یسوع کو ذاتی طور پر جاننے کا دعوت نامہ

‏انبیائے کرام کی معرفت‏ ‏اللہ تعالےٰ نے فرمایا‏ ‏کہ وہ نسل آدم کے گناہوں کی‏ ‏معافی کے لئے ایک مسیحا بھیجے گا۔‏ ‏المسیح کی زندگی سے ظاہر ہوتا ہے‏ ‏کہ وہ نجات دہندہ آپ ہیں۔‏ ‏جسے اللہ نے دُنیا میں بھیجنے‏ ‏کا وعدہ کیا تھا۔‏ ‏حضرت یسعیاہ علیہ السلام نے فرمایا تھا‏ ‏"ایک کنواری بی بی امید سے ہوگی اور ایک‏ ‏بیٹے کو جنم دے گی۔"‏ ‏اور ایسا ہی ہوا۔‏ ‏حضرت مریم طاہرہ جو کہ ابھی کنواری تھیں‏ ‏خدا کی قدرت سے امید سے ہوئیں۔‏ ‏اور اُن سے حضرت عیسیٰ کی ولادت ہوئی۔‏ ‏کلام اللہ میں آیا ہے کہ‏ ‏سب انسان گناہ گار ہیں‏ ‏اور گناہ کا انجام موت ہے۔‏ ‏گناہ گار انسان اللہ پاک کی قربت میں‏ ‏نہیں رہ سکتے۔‏ ‏لوگوں نے حضرت مسیح میں اللہ کی قدرت اور‏ ‏اس کی ذات کو دیکھا۔‏ ‏آپ نے لوگوں کو شفا بخشی۔‏ ‏اُن کے گناہ معاف فرمائے۔‏ ‏اور اُن سے وعدہ فرمایا کہ تُم ہمیشہ میرے‏ ‏ساتھ جنت میں رہو گے۔‏ ‏حضرت عیسیٰ المیسح نے رضا کارانہ طور پر‏ ‏نسلِ انسانی کے گناہوں کے لئے‏ ‏اپنی جان قربان کردی۔‏ ‏مرنے کے بعد آپ کا زندہ ہونا‏ ‏اس بات کا ثبوت ہے‏ ‏کہ آپ کی قدرت کے آگے موت بے بس ہے۔‏ ‏حضرت عیسیٰ المسیح نے فرمایا‏ ‏کہ "مجھے اپنی جان دے دینے اور‏ ‏پھر لے لینے کا بھِی اختیار ہے۔"‏ ‏عیسیٰ المسیح کی زندگی بالکل ویسی تھی،‏ ‏جیسی انبیاء کرام نے پیش گوئی کی تھی۔‏ ‏آپ کی زندگی سے یہ ثابت ہو گیا‏ ‏کہ ان انبیاء پر نازل ہونے والا کلام برحق‏ ‏اور لاتبدیل ہے۔‏ ‏انبیاء کرام نے فرمایا کہ کلام اللہ ہر‏ ‏عیب سے پاک اور ہمیشہ رہنے والا ہے۔‏ ‏حضرت عیسیٰ کلامُ اللہ ہیں اور آپ کی ذات‏ ‏میں اللہ نے خود کو دنیا پر ظاہر کیا ہے۔‏ ‏ابتدا میں اللہ تعالےٰ نے مرد و زن یعنی‏ ‏حضرت آدم اور بی بی حوا کو پیدا کیا‏ ‏تاکہ وہ اس کی قدرت سے لطف اندوز ہو سکیں۔‏ ‏لیکن انہوں نے اللہ پر بھروسہ نہ کیا‏ ‏اور حکم عدولی کی۔‏ ‏یہی وجہ تھی کہ وہ اللہ تعالےٰ کی‏ ‏حضوری میں مزید نہ رہ سکے۔‏ ‏کلام اللہ میں آیا ہے کہ‏ ‏سب انسان گناہ گار ہیں۔‏ ‏اور گناہ کا انجام موت ہے۔‏ ‏گناہ گار انسان خدائے قدوس کی‏ ‏قربت میں نہیں رہ سکتے۔‏ ‏جس طرح اللہ نے ایک مینڈھا مہیا کیا‏ ‏کہ ابراہیم کے بیٹے کی جگہ قربان ہو،‏ ‏اُسی طرح اس نے حضرت المسیح کو‏ ‏اس دنیا میں بھیجا‏ ‏کہ نسلِ آدم کی جگہ قربان ہو۔‏ ‏آپ کی زندگی، موت اور جی اُٹھنے‏ ‏کی وجہ سے ایمان لانے والوں‏ ‏اور خدائے قدوس کے درمیان‏ ‏ٹوٹا ہوا رشتہ بحال ہوگیا۔‏ ‏حضرت پطرس نے فرمایا‏ ‏کہ حضرت عیسیٰ المسیح وہ واحد شخصیت ہیں جن‏ ‏کے متعلق سب انبیاء نے فرمایا‏ ‏ہر ایمان لانے والا گناہوں سے‏ ‏معافی پائے گا۔‏ ‏حضرت عیسیٰ پر ایمان لانے والے ہمیشہ‏ ‏اللہ تعالےٰ کی قربت میں رہیں گے۔‏ ‏جی اٹھنے کے بعد مسیحا نے اپنے‏ ‏شاگردوں سے فرمایا‏ ‏کہ ساری قوموں میں میرے نام سے تبلیغ کرو۔‏ ‏کہ اللہ تعالےٰ ان سب کے‏ ‏گناہ معاف فرمائے گا،‏ ‏جو میرے مرنے اور جی‏ ‏اُٹھنے پر ایمان لائیں گے۔‏ ‏آپ نے یہ بھی فرمایا کہ میں اللہ تعالےٰ کا‏ ‏روح پاک بھیجوں گا‏ ‏وہ میرے شاگردوں کے ساتھ رہے گا۔‏ ‏اور اللہ تعالےٰ کی راہ پر چلنے کی‏ ‏توفیق بخشے گا۔‏ ‏ایک گناہ گار عورت جب توبہ کر کے‏ ‏آپ پرایمان لے آئی،‏ ‏تو عیسیٰ المیسح نے اس سے‏ ‏فرمای: "تمہارے گناہ معاف ہوئے۔"‏ ‏کیونکہ تم نے مجھ پر ایمان لا کر‏ ‏نجات پائی ہے۔‏ ‏حضرت عیسی نے فرمایا کہ معافی یافتہ لوگ ہی‏ ‏اللہ تعالےٰ کو سچے دل سے پیار کرتے ہیں۔‏ ‏حضرت عیسیٰ المسیح نے لوگوں کو دعوت دی‏ ‏کہ میری پیروی کرو۔‏ ‏جو لوگ حضرت عیسیٰ المسیح کی پیروی کرنے کا‏ ‏فیصلہ کر لیتے ہیں،‏ ‏وہ ان کے ساتھ اپنے تعلق‏ ‏کا اظہار دعا میں کچھ اس طرح کرتے ہیں۔‏ ‏آسمانی باپ تو صادق ہے۔ میں شکر گزار ہوں کہ‏ ‏تو نے مجھے ایسے پیار کیا‏ ‏جیسے باپ کرتا ہے۔‏ ‏مجھے افسوس ہے کہ میں نے‏ ‏تیری نافرمانی کر کے گناہ کیا۔‏ ‏تیرا شکر کہ تو نے عیسیٰ المسیح کو بھیجا‏ ‏جنہوں نے میرے گناہوں کی‏ ‏خاطر اپنی جان صلیب پر قربان کردی۔‏ ‏اور پھر مردوں میں سے جی اٹھے۔‏ ‏میں تیرا شکر کرتا ہوں کہ انہوں نے میرے‏ ‏گناہوں کی سزا اپنے اوپر لے لی۔‏ ‏میں تیری راہ پر چلنا چاہتا ہوں،‏ ‏اور عیسیٰ المسیح کو اپنا مولا اور‏ ‏نجات دہندہ تسلیم کرتا ہوں۔‏ ‏میں تیرا شکرکرتا ہوں کہ تو نے میرے‏ ‏گناہ معاف کردیئے،‏ ‏اور میرے لئے جنت کا دروازہ کھول دیا ہے‏ ‏کہ میں ہمیشہ تیرے ساتھ رہ سکوں۔‏ ‏اے باپ! مجھے اپنا روحِ پاک بخش دے‏ ‏جو میرے ساتھ رہے۔‏ ‏اور تیری راہ دکھائے۔‏ ‏تیرا روح پاک مجھے ہمت دے کہ‏ ‏میں اپنے سارے دل سے تجھے پیار کروں‏ ‏اور ایسی زندگی گزاروں جو تجھے پسند ہے۔‏ ‏دعا مانگتا ہوں، اے باپ کہ اس دنیا کا ہر‏ ‏انسان تیری حمد و ثنا کرے۔‏ ‏آمین۔ ثم آمین۔‏ ‏حضرت عیسیٰ یعنی یسوع المسیح نے فرمایا‏ ‏کہ میں اپنے لوگوں کو جانتا ہوں۔ وہ میری‏ ‏آواز سنتے اور میری پیروی کرتے ہیں۔‏ ‏عیسیٰ کے پیروکار ایک دوسرے سے رفاقت رکھتے‏ ‏اور انجیل کا ہر روز مطالعہ کرتے ہیں۔‏ ‏وہ آپ کی سنت پر چلتے‏ ‏اور آپ کی محبت کا دوسروں کو بیان کرتے ہیں۔‏ ‏عیسیٰ المسیح روح پاک کے‏ ‏وسیلے سے اپنے پیروکاروں کی مدد فرماتے‏ ‏اور انہیں مضبوط کرتے ہیں۔‏ ‏عیسیٰ المسیح کے پیروکار‏ ‏یہ بات یاد رکھتے ہیں‏ ‏کہ جب آپ مردوں میں سے جی اٹھنے کے بعد‏ ‏بادلوں پر جارہے تھے‏ ‏تو آپ نے اپنے پیروکاروں سے فرمایا تھا‏ ‏کہ "اللہ تعالےٰ نے آسمان اور زمین کا کُل‏ ‏اختیار مجھے بخش دیا ہے‏ ‏اور میں دُنیا کے آخر تک تمہارے ساتھ ہوں۔"‏