JESUS

Ngaldu Molmil nei yobei bei li e taq, zaolduv taq laq e aoq ssol milma haoqbaoq hal jav hal jol e dyul yaol salhu alnei, aqyoq aq hal pyuq hal heeq zeiq e nga leil hev qivq naq. Molmil nei hal zaolduv laq e daov meeq nga. Zaolduv laq e dyul nei aqyoq aq haljivq liq hal nia leil col a bi hev e nga. Molmil nei soqlavqjayeiv ssolnei yodeivqssaq halqa liq zaolduv nga. Naolhao, Molmil halcaq nei yobei byulssaq qiq hhaq zaolduv alnei aqyo nalbyu a savq bo dov miq taoqngaoq aqyoq byuldeivq deivq al. Yobei byulssaq xil hhaq aq, Yaqdal leil gul nga. Naolhao, Molmil yobei ssaqmiqssaq Xaqwa leil qiq hhaq zaolduv alnei, Yaqdal e hoqcuv yolqoq bi gee miq. Molmil ssaqmiq ssaqyo meil zaolduv taoqngaoq, aqyoq naogo gaqzavhhyulqaolnei bi joltavq miq nga. Molmil nei aqyo niaq yaol gaqzavnei Yildieif-Yoyal leil qiq koq a bi jol nga. Yultaq, saq ssol gaq e miqnieiq ssolnei sil leil maq jav nga. Molmil Yaqdal naogo eil miq: “Haljivq albol alsiq liq zaq sso nga. Tyulliq, xil bol e alsiq aq ma zaq hhaq. Zaq e ngaoq, halmeilliq sil lal nga!” Yulmeil qiq nao, neivqhaq-zyuqmoq Xaqwa yaol cavqsiilsiil zaq lal. Xaqwa zaq naolhao, Yaqdal a liq bi zaq al. Yultaq neikavq'e aqyo niaq zyul jav alnei, Molmil naogo alkaqkaqli jav al. Molmil aq, solyeilnei ngeel taoqngaoq, zyul jav e col naogo qiqgao ma jol qivq nga. Aqyo niaq Molmil e heildoq maq nalhaq na taoqngaoq Yildieif-Yoyal nei bi leiqduv laq e nga. Aolzyul laq e ballalnei, saq ssol gaq e miqnieiq ssolnei sil leil duv lal al. Tyulliq, Molmil byulssaq yaol gaq taoqngaoq, aqyoq naogo bi hhuvq lal alnei joltavq movq ya leil lulsul qiq mol deilssaol nga. Molmil-Soqhhaq hultav a Molmil byulssaq e wuqhol halmeil hhe’leev leil dav nga. Aqyoq byulssaq e zyul yaol bi geiq taoqngaoq aqyoq naogo salssilmeil meeqzavnei bi jol ma leil taoq nga. Molmil nei aqyoq e lulsul qiq pav aq, Yaqboqlalha yaol eilgaq miq al. Aqyoq Molmil yaol qeqzaq alnei Molmil gaoqlaoq miaqnei bivq nial leil eil miq nga. Yulmeil maqceil, daqtav ssaqqa hal jol e aqyoq e ballalnei gaoqlaoq hha wul naq. Molmil aqyoq naogo ssaqssyuqssaqla lolbaq halceil aqmeil, aoqtav e aqgeel aqmeil, miaqnei bi zeq nial leil eilceiv miq nga. Aqyoq Molmil yaol qeqzaq taoqngaoq Molmil aqyoq yaol colmeeq-coljil leil ssiil miq nga. Colssaq aqyoq yaol Molmil e yolqoq leil gul miq nga. Yulmeil qiq nao, Molmil aqyoq yaol heildoq nal maq nalhaq na leil zaolhu miq. Aqyoq yaol aqyo ssaqyo nei seivqhel lal leil heil miq nga. Yaqboqlalha Molmil aqyo ssaqyo xil hhaq yaol dal alnei ssaqssyuqssaqla miaqnei bivq nia leil hev e liq, tyulliq aqyoq Molmil yaol qeqzaq nalhaq nga. Yulmeilnei, aqyoq aqyo ssaqyo yaol Molmil a seivqhel movq a leil deilssaol nga. Yaqboqlalha tossaq hhecei al. Yultaq, Molmil eil: ''Yaqboqlalha. Ssaqguq xil hhaq yaol taq seivq. Nol aqdilmeil ngaq yaol qeqzaq ssolnei heildoq nalhaq na leil ngal hev yaq.'' Yultaq, biaqzeilpyu aqcivqcivqpaq qiq ssaq kyul leeltovq al leil humol al. Yulmeilnei, civqpaq yul ssaq ciilpyul yil alnei aqyo ssaqyo ballalnei Molmil a seivqhel miq al. Molmil nei Yaqboqlalha e ssaq e ballalnei civqpaq deilssaol alnei bi seivqhel lal e taq, Molmil byulssaq yaol gaq e aq, aqda ssaq yaol gaq e aqmeil nga leil bi hev naq. Miqnieiq xil mol dal alnei Molmil byulssaq e zyul ballalnei silcyuq e lulsul bi hev nga. Molmil-Soqhhaq xilmeil buvqtaq: Aqkal Molmil zyul maq jav e col qiq hhaq heil alnei, colssaq ballalnei bi sil. Xil hhaq e sivq nei colssaq e zyul geiq nia nga. Xil hhaq yaol qeqzaq e col aq, Molmil naogo meeqzavnei salssilmeil qiqgao jol sso nga. Xil hhaq yaol 'Jildul' leil liq gul nga. Molmil Jildul xil hhaq yaol heil alnei colssaq yaol bi hhe'leev yiv e maqceil, salssilmeil e hhomu bi gee yiv nga. Jildul maq yiv meenia yal huvq huqteil, Molmil-Soqhhaq hultav a Jildul aol yiv ssolnei aqyo hultav duv lal e miqnieiq xilmeil eiltaq: Jildul aq 'Hhe'leev-Yosaol' ssolnei 'Salssil-Hhomu' gee lal nga. Molmil liq Jildul naogo: “Nol aq ngaq e Ssaqyo nga” leil eil miq. Molmil aqyoq yaol 'Ngaq e Ssaqyo' leil gul e aq, Molmil naogo gaqzavhhyulqaolnei nga leil e yifsiil nga. Molmil-Soqhhaq xilmeil eiltaq: "Haqjil'aqda naogo maq jol bei laq e ssaqmiqssaq qiq hhaq ssaqyo qiq ssaq bo lal nga.” Ssaq xil hhaq aq Molmil-Ssaqyo nga. Daqtav byulssaq ssaqyo xil hhaq hultav nei Molmil yaol hha hev lal nga. Jildul aqkal Yiulda milcaq e Boqliheiq ceiq a deivq lal nga. Aqyoq aqkal Yeillusallei ceiq a hhomu gee yiv nga. Aqyo yolqoq nei piul saoqceil dev e ballalnei aqyoq yaol aoqzaq al. Jildul aq 'Byulssaq-Ssaqyo' leil liq gul, aqyoq yoqhhaq wuqhol pieiqbial alnei byulssaq yaol hhe'leev yiv nga. Molmil aqyoq yaol saoq nao qiq nao bi deivqhuvq lal. Naolhao aqyoq aoqtav a dav hhuvq li al. Molmil aqyoq a qeiqlif bivq taoqngaoq, aqyoq aqkal ssavq yiv alnei, zyul ceilceiv yiv nga. Niqtaol huvq miqteil, Yeilsul leil gul e qiq hhaq jol nga. Col aqyoq hultav duv lal laq e miqnieiq dyul Molmil-Soqhhaq hultav eiltaq laq e Jildul e miqnieiq naogo qiq qa maq qiq qa leil bavqqeiv nga. Dieiyif xil mol aq, Molmil-Soqhhaq hultav buvqtaq laq e lo'qo meil Yeilsul aq, aqsol leil ngaldu a bi hev e nga. Dieiyif xil mol hholqei col qiq hhaq Yeilsul leil gee nga. Ngeeljilmeil ngaoq, Yeilsul leil geepieiv e qiq hhaq maq jol nga. Tyulliq, colssaq a Yeilsul yaol bi hev movq e ballalnei, dieiyif xil mol xilmeil zaolduv laq e nga. Yolqoq ei'eiq, ngalya alkaq duv lal laq e miqnieiq dyul, noq a soqdopadonei buvqneiq taoqngaoq, nol hal gaq laq e dyul yojil nga leil bi hev nial. Galhhu, Molmil nei aoqtav-heilssaq qiq hhaq heil alnei Yiulda milcaq e Naqsalle puvzaoq a jol e Maqliya leil gul e qiq hhaq naogo doqgaq bi cavq yiv miq al. Maqliya aq, haqjil'aqda naogo maq jol bei laq e nga. "Maqliya ei'eiq, taq guv. Molmil noq yaol ceilduv al taoqngaoq, nol halmeilliq ssaqyo qiq hhaq deivq nia nga. Aqyoq yaol Yeilsul leil hha miaol miq nga." "Halmeil duv lal nia ya? Ngal sulmil maq yil siq." "Molmil-Yo'lal no hultav ssavq yiv taoqngaoq noq nei bo e ssaq xil hhaq Molmil-Ssaqyo ngeel naq. Aqyoq hhomu salssilmeil gee nga." Maqliya yoqcol yaol qo yil al. Yoqcol colmoq moq alnei ssaq maq bo nia. Tyulliq, Molmil nei ssaq bi bo nia miq nga. "Yillisalbei." "Maqliya. Ngaq e Maqliya ei'eiq. A'aq. Nol gaoqlaoq hal heeq zeiq e ssaqmiqssaq ngeel al. Nol eq e ssaq liq, gaoqlaoq jav nga. Nol gul e ngal joq gaq taoqngaoq, ngal eq e ssaq liq hhyul laq meil coq ya." "Ngal Yosaol yaol hal heiq zeiq leil saolpyuq ya. Molmil ngaq e Hhe'leev-Yosaol nga leil ngal hhyul ya. Aqkal, ssaqssyuq hal ciivq liq, ngaq yaol gaoqlaoq jav nga leil eilpyuq jil." "Naqsalle e ssaqlaol ei'eiq! Loqma hhomu Aoqgusiiltu nei heil laq e, Jalliqliq ssolnei Yiulda milcaq a col geehu e miqnieiq hha aol nga. Colssaq aqsol liq, yoqhhaq deivq laq e puvzaoq a hhuvq yil alnei, colmiaol hha bi buvqteiq yil nga." Yulmeilnei, Yolse yul hhaq liq, aqyo geeceiv taq laq e miqssaq Maqliya seq alnei, Yiulda milcaq e Boqliheiq ceiq a colmiaol bi buvqteiq li al. Tyulliq, Boqliheiq ceiq e daqyao-xavqyaol xavqduq maq deil taoqngaoq, aqyo niaq zeiqssaq xavqduq a xavq yil al. Yul yavq, beilcaoqlaqnil a aqyol-luvqssaq qiq ba jol nga. Maqnyuqmaqgaqmeil, aoqtav-heilssaq qiq hhaq duv lal alnei Molmil e haoqseil'aqgeel sseivnei cuvq xa yiv al. "Yeiqnao, Boqliheiq ceiq a nolyaq e Hhe'leev-Yosaol deivq al. Aqyoq aq Jildul yul hhaq ngeel wul naq." Yulmeilnei, aqyomavq laqcalmeil yil alnei, moqloq a yiuvq e Jildul yul hhaq yaol humol taoq, 'Hhe'leev-Yosaol' yul hhaq deivq al leil e geegaq yil al. Xeivq nao yul nao, ssaq xil hhaq yaol Yeiqzei-Caqcuv bi aol alnei Yeilsul leil miaol miq. Qiq siq naolhao, Yeilsul yaol Molmil a bivq ma leil Molmil-Yaolma a qil li al. Yulgei nei, Xilmeiq yaol taoqpuq al. Molmil aqyoq yaol maq sil miqteil Jildul hha mol lal nga leil eiltaq miq nga. "Molmil ei'eiq, noq nei eiltaq laq e aqmeil, niaoq'aol ngal noq naogo bi hhuvq lal joq." Noq nei wuqhol hhe'leev e galma, ngal mol wul yaq. Ssaq xil hhaq Molmil nei ceilduv laq nga. Molmil nol niaq naogo bi joltavq. Aqyo niaq Molmil e yo'liq lo'qomeil aol saq taoqngaoq, yoqhhaq laqhuvq a hhuvq yil al. Yeilsul ceilniq huvq biao e yultaq, dama niaq aqyoq yaol seq alnei Yeillusalei ceiq a Yoqyil-Neecii bal zaq li al. Bal zaq saq taoqngaoq, hhuvq yiv al. Tyulliq, Yeilsul aq jol qavq al. Naolhao, aqyo niaq Yeilsul maq mol lal taoqngaoq, qo huvq li al. Saoq nao naolhao, Molmil-Yaolma nei laosiil alkaq nei qo mol al. Xil hhaq aqsol qovq e ssaq ngeel nil? Neekyul qavq jav ya. Aqyoq nga ssaq nga. Ngal niaq naogo ssuq naqgaq ya. Qiqheiq nyuqzoq a. Laosiil dyul aqyoq yaol neekyul daov jav ya leil qeq nga. "Nol haljivq ca alnei xilmeil leil zaol wal? Nga niaq neema qilqaqqilgav alnei noq yaol qo zaq lal wul." Ngaq yaol haljivq qo wal? Nga Aqda e miqnieiq hha aol nga leil no niaq maq hev ya laq? Naolhao, Yeilsul dama naogo hhuvq yil al. Aqyoq laoqseilmolseil janei heeq al, Molmil ssolnei col liq, aqyoq yaol daov hhyul miq nga. Dieiyif xil mol aq, Yeilsul e miqnieiq ngeeljilmeil geetaq laq e nga. Dieiyif mol, Molmil-Soqhhaq hultav e Lujal-Doqgaqgaqmeeq yul daoq nei geeduv laq e nga. 'Inspirational Films' gofsiil nei zaolduv laq e nga YEILSUL Loqma hhomu Tibiqlil yul hhaq zyuq e ceilngavq huvq e taq, Bi'laldol yul hhaq Yiulda milcaq e aqhhol gee, Xilliq yul hhaq Jalliqliq milcaq e zyuqmoq gee, Yalna ssolnei Kalyafa aq, Molmil-helma Yoheeq gee nga. Yultaq, Yolha yul hhaq beilcaoqlaqnil nei Molmil heildoq hha taoqngaoq, Yolda lolbaq jol alnei col yaol neema nyuqpuv alnei, Ciqbu-Yo'liq aol lal leil gul nga. "Neema nyuqpuv joq! Ciqbu-Yo'liq aol ngaoq, Molmil nolya yaol zyul geiq na nga. Molmil-doqgaqcavqssaq Yisaya yul hhaq nei eiltaq laq e aqmeil: Beilcaoqlaqnil a col qiq hhaq doqteilteilma meil gul: 'Yosaol e ballalnei galma deilssaol jil. Aqyoq ssuq e galma duqdol joq. Lolxaq lolgov hal jav e duqzao, haolgaoq gaoqssaq gaoqma meil duqdei joq. Galma galhhuvq lavqhhuvq duqzoq, duqhaoq daollu duqsal joq. Daqtav byulssaq hal jol e, Molmil wuqhol hhe'leev e galma hha mol nga." Ngalya haljivq hha aol ngaq? Ngalya haljivq hha aol leiq? Ollol beivdev noq e dyul! Nol ngalya haljivq hha aol nga leiq?" Qiqheiq balhaol joq. Ngalya halmeil aol kal leil eiq? Peilhaoq niq xov jav e col maq jav e col a qiq xov hha bivq miq. Zaqzal liq, maq jav e col a hha bil miq." Laosiil ei'eiq. Ngalya zeiqcuvceiqla leiq zaq aq wul, halmeil hha aol ngaq? Galma lo'qomeil naolngaoq taq leiq zaq. Ngalya taoq? Halmeil hha aol ngaq? Nolya aq, taq koqzaq, taq hheivqzaq. Col yaol maq ngeel meil taq eil. Piul hal hha dyul, luvq ya leil hha nyuq nga. Eil joq. Nol Jidul ngeel lil aq? Ngal aq, wulquvq nei Ciqbu-Yo'liq aol e nga. Tyulliq, ngaq e hultav heeq zeiq e qiq hhaq yiv movq wul naq. Ngal yul hhaq e seiqnaov leiv zaq e liq, maq hov zaq nga. Aqyoq aq, Molmil-Yo'lal ssolnei miqzaq nei Ciqbu-Yo'liq aol yiv nga. Aqyoq hhalma nei, ceilhhal hha heq taoqngaoq ceiljil a bavq tao naq. Cuvlnei yultaq, Molmil-Yo'lal hoqhyuq naldulmeil Yeilsul e hultav dovq yiv al. Aoqtav nei doqteil qiq teil gaq yiv: "Nol aq, ngaq e ssaqyoyogaq nga. Ngal noq yaol daov hhyul ya." Yeilsul Molmil e galma-yo'liq eilmeiq bei e yultaq, saoqceil huvq aqmeil nga. Molmil-Yo'lal aqyoq yaol jolbiao taoqngaoq, beicaoqlaqnil a neivqhaq-zyuqmoq nei cavqsiil yuvqceil nao bi siil yil al. Yul qiq savq aqyoq qiq jivq liq maq zaq bei nga. Neivqhaq-zyuqmoq Yeilsul yaol eil miq: "Nol Molmil-Ssaqyo ngeel al ngaoq, haqluv xil siq zaqzal bi pievq joq!" Xilmeil buvqtaq: "Colssaq deivq e, zaqzal solsol dal alnei maq ngeel nga." Neivqhaq-zyuqmoq aqyoq yaol haolgaoq a seq dav alnei, daqtav milhaoq saqnei aqyoq a bi mol miq. Ngal daqtav haljav e qeiqlif, piulsiil miaoqgaoq dyul noq a bivq nial. Xil dyul saqnei ngaq a bivq laq e ngeel taoqngaoq aqsol a bivq movq aqsol, ngaq e nadovq nga. Nol ngaq yaol wuqduq taoq al ngaoq, ngal xil dyul saqnei noq a bivq nial. Xilmeil buvqtaq: "Yosaol, nol Molmil yaol hha bavqpyuq. Aqyo miqnieiq solsol hha aol zaq nga." Naolhao, neivqhaq-zyuqmoq nei Yeilsul yaol Molmil-Yaolma hal goq zeiq e yulgei seq dav al. "Nol Molmil-Ssaqyo ngeel al ngaoq, coqxa heil joq. Xilmeil buvqtaq: 'Molmil aoqtav-heilssaq heil alnei, noq yaol bi haolleev yiv nga. Noq yaol aqlavq nei qiq teiq alnei, noq e aqkeel haqluv a maq bi teiltovq nga.' Xilmeil buvqtaq: "Molmil yaol cavqsiil ma siil hhaq nga." Yeilsul aqyoq heeq lal e milcaq, Naqsalle a hhuvq lal al. Jolsal ya. Jolsal. Molmil-Nee'lao-Nao, aqyoq miqteil naolhao aqmeil puv'laol-ssaoqyaol a tao li nga. Col qiq hhaq Yeilsul yaol Molmil-Soqhhaq zol li leil eil miq. Yosaol e Yo'lal ngaq e hultav jol nga. Ngaq yaol heil alnei, cyuqssaq yaol doqgaqgaqmeeq bi eilgaq yil. Xilmeil eilgaq: 'Nieiqkuv laq e, pieiqduv deil; Miavbeivq e, mol qivq lal; Bi yaqpeiq laq e, jolsal duv wal; Molmil colssaq yaol hhyul e yotovq hev wul naq. Aqyoq eildoq meeq ya! Nolya hal gaq e Molmil-Soqhhaq e doq dyul, yeiqnao duv lal wul naq. Ngeeljilmeil duv lal naq leil laq? Jildul naolngaoq qiq hhaq maq aolpievq nia nga! Halmeil hev qivq nga laq? Nolya doq'aqma xilmeil eil lal: "Naciq'aqbol, yoqhhaq nalgol zaolkaq joq." Nolya xilmeil eil lal nga siq: 'Noq nei Jalbeiqnaoq a aol laq e miqnieiq dyul, No milcaq liq aol hhoqbo nga. Ngal eilmeiq nial. Molmil-doqgaqcavqssaq qaq yaol liq yoqhhaq milcaq col maq hhyul na. Yeilsul yoqhhaq bulduq Molmil nei ceilduv alnei, byulssaq wuqhol hhe'leev yiv e Jildul yul hhaq ngeel al leil eil. Tyulliq, Yiulda ssaq aqyoq Jildul nga leil maq ssiil na. Aqyomavq aqyoq yaol deiqxa ma leil zaol. Tyulliq, aqyoq maq teiq maq cal meil aqyomavq alkaq nei ssuq heil qav al. Naolhao, aqyoq Jalliqliq milhaoq e Jalbeiqnaoq puvkaq a yil hev al. Yultaq, Yiulda ssaq hal jol e, Loqma ssaq nei bi yaqpeiq alnei, ssaqlaol aqsol liq Jildul yul hhaq qavq hhe'leev yiv al naoq leil hoqhhyu za nga. Jolsal bi hha miq. Nol liq bi hha miq, Laosiil. Xilmeiq, noq e loq dav sso lil aq? Hhaq lil. Aqyoq ssuq ma leil maq ngeel naldul? Laosiil, laosiil! Ngalya yaol geemeiq joq! Yeilsul, eilmeiq joq! Col niq hhaq Molmil-Yaolma a gaoqlaoq sal li al. Qiq hhaq Faqlisai col, qiq hhaq zeiqduvceiqla leiq zaq e col. Faqlisai col yul hhaq qaqsol aqtav tul alnei xilmeil eil: 'Molmil ei'eiq, nol meeq ya. Ngal aqnu col aqmeil, koqzaq, maq jil, cavqzaq miqnieiq maq aol wul. Zeiqduvceiqla leiq zaq e xil hhaq naldul maq dul wul." Ngal siivq nao hholqei maq zaq meil niq taq jol wul. Ngaq e ceil bil qiq bil noq a bivq wul.' Lilpuvmeil, zeiqduvceiqla leiq zaq e col yul hhaq, wuqduq maq bavqcei peq meil, yoqhhaq e neehhu diq diq meil eil: 'Molmil ei'eiq, Ngal zyulssaq ngeel taoq, hhosaq qiqheiq saq. Ngal eilmeiq nial. Molmil hu aq, aqyoq Faqlisai col yul hhaq hultav colmeeq-coljil leil ssiil zeiq nga." Yoqhhaq bulduq bavqgoq e col aq, hha bi deiqbiov naq; Yoqhhaq bulduq deiqbiov col aq, hha bi bavqgoq naq. Loq yul pyul hepyul heil alnei, no yolqoq kevq meil hhazei zei yil joq. Aya. Laosiil ei'eiq. Ngalya maq yiuvq meil aol e liq, qiq jivq liq maq nieivq ya. Tyulliq, nol heil al ngaoq, ngal zei yil wal." Yageq. Yolha. (he-he-he) Yageq! Yolha! Loq hepyul la! Laqcal! Balhaol lal! Maq kaq naq! Ngalya liq maq lov ya! (He-he-he-he, he-he-he-he). Luvq al, luvq al. Yosaol ei'eiq, ngal zyulssaq wul. Nol qiqheiq hhoq yil joq Bideq, maq guv sso nga. Nol ngaqdeil hha aqmeil, col liq hha lal naq. Ngaq xilgei pyul lal. Nyuqgaol alnei nga doq nalhaq ngaoq, nolya wuqhol hha wul naq. Molmil jol e taq, qo li; Aqyoq niq lal e ngaoq, sal miq. Colcavq yoqhhaq zyul hha hhoq yil; colzyul liq yoqhhaq neecavq hha bavqzei. Molmil naogo pyul lal ngaoq, nolya yaol hhosaq saq alnei zyul geiq naq. Yulmeil taoq, nolya hhyullihhyulsilmeil duv yil, needaqsalzavnei bi seq. Aqyoq duv yiv naq. Salhu joq. Yeilsul ei'eiq, Yeilsul! Ngaq e miqteiq yaol qiqheiq zaolkaq yil aq. Nga naogo yil alnei nga miqteiq hu yiv aq. Aqyoq ceilniq huvq nei sil ma leil zaol ya. Hhosaq qiqheiq saq aq. Yeiqluv, maq kaq wul naq. Yeilsul. No ssaqmiq sil wul naq. Laosiil yaol keellavq taq bi saq yo. Taq guv. Nol qeq al ngaoq, aqyoq kaq lal nga. Taq guv. Aqyoq maq sil nga, yiuvq laq nga. Ssaqmiq ei'eiq, tul lal joq. Aqyoq a zal bi zaq miq. Ngal meiqbivq bivq nial. Miqnieiq xil mol aqnu col a taq eilgaq. Yulmeil qiq nao, Yeilsul zeiqduvceiqla leiq zaq e Liwei leil gul qiq hhaq ceiqla leiq zaq e mol al. Nga naogo qo'leiq lal. Yeilsul haolgaoq a dav li alnei, aoqzaq bianei Molmil naogo gaoqlaoq sal zaq nga. Aoqbia e taq, zolssaq dyul gulssaoq alnei, aqyomavq alkaq nei ceilniq hhaq ceilduv alnei aqyoq e heilssaq bi gee nga. Yobei qiq hhaq aq, Xilmeiq, Yeilsul Bideq leil liq gul miq. Aqnu, Bideq e aqnil Aldeqlei; Yageq; Yolha; Feilliq; Badolloqmai; Mateiq; Dolma; Yallefei e ssaqyo Yageq; Jiqjifdaf yul ba e col Xilmeiq; Yageq e ssaqyo Yiulda; Naolhaolhaolli aq, Jalliq milcaq e Yiulda. Aqyoq nei aqkal Yeilsul yaol aoqzaq naq. Cyuqssaq aq, gaoqlaoq jav naq. Molmil-Gaoqhaoq nolyaq e ngeel al. Niaoq'aol meivq e col aq, aqkal hha zaqdeivq naq. Niaoq'aol ngyul e col aq, aqkal hha eel naq. Ngaq e ballalnei, nolyaq yaol saoq, suqzei, eilbuvq, colcavq hupievq e ngaoq, nolya gaoqlaoq jav naq. Xilmeil ngaoq, hhyul laq meil coq jil joq. Aoqtav-qiq-lov a nolyaq e ballalnei meeqduq toqtaq nga. Aqyomavq e aqpyuq'aqda liq, Molmil-doqgaqcavqssaq yaol xilmeil zaol miq nga. Ceilsiivq, ceilxeivq, ceilhhyuq, niqceil. Ngal hal jav e xil dyul nga. Xil dyul dyul ssa nga leiq laq? Niaoq'aol, loqbeq beq e col aq, geelwuvq lal naq. Nolya jolsal luvq al. (He-he-he-he) Aqyoq piul maq hhyul, halmeilliq mu naq! Niaoq'aol eel e col aq, geelwuvq lal naq. Aqkal hha ngyul lal nga. Nolyaq yaol eilpyuq lal e taq, nolya geelwuvq lal naq. Aqyomavq e aqpyuq'aqda liq, maq jil e Molmil-doqgaqcavqssaq yaol eilpyuq miq nga. Tyulliq, ngal eilmeiq nial. Nolya e diqsseiq yaol hha gaq miq nga. Nolyaq yaol saoq e col yaol hha meeq miq nga. Nolyaq yaol eilbuvq lal e col aq, aqyomavq e ballalnei gaoqlaoq hha sal miq nga. Col noq yaol baqteiv qiq pyu diq al ngaoq, aqnu qiq pyu liq bi diq joq. Col noq e peilhaoq bavq al ngaoq, daodaq liq bi bavq heil joq. Noq yaol sal zaq lal e col a hha bivq miq nga. Col nei noq e miaoqgaoq bavq al ngaoq, taq sal huvq yil miq yo. Col noq yaol halmeil bi aol movq e ngaoq, nol liq halmeil aol miq. Noq yaol gaq e col yaol naolngaoq maq gaq miq al ngaoq, nol haljivq pyuqduq bo nga? Zyulssaq liq, aqyoq yaol gaq e col yaol gaq miq nga. Noq yaol meeq e col yaol naolngaoq maq meeq miq al ngaoq, Molmil haljivq alnei noq a gaoqlaoq bivq nga eil? Zyulssaq liq, xilmeil aol nga. Aqyoq aqyo yaol halmeil sov ngeel nil? Aqyoq aqyo naogo halmeil gee'qoq ngeel nil? Aqssiiv qav ssiiv ya! Maq ngeel nga. Noq e diqsseiq yaol hha gaq miq. Aqyomavq yaol hha meeq miq. Pal laq e bavq huvq ma leil maq hoqhhyuq e ngaoq, nolya Molmil gaoqlaoq hha lal naq. Xilmeil maqceil, Molmil ssaq hha gee naq. Molmil liq, meeqpyuq maq bo e col yaol meeq miq nga. Aqda-Molmil col yaol hhosaq saq aqmeil, nol liq hhosaq hha saq miq nga. Yeilsul, qiqheiq hhe'leev joq! Col yaol ceilceiv ngaoq, Molmil noq yaol ceilceiv lal ngaq. Col yaol zyulcaq taq cuv. Maq ngeel ngaoq, Molmil noq yaol cuv lal nga. Nyuqzoq ngaoq, Molmil nolyaq yaol nyuqzoq na. Yosaol ei'eiq, noq e galma qiqheiq seq. Bivq miq al ngaoq, noq a liq bivq nga. Halmiavnei bivq miq al ngaoq, Molmil liq halmiavnei bivq nga. Miavbeivq yolqoq miavbeivq galseq maq seq qivq nga. Xilmeil ngaoq, niaq meil duqhaoq a ya dov naq. Yoqhhaq miav daoqma jav e maq nyuq meil, meilnaol e miav hholqei daoqgaoq salhu wal? Laosiil, ngalya yaol seq joq. Yosaol noq yaol hhyul ya! Noq yaol bo ssol qu e aqma, gaoqlaoq jav wul ssaq! (he-he-he) "Molmil e doq lo'qomeil aol al ngaoq, gaoqlaoq aqzeiq jav naq." Ngal aqyoq yaol hev movq ya. Nol nyuq aqyoq aq, Jildul nga laq? Faqlisai col xil hhaq Yeilsul yaol hoq zaq gul miq. Yulmeilnei, Yeilsul zaq yil al. Ssaqguq, deikaq seil yil. Gaq aq lal? Yil joq! Aqyo niaq zoqgyul nga. Tyulliq maq beeq sso nga. Eiq, aqyoq xilgei haljivq zaol lal keiq? Maq hev ya. Aqyoq haljivq zaol nga laq? Aqyoq aqdilmeil Molmil-doqgaqcavqssaq ngeel al ngaoq, ssaqmiqssaq xil hhaq haljivq e col leil hev hhoqbo nga. Zyul jav e col nga leil aqzeiq hev hhoqbo nga. Xilmeiq, aqyoq aqsol leil ngal hev lil. Ngal dudaq qiq mol gee nial. Col niq hhaq col qiq hhaq a piul ca. Qiq hhaq ngavqyal dev; qiq hhaq ngavqceil dev. Aqyo niaq meil zeilzuv maq soqhuvq nia alnei, Yul hhaq nei maq bi soqhuvq al. Yul hhaq yaol aqsol gaq zeiq nga laq? Ngal nyuq e aq, miaq zeiq e yul hhaq nga. Nol eil e za ya. Nol ssaqmiqssaq hhaq salhu naoq. Ngal tao lal naolhao, nol wulquvq maq bavl la. Lilpuvmeil, aqyoq miavbil nei ngaq e aqkeel a zav jeil alnei ceilkaol nei siv gee nga. Ngal yiv e, nol ngaq yaol baqcul maq cul lal. Aqyoq aq, maq naq meil ngaq e aqkeel a baqcul cul lal. Nol ngaq e wuqduq a baqleil-cil maq sov lal. Lilpuvmeil, aqyoq daov pyuq e cil nei ngaq e aqkeel a sov lal. Ngal eilloq nial. Aqyoq neegaq e miaqnei aol duv yiv taoq, zyul miaqnei bi geiq naq. Zyul bi geiq laq e naoq e col aq, gaq e miqnieiq aol duvl yiv e liq naoq. Noq e zyul geiq saq wul naq. Col xil hhaq aqsol ngeel nil? Zyul liq geiq nia jil aqnei. Ngaq yaol qeq alnei, nol wuqhol hhe'leev naq. Yeilsul halgei liq Molmil e doqgaqgaqmeeq geemeiq yil. Huqteil aqyoq nei neivqhaq leiqduv ssolnei zaolkaq laq e ssaqmiqssaq qiq mavq ssolnei aqyo heilssaq ceilniq hhaq liq qiqgao yil nga. Moqdaqlal milcaq e Maqliya; Zyuqmoq e laqhyul toq e ssaqjeil yoheeq yul hhaq e miqssaq Yolyana ssolnei Susana xil dyul nga. Zyuqmoq Xilliq aq, aqnil miqssaq Xilloqdi yaol seq e ballalnei Yolha nei bi caol al. Yulmeilnei, aqyoq nei Yolha yaol laogei nieivqlaol al. Halmeil ngaq? Ngalya Naqyil puvzaoq a li taq, colsil bavqduq li e col taoqpuq ya. Miqcyuq'aqma e ssaqyo yoteiq nga. Yeilsul miqcyuq'aqma yaol humol taoqngaoq hhosaq saq alnei, colsil qeicaoq haqpal hhepao alnei eil: "Aqnil ei'eiq, tul lal joq." Colsil yul hhaq tul la taoqngaoq aqyo aqma hhyul laq meil ngyul al. Aqyoq yaol nalhaq miq. "Aqkal yiv nga leil yul hhaq nol ngeel lil aq? Maqna'aq, aqnu qiq hhaq yaol hha doq siq aq?" Laosiil ei'eiq! Laosiil. Yolha nei heil alnei nalhaq lal wul. Nol aqkal yiv nga leil yul hhaq nga aq? Maqna'aq, aqnu qaq hha doq nga siq aq? Hal gaq hal mol dyul Yolha yaol eilgaq yil miq: Miavbeivq mol nia; piqqeiq ssuq nia. Ngaq yaol maq hyuqnyuq col aq, gaoqlaoq jav naq. Laqcal, ngaq yaol qiqcei. Ngaq e bavqdaq jol dav, mol al laq? Ngal Yeilsul yaol hu mol al. Col qiq hhaq duv yil alnei soqssyuq seiq yil. Qiq mavq galzeil a ya dav, col nei naoqteiqnaoqdei. naolhao alzil nei zaq saq al. Qiq mavq haqluv'luvdaol a ya dav, Alquv joq quv duv naolhao, wulquvq maq jav taoq kuvqsil al. Qiq mavq algaogaocaoq a ya dov. Algao naogo meil heeq lal al naolhao, wuvsil al. Qiq mavq milcaqmilmeeq a ya dav, heeq davl la naolhao, alsiq siq ceilmiavyalmiav meil siq al. Laosiil ei'eiq. Col nalhaq zaq lal taq, haljivq alnei bavqqeiv nei gee wal? Aoqtav e miqnieiq aq, nolyaq naolngaoq maq bi loq leil nga. Bavqqeiv nei gee e aq, aqnu col a hu e liq maq bi mol qivq leil nga, nalhaq liq maq bi loq li. Bavqqeiv e dudaq xil mol aq, Soqssyuq aq, Molmil e doqsii ngeel naq. Galzeil ya dav laq e aq, col Molmil e doqsii gaq al naolhao, neivqhaq-zyuqmoq col a wuqhol maq bi hha leil taoq, Molmil e doqsii koqzaq lal nga leil e bavqqeiv nga. Haqluv'luvdaol a ya dav laq e aq, col Molmil e doq gaq naolhao, hhyul laq meil qeq al. Tyulliq, nee'qil maq bo taoq, cavqsiilsiil zaq e puq lal taoq, maq qeqzaq leil bavqqeiv nga. Algaogaocaoq a ya dov laq e aq, col Molmil e doq gaq naolhao, Zeiq ssol zal nyuq, zaqmeeq seilsal balnei, Molmil doq bi wuvsil taoq, alsiq maq hhaol lal leil bavqqeiv nga. Milcaqmilmeeq ya dav laq e aq, col Molmil e doq gaq naolhao, jilhevq, gaolqunei maq pieiqtaq meil aol xa heil, yeildonei siq lal hevnei doq nga leil bavqqeiv nga. Aldovq keeq dovq alnei hhaoqzao hul'a bavq tao e, qiq hhaq maq jol nga. Lilpuvmeil, dovqduq bavqdav alnei, tao lal e col yaol bi mol qivq nga. Hyuqhheivq miqnieiq, bilduv meil duv yiv; Caoqkaq miqnieiq, haljivq liq qiq taq hev zaq lal nga. Xilmeilnei, nyuqgaol alnei nalhaq. Jav e col aq, aqzeiq meil hha lal; maq jav e col aq, jav lil leil nyuq e dyul liq, hha bi kovqzaq naq." Laosiil. No aqma ssol aqnil dyul laqnilpyu jol. Noq yaol mol ma yil. Molmil doq gaq alnei aol e col, ngaq e aqma ssolnei aqyivmeilnaol ngeel naq. Yulmeil qiq nao, Yeilsul aqyoq heilssaq dyul naogo eil miq: "Ngaldu loq ziiq alnei lao'laoma e yul zeil pyu pyul li kal." Loq ssuq nieiq meil Yeilsul yiuvqsil al. Laosiil. Laosiil. Yeilsul. Ngalya hha sil movq yaq! Loq neevq movq a! Laosiil, ngalyaq yaol hhe'leev joq! Wuqhol hha leev ya! Nolya qeq e neema halgei? Naolhao aqyomavq aqnu qiq baq pyu Geqlaseil milcaq a hev al. (gree...) (greeee-eh) Yeilsul. Hal heeq zeiq e Molmil e Ssaqyo. Nol ngaq yaol haljivq zaol ma? Qiq....qiqheiq eil nial, Taq zaolkyuq laq! Nol haljivq leil gul? Yotaol. Yosaol ei'eiq, ngalya yaol daoqdaoq maq bo e duqbyu a taq leiq tao laq. Ngalya yaol aqhhavq dyul hholqei bi tao li laq. Ei'eiq! Taq xeivq! Hhuvq lal! Hhuvq lal, hhuvq lal! Neivqhaq dyul duv yil alnei Hhuvq lal! Neivqhaq dyul duv yil alnei aqhhavq dyul hholqei a xeiv dov al. Xeivq joq! Neivqmiaoq aol e nol! Laqcal xeivq! Xil milhaoq taq joq! Ssuq teiqteiq! Xilgei taq jol! Nol hal yil e, ngal qo'leiq ma. Qiqheiq bi qo'leiq joq. Laqhyul hhuvq yil. Molmil nei noq yaol aol laq e eilgaq yil joq. Naolhao, Yeilsul aqyo heilssaq yul ba solsol seq alnei quvqceivnei Beqsalda leil gul e puvzaoq yul puv a li al. Ssaqlaol biaonei hev taoqngaoq, aqyo naolhao qo'leiq li jil al. Naolma ya yil e taq, Bideq eil lal: Laosiil ei'eiq. Dalja yaol bi hhuvq huvq yil joq. Bialzeil pyu puvkaq zaqduq xavqduq bi qo zaq yil joq. Xilgei zaqzal qiq jivq liq maq jav ya. Nolya aqyomavq a bi zaq miq joq. Zabiav ngavq biav ssolnei ngaqsaq niq ssaq naolngaoq maq jav nga. Yosaol, ngalya Molmil ei'eiq. Aoq ssol milma haljav noq e nga. Nol meeq ya. Noq nei zalsiq bi duv lal. Oo... Molmil nei zaolduv laq e nga. Qeq liq maq qeq jivq meil. Col ngaq yaol aqsol nga leil eil? Ciqbu-Yo'liq aol zaq e Yolha yul hhaq nga. Yilliya yul hhaq nga leil liq eil; Aqnu, Molmil-doqgaqcavqssaq deivqhuvq lal laq e nga leil eil nga siq. Nolya aq taoq? Ngaq yaol aqsol nga leil nyuq? Molmil nei ceilduv laq e Jildul nga. Col naogo pieilse taq eil. Byulssaq-Ssaqyo tuvqqilneil hha saq, bi bavqzei. Naolhao, hha bi zaolsil. Saoq nao qiq nao ngaoq, deivqhuvq lal nga. Ngaq naogo aqsol qo'leiq ma laq? Laosiil, ngal qo'leiq lal ma. Tyulliq, laqhyul a qiqheiq eilgaq hhuvq yil miq wul. Niuqceiq nieivqteiq alnei, naolhu hu e col aq, Molmil-Gaoqhaoq e miqnieiq aol e maq za nga. Ngaq naogo qo'leiq al ngaoq, yoqhhaq wuqhol hha pieiq nga. Hal nao liq, yoqhhaq e Siiqziiqjaf eq alnei ngaq yaol qo'leiq lal. Yoqhhaq wuqhol hhe'leev movq e ngaoq, wuqhol bial lal nga. Ngaq e ballalnei yoqhhaq wuqhol pieiq e col aq, wuqhol hha wul naq. Daqtav hal jav hha e’liq, yoqhhaq yo'lal aoqzaq al ngaoq, haljivq meeqduq jav nga laq? Ngal ssolnei nga doq e balnei savqdol e col aq, Byulssaq-Ssaqyo ngal, aoqtav haoqseil'aqgeel sseivnei ssavq yiv taq, aqyo dyul yaol maq ssiil na nga. Ngal eilloq nial. Nolya alkaq a qiq mavq, maq sil e miqteil, aoqtav e haoqseil hha mol lal nga. Yulmeil qiq nao, Yeilsul Bideq, Yolha ssolnei Yageq yaol seq alnei haolgaoq a gaoqlaoq sal li nga. Yeilsul gaoqlaoq sal e taq, aqyoq miavpyuq qiq qa pal al, peilhaoq liq baqwupawunei aqgeel sseivnei pievq al. Qiqheiqlaltov meil col niaq haoqseil'aqgeel bianei duv lal al. Qiq hhaq aq Moxil; qiq hhaq, Yilliya nga. Nol aqkal Molmil e neenyuq aolpievq nga. Nol Yeillusallei ceiq nei sil lal nga. Yul niaq hhoq yil e taq, Bideq Yeilsul yaol eil miq: "Laosiil ei'eiq, ngalya xilgei jol e daov meeq ya. Xilgei xalqaol saoq qaol cuv nial: Bideq doq gee e taq, qiq qaol aq, noq e; joqhyuq ssavq yiv alnei qiq qaol aq, Moxil; aqyomavq yaol wuvcaoq al. Aqnu qiq qaol Yilliya e nga." Heilssaq saol hhaq guv qavq al. Hhoqleivq, doqteil qiq teil gaq lal: "Xil hhaq ngaq e ssaqyo, ngaq nei ceilduv laq e nga. Nolya aqyoq doq nalhaq miq." Laosiil. Laosiil. Nga ssaqyo yaol qiqheiq salhu miq. Qiqheiq zaolkaq miq joq. Aqyoq ngaq e ssaqyoyoteiq nga. Ngal no zolssaq yaol neivqhaq leiqduv leil dal bei al, tyulliq maq leiqduv nia. Maq qeq maq pieivq e huvqlavq nolya ei'eiq, Ngal neema haltaq hevnei yeil kal siq aq? Seq pyul la joq. Oo.. Aqyo miavpyuq liq kaq al. Daov qeq ya. Gaoqlaoq sal e qiqheiq meiq. Yolha aqyo zolssaq yaol meiq e aqmeil. Nolya xilmeil sal zaq: ‘Ngaldu aoqtav jol e Aqda ei'eiq, No colmiaol yaol bi eilpyuq; No gaoqhaoq bi duv yiv. No neenyuq aoqtav daqtav qiq qa meil bi duv lal. Ngalya taolnao zaq e, qiqheiq bivq joq. Ngalya yaol aolbav laq e col aq, ngalya nyuqzoq miq. Ngalya zyulgol liq, qiqheiq geiq. Ngalya yaol taq bi laovq. Yocavq lavqhhuvq nei qiqheiq hhe'leev joq.' Sal e ngaoq, hha nga; qo e ngaoq, hha mol nga; lulhhuv tuvho e ngaoq, pao yiv nga. Sal e col aq, hha lal; qo e col aq, hha mol lal; lulhhuv tuvho e col aq, aqyoq yaol pao yiv nga. (he-he-he-he) Nolya aqda gee e, ssaq ngaqdeil sal lal e taq, ollol bivq e aqsol jol nga laq? Alwuv sal lal e liq, aqzuq bivq nga laq? Nolya maq meeq e liq, ssaq a yomeeq bivq miq siq e, aoqtav jol e Aqda aq, aqyoq yaol sal lal e col a aqzeiq meil Molmil-Yo'lal maq bivq meil maq sal ngeel ya? Ngal eilmeiq nial. Wuqhol e balnei haljivq zaq movq leil neema taq qil; Hholmol e balnei haljivq dao movq leil haoq taq laol. Wuqhol aq, zaqzal hultav pyuq zeiq; hholmol aq, peilhaoq hultav pyuq zeiq nga. Haqnav'aqma yaol salhu. Zalsiq maq xa maq se, ceiljil maq bo liq, Molmil qu siq e. Nolya aq, alzil hultav pyuq zeiq gaoq nga. Nolya aqsol hhaq neema qil alnei, colssil aqzeiq bo nga laq? Miqnieiqnieiqssaq liq maq aol nia siq e, aqnu haljivq e haoqlaol wal? Lovqyav alyeiv halmeil heeq lal leil salhu. Miqnieiq maq aol, peilhaoq maq guvq. Tyulliq, hhomu dao e peilhaoq liq, lovqyav alyeiv qiq yeiv miavnei maq ngeel nga. Jahhaq yeiqnao deivq, neesoq miqzaq suqpeev e liq, Molmil xilmeil diqzoq miq siq e. Nolyaq yaol aqzeiq maq meeq na nga laq eil? Nolya qeq e neema maq luvq nga. Qeq e neema bi miaq lal laq. Qeq e neema hhoqnil hhoqssyuq hevnei ngeel e liq, albolbolma yaol: 'Alqilqilmeil hhepuv alnei, lao'laoma deivq yil' leil heil miq liq nalhaq nga. Col yaol bi aolzyul e miqnieiq halmeilliq jav nga. Bi aolzyuq miq e col aq, geel wuvq naq. Jiv'luv aqyoq yaol kavqtovq alnei lao'laoma suq neevq e liq, aqyoq nei hal maq pyuq e col qiq hhaq yaol bi aolzyul e hultav meeq zeiq nga. Molmil-Gaoqhaoq haljivq nalduldul nil? Xilmeil nga: Col qaq soqssyuq alneev neevssaq qiq neevq xa yil alnei, albolbolma heeq dav al. Alzil liq yul bol hultav zilbeeq beeq lal nga." Aqyoq haljivq eil leil ngal maq loq ya. Nolya haljivq alnei zeiqduvceiqla leiq zaq e col ssolnei zyulssaq naogo qiqgaomeil zaqsal xa wal? Colnal naolngaoq, coljol sal e col aq, naciq'aqbol maq guq nga. Ngal aq, colmeeq-coljil yaol neema bi pal yiv e maq ngeel wul. Zyulssaq yaol nga. Molmil-Gaoqhaoq e miqnieiq aqnu gee siq. Aqnu maq jav lal? Nolya qiq mavq ei'eiq, taq guv. Nolya Aqda aqyoq e gaoqhaoq nolyaq a bivq e hhyul nga. Nolya hal jav e aoqzaq alnei, piul dyul cyuqssaq a bivq miq. Yoqhhaq ballalnei aoqtav-qiq-lov a maq ssaoq saq qaol e piulsiil toqtaq joq. Yulgei a saolhyuq maq hyuq zaq lal; byuqssaq liq, maq tevq lal nia nga. No zeiq halgei jav al ngaoq, neema liq halgei jol nga. Malma ei'eiq. Noq e nalgol zaolkaq naq. Salhu, salhu, aqyoq kaq al naq. Ngeeljilmeil, Molmil-milmiaoq duv lal naq. Laqcal salhu jil. Mol-mol-mol------mil qavq meeq wul yaq. Ceilxeivq huvq ngeel yaq. Molmil noq yaol bi humeeq miq. Miqnieiq aol zaq e kuvq nao jav e yaol. Nalgol xil kuvq nao hholqei nei bi zaolkaq lal sso nga. Molmil-Nee'lao-Nao yeiqnao aq, halmeilliq maq za nga." Maq jil e col ei'eiq. Molmil-Nee'lao-Nao, nolya zeiqkuv e moq ssolnei aqniuq, wulquvq maq ciil dol yil wal? Colmoq xil hhaq liq Yaboqlalha e ssaqsyuq nga. Aqyoq Saqdal nei ceilxeivq huvq bi kavqtovq laq e, Molmil-Nee'lao-Nao cavpavq peel miq e maq za nga laq? Laosiil yomeeq ei'eiq, ngal haljivq aol al ngaoq, salssilmeil e wuqhol hha qaol nga laq? Ngaq yaol yomeeq leil haljivq gul wal? Molmil naolngaoq, yomeeq maq jol nga. Molmil-Hhaolliq nol hev nga: 'Aqnu col naogo taq cavqzaq; Col yaol taq seivq miq, halnil taq nil zaq. Dama yaol hha gaq miq nga.' Ngal ssaqguq qiq nao neikavq'e xil dyul lo'qomeil aol e ngeel al. Nol aqnu qiq jivq ca nga siq. Nol hal jav e aoqzaq alnei cyuqssaq a bil miq e ngaoq, aoqtav-qiq-lov nol zeiq jav naq. Naolhao, ngaq naogo qo'leiq lal. Tyulliq, hhellavq aolzaq ngeel taoq, zeiq qavq gaoq yaq. Loqbeqssaq Molmil-Gaoqhaoq dov li e halmiavnei syuq leil maq eil qivq. Loqbeqssaq aq, Molmil-Gaoqhaoq dov li e, loqtol aqhhovqhhovqbyu ssuq duv heil e hultav syuq zeiq gaoq nga. Aqsol wuqhol hha leev nia nga laq? Colssaq maq aol hev nia liq, Molmil aol hev nia nga. Molmil-Gaoqhaoq haltaq duv lal nga laq? Molmil-Gaoqhaoq aq, miavnei humol qivq maq ngeel nga. Hu joq. Xilgei jav yulgei jav leil xilmeil qaq maq eil nga. Molmil-Gaoqhaoq aq, nolya neema hholqei jav e nga. Yotovq hev lal nga, nolya Byulssaq-Ssaqyo hhuvq yiv e yul nao mol movq e liq, maq hha mol qaol nga. Aoqmiaovq miaovq e, xil pyu aoq nei yul pyu aoq a bia hev e aqmeil, aqyoq yiv e yul nao liq, xilmeil leil nga. Tyulliq, aqyoq xil ciivq col nei halmeilliq huqteil bi zaolsaq bi bavqzei. Nolya miqnieiq xil dyul hha mol taoq, gaoqlaoq jav naq. Nolya hha mol hha gaq laq e dyul, galhhu Molmil-doqgaqcavqssaq ssolnei hhomu dyul mol movq gaq movq ya leil nyuq e liq ma hha nga. Ngalya haljivq hha aol? Molmil-Soqhhaq halmeil eil? Nol halmeil leil zol wal? Nol no Yosaol Molmil yaol neema qiq siq, yo'lal qiq lal, neenyuq hal jav meil bavqduv alnei hha gaq nga. Zaolpeillolqoq yaol yoqhhaq yaol gaq aqmeil hha gaq. Za nga. Xilmeil aol al ngaoq, wuqhol hha naq. Zaolpeillolqoq aqsol nga laq eil? Mavqssaq yul mavq maq ngeel nga. Loqma Hhomu aq taoq? Yiulda ssaq qiq hhaq Yeillusallei nei Yeiqligel a yil e taq, col qiq mavq nei daqjeil diqzaq al. aqyoq yaol pasil movq nei diq alnei bavqzei al. Cuvlnei, Molmil-helcol qiq hhaq ssuqgal aol alnei, aqyoq yaol humol taoq, miav maq hu meil ssuq heil al. Naolhao, Liwei ssaq qiq hhaq liq ssuqgal aol alnei, aqyoq yaol humol taoq, miav maq hu meil ssuq heil qavq al. Tyulliq, Yiulda ssaq saoq e Salmaqliya ssaq qiq hhaq ssuqgal aol taoq, aqyoq yaol humol alnei hhosaq saq miq al. Yulmeilnei, aqyoq e nalheiq cil leiqsov alnei, ziiqmoq hultav qiq dav taoq, xavqyaol a seq hev alnei zaolhul miq nga. Naolhao qiq nao, xavqyaol-yosaol a piul bivq alnei eil miq: 'Xil hhaq yaol ssaonei zaolhul miq. Maq luvq e dyul, ngal hhuvq lal e taq bivq nial.' Aqyoq saol hhaq alkaq a, daqjeil bi diq laq e yul hhaq e zaolpeillolqoq aqsol nga laq? Aqyoq yaol zaolhul miq e yul hhaq. Nolya liq xilmeil aol yil joq. Aq. Ssaqguqguqssaq ngaq naogo bi pyul lal, taq leiqcyuq miq. Molmil-Gaoqhaoq aq xilmeil ngeel naq. Ngal eilmeiq nial. Molmil-Gaoqhaoq movq e col aq, ssaqguq naldul maq dul al ngaoq maq hha dov li nia nga. Ngaq e balnei, ssaqguq yaol hhyul miq e ngaoq, ngaq yaol hhyul e ngeel naq. Ngaq yaol hhyul e ngaoq, ngaq yaol heil e yul hhaq yaol hhyul e ngeel naq. Nolya alkaq a, hal maq cyuq e col, hal pyuq zeiq ngeel al. Yolqoq ei'eiq, haljivq miqnieiq duv al lal? Naqsalle puvkaq e Yeilsul xilgei ssuqgal aol nga. Yeilsul ei'eiq. Yeilsul ei'eiq. Daqweil e ssaqssyuq ei'eiq, ngaq yaol hhosaq qavq saq laq. No balnei haljivq zaol kal laq? Nga miav mol qivq movq ya. Nol mol qivq wul naq. No qeq e neema nei mol qivq lal naq. Nga miav mol qivq yaq. Nga miav mol qivq yaq. Nga miav mol qivq yaq. Yeilsul Yeillusallei ceiq a ssul li al, col biaonei aqyoq naogo lal jil alnei aqyoq yaol halmeil ngaoq wuqhol hha leil nalhaq miq. Molmil-Gaoqhaoq e miqnieiq aqzeiq meil geemeiq leil eil miq nga. Xil hhaq Molmil-doqgaqcavqssaq ngeel al. Yosaol ei'eiq, qiqheiq hhe'leev joq. Yosaol ei'eiq, ngalya yaol qiqheiq hhe'leev laq. Molmil daov pyuq ya. Yosaol ei'eiq, yojil galma seq laq. Yeilligel puvzaoq a Sageil leil gul e daovqlyuv qiq hhaq jol nga. Aqyoq Yeilsul yaol mol movq taoqngaoq albol hultav piav dav li al. Ceiqla leiq zaq yul hhaq ssa. Sageil ei'eiq, ssavq yiv teiqteiq. Niaoq'aol qivq ngal no qovqbee xavq ma. Nga qovq a?! Eiq, aqyo qovqbee aqsol yil na nga laq? Sageil Yeilsul yaol hev zaq nga leiq laq? Nalhaq jil. Ngal aq, nga zeiq haljav e qiq pav cyuqssaq a bil ma. Aqsol yaol hheivqzaq bei al ngaoq, aqsol a yuvq miav bivq huvq miq ma. Ngal qavq maq qeq. Zeiqduvceiqla leiq zaq e col aqzeiq leiq laq e dyul bivq huvq e qaq maq jol nga. Yeiqnao, col xil hhovq qovq wuqhol hha wul naq. Aqyoq liq, Yaboqlalha e ssaqssyuq ngeel al. Byulssaq-Ssaqyo aq, ssuqbav laq e col yaol hhe'leev yiv nga. Nalhaq jil. Ngal Yeillusalei a hha li nga. Yulgei nei, Molmil-Soqhhaq hultav Byulssaq-Ssaqyo miqnieiq dyul, duv lal nga. Aqyoq yaol laqnil col a bi neivqneiq alnei, hha bi lavqhhaq, hha bi eilbuvq, eelqal hha bi hal dav; hheziivq alnei, hha bi seivq. Naolhao, saoq nao yul nao, deivqhuvq lal. Yeilsul byulssaq yaol zyul hholqei nei hhe'leev movq e ballalnei, seivq lal nga leil hev e liq, maq guq meil Yeillusalei ceiq a li nga. Aqyoq lalzii-moqssaq ziiq alnei li e taq, ssaqlaol hhyullihhyulsil meil Yeilsul yaol hhomu leil guljil nga. Laosiil, no zolssaq yaol taq gul leil eil miq. Ngal eilmeiq nial. Aqyomavq maq gul ngaoq, haqluv xil dyul halmeilliq gul lal nga. Aoqtav jolsal duv; hal goq yulgei haoqseil jav. Yeiqnao, Nol jolsal e miqnieiq hev al ngaoq, meeq naq. Tyulliq, nol aq, maq mol nia. Aqkal, noq e diqsseiq nei noq yaol yuvqliv'yuvqkyul meil luvqhhao alnei diqcyuq lal nga. Aqyomavq nol ssolnei noq e ssaqlaol yaol zaolmei lal nga. Aqyomavq noq yaol diqbiav saq lal nga. Xilmeil duv lal e aq, Molmil humeeq e taq, nol maq nyuqgaol taoq nga. Yeillusalei e Molmil-Yaolma hhellavq aolduq pievq alnei, Molmil yaol bavqpyuq zaqduq maq ngeel naq. Qiq, niq, saol, yuvq, ngavq, kuvq, siivq, xeivq, hhyuvq, ceil, ceiltivq, ceilniq, ceilsaol, ceilyuvq, ceilngavq, ceilkuvq, ceilsiivq, ceilxeivq, ceilhhyuvq, niqceil, niqceiltivq, niqceilniq, niqceilsaol, .... Molmil-Soqhhaq hultav: 'Nga laqhyul gaoqlaoq-salduq nga' leil eil. Tyulliq, nolya nei saolhyuq-jolduq zaolpievq al. Aqyoq nga zeiqssaq pieiq duv nga! Aqyoq yaol leiqcyuq! Aqyoq yaol leiqcyuq! Luvqtaq zaq e col gul li. Luvqtaq zaq e col gul li. Col biaonei aqyoq hhomu nga leil eil e ngal gaq lal ya. Hhomu leil lo'oq? (ha-ha) Hoqya ssolnei saolhyuq e hhomu pal ngeel a. Xilqa col niaoq'aol qiqheiq pyuq naolngaoq. Naolhao, qaq maq nyuqtaq zaq naq. Nol salhu naoq. Aqyo ssaqguq qiq nao qiq nao meil miaq lal. Ssaqlaol liq tuvqqilnei qeq nga. Hhomu leil liq ssiil nga siq. Ngal eilnyuq nial. Col xil hhaq xil hultav zeiq laq meil pal aol duv lal ngaoq, nolya geedav sso al. Hoq e nadul meil ya. Ngaldu aqyoq yaol leiqcyuq hhoqbo naq. Yeilsul Molmil-Yaolma nei qiq nao maq leiq Molmil-Soqhhaq laosiil ssolnei Faqlisai col yaol Molmil yo'liq meiq zaq e liq, yoqhhaq maq aol leil caol miq nga. Aqyoq miqcyuq'aqma qiq hhaq Molmil a bivq e piul niq haoq bavqdav humol al. Xil dyul ngeel yaq. Xil dyul dyulssaq laq. Ngal eilmeiq nial. Xil hhaq nei, Molmil a bivq laq e aqsol hultav liq miaq zeiq nga. Aqnu col aq, aqzeiq zeiq lal e dyul bivq e nga. Tyulliq, ssaqcyuq miqcyuq'aqma xil hhaq aq, maq zaq luvq e liq, saqnei Molmil a bivq wul naq. Nol eil joq. Nol miqnieiq aol e, haljivq dal alnei aol wal? No qeiqlif aqsol nei bivq ya laq? Ngal liq nolyaq yaol nalhaq nial. Yolha a Ciqbu-Yo'liq aol e qeiqlif bivq e, Molmil nga laq, col nga laq? Halmeil eil miq kal laq? 'Molmil nei' leil eil ngaoq, Aqyoq 'Nolya haljivq alnei, Yolha yaol maq qeq ya?' leil eil lal. 'Col nei' leil eil ngaoq, ssaqlaol Yolha aq Molmil-doqgaqcavqssaq nga leil qeq taoq, ngaldu yaol aqyomavq haqluv nei teiltov lal nga. Aqsol nei bivq laq e leil ngalya maq hev ya. Xilmeil ngaoq, ngal liq aqsol e qeiqlif bavq alnei miqnieiq aol leil maq eil duv. Yulmeil qiq hhaq siqbiavqbiavqyal qiq koq jav alnei, aqnu col a aolpav pieiq miq. Naolhao galmol milcaq a yil al. Siqbiavq alsiq se zaq tovq hev e taq, yosaol ssaqjeil qiq hhaq heil alnei, aqyomavq naogo hha hhoqbo e alsiq bi se yil al. Tyulliq, ssaqjeil yaol bi diq alnei, aqnieivq meil bi hhuvq lal. Aqyoq aqnu qiq hhaq heil al. Ssaqjeil xil hhaq yaol liq bi diq bi zaolkyuq alnei, qiq jivq maq bavq meil bi hhuvq lal nga. Aqyoq hhoqleivq aqnu qiq hhaq heil pyul. Ssaqjeil xil hhaq yaol liq bi diq alnei, siqbiavqbiavqyal laqnil a bi suq duv al. Yulmeil taoq, yosaol xilmeil nyuq: 'Nga ssaqyo yogaq heil pyul e ngaoq, aqyomavq saolpyuq na miq naldul.' Aqyomavq yosaol e ssaqyo mol taoq: "Xil hhaq aq yosaol e ssaqyo nga. Aqyoq yaol seivq al ngaoq, yoyal xil koq ngaldu e ngeel naq' leil geezaq nga. Naolhao, halmeil ngeel al laq? Xilmeil taoq, aqyoq yaol ciilduv alnei seivq al. Xilmeil ngaoq, yosaol aqyomavq yaol halmeil zaol miq nga laq? Halmeilliq aqyomavq yaol seivq alnei, yoyal aqnu col a bi aolzaq nga. Molmil-Soqhhaq hultav halmeil eil nga laq? 'Lavqqivq nei suqzei laq e haqluv xil siq, laqkyul ziivqbei e haqluv pievq wul naq.' Xil siq e hultav teil dav e col, saqyoq saqnil hha bi taoqnuv; Haqluv xil siq aqsol e hultav ya dav e liq, aqsol yaol hha bi teilnuv naq. Laosiil. No meiqdoq, daov hoq nga leil ngalya hev nga. Nol miavpyuq heeq nil maq ceil meil, Molmil e galma col yaol jilhevqnei meiqgaol miq nga. Eilmeiq joq. Loqma hhomu a zeiqduvceiqla bivq miq e, ngaldu yo'liq za nga laq maq za nga laq? Yosaol, nyuqgaol. Cavqsiilsiil zaq e nga. Piul qiq mol ngaq a bavl la. Piul xil mol hultav dav e aqsol nga laq? Loqma hhomu. Tyulmeil ngaoq, Loqma hhomu e aq, Loqma hhomu a hha bivq; Molmil e aq, Molmil a hha bivq nga. Nol halmeil eil ma leil eil hu joq. Syuvpuq-Naciq-Maq-Dov-Neecii hev al. Tyul nao aq, Yoqyil-Neecii hev zaq e aqyolyolssaq hha seivq nga. Yeilsul Bideq ssolnei Yolha yaol heil alnei, Yoqyil-Neecii e qivqhoq bi deilssaol yil nga. Ngal sil e miqteil nolya naogo qivqhoq xil biol zaqtavq ma leil daov nyuq ya. Ngal eilmeiq nial. Yoqyil-Neecii, Molmil-Gaoqhaoq a maq aolpievq saqhaol, ngal xil biol maq zaq pal. Yosaol, ngalya Molmil ei'eiq. Aoq ssol milma haljav noq e nga. Nol meeq ya. Xil zovq noq nei bivq laq nga. Nolya siqbiavq zilbaq xil zovq dol joq. Ngal eilmeiq nial. Molmil-Gaoqhaoq maq hev saqhaol, ngal siqbiavq zilbaq maq dol al. Yosaol, ngalya Molmil ei'eiq. Aoq ssol milma haljav noq e nga. Nol meeq ya. Zabiav liq noq nei bivq laq nga. Xil biav ngaq e hholmol, nolya balnei bavq duv nga. Xilmeil aol xa heil alnei, ngaq yaol nyuqtaq. Xil zovq aq, nga sivq nei tevq e seqtevq yosiivq nga. Ngaq e sivq aq nolyaq e ballalnei xul duv e ngeel wul naq. Salhu joq. Ngaq yaol aoqzaq e yul hhaq lolbieil qiq bieil jol nga. Ngal Molmil nei eiltaq aqmeil hha sil nga. Tyulliq, ngaq yaol aoqzaq e yul hhaq, geelwuvq naq. Ngal maq ngeel nadul? Aqsol nga laq leil nalhaq miq hu. Yosaol ei' eiq, aqsol nga laq? Ngal salssiil meil noq naogo maq hhoq yil. Hal heeq zeiq e yul hhaq, hal nil zeiq e hha gee nga. Wuqduq duq zaq e col, ssaqjeil aqmeil hha gee nga. Hoq zaq e yul hhaq ssolnei baollaol aol miq e yul hhaq, aqsol heeq zeiq nga laq? Hoq zaq e yul hhaq maq ngeel nga laq eil? Tyulliq, ngal nolya alkaq a jol e aq, baollaol aol miq e yul hhaq aqmeil ngeel al. Ngal saq e taq, ngaq e naogo maq hhoqyil meil jol e aq, nolya ngeel wul naq. Xilmeilnei, Aqda nei ngaq a bivq laq e aqmeil, ngal Molmil-Gaoqhaoq gaoq e qeiqlif nolyaq a bivq nial. Xilmeil ngaoq, nolya ngaq e gaoqhaoq hholqei ngaq e naogo zaqtavq sso e maqceil, jolduq yopyuq jol alnei, Yiulda ssaq ceilniq beeq yaol bi gaoq zaq nial. Noq yaol aoqzaq e col maq jol ya laq? Xilmeiq, Xilmeiq, nol nalhaq. Saqdal nolya yaol cavqsiilsiil ma leil zaol nga. Aqyoq ceil hhal hhal e aqmeil nolya yaol hhal ma leil zaol nga. Tyulliq, ngal Molmil naogo no nee'qil bi ssivq miq leil sal wul. Nol neema nyuqpuv naolhao, meilnaol e nee'qil zaolssivq miq. Yosaol ei'eiq. ngal no naogo laogei li e liq qiqgao li; sil e liq qiqgao leil nyuqceiv al. Ngal eilmeiq nial. Niaoqqivq hapyul maq deil miqteil, nol ngaq yaol maq hev leil saol taq eil lal nga. Huqteil nolyaq yaol aqnieivq meil bi duv yil e, maq luvq meil duv lal nga laq? Maq duv nga. Maq duv lal nga. Niaoq'aol, paltaol nga laq, piul e lulbeiv nga laq, leil hha bavq nga. Toma maq jav e col, peilmol aoqzaq alnei, toma qiq kaol hhel. Molmil-Soqhhaq xilmeil buvqtaq: 'Aqyoq liq zyul aolbav laq e col nga leil bi sol kevq naq'. Doq xil doq ngaq e hultav duv lal ma leil zaol wul naq. Yosaol, Salhu, xilgei tojeil niq mol jav nga. Luvq wul naq. Yiulda ssaq wuqduq duqzaq e yul ba e colma-colhav Yeilsul yaol halmeil zaolmiv movq leil geeza jil. Yultaq, neivqhaq-zyuqmoq Yeilsul-heilssaq ceilniq hhaq alkaq e Yiulda yul hhaq e neema xeiv tao al. Aqyoq colhav-colma yul ba naogo Yeilsul yaol aoqzaq ma leil yil al. Yeilsul Yeillusalei ceiq duv yil alnei, Baqleil-Haolgaoq a gaoqlaoq sal li al. Gaoqlaoq sal jil joq, lav'laovq miqnieiq nei hha bi hhaol zaq ngeel. Yiulda piul saoqceil dev dev ssa e ballalnei, Yeilsul yaol aoqzaq al. Yeilsul zyulssaq yaol hhelhuvq e ballalnei yoqhhaq wuqhol pieiq bial e yotovq hev wul naq. Yulmeilnei, Molmil naogo bugaq miq: Aqda ei'eiq. Nol neema xul al ngaoq, Miqnieiq xil mol ngaq e hultav nei bavqzei joq. Ngaq e neenyuq nei taq aol, Noq e neenyuq nei aol joq. Tyultaq, aoqtav-heilssaq qiq hhaq ssavq yiv alnei, aqyoq a hhaqhav bivq miq al. Aqyo koqpiul eelzavzavma, sivq nadulmeil haqluv hultav zav dav al. Nolya haljivq alnei yiuvq wal? Tul lal joq. Gaoqlaoq sal joq, lav'laovq miqnieiq nei hhaol zaq ngeel. Yiulda, Nol baqcul nei Byulssaq-Ssaqyo yaol aoqzaq ma leil zaol wal? Yosaol ei'eiq, ngalya tojeil nei dev sso al laq? Laqcal, aqyoq yaol nieivqteiq. Ngeel al. Taq niv. Aqmeil. Qavq qeq ya. Nolya xaoqlaoq bavq alnei daqjeil nieivq e aqmeil, ngaq yaol nieivq lal wal? Ngal taolnao Molmil-Yaolma jol e liq, nolya ngaq yaol maq nieivq lal. Tyulliq, niaoq'aol nolya e yotovq hev naq. Navqhaoqnei zyuq e yotovq hev naq. Aqyoq yaol nieivqteiq. Ssaonei hutaq. Mavqssaq dyul Yeilsul yaol laqhyul deikaq nei naqhha zaq miq nga. Xil xaoq aq, hhomu dao e peilmol ngeel ssaq. Aqkal haljivq duv lal leil eil joq. Yiulda ssaq e hhomu ei'eiq, ngalya yaol qiqheiq hhe'leev naoq eil. Xil hhaq liq, Yeilsul qiq ba nga. Haljivq! Ngal aqyoq yaol maq hev ya! Aqyomavq qiqgao jol, ngal mol ya. Ngalya noq e ssaqjeil ngeel al. Col lavqhhuvq a jol e halmeil leil ya laq? Nol liq aqyoq e qiq ba nga. Ngal maq ngeel nga. Xil hhaq liq, Jalliqliq milcaq col. Aqyoq aqdilmeil Yeilsul e qiq ba nga. Xeivq yoq. Nol eil e ngal qiq jivq maq loq lal ya. Tyultaq, Yeilsul wuqduq zeipuv alnei, Bideq yaol hucuv al. Aqyoq Yeilsul nei eiltaq laq e doq yul doq nyuqduv laq al: 'Niaoq'aol qivq hapyul maq deil miqteil, nol ngaq yaol maq hev leil saol taq eil lal nga.' Yosaol ei'eiq. Ngal maq hhoq yil meil Noq e naogo sil ma leil eil bei. Tyulliq, niaoq'aol aq, ngal noq yaol maq ssiil. Nol hhyul e aq, neema jilhevqnei col yaol nga. Yosaol ei'eiq. Ngaq a neema solyeilnei qiqheiq zaolpal laq. Ngaq yaol hhyulnieinei noq e naogo bi qo'leiq zaq laq. Noq yaol diq e aqsol nga laq? Molmil-doqgaqcavssaq ei'eiq, Taq niv. Taq niv. Gaq ya laq? Doqzilzilyaol a seqto li. Ssuq. Colhav-colma yul ba, zyul lal jil alnei, Yeilsul yaol doqgaq nalhaq miq nga. Nol eil joq. Nol Jildul yul hhaq ngeel lil aq? Ngal ngeel lil leil eil e liq, nolya maq qeq na nga. Ngal nolyaq yaol nalhaq e liq, nolya doqzaq maq laq lal na nga. Byulssaq-Ssaqyo aq, haljivq liq hal nia zeiq e Molmil e jaqmal pyu hha jol wul naq. Tyulmeil ngaoq, nol aq, Molmil-Ssaqyo ngeel yaq laq? Nol eil e ngeel nga. Aqyoq aqsol dal alnei xilmeil eil e ngeel aqkeiq? Aqyoq zyul jav. Aqyoq haljivq eil e leil dalja hha gaq jil wal. Aqyoq yaol Bi'laldol a ciil li kal. Ngeel nga, ngeel nga, hha ciil li nga. Ssuq. Yulmeilnei, aqyomavq Yeilsul yaol Loqma aqhhol Bi'laldol naogo ciil li al. Miqteil, Bi'laldol nei meenia taol hhaq e col Siiqziiqjaf hultav bi tavqsil al. Aoqsoqsoqma navqnei, xilgei haljivq zaol lal jil wal? Xil hhaq ngalya ssaqlaol yaol seqbav zaq nga. Aqyoq Molmil-Yaolma hhoheiq galzii a lavqbeeq nga. Aqyoq yaol halmeil hha zaol nga laq? Aqyoq zyul aolbav naq. Nolya eil e dyul nei aqyoq zyulcaq maq cuv qivq nga. Aqyoq ngalya yaol Loqma hhomu a ceiqla taq bavq leil leiqcyuq lal; yoqhhaq buldulq Jildul ngeel al leil eil nga siq. Hhomu leil ssiil nga. Hhomu leil lo'oq? Nol Yiulda ssaq e hhomu ngeel lil aq? Nol eil e ngeel nga. Aqyoq Jalliqliq neikavq'e xilgei hevnei col yaol meiqbav zaq nga. Jalliqliq milcaq leil lo'oq? Aqyoq Jalliqliq milcaq col nga laq? Xilmeil ngaoq, Xilliq a bi hu li joq. Aqyoq Yeillusallei jol nga siq. Xilliq naogo ciil li joq. Nol aqdilmeil aqsol nga laq? Noq e ssaqguq dyul haljivq col nga laq? Nol Molmil-milmiaoq aol nia nga leil maq ngeel nga laq eil? Ngaq a bi mol hu joq. Zyuqmoq ei'eiq. Aqyoq ssaqlaol neema lav'laovq zaq nga. Yoqhhaq bulduq hhomu leil ssiil nga. Xil hhaq aq? Hhomu nga leiq laq? (Ha-ha-ha-ha) Hhomu?! Duvqnei diq a miq. Bi'laldol naogo ciil huvq heil. Xilgei aqyoq zyuq e nga. Xil hhaq aq, hha sil hhoqbo zyulgol maq jav taoq, Ngal aqyoq yaol diqguv alnei, pieiqduv ma. Yoqyil-Neeciiv yo'liq lo'qomeil, nol zyul aolbav e col qiq hhaq hha pieiq nga. Ballabal yaol pieiqduv joq. Ngeel nga. Ballabal pieiq duv, Ballabal pieiq duv. Xil hhaq yaol bi sil. Aoq, Ballabal pieiqduv joq. Siiqziiqjaf hultav tavqsil. Aqyoq yaol tavqsil. Diq, diq, aqyoq yaol diq. Bi'laldo, nol haljivq zaol siq wal? Aqyoq Yeilsul nga. Tyulmeil haljivq diq miq wal? Taq diq miq. Aqyoq Jildul ngeel al. Aqyoq qiq jivq maq aolbav bei nga. Aqyoq yaol hhetul dav. Col biaonei maq naq meil Yeilsul yaol Siiqziiqjaf hultav tavqsil leil gul nga. Yulmeilnei, Bi'laldo Yeilsul yaol hha sil nga leil e zyulcaq cuv alnei Siiqziiqjaf hultav bi tavqsil yil al; miqnieiqnieiqbeeq lavbeeq ssolnei col yaol seivq e Ballabal yul hhaq yaol aq pieiq duv al. Xeivq yoq! Xeivq yoq! Xeivq yoq! Qiqzei pyu yoq! Xeivq yoq! Xilgei taq niq lal! Taq jolcyuq! Xeivq yoq! Xeivq yoq! Taq jolcyuq! Xeivq yoq! Xeivq yoq! Taq niq lal! Ssuq, ssuq teiqteiq. Tul lal. Tul lal. Nol haljivq leil gul? Guqliqneiq milcaq col Xilmeiq aq wul. Nol pyul yil. Alcav devceiv. Nol xil mol bavq. Ssuq, laqcal ssuq teiqteiq. Xeivq yoq. Ssuq. Xeivq yoq. Ssuq teiqteiq. Taq jolcyuq. Xeivq yoq. Taq niq lal. Xeivq yoq. Yosaol ei'eiq, ngalya noq e ballalnei ngyulnaol ya. Wulquvq alciiv dol joq. Dol joq. Yeillusallei e ssaqmiqssaq ei'eiq. Ngaq e balnei taq ngyul jil yo. Nolya yoqhhaq ssolnei yoqhhaq ssaqmiq ssaqyo balnei ngyul joq. Pavqniul lav nei albol yaol aqyomavq xilmeil zaol miq siq e; albol zaolgee gee e ngaoq, halmeil duv lal nga laq? Molmil noq yaol bi haol joq. Ngalya liq no balnei gaoqlaoq sal nial. Ssuq. Xilzei pyu. Laqcal. Ssuq. Ssuq teiqteiq. Nol, leiqmil la. Ssuq, laqcaq, leiqmil, leiqmil. Laqcal. Ei, taq yaduv. Ssuq. Nol, laqcal. Ssuq teiqteiq. Nol dyul puv'lav cev. Siiqziiqjaf hhetul dav. Nol ssaonei diqsiivq. Alcav pieiq xa. Aqda, nyuqzoq miq. Aqyomavq haljivq aol e leil maq hev nga. Aqyoq aqnu col yaol hhe'leev bei e yaol. Yoqhhaq bulduq bi hhe'leev zaq joq. Nol Molmil nei ceilduv laq e Jildul yul hhaq ngeel e ngaoq, Siiqziiqjaf hultav nei ssavq yiv joq. Molmil-milmiaoq aol duv yiv joq. Yultaq, zyul aolbav e col niq hhaq Yeilsul e niq zeilpyu a bi tavqcuv al. Molmil-Soqhhaq hultav, 'Aqyoq yaol zyul aolbav e col nga leil bi sol kevq naq.' leil e xil doq duv lal wul naq. Hu jil joq. Peilhaoq xil xaoq yalleivqnei maq ngeel ssaoq eiq. ha ha ha Taq niv. Aqlavq pieiq. Hhezeiv aq ngeel. Ngal eil nial. Ngaldu aqgaoq hhe hu kal. Ssaqguq nol siqhel qavq meeq e ssaq. No saqbaol ngeel ssaq. Daodav joq. Yeilsul wuqduq hultav pyu a, 'Xil hhaq aq Yiulda ssaq e Hhomu nga.' leil buvqdav laq e biav qiq kaoq tavqcuv nga. Nol Yiulda ssaq e hhomu ngeel e ngaoq, yoqhhaq wuqhol hhe'leev zaq joq. Nol Jilduq maq ngeel wal? No wuqhol hhe'leev joq. Ngalya wuqhol liq hhe'leev joq. Nol Molmil yaol maq guv ya laq? Ngaldu zyul aolbav alnei sil hhoqbo nga. Tyulliq, aqyoq qiq jivq maq aolbav bei nga. Nol hhomu gee yiv e taq, ngaq yaol nyuqtaq laq. Yeilsul. Ngal eil nial. Yeiqnao nol ngaq naogo Aoqtav-Milsal a hha jol naq. Yultaq naolhhaol ceilniq se nga. Yultaq neikavq'e aoqqivq lal pyu saoq se hevnei, milhaoq qiq haoq meil navhaoqpahaoqnei pievq al. Yultaq, Molmil-Yaolma hholqei e haqpalpalma liq, niq pav pav al. Aqda... Ngaq e yo'lal noq a bivq wal yoq. Loqma mavqssaq e aqhhol miqnieiq xil dyul mol taoqngaoq Molmil yaol eilpyuq miq nga. "Col xil hhaq aq, aqdilmeil colmeeq-coljil ngeel laq ya!" Yiulda ssaq e wuqduq duqzaq e yul ba hholqei Yolse leil gul e qiq hhaq jol nga. Aqyoq aqyodyul Yeilsul yaol xilmeil zaol miq e maq xul nga. Aqyoq Bi'laldol naogo Yeilsul e hholmol sal li alnei, Molmil-Nee'lao-Nao maq hev miqteil nei, luqbaol a bavqdov al. Ngalya Yosaol e hholmol yaol solxeivnei naciq nei leiqsov lal movq ya. Maq beeq sso nga. Tyulliq, Molmil-Nee'lao-Nao hev e naq." Molmil-Nee'lao-Nao naolhao qiq soq navqnei, aqyodyul deilssaol laq e solxeivnei naciq dyul bavq alnei, Yeilsul e luqbaol a li hev aq, luqbaol hhoheiq e haqluv yul siq ngaoqyoq alnei jav e hha mol al. Tyulliq, luqbaol hholqei dov li aq, Yeilsul e hholmol maq mol al. Nolya haljivq alnei colsil alkaq a coldeivq qo wal? Aqyoq xilgei maq jol nga, deivqhuvq wul naq. Aqyoq miqteil nolya naogo xilmeil eiltaq: 'Aqyoq zyulssaq aqlavq a hha bi nieivq dov, Siiqziiqjaf e hultav nei hha bi tavqsil, saoq nao qiq nao deivqhuvq lal nga.' Nalhaq jil joq. Luqbaol haqluv paoq nga. Ngalya dov li aq, Ngaldu Yosaol e hholmol aq, maq mol ya. Haljivq? Hholmol maq mol naq leil lo'oq? Yulmeil maqceil, aoqtav-heilssaq niaq naolma aqmeil bianei duv lal nga. Aqyo niaq xilmeil eil: "Haljivq alnei colsil alkaq a coldeivq qo wal?" Ngeeljilmeil ngeel nga. Ngeeljilmeil ngeel nga. Ngeel nga. Luqbaol aqnieivq meil Yosaol maq mol ya. Nolya bulduq salhu yil joq. Bideq, ngalya eil e ngeeljilmeil nga. "Yosaol aqdilmeil deivqhuvq wul naq. Bideq hha mol yaq yil." Ngal niaq galma yil e taq, aqyoq yaol maq hu duv ya. Zabiav hhepav e taq, naolngaoq maq hu duv al. Yosaol halmeilnei Yimawusiil puvkaq a yil nil? Jolsal bi duv miq. Nolya naqhhaqsavnei halmeil ya? Nolya haljivq alnei neema hyuqnyuq ya? Salhu. Ngaq e aqkeel aqlavq salhu ngaoq, ngal aqsol nga leil hev wal. Ngaq yaol sov hu ngaoq, hev al. Ngal saqyyuq saqnil bo nga; neivqhaq aq maq bo nga. Miqnieiq xil dyul aq, ngal huqteil nei nolyaq yaol eil bei laq e ngeel al. Molmil-Soqhhaq hultav a ngaq e miqnieiq leil hal buvqtaq laq e saqnei, halmeilliq duv lal wul naq. Xilmeil buvqtaq: 'Jildul halmeilliq hha bi zaolsil, saoq nao qiq nao deivqhuvq lal nga.' Aqyo colmiaol dal alnei, neema nyuqpuv ngaoq zyulgol geiq nia e doqgaqgaqmeeq, Yeillusallei ceiq neikavq'e aoqdaoq milzeil meil geegaq yil nga. Nolya aq, ngaq e miqnieiq dyul geegaq zaq e col ngeel wal. Nga aqda bivq nial leil e yul hhaq, ngal nolyaq a bivq nial. Tyulliq, yul hhaq aoqtav nei maq ssavq yiv saqhaol, nolya xilgei jol alnei doq. Molmil nolya yaol bi humeeq miq. Molmil nei aoq ssol milcaq haoqbaoq a hal jav e qeiqlif, ngaq a bivq al. Xilmeilnei, nolya colssaq hal jol e milnia yil alnei, doqgaqgaqmeeq geegaq yil miq. Aqda-Molmil, Molmil-Ssaqyo ssolnei Molmil-Yo’lal e colmiaol dal alnei colssaq yaol Ciqbu-Yo'liq aol alnei ngaq e zolssaq bi gee lal. Ngaq nei hal meiq laq e lo’qomeil aol leil meiq miq. Ngal nolya naogo salssilmeil joltavq nga. Almeiq. Galhhu, Molmil-Soqhhaq xilmeil buvqtaq: 'Molmil Jildul yaol heil alnei byulssaq yaol bi hhe'leev yiv taoq, Molmil naogo bi gaqzaq huvq movq a leil nga.' Yeilsul e qiq ssil hu alnei, aqyoq colssaq e wuqhol hhe'leev e yul hhaq nga leil hev qivq nga. Molmil-Soqhhaq xilmeil buvqtaq: "Haqjil'aqda naogo maq jol bei laq e ssaqmiqssaq qiq hhaq ssaqyo qiq hhaq bo lal nga.” Doq xil doq ngeeljilmeil Maqliya hultav duv lal wul naq. Molmil-Soqhhaq buvqtaq laq e aqmeil, Yeilsul col maq nyuqhev jivq meil deivq lal e aq, Molmil-milmiaoq ngeel taoq nga. Aqyoq aq, Molmil e Ssaqyo, Jildul ngeel wul naq. Colssaq Yeilsul yaol mol e, Molmil yaol mol aqmeil ngeel naq. Yeilsul Molmil e galma-yo'liq geemeiq miq; colssaq e zyul geiq miq; colnal yaol liq zaolkaq miq nga. Aqyoq yoqhhaq e wuqhol pieiqbial taoqngaoq colssaq e zyul ballalnei bi zaolsil nga. Yeilsul saoq nao ngeel taoq deivqhuvq al. Xilmeil aq, sil e liq deivqhuvq lal nia nga leil eil e nga. Aqyoq eil: “Ngal yoqhhaq wuqhol pieiqbial e qeiqlif jav, bavqhuvq e qeiqlif liq jav lil.” Molmil e doqsii qiq jivq eillul ma hha, salssilmeil maq pal nga. Yulmeilnei, Yeilsul e qiq ssil aq, Molmil-Soqhhaq hultav aqyoq yaol hal buvqtaq laq e aqmeil duv lal naq. Yeilsul e doqsii aq, Molmil e doq ngeel naq. Molmil Yeilsul yaol dal alnei, colssaq aqyoq yaol bi hev e nga. Yobei e taq, Molmil colssaq zaolduv alnei aqyo naogo gaqzavhhyulqaol nei bi jol ma leil nyuq nga. Tyulliq, colssaq Molmil e eildoq maq nalhaq na taoqngaoq zyul jav al. Zyul nei col ssolnei Molmil alkaq kaq naq. Molmil-Soqhhaq xilmeil buvqtaq: “Colssaq hal jol e zyul jav nga. Zyul jav alnei, hha sil nga.” Yulmeil taoqngaoq, zyulssaq Molmil naogo qiqgao maq joltavq qivq nga. Molmil aqyol qiq ssaq deilssaol alnei Yaboqlalha e ssaqyo ballalnei bi sil aqmeil, aqyoq ssaqyoyoteiq heil alnei Yaqdal e ssaqssyuq ballalnei bi sil. Molmil xilmeil aol e aq, Yeilsul yaol qeqzaq e col aqyoq naogo bi gaqzaq huvq movq leil taoq nga. Xilmeilnei, Yeilsul yaol qeqzaq e col aq, aqhhuv-qiq-lov maq dov yil sso nga. Yulmeil maqceil, Molmil-Gaoqhaoq a Molmil naogo salssilmeil joltavq sso nga. Yeilsul eil: ''Ngaq e colmiaol dal alnei col hal jol milnia geegaq yil. Neema nga pyu puv lal e col aq, Molmil halmeilliq aqyo zyul geiq na nga." Yeilsul hhoqleivq eil: "Molmil nei Molmil-Yo'lal bi ssavq yiv alnei ngaq yaol qeqzaq e col naogo qiqgao bi joltavq alnei, Molmil yo'liq bi meiq maqceil, Molmil galma lo'qomeil bi aol nia miq nga." Ssaqmiqssaq yul hhaq, aqyoq zyulgol ssiil al. Yeilsul aqyoq naogo eil miq: “Noq e zyul geiq wul naq. Nol ngaq yaol qeqzaq taoqngaoq, no wuqhol hhe'leev al.” Col qiq hhaq ngeeljilmeil Molmil yaol qeqzaq al ngaoq, aqyo zyul Molmil nei geiq wul naq. Yeilsul naogo qo'leiq zaq movq e col aq, aqhhuv pyu gaoqlaoq sal e doqsii xil dyul eil al ngaoq, Molmil naogo gaqzavhhyulqaolnei gaqzaq huvq sso naq: Molmil ei'eiq. Nol aq jilhevqnei. Nol meeq ya. Ngal miqteil noq yaol maq hev taoq, zyul aolbav yaq. Ngal nyuqpuv maq qivq wul yaq. Molmil, nol meeq ya. Nol noq e ssaqyo Yeilsul heil alnei ngaq e zyul e ballalnei Siiqziijaf hultav bi tavqsil. Naolhao, aqyoq yaol bi deivqhuvq lal. Ngal noq e yo'liq naogo qo'leiq zaq movq ya. Yeilsul aq salssilmeil ngaq e Yosaol ngeel naq. Molmil ei'eiq. Nol meeq ya. Noq nei ngaq e zyulgol geiq alnei ngal salssilmeil noq e naogo joltavq sso yaq. Nol Molmil-Yo'lal ngaq naogo qiqheiq bi joltavq alnei, noq e yo'liq ngaq yaol bi meiq. Ngaq a hhaqhav bivq alnei, neema qiq siq meil noq yaol bi gaq, nol hhyul e miqnieiq bi aol. Daqtav colssaq hal jol e noq yaol bi bavqpyuq lal miq. Almeiq! Yeilsul aqyoq yaol qeqzaq e col naogo xilmeil eil miq: “Ngaq e aqcivq nga doqteil nalhaq nia. Ngal aqyodyul yaol hev, aqyodyul liq nga naogo qo'leiq lal nga.” Yulmeil taoqngaoq, aqyomavq hal nao liq aqyoq naogo doq gee'qoq zaq; Molmil-Soqhhaq zol; Yeilsul eil e aqmeil aol e maqceil, aqnu col yaol liq Yeilsul e miqnieiq eilloq yil miq nga. Yeilsul aoqtav maq dav li siq e miqteil xilmeil eiltaq: "Molmil nei aoq ssol milcaq haoqbaoq a hal jav e qeiqlif saqnei, ngaq a bivq al. Taq guv. Ngal nolya naogo salssilmeil joltavq nga."