Birth of Jesus

Säkekewa Teófilo rikä, ñaebä yie je ktei chakaksa̱ biköle ia̱ tsa̱na si̱, jekäi yis ia̱ je ssëna 's me̱ je ktei yuäksa̱ ba ia̱ käi, je rä jini ba pautäle rä je biketsäklä ba wa̱ iyina si̱ irä ni. César Augusto bakle Roma tsa̱ku̱i ye je ke̱i wà ra, Herodes dä Judea ke̱i tsa̱ku̱i, je sha̱na ra Säkeklä te Ángel kie Gabriel patkaté busi̱ ekla wäki̱ jukläyäkä Nazaret ska. Je busi kie rä María. María, ke ba su̱anak Säkeklä je̱r ssëna bäi ba ra ki̱ka. Säkekewa kaldu ba ra, jekäi ba yaba su̱ami je kiemi ba te rä Jesús ni. ¿Maikäi je o̱r na? Yis dä busi ji̱a. Wikblu sikina dämiwa̱ ba ja̱mi, ale Jì Biköle Tsa̱ta te ba ki̱kukemiwa̱ ioloi wà, je ki̱ka je yaba ko̱rmi je kirmi rä Säkeklä yaba. Jekäi María mine Judea ke̱i na iel shtä Elisabet yuläk. Ije rä sa̱nu̱le̱e̱ ia̱ ka yaba su̱nak ji̱a, ta Säkeklä te je tsa̱tka wà ñaebä ije kaldu yaba ki̱. ¡Elisabet rikä! ¡María! ¡María rikä! !Jer bäi yina ba ia̱ alaklä wa saka tsa̱ta. Ñaebä je̱r bäi yina ba yaba ku̱emi ba te je ia̱. Ba te yis chaka ssa yis te ra, yis yaba dälinaka̱ yis sha̱ wà ssëlë baa! Yis je̱r ska yie Säkekewa kjeishe e̱e̱na si̱. Yis je̱r ssëna a̱naa Säkeklä yis tsa̱tkäkksa̱ ki̱ka. Jirami biköle te yis shemi bäije yis dä. ¡Bas Nazaret wa ku̱ issö! César Augusto te ka̱wei ma̱ ki̱, Judea ke̱i ska wa irä Galilea ke̱i ska wa irä ja̱na ñakie ma̱k yönak. Biköle jäiyi wa shena ijukläyäkäí ja̱mi iko̱le ke̱i ja̱mi kie ma̱k yönak. Ñerä José mineju̱ Belén kie ma̱k yönak ise̱naklä María ra ñara. Ata käpäklä jui ka ko̱ne ijewa ia̱ Belén. Ta ijewa te kje vaca jui ebä ne ku̱a rä. Je ke̱i na oveja pasu̱ak wa tso̱, jewa te oveja kjänane tso̱ je tuinei wà, jekäi Säkeklä ángel ekla je̱k kjasha ijewa ia̱, jera Säkeklä oloi te ijewa ñiwa̱ tulaka̱. Jir David jukläyäkäí ska Sa̱tsa̱tkäkksa̱ ko̱na, je rä Säbäkäkksa̱ sä Säkekewaí. Jekäi oveja pasu̱ak wa julunami yaba duluna ko̱na kate̱ vaca che̱wa̱klä na su̱ak. Ijewa ne te Sa̱tsa̱tkäkksa̱ ko̱na ktei baa bata sha säkätä rä.