Жаңалықтармен бөлісу

Ривка Ізгі хабарды басқаларға айту. Әке, бүгін қалыңыз қалай? Қалым кеше де, арғы күні де қандай болса, сондай. Соқыр, берекесіз болдым. Әке, сіз берекесіз емессіз. Айтпақшы, Мен малға өте жақсы қараймын. Өрістегі жайылған қойды менен жақсы ешкім баға алмайды. Ал тас қашауға келсек, мен тіктеуіш жіпті бәрінен анық көремін! Әке, біздің берекелі болуымыз бұған байланысты емес. Құдай сізді істеген жұмысыңызға бола сүймейді ғой. (ашуланып) Маған жаның ашымай-ақ қойсың. Бар ары... жұмыс істе! Мені дұрыс түсінбедіңіз. Әке, Достарымыз бен туысқандарымыз Ләйланың туған күніне келгенде... сөз сөйлегім келеді. О-о, сөйлегім келеді де. Мен оған да жарамай қалдым ба? Жоқ. Орныңды алғаным емес, әке. Үлкен ұлыңыз ретінде өзімнің түрмеден қалай шыққаным жайлы айтқым келеді. Ойбай. Әлгі сандырақ әңгімеңді бүкіл әулетімізге айтпақсың ба? Оны тікелей өзімнен естігендері дұрыс болады деп ойлаймын. (ашуланып) Менен саған сонда не керек? Маған сіздің батаңыз керек... Құдайдың маған не дегенін жеткізейін. Мен сені бұрын тоқтата алдым ба? Рақмет, әке. Келгендерің үшін бәріңе рақмет. Тұңғышым, Дәуіт сөз сөйлеуге рұқсат сұрап еді. Онымен келіспесем де, ұлым болғандықтан рұқсатымды бердім. Менің әкем жақсы адам, маған көп шыдамдылық танытты. Ол маған өзімнің түрмеден шыққаным жайлы әңгімемді айтып беруге рұқсат етті. Мәриям мен Жақып үйленген түні бәріңіз осында болғансыздар. Сол тойдың бұзылғаны үшін сіздерден кешірім сұраймын. Сондықтан кейін не болғанын сіздерге айтып беруді жөн көрдім. Бүгін сіздермен осында бірге болып жиен қарындасым Ләйланың туған күнін тойламақпын. Анамыз Ләйланың Исаға сенуші болғанын барлықтарыңыз білесіздер. Ол әрқашан да Иса Мәсіх туралы айтатын. Маған да, әрине, Ол жайлы айтқан болатын, бірақ мен оған сенбедім. Анам ата-бабаларымыздың дінін тастап, адасып жүр деп ойладым. Мені ұстап алғаннан кейін римдіктер мені өлтіретін шығар деп ойладым. Мен азаптан, өлімнен қорықтым. Дегенмен анамның және сенушілердің мен үшін мінажат етіп жатқандарын білгенмін. Мінажаттарыңыз үшін рақмет. Түндердің бірінде мен қараңғы зынданның ортасындағы жарық пен жылудан оянып кеттім. Көзімді ашқанда алдымда тұрған бір ер адамды көрдім. Ол өте таза, киелі, ал көзі оттай жанып тұрды. Біраздан соң Ол маған сөйлей бастады. Менің жасаған істерімнің бәрін айтып берді. Жүрегім жарылып кете жаздады. Мен жылап жібердім. Қасымдағы тұтқындар ұйықтап жатқан, ал мен болсам, сонда, Исаның аяғына жығылып, өксіп жылап жаттым. Және мен... мен басында түсінбей жүрдім. Бірақ... өткен айда менің білгенім... сенушілер менен әлдеқайда ақылды екен. Киелі жазба бойынша, Құдай осы бүкіл әлемді және еркек пен әйелді Оның қуанышын сезініп, Оның қасында өмір сүрсін деп жаратқан. Оның жоспары сондай еді. Бірақ адамдар Құдайға мойынсұнбады. Адамдар Құдайдан ажыратылды... және еркек пен әйелдің арасындағы қатынас да бүлінді. Біз де Оған мойынсұнбай жүрміз. Киелі жазбада күнәларымыздың зардабы өлім және Құдайдан ажыратылу екені айтылған. Бірақ Құдай біздің Одан және Оның сүйіспеншілігінен айырылып, қорқып, ұялып өмір сүргенімізді қаламайды. Ондай болса, Құдай Ыбырайымның ұлының орнына тоқты бергендей, біздің орнымызға Исаны құрбандыққа жіберді. Ей, мынауың өте ұят нәрсе ғой! Біздің дәстүрлеріміз, Киелі жазбамыз, пайғамбарларымыз қайда қалды сонда? Немере аға, Иса келмей тұрып, жүздеген жылдар бұрын пайғамбарлар Киелі жазбада уәде етілген Мәсіхтің азап шегетіні жайлы жазған болатын. Ал Ишая былай деп жазған: "Ол біздің күнәларымыз үшін түйреліп, біздің әділетсіз істеріміз үшін құртылды. Оның тартқан жазасы бізге амандық пен тыныштық әкелді. Оның жараларының арқасында біз сауықтық". Ал Мұса пайғамбар: "Ағашқа ілінген әркім Құдайдың қарғысына ұшыраған", - деген. Иса айқышта өлген кезде біздің күнәларымыздың қарғысы мен өлім жазасын Өз мойнына алды. Оның құрбандығы мен қайта тірілуі арқылы біз зұлымдықтың билігінен, қара түнектен, қорқыныш пен ұятқа толы өмірден азат етілдік. Құдай бұл батаны біздің арғы атамыз Ыбырайымға уәде еткен, өйткені Ол Ыбырайым арқылы барлық ұлттарды жарылқайтынын айтқан. Тыңдаңыздаршы! Маған түрмеге келіп, менімен сөйлескен дәл сол Иса. Мен сенемін, тіпті Мен Оның уәде етілген Мәсіх екенін білемін. Ол менің орныма өліп, маған жаңа өмір сыйлады. Онымен кездескеннен кейін мен өзімнің өлімнен қорықпайтынымды байқадым. Өздерің көргендей, ол мені түрмеден шығарды. Мен бұдан да көбірек істеуге тиісті екенімді білемін. Негізінде мен басқа тұтқындар сияқты айқышқа шегеленіп өлуге тиісті болғанмын. Сен түрмеге ұлтшыл, күрескер болғандықтан қамалдың ғой. Сонда сенің римдіктерге деген ниетің өзгерген бе? Менің түсінгенім: біздің ең зор мұқтаждығымыз саясат емес, Құдайдан кешірім сұрап, Онымен татуласу. Мен саясатты өзгертуге тырысыппын. Ал Құдай адамның жүрегін өзгерткісі келеді. Біз осы "Исаның" Құдайдың таңдалғаны екеніне неге сенуіміз керек? Өйткені Құдай Оны өлімнен қайта тірілтті. Қазір бізбен бірге осында отырған Ривка... Исаның тірілгеніне куәгер болған адамдармен жақын дос. Ривка апай, Мағдалалық Мәриямның әңгімесін бізге айтып бересіз бе? Мағдалалық Мәриям бұл туралы маған көп рет айтты. Ол Исаның өлгеніне куә болды, Оның денесінің қабірге қойылғанын да көрді. Содан кейін жексенбі күні таңертең, Исаның өлгенінен кейін үш күн өткенде Мәриям мен басқа әйелдер Оның денесіне... жағатын иісмайлар алып қабірге қайта барды. Бірақ сонда жеткен кезде олар үңгірдің аузындағы дәу қақпақ тастың алынып тасталғанын көрді. Сонда бұл әйелдер Исаның денесі ұрланды деп ойлады. Бірақ кейін олар бос қабірдің ішінен екі періштені көрді. Періштелер оларға Исаның қайта тірілгені жайлы айтты. Әйелдер шәкірттерге жүгіріп барып осыны айтқанда, Петір мен Жохан олармен бірге қабірге жүгіріп келді. Бәрі кетіп қалғаннан кейін Мәриям сол жерде жалғыз қалды. Ол не болып жатқанын түсінбей жылай бастады. Өйткені ол әбден шатасты. Кейін кенеттен қасында бір адамның тұрғанын байқады. Адам оған сөйледі. Ол былай деді: "Қарындас, неге жылап тұрсың? Кімді іздеп жүрсің?" Мәриям Оны бағбан екен деп ойлап, Оған былай деді: "Мырзам, Оны әкеткен Сіз болсаңыз, қайда апарғаныңызды айтыңызшы, мен Оны алып кетейін". Сонда Иса оның атын атап: "Мәриям!" - деді. Сонда Мәриям Оған бұрылып, өзінің Исамен сөйлесіп тұрғанын білді! Иса Оның алдында тұрды. Мәриям жүгіріп барып, Оның аяғына жығылды. Мәриям өзінің көргенін маған айтып берді. Кейін Иеміз Иса келесі қырық күннің ішінде шәкірттеріне жиі көрініп, оларға көп ақиқаттар үйретті. Кейін Зәйтүн тауынан шәкірттерінің көзінше көкке көтеріліп кетті. Бұның бізге қандай қатысы бар? Маған мысалы? Иеміз Исаға сеніп, Оның атымен шомылдыру рәсімінен өтіңіздер, Оған сенім артсаңыздар, күнәларыңыз бен ұяттан азат болып, Иса арқылы жаңа өмірге ие боласыздар. Мен жақында Мәсіхті танып білдім! Ол менің өмірімді өзгертіп, қартайған шағымда маған қуаныш сыйлады. Ол менің өмірімді де өзгертті. Менікін де. Менікін де. Исаны шақырып, Оның атынан сиынған әркімге Құдай жаңа өмір сыйлайды. Бүгін Исаның бізге айтып тұрған Ізгі хабары осы. Ол тірі және дәл қазір біздің арамызда. Осы да жетер! Исаның ілімі мен Оның өмірі жайлы көбірек білгілеріңіз келе ме? Мен сен айтқан Иса туралы ойланып жүрмін. О? Дәуіттің әңгімесі туралы да. Мен бәрін түсінбесем де, сенің айтқаныңа сенгім келеді. Шын айтам, бірақ... Бұған не кедергі болып тұр? Мен сен сияқты болып кетсем, әке-шешем не дейді? Менің сенімім жеткілікті емес сияқты. Мен Исаны Дәуіттей өз көзіммен көрген жоқпын. Мен де Оны өз көзіммен көрген жоқпын ғой. Ол Өзін әрқайсымызға әр түрлі жолмен көрсетеді. Сен Одан өзің де сұрай аласың. Не сұрай аламын? Сенімді. Және батылдықты. Құдайдан саған шындықты көрсетуін өтін. Бірге мінажат етсек бола ма? Әрине. Жай, ғана өз сөзіңмен Онымен сөйлес, шын жүректен. Дауыстап па? (ұялып) Ием, соңғы бірнеше апта бойы Сен туралы көп қызық нәрселер естідім, Достарым Сені білгендей... мен де Сені танып білгім келеді, Сенімімді Саған... артқым келеді. Менде жоқты маған берші. Маған сенім мен батылдық бере гөр. Шындықты білуге көмектесші. Рақмет, Ием. Меніңше, Ол мені естіді. Әрине, естіді. Егер мен Исаның жолын қуушы болғым келсе, онда не істеуім керек? Онда Құдайға Исаның Мәсіх және Иеміз екеніне және Оның сенің күнәларын үшін өліп, қайта тірілгеніне сенетініңді айт. Исаның құрбандығын қабылдап, Құдайдан күнәларың үшін кешірім мен бостандық ал. Өміріңді Оның қолына тапсыр. Сонда өзіңнің мәңгілік өмірге ие болғаныңды білесің. Мен бұлай істесем, әке-шешем бұған қалай қарайды? Құдай сенің өз әке-шешеңе өте жақсы қыз болғаныңды қалайды. Бірақ ең алдымен сен Оның қызы болып, Оған мойынсұнуың керек. О, қандай әдемі сәби десеңші. Анам екеуіміз осында күннің батқанын көруге келуші едік. Оны сағынасың ба? Әрдайым. Ол Құдайға осы сәби мен Дәуіт жайлы көп мінажат еткен еді. Құдай жауап берді де. Бірақ оның өзін алып кетті. Құдайдың жолдары біздікінен өзгеше. Иә, солай. Бірақ Ол бізбен бірге. Оның менімен бірге екенін білемін. Мен қайда болсам да, Оған бәрін айта аламын. Қайғы мен ауыртпалық кейде кетпесе де, Құдай маған төзуге күш береді. Кейде мен айдалада кетіп бара жатқандай сезінемін, бірақ Ол қасымда жүріп, тіпті жайсыз жерде де маған қуаныш береді. Осы әңгімедегі кейіпкерлердің қайсысы сізге көбірек ұқсайды? Сіз Дәуіттің өз әңгімесін басқаларға айтып бергеніне қуанасыз ба? Неліктен иә немесе неліктен жоқ? Ривканың Мағдалалық Мәриямнан естіген Мәсіхтің қайта тірілуі жайлы әңгімесін қайта айтып беріңіз. Мәриям мен Дәлияның ыдыс жуғанда айтқандарына сіз қалай қарайсыз? Мәриям мен Ривканың ең соңғы сөйлесуі сізге өзіңіздің Құдаймен қарым-қатынасыңыз жайлы не айтады?