Sal God my regtig keer om my bose begeertes uit te lewe? Toe ons gebore is, was ons nie diegene wat aan onsself die lewe gegee het nie. God het deur ons ouers aan ons die lewe gegee. Aangesien God ons die lewe uit niks kon gee, kan Hy ons sekerlik verander om soos Hy te wees. Ons het almal probeer om op ons eie goed te wees, en het gefaal. Maar as ons die nuwe geestelike lewe ontvang wat Jesus vir ons gee, is ons heeltemal van Hom afhanklik, om ons veilig te hou, om ons te leer om te lewe en te help om sterker te word. God het ons as sy kinders aangeneem, en Hy belowe dat as ons met dankbare harte op Hom vertrou en afhanklik is, Hy ons dag na dag sal verander. So, terwyl ons ons harte gefokus hou om Jesus lief te hê soos Hy ons liefhet, sal Hy ons versterk, hoop gee en ons rein maak.