Burial of Jesus
Magdalena·38 of 46Clip 38 of 46
Burial of Jesus
As women observed and with permission from Pilate, Joseph of Arimathea placed Jesus' body, wrapped in linen and spices, in his own tomb.
QuestionsRelated Questions
Ask yoursBible Quotes
ShareGadey omarsishin Yooseefe geetettiza issi dure adde dayssi Armatiyase geetettizasoppe yides. Izikka ba baggara Yesusa kaallizaade. Izi Philaxoosa sinththi shiiqidi Yesusa aha izas immana mala woossiin Philaxoosikka izas immana mala azazides. Yooseefey ahaa ekkidi geesh gidida moogo afalan xaaxides. Shuch woocidi baas giigsida duufon efi woththidi gita shuch genderisi duufoza gordides. He wode Magdale Maaramiranne hankko Maaramira duufoza ginan uttida. Sambatas giigettiza wonteththa gallas qeeseta halaqatinne Farsaaweti Philaxoosa sinth shiiqidi, «Godoo! He wordoy kase paxa dishe, ‹Heedzdzu gallassafe guye ta dendana› gida qaalay nu wozinan turchchu gides. Hessa gishshas iza kaallizayti iza ahaa kaysoti ekkidi deraas, ‹Izi hayqoppe dendides› giidi woresontta mala heedzdzanththo gallas gakkanaas duufoy naagettana mala azaza; akkay giikko kaseyssafe guye balay aadheth gidana» gida. Philaxoosi, «Inttes naagizayti deettes; biidinne inttes erettida mala naagisite» gides. Isttika biidi duufoza doona maatamen gordidi naagana zabe essida.
Geeshsha Maxaafa
The Word for the World International
Read more...Gadey qammi qammi bishin Sambatas giigettiza gallassi gakkides. Dere cimata giddon bonchchettida issi Armatiyase dere as Yooseefe geetettizayssi Xoossa Kawoteth naagishe dizaadey babbontta Philaxoosakko biidi Yesusa aha woossides. Philaxoosikka izi hinni wode ellera hayqqidayssa siyidi malalettides. Mato halaqa xeygisidi, «Izi hayqqi gam7idee?» giidi oychchides. Izi hayqqidayssa mato halaqay geeshshi eridaappe guye Yesusa aha Yooseefes immides. Yooseefeykka moogo may7o shammidi ahaa masqaleppe woththidi moogo may7on xaaxidi shuchchafe woocettida duufon moogides. Duufaa doona shuchchara gordides. Magdaleppe yida Maaramiranne Yooseefe aayo Maaramira Yesusa aha awan moogidaakko be7ida.
Geeshsha Maxaafa
The Word for the World International
Read more...Ayhudata duulata asaappe issoy izikka Yooseefe geetettizayssi daro kiyanne xillo asa. Izikka kase asay Yesusa bolla duulatishin he duulatan deenna; izikka Armatiyase geetettiza Ayhudata katama asa shin Xoossa Kawoteththi yaanayssa naagishe gam7ides. Izikka Philaxoosakko biidi Yesusa ahaa baas immana mala Philaxoosa woossides. Philaxoosi izas ero giin Yooseefey ahaa masqale kocappe woththida mala xaaxidi shuchchafe woocettida kase hara asi moogettontta duufon efidi woththides. He gallassay asay Sambatas giigettiza gallas gidida gishshas Sambatay gelana hanees. Galilappe dendidi Yesusara yida maccassatikka Yooseefe kaalli biidi duufoza be7ida. Yesusa ahaa wostti woththidaakko be7ida. Heeppe simmidi shittonne tiyiza miish giigsida. Wogay giza mala Sambata gallas shempida.
Geeshsha Maxaafa
The Word for the World International
Read more...Ayhudata daannata babbidi qotan Yesusa kaalliza Armatiyase geetettizasoppe yida Yooseefey Yesusa aha ekkanaas Philaxoosa woossiin Philaxoosikka izas ero gides. Hessa gishshas Yooseefey biidi Yesusa aha ekkides. Kase Yesusaakko qamara yida Niqodimoosikka bagga kilo gidiza karbbenne godare uuththara walakettida shitto ekki yides. He nam7u asati Yesusa ahaza ekkidi Ayhudati ahaa xaaxiza mala shitto puukkidi lee7e may7ora xaaxida. Yesusi kaqettidasohon issi atakiltesoy dees. He atakiltezason oonikka moogettontta ooraththa duufoy dees. Ayhudata sambatas giigettiza gallas gidida gishshassinne duufoykka matan diza gishshas Yesusa aha heen moogida.
Geeshsha Maxaafa
The Word for the World International
Read more...
