Who is Jesus...Really?

Исо Чāй? Исои чӣр чӯдат, чӣзҷāт? Потẋо Исойи осмẙнти укрẙни чӯдат, ар зāмӣн гуно одамти робар вуд. Амо Худоwанди одамӣнзод жӣwҷху, хойиẋ киẋт, лāк wāδ аз гуно озод сенху, пеẋгӯйи иҷро сẙд. Рӯйи Худоwанд муҷизаwи бокирā Марйамард зоир зутху, йā йичи қати наẋовдат, омиладор сат. Бāди йичāнд мêст Исо тар ғиҷӣд дарӯн аз нāн сут. Исо одам ҷиноw вуд, амо йу Хуδой мис вуд. Йуйи Хубаϑ Ху Хуδой Пуц лẙд. Ди унwẙн мāни йикид идê, Худоwанди одам ҷẙмā пинӯйд. Исо табиат йид йи сир идê, мāш ақлита пуррā пи ди нафиропт. Wи wахтанди Йу зимāδти зиндаги ца чӯд, фанā муҷизайени чӯд... пурқудрат тāлӣми δодат... бегунойи зиндаги чӯд, дисга беайби зиндаги чӯд идê, йи одам дисга зиндаги чӣдоw навāрδед. Исойи Ху хойиẋ қати мāшард Ху ҷẙн дāкчӯдат... Сейум рӯзанд Исо аз мурδайен дарӯнанд зиндā сут гунойат мāргтийи ғалабā чӯд. Исойи пи осмẙн суӯд чӯдху, Ху Тāт хезанди нӯст. Ди ҷāт Йу лойиқ дисга унwẙненард, Таwротанден нивишчин ца вад, йāни: Наҷотδāδӣҷ, Хуδой Пуц, Емонӯӣл, Хуδой Wаргбуц. Фук пеẋгӯйийенен азор сол тар пиро то Исо таwалудец нивишчин ца вад, Йуйи wев иҷро чӯд. Мāш гунойенҷāти азоб wӣнт наҷоти мāш δод. Йи рӯзта Йу йоδд, лāк фук мардум укм киẋт, амо Wи зиндагийат, Wи зиндā ситоwта, мāшард имкẙнийат дāкиẋт, лāк аз азоб ху халосāм Китоби Муқадас мāш римед таwбā чӣдоw ат мāш бойад Исо аррāнг наҷотδāδӣҷ қабӯл кинāм, лāк ху муносибат мêрубẙн Худоwанд қати хаẋди кинāм. Тамет дев пеẋниоден қабӯл чӯɣҷато?