruta brinha, óva héva dat nich mókt kréicha. Voun xléchta lüia ón glouba. Bét vou lann blif ik mit yuch un mut yuch ut-hula. Brinn dina yonna hia hén. Zia yezicht is ouk yezunt voura! Vo vundabóó! Lee ous béra, zou as Yohanes zin yünnra in-leit hét. Dén béét zou: Ous Papa vat in himal büst. Hailich xal dia nóma zin. Dia raich xal kóma. Dia vila xal mókt vara up eia zou as im himal. Ous brout ta yeira dach yéf ous hüt. Foyéf ous zün zous as vi foyéva dai vat ous xülch zün. Un lót ous nich int fozuigan fala, óva riéé ous fom xléchta. Folanngt un yi vara kricha. Zuikt un yi vara fina. Klópt an un dai duó mökt zich up. Vail ala vat folanna, kricha. Dai vat zuiga, fina Un dai duó mökt zich üma up ta dém vat an-klópt. (Lacha) Mach vol a fo yuch vat papa is zim kint yéva ain xlann véna fix folanngt? Ura aina skórpion véna a eich folanngt? Yi, bi al dém xlécht zün, foxtó gaua daila yévan ta yuch kina, féél meia dai papa vat in hímal is, hai vaat déa Halicha Gaist yéva ta déa vat folanna. Ik zéch ta yuch, Daut yuch kain kóp brékan móka véicham étan tam lévan. Un nich véicham tüch vat yi bruka tam an-trékan, Vail dat lévan is meia veeit as dat étan un dai körpa is meia veeit as dat tüch. Kikt dai föchal: Dai planda nich, iénda nich, héva kain xupa tam up-bevóran, óva Got deit é etan yéva. Mach yi vól nich féél meia veeit héva as dai föchal? Ve fó yuch, véna ouk vil, kan vék yóó meia léva? Vén yi nich zoua klain dail kricha, vorüm dauch yuch kóp brékan móka Kikt as vou dai blama vasa. Dai abeira nich un móka ka tüch. Nichmóls Salomon, vat zou rik ve, hét zich zou fain an-trékt. Is Got vat dai plantunn um kamp an-trékt vat móicha foxvint fobrént im óóva. Dén ist zicha dat hai yuch ouk an-tréka vaat. Yi vat zoun klain glouba héva. Her, foxtérk ous glouba. Vén yuch glouba zou grout ve as a mostarda koun, dén küncht zécha ta dém faicha bux vat dó is: rit di ut un plant di int grout vóta un dai de yuch höira. Vara üma daila pasira vat móka dai andra in zün fala. Óva aam dai vat dó xult uóva hét. Ve béta ta ém, véna int grout vóta xméta vöit mit aim grouda móól xta am hals, as móka dat a fo deicha klaina zün mökt. Mit vat énalt zich dat Gotes Raich? Mit dit: A meix hét a mostarda zót koun plant in zina góra. Dai plantunn is vusa un a grout boum voura un dai föchal héva dó niésta in mókt. Ik foxtó nich vatst du zéchts. Vorüm deist du éta un drinnga toup mit déa xtüia in-trékas un xléchta lüia? Vé yezunt is brükt kaina dókta. Blous vé krannk is brükt. Ik bün nich kóma rauba dai gaura tam zich bikeiran, blous dai zündas. Fotél mi meia uóva dat Gotes Raich. Is nóch meia? Min klain trup héft kain anngst, vail yuch papa hét lust dat Raich yuch yévan. Foköipt alas vat yi héva un yéft dat yeilt déa aama. Mókt yuch taxa vat nich kaput gó un bevóót yuch riktum im himal, vous nichas al vara. Vail dó kan ka xpitsbub dat xtééla un ka vóóm kan dat fofréta. Yuch hérts vaat zin vo yuch riktun is. Fruch du büst yezunt Kikt as! Kikt as… zai is yezunt! Is a tsaichan! Louvt... xal dai Her! Achtsen yóó! Got xal di zéichna, Maister! Zün zös dóóch tam abeiran. Kómt in deicha dóóch tam yezunt mókt varan, óva kómt nich zünóvants. Yi falxa! Ichants a fo yuch hólt zina ósa ura zina ézal udam xtal un nimtan hén tam vóta drinngan zünóvants. Un nu is hia ain af-xtamt fo Abraham vat düval fast hula hét achtsen yóó. Vorüm nich frai mókt vara fona krannkheit zünovants? Gaua Maister: vat mut ik móka tam dat evichas lévan krichan? Vorüm deist du mi niéna gaut? Blous Got is gaut, un ka anat. Kénts dai yebouda: Nich ee-bréka, nich dout móka, nich xtééla, nich laicha, rexpekti din papa un din mana. Fó klain up an héf ik deich ganza yebouda in-hula. Du must nóch a dail móka: Foköip alas vat du hést un yéf dat yeilt déa aama; Zou hést rikheit im himal. Nó-hé küm un gó mi nó. Óva vi zün yexéft lüia! Vi zün rik! Óva vou xlim is dat dai rika int gotes raich kóman. Is xlima a rik int gotes raich kóma as a kameil duó dat öis fona nódal gó. Dén vé kan riét vara? Vat unmöichlich is tana lüia, is möichlich ta Got. Vouná richtich kümt deich... Gotes Raich? Dat Gotes Raich is ka dail vat ma za kan. Ka vaat zécha, Kik is hia, ura is dó. Vail dat Gotes Raich is in yuch. Dóóch vara kóma voich yein za dera aina fo déa dóóch fom Gotes Yonn. Óva vara nich za. Vail zou as dat blitsan xiint fo aina ék béta andra fom himal, zou vaat dat ouk zin vén dai Gotes Yonn kümt. Óva aista mut hai kviina un foxtöt vara fom fólk fo hüt. Is lichta dai himal un dai eia foxvina as af-nóma vara a punnk fo ichants aim vout fona yezéts. Féél proféts un könichs hara yein za vat yi za daua, óva héva küt nich. Un hara yein hööit vat yi höira, óva héva nich hööit. Vat móka vi? Vat zécht dai Bibal? Vou daua yi dat foxtó? Liib dina Got, mit dim ganza hérts, mit gans zeel, mita ganza kraft un ganza xlauheit. Un liib dina neichsta zou as di zélbts. Du büst richtich. Mók dat dén lévst. Óva vé is mia neichsta? Zün nich dai soldota? Mach César zin? A meix kaim runa fo Yeruzalém bét Yerikó. Vék xpitsbuba héva ém grépa, zia tüch xtóla, ém fo-xló un dó lóda bünó dout. A praista de dó lannk gó in dém vééich. Aza déa meixa leichan zaich, yünna ana andra zia xtrót lannk. Ouk a levita yünn dó lannk. Keik un yünn ouk véch ana andra zia fona xtrót. Óva a samaritan de reeiza in dém zélbicha vééich. Aza déa meixa zaich, beduda ém zeia. Is dicht gó un hét zin xlim reichan mókt. Nó dém, héta déa meix hén nóma na aina xlóp-xtél. Déa andra dach héta dém her fóna xlóp-xtél tvai zilbas yéft un zécht xul dém meix up-pasa. Un vén ik tröich kóm, zéra, dauk di betóla vatst meia gastit hést. Vé fo deicha drai, is dén dai neichsta véést fo dém meix? Dai vat gaut véést is mit ém. Dén mók dat zélbich dail. Ah! Lót dai kina na mi kóma un daut é nich fobaira vail é is dat Gotes Raich. Dénnkt an dit: Vé dat Gotes Raich nich an-nimt as a kint, deit nichmóls dó rina. Vé in mim nóma an-nimt dit kint, deit mi an-néma. Un vé mi an-nimt, nimt an déa vat mi xikt hét. Dai yevönlichst mannk yuch, is dai haupt. Hei! Vat is bin pasiran? Zéch mi? Is Yezus fo Nazaré, hai deit hia lannk gó. Yezus, ah! Davids yonn, beduu mi! Vat vist du xal ik móka? Her, ik vil véra zaa. Dén zaa. Dia glouba hét di yezunt mókt. Ik dau zaa! Ik zaa! Ik kan zaa! Dangga xöin! Ahhhhh! Una désam as Yezus una véichans ve na Yeruzalém, dera féél lüia toup kóma mit ém in al xtéla. Folannkta hai xul é viza déa vééich fom riéran un é meia in-leira uóva dat Gotes Raich. Hai is virklich a profét. Her, Maister riéé mi! Ik vil riéét vara! Louft déa Her! Vis ous déa vééich, Her! In Yerikó, ve a xtüia in-tréka, vat Zakeu haida de. Hai vul zou yein Yezus za dada in aina boum xtéicha is véicha dat fólk. Kikt as blous dai xtüia in-tréka. Xtich rax runa Zakeu vail hüt mut ik in dim hus bliva. In mim hus? Vorüm vila in zim hus bliva? Vou kan Zakeu Yezus kéna? Kikt. Ik va yéva dat hélft fo alas vat ik héf ta déa aama. Un vén ik aina bextóla héf vaak tröich yéva faia mól meia. Ik kan dat nich löiva. A xtüia in-tréka tröich yéva dai xtüia. Un möichlich. Hüt is dai zelichkeit in dit hus kóma. Vail deich meix is ouk fo Abraham af-xtampt. Dai Gotes Yonn is kóma tam hólan un riéran déa vat folóra is. Hórk as! Vi zün bim hén gón na Yeruzalem Vo alas pasit vat dai proféts xréva héva uóva dém Gotes Yonn. Hai vaat af-yéft déa haiden. Un dai vara xpota, ut-xümba, int yezicht xpicha un ém xló un nó-hé mókas ém dout. Óva im drüra dach vada up-léva. Bi al dém dada vaida de hai vöö dout mókt véicha déa zün fona veilt, hét Yezus déa vééich nóma na Yeruzalem. Dat fólk hét zich fröicht mit zim kóman un hét ém up-nóma as Könich. Maister, xik dat dai vat di no kóma é muul hula. Ik zéch yuch, vén zai xtil bliva dén daua dai xtain an-fenha ana xrichan. Fréé! Eer, louft xal ous könich! Yezus kaim dicht na Yeruzalem. Asa dai xtat zaich, hülta. Ah Yeruzalem, hüt kast du nich zaa vat nööich is tam dai fréé hévan. Kóma dai dóóch vo dai fainda di üm-rinnla vara un di drüka fo ala éka. Vara di gans fonichta ... un ouk din kina. Vaat ka a xta upam andra bliva, vail du nich beként hést as Got kóma is tam di riéran. Dai hailich tempel in Yeruzalem ve as a grout yexéft plats, un nich a plats tam béran 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26... Is xréva, mia hus mut niént zin a yebeit hus óva yi héva dat einat ta aina xpitsbuba xtél. Lót ém dat nich móka! Hult ém an! Hult ém an! Raubt dai soldóta, raubt dai soldóta! Ik héf zéchan höit dat féél ém grüsa as Könich. As könich? Könich fona bétlas, fona vivas un xpistbubas. Ik héf zoun zachan al za. gó véch un vara foyéta. Vés nich blin, dai vat ém nó gó vara dach fo dach üma meia. Dat fólk hét ém yein. un maint hai is könich Lót mi yuch as a dail zécha: vén deich meix un-órnunng brinngt, dau ik yuch xult yéva. Ik main hai hét récht, is tit tam ous xtéla yeicha déa Galileu. Yezus de üma meia dai falxa trupa fona xrivas un farizeus runa móka. Zou as tau-néma dera dai lüia vat mit ém gó dera, de ouk tau-néma dai vut fo dai vat hai runa móka de. Im Tempel, zaich Yezus ain aam vitfruch tvai zilbas nikals yévan. Is zeia venich Kan zai nich meia yéva? Ik zéch yuch deich aam vitfruch hét féél meia yéft as dai andra ala. Vail dai andra héva yéft vat é óvrich ve fo éna rikheit. Óva zai, aam zous is, hét alas yéft vat zai ha tam lévan. Zéch ous, mit vatfona autoritét mökst du deich daila? Vé hét di deich autoritét yéft? Ik va yuch ouk ain fróch móka: Zéch mi, vé hét Yohanes autoritét yéft tam taufan, Got ura dai lüia? Vat vara vi antvouda? Vén vi zécha is Got véést, dén fröchta ous: Vorüm héich nich löift an Yohanes? Óva vénf zécha dai lüia, dén deit dit fólk ous mit xtain xmita. Vail zai löiva dat Yohanes a profét ve. Vi vaida nich vé Yohanes xikt hét taufa. Dén dau ik ouk nich zécha mit vatfona autoritét ik deich zachan móka dau. A meix hét viin büx plant in zim lant un héts fopacht ta déa abeits lüia. Nó-hé iza véch mókt ain lann tit. As dai éént tit rana kóma is héta aina knécht na déa abeits lüia xikt tam zia dail fona éént krichan. Dai abeits lüia héva ém duóxacht un ém tröich xikt ón gónüxt. Dun héta aina andra knécht xikt. Óva héva ém ouk fo-xló, un ém xémlich behanal, un hévan tröich xikt ón gónüxt. Hai hét aina drüra knécht xikt, óva dai abeits lüia héva ém ouk foxtöt un véch yócht. Dun hét dai her fona plantóx dacht: Vat mók ik? Ik vaa mina liiba yonna hén xika. Ik vait déa varas rexpektira. Óva as dai abeits lüia déa yonna zaicha, zéras: Dit is dém her zia yonn vif ém dout móka un dén vaat deich plantóx ous zin. Zéch ous meia Her. Hévas déa yonna ruta xméta uta plantóx un dout mókt. Vat mökt dai her fona plantóx mit déa abeits lüia? Hai kümt, mökt dai lüia dout un vaat dai plantóx ta anat abeits lüia yéva. Vat hét dit dén upzich? Dat dai xtaia vat dai muras bezia xméta héva, un héva zécht ha kaina veeit is virklich dai haupt xtaia voura fo ala. Vé up déa xtaia fült, blift in xtüka Un, vén dai xtaia up aina meix rupa fült dai vaat xtóf. Maister, vi vaida zous dat vat du zéchst un in-leist is richtich. vaida ouk dat du dai lüia nich richta deist nó dém an-zan, óva leeist dai vórheit in uóva Got zim vila ta déa lüia. Zéch ous Is dat nich yeicha ous yezéts, dat vi muita xtüia betóla ta dém römixa Kaiser? Pas up Her, dit kan ain fal zin. Yéft mi aina nikal. Véma zia nóma un yezicht is in-drükt im nikal? Kaiser zin Dén yéft tam Kaiser Vat dém Kaiser höit Un ta Got Vat Got zia is. Vou vaast dit antvouda? Is kóma dai dach fom fést fom brout ón hééf, vo dai yuden xóp xlachta tam dat oustra firan. Yezus xikt Petrus un Yohanes mit deicha órnunng: Got hén un mókt ous dat oustra ómbrout trécht. Ik héf luut tam mit yuch dat oustra ómbrout étan aira as mia liiran kümt. Ik zéch yuch, Nich öfta vaa ik dit ómbrout éta bét dat virklich pasit im Gotes raich. Louft xast du Her Got Könich fona veilt Vatst déa viin druuf mókt hést Némt dit un dailt yuch dat in. Vail ik zéch yuch in vórheit dat ik nichas me drinnga vaa fo deicham viin bét dat Gotes Raich kümt. Louft xats du Her Got, Könich fona veilt Vatst dat lant brout dróchan mökst. Dit is mia körpa un vaat af-yéft ta yuch. Mókt dit na mim andenngan. Dit is dai kéilch fona nicha alians in mim blaut vat yéft is fo yuch. Un kikt as, dai vat mi foröt zit hia mit mi am dix. Vail dai Gotes Yonn vaat dout bliva zou as Got al af-mókt hét. Óva aam dai vat déa Gotes Yonn foróra deit. Is nich möichlich! Ik löif nich. Vé macht zin? Zéch ous vé is dai foróra? Dai haupt mut zin zou as a ainfach. Un dai vat xikt mut zou zin as dai vat xikt vaat. Vé is dai haupt? Is dai vat am dix zit tam etan, ura dai vat bin dinan is? Is zicha dai vat am dix zit. Óva mannk yuch bün ik as dai vat dint. Yi zün üma mit mi véést in mina vaidóchs, dó véicha, zou as mia Papa mi récht yéft hét tam reyiran zou dau ik yuch dat zélbich récht yéva. Yi vara éta un drinnga an mim dix, in mim raich. Un vara zich zéta in trons tam dai tvélf trupa fo Israel richtan. Dén is ka vat foröt. Simon, Simon, hórk gaut. Satanás hét elaubnis folanngt tam yuch in prouf xtélan, Tam yuch duó zichtan zous a kolnist uda nana dail dat veita fom xtrou. óva ik héf béét uóva di, Simon, dat di nich glouba feichalt. Un vén du tröich kümst na mi, yéf koróx dina bruiras. Maister, Ik bün trécht ta mit di fast nóma vara, un ta mit di dout bliva. aira ast hón kreicht, deist du mi drai móól af-xtrira As ik yuch ut-xikt héf óna tax, ón zak un ón xlapas, hét yuch vat feichalt? Nei, Nüxt hét feichalt. Óva nu, vé ain tax ura zak hét mut dai néma un vé kaina zébal hét mut zina kapa foköiba un aina köiba. Hórkt gaut, Dai Hailich Bibal zéch: Hai is télt voura mita xpits buba. Vat uóva mi xréva is mut pasira. Kik hia zün tvai vafan, Her. Is nauch. Dai Rót fona ülsta zün toup kóma tam zan vou zai zich frai za küna fo Yezus. Satanás is rina gó in Yudas Iskariotes vat a fo Yezus zina tvélf yünnra ve. Hai hét af-mókt mit déa ülsta up vatfon óót hai Yezus é af yéva de. Yezus is ruta gó fo Yeruzalem un is hén gó nam Oliveiras bach tam béran. Béét tam nich in fozuigan fala. Yudas Iscariotes hét Yezus forót fo blous draizich zilba nikals. Yezus vüst dat dai xtun tam dout blivan véicha déa ganza lüia éna zün ve bim rana kóman, un hai hét béét. Papa, Dau af fo mi deicha kélch fo xvirichkeit óva dat nich mókt xal vat ik vil óva yó vat du vist, Papa. A enhal fom himal is kóma ta ém koróx yévan. In grout unruich, béét Yezus mit nóch meia kraft, un zia xvait ve zou as blaut drupa vat up eia fala dera. Vorüm daua yi xlópa? Xtót up un béét tam nich in fozuigan fala. Yudas, Ist mit aim pus voust du déa Gotes Yonn foróra deist? Her, muita vi é an-gó? Kantch ém fast néma. Hult an! A tsaichan! Yi zün kóma mit vafan tam mi fast némam as vén ik a xpitsbub bun. Ik ve mit yuch al dóóchs im Tempel un yi héva nich fozöcht mi fast néman. Óva deich is yuch xtun. un ouk fona macht fom dunnkal. Xpunan in! Lót ém nich ut-rüka. Dai soldóta héva Yezus nam hóf nóma un ém ut-xpót as Könich fona Yuden. Dit is a kapa fo aim Könich. Zéch ous vat pasira vaat. Vaast du ous riéra, mayestét? Vaast ous riéra? Deich meix ve mit Yezus. Ik dau ém nich kéna, fruch. Ik héf é beit toup za. Din ainfacha dinas... dau as aina an-kika fo una houch Du büst ouk a fo é. Ik bün ka fo é. Is zicha dat du veeist mit Yezus. Vail büst ouk galileu. Gó hia véch. Ik vait nich vo du fón réra deist. Yezus dreicht zich un keik xtram na Petrus. Dun kaima ém int yedannga dai vöia vat dai Her ém zécht ha: “Hüt, aira ast hóón kreicht, vaast du mi drai mól af-xtrira.” ...Her Vi biira di, Alas xal mókt nó déa groutheit fo dim macht. Du vatst ous ülra foyéft hést as zich xtélt héva yeicha dia vout, du vatst vütan veeist mit é hést é nich fonicht Duó dim liiba uóva é Un duó dim hailicha foxprékan Du hést é xount. Zéch vé di xló hét? Un róó as: vé vaat dai anat zin? Hult an! Ik héf xikt an-hula! Némt ém nam rót. Nu, gó! Dai rót fóna forxteias fona relion kaima toup tam Yezus ut-fróchan. Zéch, büst du virklich dai mesias? Vén ik zéch yó daua yi mi nich löiva un vén ik ain fróch mók daua yi mi nich antvoura. Óva fo nu an vira deit dai Gotes Yonn zich hén zéta ant réchtan zia fóm alméichticha Got. Dén, bust du dai Gotes Yonn? Yó, ik bün! Vé yift récht tam dat zéchan? Hét xult! Vi héva zin aichna vöia höit Vif ém hén néma na Pilatos Nu! Gó! Ném ém hia véch Gó! Un hévas ém hén nóma fuó Poncio Pilatos, dai gróómst römix governant, vat dai duzanda lüia ant krüts nóchla lóda hét. Vat vila yi hia in deicha móichant-xtun? Hai maik duórananarich mannk ouzam fólk. Hai hét unruich mókt im yexéft-hus fom Tempel. Vat vaat zin xtróf zin? Xtróf ém! Ik zai kain urzach tam deicha meixa xtrófan. Nich ain. Vi maina hai hét xult. Hai de dém fólk zécha xula dém Kaizer kain xtüia betóla un bexteit up dat hai dai Mesias is, A könich. A könich? Dén büst du déa yuden é Könich? Du deist dat zécha. Hai hét an-fonna in Galiléia un nu iza hia hén kóma. In Galiléia? Deich man is fo Galiléia? In deicham fal, vif lóda dat Herodes ém richt. Hai is dóch nóch hia in Yeruzalem ura nich? Némt ém hén na Herodes. Vé zéchst du büst du? Vé zün dai vat du yünnra niénst? Féél zécha du mökst tsaichan. Mók aina ta mi. Her hai hét deich ganza lüia fodurva. Hai niént zich alain as Könich. Deich man? a Könich? Mayestét! Xtróft ém. Xikan tröich na Pilatos, deich provins is zin Deich man hét nüxt mókt tam dout am veeit zin. Dó véicha vaa ik xika dat hai duó-xacht vaat un lous lóda vaat. Am Oustra fést is moua du must aina vat ina kadei is lous lóta. Lót ous lous, Barrabás. Yó. Barrabás. Un ném deicha fast. Yó, lót Barrabás lous. Dauan ant krüts nóchla. Yó, dauan ant krüts nóchla! Du, du, xachtan duó. Vat deist du lura, Pilatos? Hai is Yezus Vorüm dau yi ém kvééla? Lót ém lous, hai is dai Mesias! Hai hét nüxt mókt. Buó ém houch! Óva zai dera vira xricha gans lua dat Yezus ant krüts nóchalt vara xul. Dun hét Pilatos Yezus richt tam dout. Hét Barrabás lous lóda déa man vats vula, vat ina kadei ve véicha un-ru un dout mókan, un yeif Yezus af tam ant krüts nóchalt varan. Gó véch, gó véch. Gó utam véich, gó, Gó utam véich, gót véch. Gó véch! Gó véch! Gót! Lót ous gó! Gót utam véich! Gó fuó véch! Gó fuó véch! Xtó up! Gó! Xtó up! Du, Vou is dia nóma? Simon fo Sirene Her. Kum un hélp ém. Xniit xtrika duó. Du, dróch! Lót ous gó. Gót véch! Gót véch! Lót! Lót ous gó! Gó dó véch! Gó véch! Gó véch! Gó véch! Vi hüla véicha di Her. Drinnk dit! Drinnk, Drinnk Her. Fruchas fo Yeruzalem, hüült nich uóva mi óva uóva yuch un uóva yuch kina. Vail vén dat alas mókt vaat vén dat hult gruin is vat vaat dat vént dröich is? Dat Got di hélpt! Ik dau uóva di bééra, Her. Lót ous gó, Nu, vira gót, rax, nóch raxa, Nu, du! Gó! Lót ous gó, raxa! Gó! Raxa! Nu, du! Gó! Nu, du. Lót ous gó nu! Nu rax dó mit. Nu houch buóra Xtél déa póól hén. Lót dai xtrika lous. Foyéf é Papa, zai vaida nich vats móka. Hai hét dai andra riét, xal zich alain riéra. Yó, vén du virklich dai Mesias büst, riéé di alain! Xtich fóm krüts runa. Vis din tsaichan. Un Yezus is krütsicht voura tüxa tvai xpitsbuba tam pasiran zou as dai Gotes proféts zécht hara étslich hunat yóó fuó-hé. Dit zichalich, is ka yevönlich tüch. (lachan) Yia! Lót lous! Nich kaput rita! Vif zou móka: Vif dat ut-louza. Ah, du hést óva glük! Vat vist dó mit móka nu datst yevuna hést? Bóva ém hévas a kla brét hén nóchalt vo an-xréva ve: “Dit is déa Yuden é Könich.” Riéé di alain vén du déa yuden é könich büst. Du büst nich, Büst nich dai Mesias? Riéé di alain un… ous. Hést kain anngst fo Got? Ous liran is yerécht. Óva hai, hai hét nüxt xléchts mókt. Dennk an mi Yezus, Vén du kümst as a könich. Ik foxprék di, dat du hüt im Paradis vaast zin mit mi. Meravenncha uóva mérach hail dai zün an fo xinan un vöö düsta upa ganza veilt bét klók draia nó mérach. Dai kadiin fóm tempel is duó réta in tvai xtüka. Papa, in din hein, yéf ik af mina gaist As dai övast anyextélt fóna römixa soldóta zaich vat pasit ve, louvt hai Got un zé: Louvt xal Got. Deich man ve virklich un-xülch. Yozef fo Arimatéia, mitglid fo dém Höichsta Rót, vat nich mitxtimt ha vat dai andra mitglira bexlóda un mókt hara, kreich elaubnis fo Pilatos tam Yezus zina körpa in a graf léchan, aira as dai zünóvant an-fonn vén dai zün una yünn. Foyéf ous, vi daua Yezus zina körpa nó gó. Ala zün in-lót. Óva, vif gó, dai zünóvant fenngt al an. Am zündach gans tiich, yünna dai fruchas nam graf un naima mit dat rük-vóda vats trécht mókt hara. Zai zaicha dat dai xtaia véch rult voura ve vo dat rina yünn int graf. Óva as zai rina yünna, funas Her Yezus zina körpa nich. Vorüm zuiga yi mannga doura, déa vat léft? Hai is hia nich. Is up-lévt. Denngt an vat hai yuch zécht hét aza in Galiléia ve: dai Yonn fom Man mut af-yévt vara ta déa zündas, mut ant krüts nóchalt vara un up-lévt vara am drüra dach. Hórkt, dai xtaia is véch nóma voura. vi yünna rina un ouzam Her zia körba vee... foxvuna. Vat? Foxvuna? Up vatfon leich óót? Tvai keils kaima fuó ous zeia glénzich ast zün, un zéra ous: Vorüm zuiga yi mannk déa doura déa vat léft? Is vóó! Löift ous! Löift ous! Vi héva za, gót zélbst hén tam zan, dat graf is liéich, ous her is foxvuna. Yi muita löiva an ous. Yezus hét zich véza ta tvai fona yünnra, vat glik véra tröich gó zün na déa andra. Dai Her is up-léft! Hai hét zich véza ta Simon! Vi héva ém nich kéént um véich. Óva, aza dat brout dailt, in Emaús… In Emaús? Is tam vunran dat hai dó hén gó is. Fréé xal mit yuch zin! Vorüm zün yi zou foxrékt? Vorüm is zou féél tvival in yucham kóp? Kikt, min hein un min fuit. Obacht, bün ik zélbst. Xtöit mi an un dén vara yi löiva. Vail a xpauk hét ka flaix un kain knókan zou as yi za dat ik héf. Unadésam as ik mit yuch ve héf ik zécht vat pasira müst. ...Alas vat xréva ve uóva mi in Mozes zim yezéts, in déa proféts én buik un ina Salmos müst pasira. Un ve xréva dat: Dai Mesias müst kvélt vara un am drüra dach up-léva... ...un dat in zim nóma dai nóricht uóva bekeirunnk un foyévunnk fóna zün vöö bekant mókt tana ganza fölka mim anfannk in Yeruzalem. Yi zün tsuichan fo deicha daila un ik zélbst vaa yuch xika vat mia papa foxpróka hét, óva luut ina xtat bét dai kraft fo bóvan kóma vaat uóva yuch. Dat Got yuch zéichant un upast. Ik héf dai gans macht kréicha im himal un upa eia. Gót un mókt yünnra in ala fölka un tauft dai im nóma fom Papa, fom Yonna un fom Hailicha Gaist. Un leeit é in tam in-hulan alas vat ik xikt héf. Un ik vaa bliva mit yuch in dai ganza dóóch bétam ein. Féél tit tröich héva dai proféts xréva ina Xrift dat Got déa Mesias xika vöö tam dai zündas riéra un é véra toup brinha ta mit Got toup lévan Yezus zia lévant vist dat hai virklich dai Hailant is vat Got foxpróka hét xikan ta deicha veilt. A profét mim nóma Yezaias hét xréva: “A méka vaat xvanna vara un vaat a kint kricha”. Un zou ist pasit. Got, duó zin kraft, maik dat Mari xvanna vöö, as zai nóch a méka ve, un zai hét Yezus kréicha. Is xréva ina Xrifta dat dai vuna fo zina yeburt Got zia tsaichan véést is dat dat kint dai Mesias ve, déa vat Got niént “zia Yonn”. Vén dai lüia Yezus zaa dera, zaicha zai dai Got zin natur un macht. Hai de dai lüia yezunt móka un foyeif én zün, un hai foxpraik é ain xtél in zim evicha raich. Yezus hét zia lévant hén yéft tam bextróft varan in déa ganza lüia én xtél. Dun is hai up-léft, un hét véza dat zin macht gröita is as dai macht fom dout. Yezus, dai Mesias, zé: “Ik héf autoritét tam mia lévant af-yéva un tam véra tröich krichan. Yezus zia lévant hét hula vat dai proféts xréva héva, un hét bextérkt dat dat hailich Gotes Vout evich is zou as dai proféts zécht héva. Yezus is dat Gotes Vout. In Yezus, deit Got zich bekant móka tana lüia fo deicha veilt. Yezus is kóma ta ous lévant yéva in grout mót, zou as im anfannk, as Got déa aaista man un dai aaist fruch mókt hét. Óva zai héva ka taufotruchan hat up Got un zin órnunnk nich in-hula. Ina Xrifta is xréva dats “ala zün mókt héva” un dat “déa zün é yehalt dai dout is”. Dai lüia vat zündicht héva kóna kain yezélxaft héva mit Got. Óva, zou as Got a xóp bezóicht hét tam dout blivan in Abraham zim yonna zin xtél, hét Got Yezus xikt tam dout blivan in zina af-xtampta én xtél. Hai hét dat mókt tam dat dai vat an ém löiva un taufotruchan héva up Yezus fuó Got hén kóma kóna. Zou, dai vat Yezus nó gó vara frai mókt fóna höla-xtróf, un vara mit Got vóna fo üma. As Yezus up-léft is fóna doura, hét hai zécht ta déa vat ém nó kaima: “Dai lüia vara préicha in mim nóma tana ganza fölka dat Got dai zün foyift déa ala vat zich bekeira un na ém kóma”. Yezus zé ouk dat hai Got zina Hailicha Gaist xika vöö tam toup blivan mit déa vat ém nó kóma tam é dai vórheit vizan, un tam é kraft yévan tam fórverts gó im Gotes vééich. As dai zündich fruch zich bekeit hét un an-fonna hét Yezus nó gón as é Her, hét Yezus ta é zécht: "Din zün zün foyéft voura. Dia glouba an mi hét di riét”. Yezus zé zous vén dai lüia virklich Got liiba, dat is a bevis dat Got én zün foyéft hét. Yezus, dai Mesias, hét dai lüia rauba ta ém nó gón. Dai vat bextima Yezus nó gó muta én yezélxaft mit ém an-fenha un deich vöia benutsa: Got Papa, du, Her büst yerécht. Ik dannk di vail du mi liibst. Ik va traurich vail ik din órnunnk nich in hula héf un zündicht héf yeicha di. Ik dannk di vail du Yezus xikt hést tam am krüts dout blivan in mina xtél, un vail hai up-léft is fóna doura. Ik dannk vail hai dai xtróf léra hét véicha déa zün vat ik mókt héf. Ik vil in dim vééich gó, un ik ném Yezus an as mia Her un Hailant. Ik dannk di dat du min zün foyéft hést, un dat du déa vééich up-mókt hést tam dat ik na di hén kóma bün un mit di zin kan fo üma in dim raich. Ik folann dats mi dina Hailicha Gaist yifst tam mit mi blivan un mi dina vééich vizan. Dat hai mi kraft yift tam di liiba mit mim ganza hérts un dat ik a lévant léf vat di yefült. Un dat dai lüia di an-béra in dai ganza xtéla fo deicha veilt. Amen. Yezus hét zécht uóva dai vat ém nó gó: “Min xóp höira min xtim. Ik kén é un zai kéna mi”. Dai vat Yezus nó gó fozamla zich, fotéla yeira dach mit ém, xtudira zia vout ina Xrifta, daua zich an-xtrenha tam dats zia baixpil beobachta un in-hula, un fotéla fo ém ta déa andra lüia. Yezus vist é déa vééich un xtérkt é duó dai macht fom Hailicha Gaist vat in éna hértsa vónt. Zai dennga üma dó an vat Yezus zécht hét ta déa vat ém nó yünna aira as hai houch maik in aina vólk na zim troun im himal: “Got hét mi dai gans autoritét yéft im himal un upa eia... Vést yuch zicha dat ik üma mit yuch bün, bét déa veilt é ein”.