Finding Peace

Ривқа. Тинчлик Излаб Довуд, бу ерда нима қиляпсиз? Жим бўл! Қўйларга ким қараяпти? Ёқуб. Сиз нима қиляпсиз? Мен кўринмай туришим керак: яширинаман. Нима? Бу нима қилганингиз. Бизга кераксиз! Римликлар мени қидиришяпти. Улар сизни Отам кетмасидан олдин ҳам қидиришган. Нима қилдингиз, Довуд? Биздан миннатдор бўлишинг керак. Қуддус золимлардан озод бўлиши керак. Онам уйғоқми? Билмайман. Ҳали тузалгани йўқ. Бундай қилманг, Довуд. Унга кетаётганимни айтишим керак. Отамга ваъда бергансиз. Менга Отам ҳақида гапирма. У золимларга ёрдам бериш учун кетди. Мени айблашга ҳаққи йўқ. Қилишим керак бўлган ишни қиламан. Амаллайсиз. Сора ва Аюб ҳам шу ерда Ёқуб қўйларга қараб туришга рози бўлди. Аюбнинг қўли... Эээээ! Нега қололмайсан? Шунда ҳаммамизга яхши бўлади. Тез орада қайтаман. Ором олиб тезроқ тузалинг. Худо ёр бўлсин. Нега бундай қиласиз? Бизни кандай ташлаб кетасиз? Мен шуни истабманми? Очинглар! Очинглар! Четга ўт! Биз Мусо ўғли Довудни ҳибсга олгани келдик. Уйдан қидиринглар! Тепани кўринглар! Бу нима қилганингиз? Аюб! Сен кимсан? Мен Довуднинг поччасиман. Уларга қараб турибман. Топдингизми? Йўқ жаноб. Ҳа, ҳа, ҳа. Бу болани топдим, аммо у анча ёш. Уни қўйиб юбор. Ўрнига бунисини олиб кетамиз. Нима? Юр. Мен ёмон иш қилганим йўқ! Аҳ! Юр дедим! Аюб! Аюб! Уни қўйиб юборинг, қўйиб юборинг! Аюб! Нега? Нега? Аюб! Йўқ! Йўқ, Сора! Сора! Болангни ўйла. Йўқ. Бу билан унга ёрдам беролмайсан. Юр онангни олдига. Хола? Хушидан кетибди. Тинчланиб ибодат қилишимиз керак. Худо ҳозир ҳам қараб турибди. Аскарлар, Довудни қидиришяптими? Ҳа она, аммо уни топишмади. У улгурди. Лекин Аюб! Улар Аюбни олиб кетишди! Эй Худойим, ёрдам бер! Ибодат қилайлик. Ота, олдингга Раббимиз ва Нажоткоримиз Исо Масиҳ номи билан келамиз. Сенга сажда қиламиз. Сени улуғлаймиз. Ҳатто шу қийин вазиятда ҳам ишлаётганинг учун раҳмат айтамиз. Ҳозир Аюб учун сўраймиз. Аюбни аскарлар қўлидан қутқар. Унга донолик бер. Иноятинг билан уни қўллаб қувватла. Юрагини бизнинг ҳаёлимизга келмайдиган тинчлик билан тўлдир. Илтижо қиламиз, Аюбни омон сақла. Нима бўлаётганини тушунмаяпмиз, аммо Сени улуғлаймиз ва рахмат айтамиз чунки биз Сенга ва фақат Сенга ишонамиз. Раҳмат, Ота. Сенга ишонаман, Раббий. Хола, шундай ҳолатда ҳам қандай ҳотиржам бўла оласиз? Тинчлигимиз фақат Худодан келади. Бир сафар Магдалалик Марям менга қўрққан ва қийналган вақтини айтиб берган эди. У доим Исодан ўрнак олиб яшади. Унинг айтишича, Исо банд бўлганида, ёки душманлар ташвишга қўйганида, У эрта тонгда туриб ёлғиз ўзи ибодат қилиш учун жой топган. Баъзан кечаси билан ибодат қилган. У ўн икки ҳаворийни танлашдан олдин туни билан ибодат қилган. Ҳокимият вакиллари келиб... уни ҳибсга олишганида ҳам ибодат қилаётган эди. У ҳақиқий ибодатгўй инсон бўлган. Бир сафар, Исо тоғда шогирдлари Бутрус, Ёқуб ва Юҳанно билан, Юрганида бир одам бошқа шогирдлари олдига ўғлини олиб келибди. Бола ғазаби қайнаб... баъзан ўзини оловга ҳам отар экан. Жинни қувиб чиқаринглар дебди ҳалиги одам, шогирдлари буни қилолмабдилар. Исо шогирдларини имонсизлиги учун койибди ва кейин, бу турдаги жинлар ибодат ва рўза билан чиқади, дебди. У ўша заҳоти ибодат қилиб рўза тутмади, чунки у аллақачон рўза тутиб ибодат қилган эди. Исо жинга дўқ урди... ва болакай тузалди. Исо бизга ибодат билан ҳаёт кечиришни ўргатди. Биз ҳар куни ибодат қилиб, Худо билан вақт ўтказиб Унга сажда қилиб, иродасини қидириб, Каломини ўқишимиз керак. Шундай қилсак, қийинчиликлар келганида, ҳозирги ҳолатимизга ўхшаб қандай бўлмасин қийинчиликларни енгиш учун куч ва тинчлик топа оламиз. Сиз ҳар куни эрта тонгда ибодат қиласизми? Кўпинча. Баъзида ташвишлар мени чалғитади. Шунга одатланганман. Ибодат вақти кунимнинг энг яхши қисми. Ибодатда Худо билан вақт ўтказиш мажбурият эмас, бу имтиёз. Баъзида ибодатларим Худога аҳмоқона эшитилса керак. Аҳмоқона? Ундай эмас. Марям. Худованд ҳар қандай катта ёки кичик нарсаларни сўраб келишингни ёқтиради. Худо Одам Ато билан Момо Ҳавони яратгани эсингдами? Худо улар билан бирга эди. Тополмаганида уларни қидирди. Худованд сен билан бирга бўлишни истайди! У сени севади. Қийин кунларда у сизни ҳаммадан кўра кўпроқ тушунади. Нега бунчалик ишонч билан айтяпсиз? Исо ҳам худди биздек инсон бўлган. У ҳам бизга ўхшаб азоб чеккан. У ҳам биздек васвасаларга учраган. У гуноҳ қилмай яшади. У, ерда орамизда яшагани учун, бизни тушунади. У биз учрайдиган ҳамма қийинчиликларга учраган. У бизни жуда севади. У ҳаётимиз учун энг яхши шерик. Демак, ибодатда Унга ҳамма нарсани айтасизми? Ҳаммасини, яна У мени эшитишни истаётганига ишончим комил. Мени ҳам. Ҳа. Ташвишларимизни Шоҳларнинг Шоҳига, худолар Худосига айтамиз. Сора! Аюб! Аҳҳ! Яхшимисиз? Ҳа. Юзбоши келиб, мени қўйиб юборди. Худога шукур! Бошқа одамни тутиб келтиришгани учун аскарларга бақирди. Юринг, айтиб берасиз. Худо бизни эшитади. Ҳа. Ҳа, у эшитади. Энди уйга боришим керак. Яхши боринг хола. Салом Ёқуб. Салом. Ўзинг, уйдагилар яхшими? Жуда яхши раҳмат. Сизчи? Яхшиман. Мен бора қолай. Хайр бўлмаса. Хайр. Ёқуб. Нима керак? Мм, бирозга кирсам майлими? Майли. Уйда одам бор. Кира қолинг. Довуд мени топиб аҳволи яхшилигини сенга айтиб қўйишимни сўради. У яна хавотир олмасин...яширинишга яхши жой топдим деди. Яхшимисан? Ёрдам керак эмасми? Довуд менга айтишича, қўйларимизни ўзингизники билан бирга боқаётган экансиз. ёрдам учун, катта раҳмат. Катта ёрдам қилдингиз. Ҳаммамиз онам, Нуҳ, ва мен яхши бўламиз. Ёрдам керак бўлса, мендан сўра. Биз, мен онанг ва сен учун ибодат қиляпман. Мен...шу ердаман биласан. Тузатиш қўлимдан келади. Ҳамма нарсаними? Йўқ, унчалик эмас. Раҳмат Ёқуб. Таклифингизни унутмайман. Яхши. Хўп, Хайр. Хайр Ёқуб. Сиз қайси қаҳрамонга ўхшайсиз? Нима учун? Агар сиз ёки яқинларингиздан бири ноҳақ айбланса нима қилган бўлардингиз? Худо қандай йўллар билан ибодатга жавоб беради? Исонинг мисолида ибодат ҳақида нимани билиб олишимиз мумкин? Ибодат ҳақида бу аёллардан нимани ўргандингиз?