God's Rescue Plan

Турд дисга надивесто йам ҷаẙн wерẙн дараw сид? Худоwанд офарӣдчӯɣҷин ҷаẙн бойад, аз неки пур вуδҷат. Амо мардуми Хуδой гāп наниғуẋтху, йик wи пẙндти тӯйд идê, йуйи аз Хуδой wев δар ца wеδд. Ҷаẙн wерẙн сутат, мāш мис wи қати. Китоби Муқадас мāш гāпнониғиẋт, гуно лẙвд. Мāшāм Хуδой гāп наниғуẋтху, мāрг ар зимāδ йат. Мāшāм аз Худоwанди Пок δар, диҷатта мāш ху қуwат қати йичӣраϑ чӣдоw навāрδийāм, лāк аз гуно халос сāwāмат, ху зиндаги аз наw барқарорāм. Ага йикеданд одамӣнзод тāрӣх тайор ца суδҷат, ди оқибат лап wерẙн вуδҷат. Амо Худоwанди дирд йи пẙнд тайорā чӯд. Китоби Муқадасанд лẙвд идê, Ибройӣми Хуδойард емẙн вӯдху, йид емẙн wи тозā чӯд. Амо йик wи wахтанд чêд зоẋтху, тайор вуд ху пуц Исоқ қурбẙни киẋт, йиди йик wи дивиẋт идê, йуйи Хуδой гāп ниғуẋт. Амо Худоwанди wирд wāрг дāкчӯд, лāк Исоқ ҷойти wи қурбẙни киẋт. Аз рӯйи Худоwанд инсоф мāш бойад ху гунойен ҷāт марāмху, аз Хуδой ҷудо вийāм. Амо диҷāт идê, Хуδойи мāш жӣwҷ, Йу хойиẋ киẋт мāшанд абади айот вид. Аррāнги Ибройӣм қурбẙни ҷойтийи Хуδой Исоқ wāргти бидāл ца чӯд, дисгагайи Хуδой Исо ар ми зимāδ боẋт, лāк мāш ҷāт қурбẙни сẙд. Исо қурбẙнийи мāш гунойен рӯпӯẋ чӯд, мāши аз мāрг озод чӯдху, мāши росткор чӯд. Йу Хуδой вудху, Одам сут, лāк ар мāм wерẙн ҷаẙн хāфцт. Йуйи мāш нотаwẙнийат, касали Ху гарδāнти зоẋтху, Ху ҷẙни дāкчӯд, мāш ҷойти, мāшāм wи сазоwор ца вад. Йуйи мāргти ғалабā чӯдху, сейум рӯзти аз мурδā дарӯнанд зиндā сут. Йид йида йи Хушхабар аз Китоби Муқадасти. Мāш емẙн пи Исо мāшард айоти абади дāкиẋт. Китоби Муқадасанд лẙвд: “Дẙндҷāт гунойанд wи оқибат мāрг, амо Хуδой Файз, йид айоти ҷоwидẙни мāш Худоwанд Исойи Масе қати”. Йид файз тунд сẙд, ага Ту Wи дуо қати қабӯл ца кини, ту вāрδийи йик шичаϑ ди чӣдоw.