2. The Blood of Jesus

¿Ambe jukashki ta Kristuri iuliri antdishi imaku unki intspini tsipikua mentkishi? Dioshitsini alishpti eshka iamentdu juchari tsipikua juchari iuliriolo jalashka. Imatsini alishptia eshka engashi no kulachapiringa, ualipiringashi. Ka no kulachashkashi nakurutsini alipkia Uiriaparini jamashkashi jiringakuntani nanina motakuni imani enga juchari inchanguikurini japka, ka no ushkashi. Jimankani, kuichikuani jashi ambe kanipati ka uingamintutsini jupikati. No sesi jankua papiti sanderu kanikua no sesi jankualo. Kuichikuani jashi ambe papiti sanderu kanikua kuichikuani jashi ambelo. Jimankani dioshitsini eroti, ka no julimpikua ka no sesi jankua uingamu ikiatatishi, Ka imeri mintsita tsapakulini ishi pikualerashpti. Ishi jimpbo aiokulishpti eshka ma juliani nenima jupiringa iamentdu ambe sesi jakuntani. Maru kuiripuchashi erokulishimpti keri juramuti ma kanikua uingapikua jingoni. Uanikuashi kulangulishimpti ka alani ima uantdikua iamentsu kuichikuani jashi kuiripuni. Ka no ishiti, shantsini uekani juchantsini, Dioshi ishi julati eshka chalaku ma Kuiripiti ka iriekati, Makeri jucha jingoni, Ka ima ualiti juchari ualikualo, Ka ishi uantdikungati juchantsini jimpbo. Jimpboka imar iulirikushi jintdeti achamashiri ma pipingashi ka kashumpiti enga jukaka tsipikua mentkishi anapu engatsini uaka ampbakuntani juchari kuichikuani jashi ambelo. Engashi mintsingalioka imani ka intskuni juchari tsipikua ishi eshka imatsini na intskuka imerini, Tsipikua imeri iuliriolo makeri ukulintashini jucha jingoni Ka pimutantashintsini juchari kuichikuani jashi ambelo. Jimankani uakashi iriekani ka tsipini mentkishi ima jingoni.