The Beginning

Hessafe simmin, Xoossay, “Ase nuna daanisidi ane medhoos. Enti abba moluwa, salo kafota, biitta bolla woxi qaaxiya medhetetha ubbaa haaro” yaagis. Hessada Xoossay ase bana daanisidi medhis. I ase Xoosse daanisidi medhis; enta addenne maccas oothidi medhis.

Geeshsha Maxaafa

The Word for the World International and The Word for the World Ethiopia

Enti mi simmidi, nam7ayka akeeka demmidosona. Enti xire kallo de7eysa eridosona. Hessa gisho, balase mitha haythi sikidi dancidosona.

Geeshsha Maxaafa

The Word for the World International and The Word for the World Ethiopia

Godaa Xoossay, “Hiza asi lo77onne iita eron nuupe issuwada gidis. Enti banta kushiya yeddidi, de7o immiya mitha ayfiyape ekidi moonna melanne merinaw de7on doona mela teqetanaw koshshees” yaagis. Hessa gisho, enti banta medhetida biitta oothana mela Godaa Xoossay Edene Gannatepe enta kessis. Yaatidi, de7o immiya mithaako efiya ogiya naagana mela Kirubeela geetetiya de7o medhetethatanne shireti shireti wodhiya tama laco mashshe Edene Gannatepe doloha baggara wothis.

Geeshsha Maxaafa

The Word for the World International and The Word for the World Ethiopia

Hessafe guye, Xoossay Abrahaame paacis; iya, “Abrahaame” yaagidi xeegis. I, “Yee” gidi koyis. Xoossay, “Neeni dosiya ne issi na7a Yisaaqa ekada, Mooriya biitta ba. Yan taani nena bessiya issi dere bolla iya xuussa yarsho oothada taw yarsha” yaagis. Wontetha gallas Abrahaamey guura dendidi, ba hariya caanis. Ba aylletape nam7atanne ba na7a Yisaaqa baara ekidi, xuussa yarshuwas gidiya mitha qeri ekidi, Xoossi iya bessiya bessi baanaw dendis. Heedzantho gallas Abrahaamey dhoqu gidi, he bessa haahora be7is. Abrahaamey ba aylleta, “Hinte hariyara haysan de7ishite. Taara ta na7aara ya bidi Xoossas goyinnidi, hinteko simmana” yaagis. Abrahaamey yarshuwa mitha denthidi, ba na7a Yisaaqa toossis. I baw tamanne mashshe oykis. Enti nam7ay issife bishin; Yisaaqi ba aawa Abrahaame, “Ta aawaw” yaagis. Abrahaamey, “Yee, ta na7aw” yaagis. Yisaaqi, “Tamaynne mithay haysish; shin xuussa yarsho urge dorsay awunee?” yaagis. Yaatin Abrahaamey, “Ta na7aw, xuussa yarsho urge dorsa Xoossay baw immana” yaagis. Yaagin enti nam7ay issife bidosona. Enti Xoossay iyaw odida bessa gakida wode, Abrahaamey yan yarsho bessi giigisidi, mithi hiixis. Ba na7a Yisaaqa qachidi, he mitha bolla zin7isis. Abrahaamey ba na7a shukanaw ba kushiya yeddidi mashshe ekis. Shin Godaa Kiitanchoy salope, “Abrahaame, Abrahaame” yaagidi xeegis. I, “Yee” yaagidi koyis. Kiitanchoy, “Na7a bolla ne kushiya wothofa; iya aybibaaka oothofa. Neeni ne issi na7aa tana diggona gisho, neeni Xoossas yayyeysa taani erayis” yaagis. Abrahaamey dhoqu gidi xeellis; heko kacey turan qaxetida issi dorsi de7eysa be7is. Abrahaamey bidi he dorsa ekidi, ba na7a bessan xuussa yarsho oothidi yarshis. Hessa gisho, Abrahaamey, “Goday immana” gidi he bessa sunthis. Hachi gakanaw hessi, “Godaa zuma bolla imetana” geetetees. Godaa kiitanchoy saluwape nam7antho Abrahaame xeegidi, “Taani Goday, haysada gada taani ta huuphen new caaqayis; neeni haysa oothida gishonne ne issi na7aa tana diggona gisho, taani nena tuma anjana. Ne zeretha taani salo xoolinto melanne abba gaxan de7iya shafe mela oothana. Ne zerethati banta morketa katamata laattana. Neeni taw kiitetida gisho, ha sa7a kawotethati ubbay ne zeretha baggara anjetana” yaagis.

Geeshsha Maxaafa

The Word for the World International and The Word for the World Ethiopia

Saloti Xoossaa bonchuwa haasayoosona; salo gufanthoy iya kushe oosuwa awaajees. Issi gallasi hara gallassas hessa odees; issi qammi hara qammas eratethi qoncisees.

Geeshsha Maxaafa

The Word for the World International and The Word for the World Ethiopia