God's Rescue Plan

Eýsem, kämahal dünýä bozulan ýaly görünmeýärmi? Edil nämedir bir zat dürs däl mysaly? Ilkibaşda, Hudaý dünýäni ýagşylyklardan doly bolmagy üçin ýaradypdy. Emma biz öz ýolumyzy Ondan daşlaşdyrmak bilen Hudaýa boýun egmezlik etdik. Dünýä bozuldy, edil şonuň ýaly biz hem bozuldyk. Mukaddes Kitap ony günä diýip atlandyrýar. Ol biziň hereketlerimizden hem aňryk, ýüreklerimiziň ýagdaýyna ýetýär. Biziň boýun egmezligimiziň hakyky netijesi ölümdir - ýaşaýyş çeşmesinden aýra düşmeklikdir. Biz ol aýralygy haçanda ökünç, masgaraçylyk we päksizlik duýgularyny başdan geçirenimizde duýýarys. Emma mukaddes Hudaýdan aýra düşendigimiz sebäpli, biz öz günälerimizi aýyrmak üçin hiç zat edip bilmeýäris. Hekaýamyz şeýle ýagdaýda tamamlanan bolsa, günümiz agyr bolardy - emma Hudaý bize ýol açdy! Onuň ilkibaşdan halas edijilik meýilnamasy bardy! Hudaý Öz meýilnamasyny biziň ata-babalarymyza aýan etdi. Mukaddes Kitapda Ybraýym Hudaýyň öňünde dogry imanly adam hökmünde görkezilýär. Hudaý Ybraýymy Rebbe gulak asyjylygynyň nyşany hökmünde öz ogluny gurban bermäge taýýardygy üçin sylaýar. Emma Hudaýyň ara goşulyşmagy bilen, Ol Ybraýyma öz ogluna derek gurban bermäge bir goç berýär. Hudaý adyldyr, şonuň üçin hem biz ölüp, Ondan aýra düşmäge mynasypdyrys. Emma Hudaý bizi söýýär hem. Ol biziň Özi bilen baky ýaşaýyş edinmegimizi isleýär. Edil Ybraýymyň ogul gurbanlygyny bu ajaýyp goç bilen çalşyşy ýaly, Hudaý biziň üçin Isanyň ahyrky birkemsiz gurbanlyk bolmagyny üpjün etdi. Isa biziň günälerimizi ýapýar, bizi günäniň muzdy bolan ölümden azat edýär we bizi dogry adama öwürýär. Dolulygyna Hudaý bolan Isa biziň bozulan dünýämize gelip, birkemsiz durmuşda ýaşamak üçin dolulygyna ynsana öwrüldi. Haçanda Ol ölende, Ol biziň masgaraçylygymyzy we jezamyzy Öz üstüne aldy. Ol biziň mynasyp bolan ölümimize derek öldi. Üç günden soňra, Ol ölümden direldi we hiç haçan gaýdyp ölmedi. Bu Mukaddes Kitabyň Hoş Habarydyr - Hudaý Özi bilen ebedilik baky ýaşaýşa gowuşmagymyz üçin bize ýol açdy. Haçanda siz Mesih arkaly Hudaýyň özüňiz üçin bitiren işine iman edeniňizde, Ol siziň masgaraçylygyňyzy abraý, günäňizi dogrulyk bilen çalyşýar. Mukaddes Kitap şeýle diýýär: "Çünki günäniň muzdy ölüm, Hudaýyň peşgeşi bolsa Rebbimiz Isa Mesih arkaly berilýän baky ýaşaýyşdyr". Emma peşgeş size diňe ony kabul edeniňizde berilýändir. Siz ony islendik wagtda doga-dilegiň üsti bilen kabul edip bilersiňiz.