JESUS

Am aanfank, hot Hërkot ti welt kemach. Eyer hot te himel un ti eyert kemach. Wën mer kukt was Hërkot kemach hot, siit mer tas ales aarich kuut un xeen waar. Ales was Hërkot kemach hot waar kuut. Ales reweleyert sayn kroosheet, kuutheet un macht. Hërkot hot ale sorte planse un ale sorte fii kemach. Eyer hot te eyerxte man ketsoo fom xtaup fon te eyert. Hot tëm in ti naas keploost un tëm leewe kep. Te eyerxte man is Aatam kenënt kep. Tan hot Hërkot ti fraa kemach fer kompanii fer Aatam. Sii hot Ëëwa keheest. Er hot se eenlich mit sich selepst ketsoo. Tii hon froo in tëm sayn presëns keleept in en xeene kaarte Ëëtem kenënt. Too waar khee layte un khee toot. Hërkot saat fer Aatam: "Tuu khanst ti fruchte fon ale peem ese, ploos een net, sonst, tuust tuu xtërwe." Awer en taach hot Satanas Ëëwa in fersuuchung fale kemach. Tii hot ti frucht kes un sayne man aach. In tëm momënt is tëne sayn ferpintung mit Hërkot ferproch kang. Hërkot is haylich un ti sinter khëne net in tëm sayn presëns leewe. Hërkot hot Aatam un Ëewa fom Ëetem raus kexikt. Tii hon tee xaam mit kemach wayl se Hërkot net keheyert hon. Als resultaat, hon Aatam, Ëewa un sayn kanse noohkhomer ti toote phayn mit kelit. Kot hot wayter ti mënxe keliipt. Tee hat xon en weech prepareyert tas se tsurik mit tëm leewe teete. In te Hayliche Xrifte, feroot Hërkot sayn plaan fer ti mënxe rete fom xtroof woo se weyert sin, tas se eewich in komunioon mit Hërkot playwe khëne. Hërkot hot en teel fon tëm plaan feroot fer ter profët Aapraham. Aapraham hot an Hërkot keklaapt un hot em keeert. Tesweche hot Hërkot ferxprooch teet em seechne, un torich tee, ti kanse foleke un natsioone seechne. Tee hot tëm ferxprooch fiil nookhomer kewe, meer wii ti sant khëner am xtrant fom meyer, un xtërne am himel. Aapraham hot an Hërkot keklaapt. Tesweche hot Hërkot iim kerecht kenënt, un ti layt hon em "Hërkot sayne froynt” kenënt. En taach, hot Hërkot Aapraham in proopt kextelt, fer siin op eyer em traue teet un sayn ortunge horiche teet. Aapraham wust tas torich sayne eensichte yung Kot tëm ferxproch hat fiil noohkhomer kewe, un toch soo hot eyer an Hërkot keklaapt un hot em kehoricht. Too hot er sich prepareyert fer sayne soon umpringe fer em Hërkot opfere. Aapraham hot sayn meser kehool. Awer, Hërkot saat: "Aapraham! Mach te puup net wee. Ich wees tas tuu an mich klaapst un mich heere tuust." Too hot Aapraham en kaprit kesiin mit te hëner fest kehong an en phutx. Aapraham hot em kehool un hot em keopfert uf sayn soon sayn plats. Soo wii Kot ti kaprit kextelt hot fer uf em Aapraham sayne soon sayn plats keopfert wëre, soo hot er sayne kroose liipe tsu ti mënxe ketsaych. Sayne liipe is wii te liipe fon en kuute fater uf sayne soon. Er hot aach sayne plaan feroot fer en letste opfer pringe fer uf te mënxe sayn plats xtërwe. Fiil tsayt tsurik, hat Hërkot kesaat fer ti profëte tas er en man oone sinte xike teet fer uf Aatams noohkhomer sayn plats xtërwe, sinte un xaam wech hoole. Sayn opfer teet weech uf mache fer tii woo an em klaawe tas se in kemayntxaf leewe khëne mit Kot. Ti profëte hon tee persoon "Mesias" kenënt. Hërkot teet te Mesias xike fer es folek rete, sayne Kheenich sin, fer imer se rechiire in Kot sayne naame. Hunerte yoore eep eyer khom is, hon ti profëte kexproch iwich tas tings woo te Mesias mache teet un was mit tëm paseere teet. En profët saat tas Hërkot fer te Mesias saan teet: "Tuu pist mayne Soon." [Saat niks fon en kherwerliche soon]. Te thitel "Son fon Hërkot" pexraypt ti [ëng] relatsioon fom Mesias mit Hërkot un sayn importans als Reter un Kheenich. Te profët Isaiias saat: "En yungfraa wërt en khint waarte un kriit en puupche." Tas khint is tas eewiche Wort fon Hërkot, un Tee hot tas kexikt uf ti welt khome als en mënx, fer Hërkot reweleere fer ti welt. Ti profëte hon kexrip tas te Mesias in Petleheem uf ti welt kheemt. Tii saate tas Er in Yeruusalëm këngt als kheenich. un tas eene fon sayn froynte em hinerkeen teet weche traysich silwerne nikle. Ti profëte hon kesaat tas te Mesiias sayn leewe opfere teet, awer Kot iim am trite taach fon te toote peleepe teet. Ti profëte hon te Mesiias "Soon fom Man" kenënt, un saate tee teet uf en wolek noch mool pay Hërkot khome, un tas Hërkot tëm autoriteet keept iwer ti kanse natsioone, fer imer. Tswaay tausent yoore tsurik, hot en man too in te welt keleept woo Yeesus keheest hot. Wii ti layt kesiin hon was eyer kemach hot, hon se sich kefroot: "Meecht tee te Mesiias sin? Is em Yeesus sayn leewe wii tas woo ti profëte kesaat hon iwich te Mesiias? Tee film tsaycht weyer Yeesus is, un etlich tings woo eyer kesaat hot, un kemach hot, wii es uf te Hayliche Xrifte xteet. In tëm film, macht en man wii wën er Yeesus weyer. Nimant uf te welt is tas weyert, awer te film is kemach kep tas ti layt Yeesus sayn leewe khëne tuun un triwer lërne khëne, un tas se keseechent wëre soo wii eyer es ferxproch hat. Liipe Theofilus: File hon xon ti kexichte kexrip fom tings woo unich uns paseyert is. Ich hon ketënkt ales in ortnung xraywe, tas ti woerheet pekhant kept. Wan Aukust te Kayser fon Room waar un Herootes waar kheenich fon Yutëya, hot Hërkot te ëngel Gabriel kexikt en yungfraa pesuuche in te xtat Nasarëë. Ti yungfraa hot Maria keheest. Prauchst khee pang hon, Maria, wayl tuu kriist en kefale fon Hërkot. Tuu kriist en puupche un kepst tëm te naame Yeesus. Wii khan tas sin? Ich sin en yungfraa. Te Hayliche Kayst khomt iwich tich. Hërkots macht wërt mit tich sin. Tas puupche wërt Haylich un Hërkots Soon kenënt. Sayne Raych wërt nii ën hon. Maria is noo Yutëya kang, sayn priime Isabel pesuuche, woo aach en khint am waarte waar. Isabel! Maria! Ooh, Priime Maria! Tuu pist ti keseechenst fon ale fraae. Uns khint tuu traast is aach keseechent! Klaych ich tayn kriisung keheyert hon is es khint froo kep hot froo sich peweecht. Mayn hërts loopt te Hër. Un mayn seel is froo weche Hërkot, mayne Hër un Reter. Un fon yets aan foran tuun al mich keseechent fraa ruufe. Acht! Torich ortnung fom Khayser Aukustus, mise ale layt fon Kalilëya un Yutëya sich rejistreere lose tas en tseelung fom folek kemach kept. Al mise sich klaych rejistreere keen in te wile woo se heyer sin. Yoosef is pis Petleheem fon Yutëya kang fer sich tort rejistreere mit Maria, mit weem er hochtsayt pextimt hat. Awer, waar khee plats fer tii in khee pensioon in Petleheem. Tesweche, muste se sich in en keweenliche xtal instaleere. In tee nacht waare phaar xeefer uf em khamp sayn xeef am uf pase, wan em Hër sayne ëngel tëne tsum foerxayn khom is un Hërkot sayn kloorix licht iwer se kexaynt hot. Hayt, in te xtat fon Dawii, is te Reter uf ti welt khom fer aych: Kristus te Hër. Tii sin xnel tas puupche kuke kang im khump. Waare aach ti eyerxte woo ti naychkheet ferprayt hon, te Ewankeelium fom kepoer fom Reter. Woch truf, waar taach fom khint sayn pexnaytung, hon te naame Yeesus kep. Hon es khint pis Yeruusalëm kenom fer presenteere fer te Hër. Am thëmpel hot Simeon kewoont, en kuute un frome man. Te Hayliche Kayst hat ferxproch tas eyer Kristus siin teet eep er xtërwe teet. Un yets Hër, xik tayne tiiner in ruu ap, tëm noo tayn wort... wayl ich mit mayn aychne aue tayn retung kesiin hon. Tas khint is fon Hërkot aus kesuucht. Tas teyer tswaay keseechent sayt. Wan se fërtich waare mit ales was em Hër sayn kesets xikt, sin Yoosef un Maria tsurik noo hëm kang, in Nasarëë in Kalilëya. Wan Yeesus tswelef yoer alt waar, hon Yoosef un Maria em uf es Oostre Fest kenom in Yeruusalëm. Uf em tsurik weech, hon sayn eltre ketënkt tas tee im krupe weyer un sin te kanse taach kereest, awer Yeesus waar in Yeruusalëm keplip. Er waar net unich ferwante un froynte. Tsurik in te xtat, tray taache truf, hon se em im thëmpel kefun, unich te mayster. Weyer is tas puupche woo soo aus frooe tuut? Tee is fon Nasarëë. Mier tënkte weyerst mit uns. Fertsayer sayne entusiasmus. Al waare ferwunert mit tëm. Mayn khint, warom host tuu tas kemach? Tayne fater un ich waare pekhimert tich am suuche. Warom waart teyer mich am suuche? Wust teyer net tas ich in mayne Fater sayn haus waar? Tan is Yeesus tsurik mit sayn eltre. Is kewakst in kreest un wisheet. Hërkot un ti layt hon en imer mee keliipt. Tas is ti echt kexicht fon Yeesus sayn leewe. Hot sayn basis im Puch fon Lukas. Inspiratsioons Films Korporatsioon presenteyert YEESUS Am yoer fuftsen fom raych fon Tibërio, reemixe khayser, wan Ponsio Pilatos kowerneyer fon Yutëya waar. Herootes kowerneyer fon Kalilëya, wan Anaas un Kayfaas waare ti hooche priister Hërkot sayn wort is fer Yohan im tesërt khom. Er is torich ti rechioon fom Jortan Flus kang, te royung taaf am preetiche fer ti sinte fertsayng. Arepenteyert aych fon ayre sinte, Lost aych taafe! Un Hërkot wërt ayre sinte fertsaye! Tëm noo es kexrip is im puch fom Profët Isaiias. "Yemant is am xraaye im tesërt: Prepareyert em Hër sayne weech! Macht richte weeche uf fer iim. Ale taal wërt efilt. un ale përiche wëre klaayche kemach. "Ti krume xtroose wëre richt kemach. Ti weeche mit hooch un niter wëre klat kemach un ti kans mënxheet siit ti retung woo Hërkot kept." Was tan mache? Was wilst tuu tas mer mache? Kiftiche xlange rase! Was sole meyer mache? Helef uns tas meyer te weech wise. Tee woo tswaay himter hot mus een kewe fer te man woo khee hot. Tee woo ese hot mus es teele. Mayster, meyer sin xtayer kaseerer. Was sole meyer mache? Tuut net mee ap hoole wii ti kesets xikt. Un meyer, mayster? Was mache meyer? Nëmt nimant mit kewalt tas kelt wech. Net mool torich falx akusatsioon Un sayt tsufriite mit ayre loon. Saa uns, pist tuu te Kristus? Ich taafe mit waser. Awer is yemant am khome woo importanter is wii ich. Ich sin net ti eere weyert fer tëm ti santaale uf pine. Tee wërt aych taafe mit em Hayliche Kayst un fayer. Mit te xip macht er ti weets un tas xtroo ausnaner. Samelt ti weets un ferprënt es xtroo im fayer woo nii ausprënt. Te Hayliche Kayst is fom himel runer khom, in form fon en taup, iwich Yeesus. Un is en xtim fom himel khom, woo saat: Tuu pist mayn liipe soon un kepst meyer fiil frayt. Wan Yeesus sayn aarwat aankefang hot, waar er unkefeyer traysich yoer alt. Fol fom Hayliche Kayst, is er tsurik fom Jortan un Hërkot sayne Kayst hot em noo em tesërt kenom, woo te Taywel em keproopt hot iwer fërtsich taache lang. Hot ti kans tsayt niks kes. Too saat tëm te Taywel:: Wëns tuu Hërkots soon pist, xik tee xteen sich in proot transformeere. Is kexrip: net noore fon proot tuut te mënx leewe, awer fon yeete Hërkots Wort. Te Taywel hot Yeesus in ti hee kenom un hot tem ti kanse rayche fon te welt ketsaycht. Ich kewe tich ti kans macht un ti kans raychtum. Tas ales is mich kep waar un ich khan tas kewe fer weem tas ich wil. Tas ales khan tayn sin wëns tuu tich kniye tuust fer mich atoreere. Is kexrip: Tuu te Hër, tayne Kot, aan peete, un sonst nimant." Te Taywel hot em noo Yeruusalëm kenom, uf te heechste phunkt fom Thëmpel. Wëns tuu Hërkots soon pist, xmays tich too hii runer. Wayl ti Hayliche Xrifte saan: Hërkot xikt sayn ëngle fer tich kuut rewquf pase un hale tich fest mit sayn hënt tas net mool tayn fiis wee kemach kewe an te xteen. Ti Hayliche Xrifte saan: "Tuu net te Hër, tayne Kot, in proop xtele." Yeesus is noo Nasarëë kang, ti xtat woo eyer kroos kewakst waar. Haloo, Haloo, Am samstach, wii es sayn kewoonheet waar, is er in ti sinakook kang. Is keruuf kep fer en xtik fom puch fom profët Isaiias leese. Em Hër sayne Kayst is iwich mich. Tee hot mich aus kesuucht fer te aarme kuute naychkheete pringe. Hot kexikt fer ti kefangne pefrayung aus ruufe un siims fer ti plinte ... ti unertrikte pefraye un aan saan ti tsayt is khom woo te Hër sayn folek rete tuut. Tee xprecht xeen. Hayt hon sich ti Xrifte in kehal woo teyer kraat keheyert hat. Ti Piipel in kehal? Noore te Mesias khan tii ferxprechung in hale. Awer wii? Sicher tuut teyer tas xpruch wort noo saan: Tokter, heel tich selepst. Un wëre aach saan: Mach hier in tayn xtat es selwiche woos tuu in Kafarnaum kemach host Un saan aych Khee profët kep kuut ap kehool in sayn aychne xtat. Mit tëne wërter hot Yeesus sich selepst aan kesaat als te Mesias, te auskesuuchte fon Hërkot fer Sayn folek se rete. Awer tii yute hon em net aankenom als de Mesias. Tii hon em pis uf te përich kexlept, awer, eyer is tswixe em folek torich kang un is fort kang. un is noo Kafarnaum kang, en xtat fon Kalilëya. Te reemixe komant waar ewitënt iwer ti kans natsioon un ti layt hon noo em Mesias kewaart fer tii pefraye fon te tirani. Friite say mit tich! Un mit tich, Mayster. Khan ich tayne poot penutse, Simon? Sicher, Mayster. Tee is net fort am keen, kël? Xprech mit uns! Xprech mit uns! Yeesus, xprech mit uns! Sin tswaay mëner in te thëmpel kang fer se peete. Ëne waar en fariseyer, un te anere, xtayer kaseerer. Te fariseyer is xteen keplip un hot soo aleen kepeet: Oh, Hërkot, ich tanke tich wayl ich net kelt keerich sin, net uneerlich, net imoraal wii ti anere layt. Tanke tich aach wayl ich net sin wii tee xtayer kaseerer. Ich faste tswaay mool ti woch un kewe tseen protsënt fon ales was ich kriin. Awer te xtayer kaseerer is fon waytem keplip un hot net mool ti aue kehoop. Hot imer uf ti prust keplopt un saat: "Hërkot, petauer mich, ich sin en sinter!” Ich fersichere aych, waar tee man un net te anere woo tsurik hëm kang is in ruu mit Hërkot, wayl tee woo sich erheept wërt erniitricht, un tee woo sich erniitricht, wërt erhoopt. Lënk te poot pis woo ti lakoo tiifer is. Tan tuut teyer ti netse xmayse fer se fixe. Ah, Mayster! meyer hon ti kans nacht xweyer kexaft, un hon niks kefixt kriit. Awer, wën tuu tas soo xikst, tuun meyer ti netse xmayse. Tiaako, Yohan! (am lache) Tiaako, Yohan! Khomt, khomt helfe! Meyer khëne net, meyer hon ti hënt fol, (am lache) Kee wech fon mich, Hër! ich sin en man fol sinte! Khee pang hon! Fon yets aan foran wërst tuu mënxe fixer! Khomt tsu mich, heyert mich mit acht un teyer kriit en nay leewe. Suucht em Hërkot sayne hilef soo lang wii teyer em fine khënt; peet fer te Eewiche Hërkot soo lang wii eyer noch ticht rom is. Tas ti xlechte layt sayn leewe aart ferënere un ti xlechte ketanke in xtich lose! Khomt tsurik noo em Hër, unser Hërkot, wayl tee hot paarmhërtsichckheet un tuut komplët fertsaye. "Teyer keet froo wayter, wërt in ruu kefiert kewe. Eyer is am khome, is hier, kukt! Yeesus! Yeesus! Pite, ret mayn eensichst meetche! Say soo kuut, Hër! Ti is ploos tswelef yoer alt. Is am xtërwe, pite, khom mit mich! Jairus, es tuut mich layt! Yeesus! Tayn meetche is toot! Xteyer net mee te Mayster. Khee pang hon, Tuu noore klaawe un ti kept kesunt! Tereft net prile. Ti is net toot, is noore am xloofe. Meetche! Xtay uf! Kept tëm etwas se ese. Un ich xike: Saat nimant was too paseyert is. Xpeeter, hot Yeesus en xtayer kaseyer kesiin, Lewi kenënt, uf em plats woo ti xtayer petsaalt kep sin. Khom mit mich. Yeesus is uf en përich kang fer se peete un hot ti kans nacht Hërkot aan kepeet. Wii es taach kep is, hot er tswelef tisiple raus kesuucht un hot se aphostle kenënt: Simon, woo eyer Pheter kenënt hot; sayne pruuter Antrëas; Yaakop un Yohan... Filip... Partolomeu... Mateus... Thoome... Yaakop, soon fon Alfeu... un Simon, te natsionalist... Yuutas, pruuter fon Yaakop... un Yuutas Iskariotes, woo Yeesus hinerkang hot. Kliklich ti aarme wayl ayer is te Hërkots Raych. Kliklich tier woo yets hunger hot, wayl teyer wërt sat. Kliklich sayt teyer woo yets prilt, wayl teyer wërt lache. Kliklich wën se aych hase, neewe lose, ferxraaye un saan teyer xlecht sayt, wayl em Soon fom Man noo keet. Kept hërlich un aarich froo wan tas paseyert, wayl ti kroos peloonung waart uf aych im himel. Ti foerkhomer fon tee layt hon es selwiche kemach mit te profëte. siptsen, achtsen, noyntsen, tswansich. Is ales was ich hon. Wii soo is tas ales was tuu hast? Ay fon aych woo hayt raych sayt, wayl hat xon ayer kuut leewe kehat. (am lache) Tee wil net raych sin. Tee mus ferikt sin. Ay fon aych woo yets am lache sayt, wayl wërt prile un klaache. Ay fon aych wën ti kanse layt aych loope, wayl tëne sayn foerkhomer hon aach ti falxe profëte keloopt. Awer saan fer aych woo heyert: liipt ayre faynte. macht was kuut is fer tii woo aych hase. Seechent tii woo aych ferfluuche un peet fer tii woo aych xlecht pehantle tuun. Wën yemant tich ins kesicht haut, hal ti aner sayt hiin, Wën yemant tayne punx wech hoolt, los em te rest tsaych aach hoole. Kept imer fer yeete woo tich etwas ferlangt; un, wën yemant wech hoolt was tayn is, ferlang es net tsurik. Macht fer ti anere es selwiche woo teyer wolt tas se aych mache. Wën teyer ploos liipt tii woo aych liipe warom waart teyer Kotes seechnung? Sokaar ti sinter mache tas. Un wën teyer kuutes tuut noore fer weem aych kuutes tuut, warom waart teyer Hërkots seechnung? Sokaar layt mit sinte mache tas soo. Wii khan Tee aan se thupe? Wii khan Tee mit tëm xpreche? Was en eekel! Nee, liipt ayre faynte, macht tëne kuutes. leent oone was tsurik waarte. un wërt en kroose prays kriin Soo wërt teyer khiner fom Heechste Hërkot. Te macht tas wayl Eyer kuut is fer ti untankpaare un xlechte. Sayt kuuthërtsich, Soo wii ayre Fater kuuthërtsich is. Tuu uns rete, Yeesus! Julkeyert net un Hërkot tuut aych net julkeere. Konteneyert net, un teyer wërt net konteneyert. Fertsayert un Hërkot wërt aych fertsaye. Fier uns in tayn weeche, Hër! Kept un Hërkot wërt aych kewe. Ti selwich moos woo teyer penutst, wërt Hërkot mit aych penutse. En plinte man khan net en anere fiire, wën er fersuucht tas mache, tuun ti tswaay ins loch fale. Warom siit teyer te xpliter woo im pruuter sayn au is un siit net te palke woo im aychne au is? Fer uns, Mayster! Meyer prayche tich, Hër! Kliklich moter woo tich ketraa hot un ketsoo hot! (am lache) Nee, kliklich tii woo Hërkot sayn wërter heere, un tëne noo keen. Ich wolt kërn tee man khëne. Mënst tuu tas tee khënt te Mesias sin? Tee fariseyer hot Yeesus inkelaat fer en nachts ese. Yeesus is kang un hot sich kesetst fer se ese. Alo, khiner, keet tort raus. Ich saat xon, keet raus! Ti mache ale frechheete woo se khëne. Was macht tii hier? Ich wees net. Was is tii am mache? Wën tee man wërklich en profët weyer, wist er weyer tii fraa is woo an tëm traan am thupe is. Teet wise fom sintiche leewe woo tas hot. Ich wees weyer ti fraa is, Simon Los mich aych etwas saan: Tswaay mëner waare xultich fer en anere woo kelt leent. Ëne waar 500 nikle xultich, anere 50. Khëne khont petsaale, tan hot er tëne ti xulte fertsayert. Was fer fon tëne tuut em mee liipe? Ich tënke tee woo mee xultich waar. Tuu hast recht. Siist tuu tii fraa? Ich sin in tayn haus rin khom un tuu host mich khee waser aankepot fer mayn fiis. Tii hot se mit treene kewex un hot se ketrokent mit te hoer. Tuu host mich net kekhust wan ich aan khom sin. awer tii lost net noo mayn fiis se khuse. Tuu host mich khee eel kep fer mayne khop, tii, awer, hot parfum uf mayn fiis kexut. Ich saan aych: Sayne kroose liipe pewayst tas sayn fiile sinte xon fertsayert kep sin. awer, fer wëm weenich fertsayert kept weenich liipe wërt ketsaycht. Tayn sinte sin fertsayert! Was saat tee? Tayne klaawe hot tich keret! Kee in ruu! Yeesus is kereest, ti kuute naychkheete fom Himels Raych am aan saan. Ti tswelef tisiple sin mit em kang un aach phaar fraae woo keheelt kep waare fon xlechte kayste un krankheete. Maria, Madalena kenënt. Yohana, fraa fon Kusa woo en aankextelte fon Herootes waar, un Susana Awer Herootes, te reemixe kowerneyer fon Kalilëya, hot Yohan Te Taafer in ti katee kexikt, wayl tee keeche sayn hochtsayt mit sayne pruuter sayn fraa kexproch hat. Un tan? Wan Yeesus in Naym am khome waar khomt en peërtichung fon te xtat. Te toote waar te eensichste soon fon en witfraa. Wan Yeesus se kesiin hot, hot eyer se fiil ketauert. Hot te khërwer uf ketekt un saat: Puup, xtay uf, ich xike tich! Tee hot sich kesetst. Un Yeesus hot en ap kep fer sayn mama. Froo tëm: Saa, "Pist tuu tee woo Yohan kesaat hot khome teet ore meechte meyer en anere waarte mise? Mayster! Mayster! Yohan Te Taafer hot uns kexikt frooe: Pist Tuu tee woo khome teet? ore sole meyer en anere waarte? Saat fer Yohan was teyer kesiin un keheyert hot. ti plinte siin, ti laame keen, Kliklich sin tii woo net fon meyer tswayfle. Pite, heep mich hooch. Sets tich uf mayn xulre. Siist tuu yets? Ich khan Yeesus siin! En man is aus kang fer se seye. Phaar soome sin langst te weech kefal, woo ti layt se fertreet hon. un ti feel hon se uf kephikt. Anere sin tswixich ti xteen kefal. un wan se aankefang hon se khayme, sin se fertrokent wayl khee faychtichkheet waar. Un phaar soome sin tswixich ti tërner kefal, un tii sin mit te planse kewakst un hon se ferxtrike kemach, Awer, phaar soome sin uf kuute potem kefal. Ti planse sin kewakst un hon khërner protutseyert: 100 khërner fer yeete soome. Mayster, warom penutst tuu paraaple wëns tuu fer tas folek xprechst? Aych tsaycht Hërkot te kehëmnis fon sayne Raych, Awer fer ti anere wërt ales torich paraaple kelërnt, tas se kuke un net siin, heere un net ferxteen. Tii paraapel wil tas petayte: Te soome is Hërkot sayn mensaaj; Ti soome woo langst te weech kefal sin, sin tii woo heere awer te taywel khomt un hoolt ti mensaaj aus tëne sayn hërts tas se net klaawe un net keret kewe. Tii woo tswixich ti xteen kefal sin, sin layt woo ti mensaaj heere un mit frayt aan nëme, awer ti hon khee wortsle ti klaawe iwer en kleen tsayt un wën ti fersuuchung khomt, Fale se ap. Ti soome woo tswixe ti tërner kefal sin, sin ti layt woo heere, awer ti khimerung, ti raychtum, ti ferkniichung fom leewe sin kroos un tuun se ferxtrike mache. un tëne sayn fruchte kewe nii rayf. Un ti soome woo uf kuut lant kefal sin, sin ti layt woo heere un ti mensaaj uf heepe in sayn kuut un wilich hërts Un playwe leal pis se kuute fruchte protutseere. Nimant macht en lamp aan fer unich en khorep tuun, ore unich en pet. Wërt uf sayn plats ketuun. Tas ti layt woo rin khome tas licht siin khëne. Wayl ales was ferxtekelt is, wërt entekt, un ales was ruych kehal kept, wërt pekhant kemach un feroot. Soo, past uf wii teyer tas heyert. Wayl weyer fiil hot, kriit noch mee, awer weyer weenich hot, kriit wech kehool, pis tas weeniche woo er tënkt eyer het. Mayster, tayn mama un tayn priiter sin traus. Wole mit tich xpreche. Mayn mama un priiter sin tii woo Hërkots Wort heere un tëm noo leewe. En taach, is Yeesus mit sayn tisiple in en poot kextii un saat: Meyer reese pis uf ti aner sayt fon te lakoo. Iwer ti rees, is Yeesus inkexloof. Mayster! Mayster! Yeesus! Meyer tuun al xtërwe! Ti wele xmayse rin, meyer fersaufe. Ret uns, Mayster! Meyer sin keret! Woo is ayre klaawe? Un tii sin an ti rechioon fon Gerasa khom, an te aner sayt fon ti Kalilëya lakoo. (Yemant tsiit tiif luft) (am krumle) Yeesus, Soon fom heechste Hërkot, was wilst tuu mit mier? Ich hale aan, xtroof mich net! Wii is tayne naame? Xworem. Hër, ich hale aan: Hër Xik uns net in ti hel. Xik uns pay ti xwayn woo ti xwayn sin. Hey! Khomt tsurik! Halt xtil! Halt! Ti temoone sin fom man raus Khomt tsurik! un in ti xwayn rin kang. Hau ap fon to hii! Tuu hekser! Los uns! Kee fort fon tëm plats! Hau ap! Kee loos tuu hekser! Ich keen teyer noo een tuun woos tuu hiin keest! Los mich mit Teyer keen. Kee tsurik hëm, saa was Hërkot kemach hot fer tich. Mayster, xik tas folek fort, tas se in ti wile khëne keen hier ticht, woo se ese un lojii fine. Hii tas plats is en tesërt. Kept teyer selepst tëne etwas se ese. Awer meyer hon noore finef proot un tswaay fix. Keseechent pist Tuu, Hërkot, Kheenich fom Uniwërs woo macht ti eyert tas proot protutseere. Tas is en wuner! Unklauplich! Weyer saat tas folek ich sin? Phaar saan Tuu weyerst Yohan Te Taafer, anere saan Tuu weyerst Eliias, un noch anere saan tuu weyerst fon te friirixe profëte woo tsurik ins leewe khom is. Was mënt teyer? Weyer saat teyer ich sin? Tuu pist Hërkots Mesias. (tringlich am kemaane) Teyer thëreft fer nimant was saan. Te Soon fom Man mus fiil layte un ap kextoost wëre. Un umkeprung wëre aach. awer, tray taache tëm noo wërt eyer peleepe. Weyer fon aych wil mit mich khome? Ich keen mit Tich, Mayster, awer eyerxt, lost ich mich apxiite fon mayn familye. Weyer tas lant tsakert un tsurik kukt, tiint net fer te Hërkots Raych. Wën yemant mit Mich khome wil, mus sich selepst ferkese, sayn krayts yeete taach traan un meyer noo keen. Wayl, weyer sayn leewe rete wil, tuut es ferleere, awer, weyer sayn leewe ferleere tuut weche Mich, tuut es rete. Was fertiint yemant wën er ti kans welt kriit un tuut sayn seel ferleere? Wën yemant sich xeemt fon Mich un fon mayn untericht, tan wërt te Soon fom Man sich fon tëm xeeme wën tee in sayn kloor khomt. pay tëm Fater sayn kloor un ti hayliche ëngle. Ich fersichre aych, too hier sin phaar layt woo net xtërwe eep se em Hërkot sayne Raych siin. Too hot Yeesus Pheeter, Yohan un Tiaako mit kenom fer uf te përich peete keen. Wii eyer am peete waar, hot sayn kesicht sich keënert, un sayn tsaych is aarich ways un klënsich kep. Sin tswaay mëner tsum foerxayn khom un hon mit Yeesus kexproch. Waare Mooses un Eliias, woo umkekrayst waare mit en himlixe xayn. Hërkot sayne wile wërt inkehal torich Tich Tuu xtërepst in Yeruusalëm. Wan tii fort am keen waare, saat Pheeter: Mayster, wii kuut tas meyer too sin. Meyer xtele tray hite uf: Soo lang wii Pheeter am xpreche waar is en wolek runer khom un hot se ketekt, un ti tisiple hon pang kriit. En xtim woo fon te wolek khom is saat: Tas is mayne Soon, mayne auskesuuchte. Heyert was Tee saat. !Mayster! Mayster! Mach etwas fer mayn soon! Helef mayn soon mit! Wayl tee is mayn eensichst khint! Ich hon fer tayn tisiple ferlangt tii solte te xlechte kayst aus xtoose, tii hon es awer net kemach kriit. Oh! Was xlechte layt un oone klaawe. Pis wan mus ich pay aych playwe un aych aus hale? Pring tayn khint heyer. Sayn kesicht is keheelt! Oh! Was kuutes! Lërn uns peete, soo wii Yohan sayn aanhënger kelërnt hot. Tan peet soo: Fater unser woo im himel pist, kehaylicht say tayne naame. Khom tayne raych! Tayne wile kemach soo uf te eyert wii im himel! Unser taachlich proot kep uns hayt! Fertsayer unser xulte, soo wii meyer fertsaye tii woo uns xultich sin. Un los uns net in fersuuchung fale, awer pefray uns fon aler xlechtes. Ferlangt un teyer wërt, es kriin. Suucht, un teyer wërt es fine; klopt, un ti teyer wërt uf kemach fer aych. Wayl al tii woo ferlange wëre kriin, un tee woo suucht wërt fine. un ti teyer wërt imer uf kemach fer tee woo klope tuut. (am lache) Tuut filaych ëne fon aych woo fater is fer sayn khint kewe, en xlang wën tee en fix ferlangt? Ore en scorpioon wën tee en aay ferlangt? Wën teyer ach xlecht sayt, wist teyer kuut tings fer ayer khiner kewe. Soo fiil mee te Fater woo im Himel is. Tee kept te Hayliche Kayst fer tii woo ferlange. Ich saan aych, Khimert aych net mit em ese woo teyer ese mist fer se leewe. net mit was se klayte fer ayre khërwer. Wayl es leewe is mee weyert wii es ese un te khërwer is importanter wii es tsaych. Kukt ti feel: ti seeye net, ërnte net, hon khee xop, awer Hërkot kept tëne se ese. Meecht teyer net mee weyert sin wii ti feel? Weyer fon aych, wën er ach wil, khan phaar yoer mee leewe? Wën teyer net soo en kleen tings kemach kriit, warom khimert teyer aych mit aner tings? Kukt wii ti pluume uf em khamp wakse. Ti xafe net, un mache khee tsaych. Net mool te rayche Salomoon, hot soo xeen tsaych aan ketsoo wii een fon tëne pluume. Is Hërkot woo ti planse im khamp klayte tuut un moye ferxwine, im oofe ferprënt. Tan is es klaar tas Eyer aach aych klayte tuut, Teyer woo soo kleene klaawe hot! Mach unser klaawe kreeser. Wën ayre klaawe soo kroos weyer wii en mustart khorn, khënt em fayche xtok saan: "Rop tich aus mit wortsle un plans tich ins meer" un teet tee heere. Fersuuchunge fer sinte wëre sicher khome awer aay fer weem ti khome. Weyer peser fer tee persoon wën eyer ins meer kexmis keept mit en kroose miil xteen am hals kepun als mache tas eene fon tee kleene sinte macht. Mit was is Hërkots Raych eenlich? Soo wii tas: En man hot en mustart khorn uf sayn lant keplanst. Ti plans is kewakst un hot en paam kep, un ti feel mache sayn nistcher uf sayn nast. Ich ferxteen net was tuu am saan pist. Warom tuust Tuu ese un trinke mit te xtayer kaseerer un ti anere sinter? Weyer kesunt is prauch khee tokter. Noore weyer krank is prauch. Sin net ti kuute ruufe khom fer sich arepenteere, noore ti sinter. Saa mee fom Hërkots Raych. Is noch etwas? Pekhimert aych net, kleene trop xeef, wayl te Fater frayt sich aych te Raych kewe. Ferkhaaft ales was teyer hat un kept es kelt te aarme. Hoolt thaxe woo net kaput keen un heept ayer raychtum im himel uf, woo se nii ën kriit. wayl tort khee xpitspuup se xteele khan un ti fixelcher ore mote se net ferfrese. Wayl, woo ayer raychtum is, too wërt ayer hërts aach sin. Fraa, Tuu pist keheelt fon tayn krankheet. Kukt! Kukt! ... ti is Keheelt, keheelt! Tas is en wuner! Ke...Ke...Ke...Keloopt! say Hërkot! Achtsen yoer! Tas Hërkot tich seechent, Mayster! Seks taache fer se xafe. Khomt iwer tii taache fer keheelt se kewe, awer khomt net uf samstachs. Teyer xayn hayliche! Yeete fon aych hoolt sayne muule ore oks aus em xtal un fiert em pis ans waser uf samstachs Un yets, hier is en nookhomer fon Aapraham woo Satanas inkexpërt hat iwer achtsen yoer. Warom net pefrayt kewe fon te krankheet uf samstachs? Kuute Mayster: Was mus ich mache fer tas eewiche leewe kriin? Warom ruufst tuu Mich kuut? Ploos Hërkot is kuut, sonst nimant. Tuu khënst ti kepoote: Khee eepruch mache, tuu net umpringe, xteele, falxe tsayer kewe, Rexpekteyer tayne papa un mama. Awer, tsayt ich yung waar sin ich al tii kepoote noo kang. Is noch een tings woos tuu mache must: Ferkhaaf was tuu host, kep es kelt fer ti aarme. Un kriist raychtum im himel. Tëm noo, khom mit Mich. Yaa, meyer sin hantler! Meyer sin raych! Wii xweyer is es fer en rayche in te Hërkots Raych rin khome. Es is xlimer fer en rayche in te Hërkots Raych khome als en khameel torich en nootel au keen. (aarich ferwunert) Tan, weyer khan keret kewe? Was unmeechlich is fer te mënx is meechlich fer Hërkot. Wan sol, tan, werklich tee Hërkots Raych khome? Te Hërkots Raych is net etwas woo mer siin khan. Nimant wërt saan: "Kuk, "Is too" ore "is tort". Wayl te Khotes Raych is in aych trin. Taache khome teyer winxt siin ëne fom Son fom Man sayn taache. Awer teyer siit em net. Wayl soo wii te plits am himel xaynt fon een sayt pis ti aner, soo wërt te taach sin woo te Soon fom Man khomt. Awer, eyerxt mus Eyer layte un ap kextoost kewe fom folek fon hayt tsu taach. Keseechent sin ti aue woo tas tings siin woo teyer siit. Wayl ich saan aych: Fiile profëte un kheeniche wolte kesiin hon was teyer am siin sayt, awer khonte net, keheyert hon was teyer am heere sayt, un hon es net keheyert. Was mache meyer? Was saat ti Piipel? Wii interpreteyert teyer tii? Liip te Hër, tayne Kot Mit tayn kans hërts, kans seel, Mit tayn kans kraft, Mit tayne kanse sin. Un liip tayne neekste wii tich selepst. Hast recht. Mach tas un wërst leewe. Weyer is mayne neekste? Sin net tort ti soltaate. Meecht es te Kayser sin? En man waar runer am keen fon Yeruusalëm noo Jerikoo phaar pantite hon em iwerfal hon sayn tsaych aus ketsoo, em ferxlaa un halep toot kelos. En priister waar torich tee weech am keen. Wan eyer te man kesiin hot, is er uf ti aner sayt kang. Is aach en lewite tort torich kang. Tee hot te man aach kesiin laye un is wayter kang. Awer, en samaritaaner waar too torich am reese. Wii er te man kesiin hot, hot er em fiil petauert. Is ticht khom un hot tëm ti weye sauwer kemach un hot em pis en pensioon kenom. Am anere taach, hot eyer tswaay silwerne nikle kep fer te hër fon te pensioon, un saat tas er em wayter uf pase solt. Un wën er tsurik kheemt, teet er petsaale was mee aus kep weyer. Weyer fon tëne tray, waar tan te neekste fon tëm man? Tee woo kuut mit tëm waar. Tan macht tas selwiche. Ah! Lost ti khiner tsu mich khome un tuut se net tsurik hale, wayl tëne is te Hërkots Raych. Tënkt traan: Weyer net te Hërkots Raych aan nëmt als en khint khomt uf khee aart in te Himels Raych. Weyer en khint uf nëmt in mayne naame is mich am uf nëme. Weyer mich uf nëmt, tuut tee woo mich kexikt hot uf nëme. Te keringste unich aych is te kreeste. Hey! Was paseyert? Saa mich? Is Yeesus fon Nasarëë, tee keet too torich. Ah! Yeesus, Yeesus! Soon fon Dawii, petauer mich! Was wilst tuu tas ich mache? Hër, ich wil noch mool siin. Tan sii. Tayne klaawe hot tich keheelt. Ich sin am siin Ich siin! Ich khan siin! Loop te Hër! Wan Yeesus uf em weech noo Yeruusalëm waar, hon fiile mënxe em iweral pekeechent. Ti layt waare am ferlange tas Yeesus tëne te weech fon te retung tsayche teet un mee unterichte iwer Hërkot sayne Raych. Tee man is wërklich en profët. Hër, Mayster, tuu mich rete! Oh, Hër! Tuu uns rete! Loopt te Hër! Tsaych uns te richtiche weech, Hër! In Jerikoo waar en xtayer kaseerer Sakeu kenënt. Tee wolt soo kërn Yeesus siin, tas eyer uf en paam kekrawelt is weche te fiile layt. Kuk mool te xtayer kaseyer. Khom xnel runer, Sakeu, wayl ich hayt in tayn haus playwe mus. (froo) In mayn haus? Warom in tëm sayn haus playwe? Wii tuut Sakeu Yeesus khëne? Heyer mool, Ich kewe ti heleft fon was ich hon fer ti aarme un wën ich yemant pextool hon, kewe ich tsurik fier mool mee. Tas klaawe ich net. En xtayer kaseerer xtayer tsurik kewe. Unmeechlich! Hayt is ti retung in tas haus khom Wayl tee man is aach en nookhomer fon Aapraham. Te Soon fom Man is khom fer se rete tee woo ferloer is. Heyert. Meyer sin noo Yeerusalëm am keen, woo paseere wërt was ti profëte kexrip hon iwer tëm Soon fom Man. Er wërt ap kep fer tii woo khee yute sin, Tuun em ferxpote, pelaytiche, ferxpuke un em ferxlaan. Tëm noo kept er toot kemach Awer, am trite taach, Wërt eyer peleepe. Wën er ach wust tas er umkeprung keept weche te mënxe sayn sinte, is Yeesus noo Yeruusalem kang. Ti layt sin froo kep tas er khom is un hon en pekriist als kheenich. Mayster, xik tayn aanhënger ti xnis hale. Ich saan aych: wen tii ruych playwe tuun pis ti xteen aanfange xraaye. (froo am loope) Friite im himel un kloor in te hee! Yeesus is ticht an Yeruusalëm khom. Wii eyer ti xtat kesiin hot, hot eyer keprilt. Ah, Yeruusalëm, Hayt khanst tuu net siin was neetich is fer friite se hon! Tsayte khome woo tayn faynte, tich umkrayse un tuun tich fon ale sayte fertrike. Un wëre tich komplët fernichte, ... un aach ayre khiner. Playpt khee xteen uf xteen, wayls tuu net erkhënt host wan Hërkot khom is fer tich se rete. Te hayliche thempel in Yeruusalëm hat sich in en kexefts plats transformeyert kehat, anxtat en kepeets plats. 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26... Is kexrip, "Mayn haus mus en kepeet haus sin," awer teyer hot en pantite hool tefon kemach. Tee is hinich mayn fii! Fangt en! Fangt en! Ruuft ti soltaate! Ruuft ti soltaate! Hon keheyert tas fiil em pekriise als kheenich. En Kheenich? Kheenich fon petler, huure un pantite. Ich hon xon soo layt kesiin. Ti khome, preetiche, keen fort un wëre ferkes. Say net plint! sayn aanhënger wakse yeete taach Tas folek atmireyert em. Un mëne tee weyer en kheenich. Lost mich aych was aan saan: Wën tee man wayter ti friite ameaseyert, tuun ich aych ti xult kewe. Ich mëne tee hot recht. Is tsayt te kalileyer konfronteere. Ti xayn hayliche xraywer un fariseyer hon imer mee Yeesus sayn atak kelit. Sayn aanhënger sin kewakst soo wii ti opositsioon fon tëne woo em konteneyert hon. Im thëmpel, hot Yeesus en aarich aarem witfraa kesiin tswaay khupfer nikle kewe. Khan tii net mee kewe? Ich saan aych tii aarem witfraa hot mee kep wii ti anere al. Wayl ti anere hon kep was se iwrich hate fon sayn raychtum. Awer tii, soo aarem wii se is, hot ales kep was se hat fer se leewe. Saa uns: was fer recht hast tuu fer tas se saan? Weyer hot tich tii autoriteet kep? Ich tuun aach etwas frooe: Saa mich weyer autoriteet kep hot fer Yohan taafe: Hërkot ore ti mënxe? Was tuun mer antworte? Wën mer saan "fon Hërkot" Tuut er frooe: net an Yohan keklaapt? Awer wen mer saan "ti mënxe", ferwërfe ti layt uns. Wayl tii klaawe tas Yohan en profët waar. Meyer wise net weyer en kexikt hot taafe. Tan saan ich aach net mit was fer autoriteet ich tas tings mache. En man hot trauwe keplanst uf sayn lant, un hot tas lant fermiit fer ti paure. Tëm noo, is er fort kang iwer en lang tsayt. Wan ti ërnt tsayt khom is, hot eyer en knecht kexikt an ti paure fer sayn teel fon te ërnt ap hoole keen Awer, ti paure hon em ferxlaa un ap kexikt oone niks. Tan hot er en anere knecht kexikt, hon tee aach ferhau, ferximpt un tsurik kexikt oone niks ap kewe. Hot en trite knecht kexikt. Hon tee aach wee kemach un aus kextoost. Tan, tënkt te hër fon te plantaaj: “Was mache ich? Ich xike mayne liipe soon; Tee tuun se sicher rexpekteere. Awer, wan se te soon kesiin hon, saate ti paure unich sich: Is tee woo ales ërpe sol. Mer tuun en umpringe, tan is ti plansung unser. Saa uns mee, Hër! Hon te soon aus te plantaaj kexmis, un hon em umkeprung! Was macht te hër fon te plantaaj mit tëne paure? Tee wërt khome, tuut tii paure fernichte un fermiit ti plantaaj fer anere. Was sol tas, tan, petayte? Tas te xteen woo ti maurer neewe kelos hon als oone weyert is in te importanteste fon tene al kemach kep. Weyer uf tee xteen falt, ferprecht in xtiker. Un wën tee xteen uf yemant falt Tee wërt in xtaup kemach. Mayster, Mer wise was tuu saast un lërnst richtich is. Wise aach tas tuu net ti anere julkeyerst noo em xayn, awer, lërnst ti woerheet iwer Herkot sayne wile fer te mënx. Saa uns, is net keeche unser kesets ketswung sin xtayer petsaale fer te reemixe kayser? Pas uf, Hër, tas khan en fal sin! Kep meyer mool en silwerne nikel. Weem sin te naame un tas kesich uf tëm nikel? Kayser! Tan kep fer te Kayser was em Kayser is, un fer Hërkot was em Hërkot is. Wii tuust tuu tas antworte? Te taach fom Fest fom Proot oone Heep is khom, wan ti yute xeef kexlacht hon fer ti Oostre fayre. Yeesus hot Pheeter un Yohan kexikt, un saat: Keet un prepareyert tas Oostre ese. Ich teet kërn tas Oostre Ese mit aych ese eep ich mayn layte mit mache mus. Ich saan aych, Ich ese nii mee tas Nachts Ese, pis es realiteet im Kotes Raych wërt. Kehaylicht, say Tuu, oh Hër Kot, Kheenich fom Uniwërs, Woo ti frucht fom wayn xtok kemach hot. Hoolt tas un ferteelt es unich aych. Wayl ich saan aych tas ich nii mee fon tëm wayn trinke pis te Kotes Raych khomt. Kechaylicht say Tuu, oh Hërkot! Kheenich fom Uniwërs woo macht ti eyert proot protutseere. Tas is mayne khërwer woo fer aych keopfert kept. Mach tas fer aych an mich erinere. Tas is te khelich fon te nay alians in mayn pluut woo ferxut kep is fer aych. Awer kukt mool: tee woo mich hinerkeet hukt too pay mich am tix! Te Soon fom Man xtërept wii Hërkot es kepleent hat. Owee fon tëm woo Tee hinerkeet! (traurich) Sin es ich? Froo tem weyer unich uns tas is? Hër, weyer is es? Ich hinerkeen tich nii! Te importanteste mus sin wii tee woo net soo important is un tee woo xikt mus sin wii tee woo petiine tuut. Weyer is te importanteste? Is es tee woo am tix sitst fer se ese? ore tee woo petiint? Sicher tas es tee is woo am tix sitst. Awer unich aych sin ich wii tee woo petiint. Teyer waart imer pay mich wan ich mayn layte mit mache must. Tesweche, soo wii te Fater mich ti recht kep hat fer kowerneere, soo kewe ich fer aych ti selwich recht. Teyer wërt ese un trinke an mayne tix in mayne Raych. un setst aych uf troone fer ti tswelef xtame fon Israel xulkeere. Tan kepts net tee woo hinerkeet? Simon, Simon, heyer mol. Satan wolt aych al in proop xtele, Fer aych siipe, wii te pauer te weets siipt fer fom xtroo ausnaner mache. Awer ich sin fer tich am peete, Simon, tas tich net te klaawe feelt. Un, wan tuu tsurik noo mich khomst, animeyer tayn priiter. Mayster, Ich sin fërtich fer mit tich in ti katee khome un fer mit tich xtërwe. Ich saan teyer, Pheeter, hayt, eep te haan kreet, saast tuu mich tray mool ap. Wan ich aych kexikt hon keen oone thax un santaale, hat was kefeelt? Nee, hot niks kefeelt. Awer yets, weyer thax hot ore traache thax sol se hoole, Tee woo khee xwaart hot, erkhaaft sayn mantel fer en se khaafe. Heyert kuut, ti Xrifte saan: Tee is ketseelt kep mit te pantite. Was kexrip is iwich mich, mus paseere. Kuk, too sin tswaay mesere, Hër. Es is kenuuch. Te Konseel fon te elste hot sich kesamelt fer siin wii se sich pefraye khënte fon Yeesus. Sataan is in Yuutas Iskariotes rin kang, woo eene fon te tswelef tisiple waar. Tee hot mit te elste ap kemach wii eyer Yeesuus ap kewe teet. Yeesus is fon Yeruusalëm fort kang pis an te Oliiwe Përich fer se peete. Tuut peete fer net in fersuuchung fale. Yuutas Iscariotes hot Yeesus hinerkang fer traysich silwerne nikle. Yeesus wust tas ti xtun fon sayn toot weche te mënxe sayn sinte ticht waar, un hot kepeet. Fater, Wen es tayne wile is, nëm tee khelich wayt fon meyer wech. Awer, tas es net mayne wile is, awer tayne. Un is en ëngel fom himel khom un hot em animeyert. In kroos petrikung, hot er mit mee kraft kepeet. Sayn xwees waar wii pluut trope uf te potem am tripse. Warom sayt teyer am xloofe: Xtayt uf un peet fer net in fersuuchunge fale. Yuutas, is mit en khus woos tuu te Son fom Man hinerkeest? Hër, sole mer aan ti keen mit te xwaart? Khomt, fangt en! Heyert uf! Tas is en wuner!! Sayt khom mit keweere mich fange wii wën ich en pantit weyer. Ich waar yeete tach mit aych im thempel un het net fersuucht mich fange. Awer tas is ayer xtun ti xtun fon te tunkelheet sayn macht. Fangt em! Past em kuut uf! Ti soltaate hon em uf te hoof kenom un hon em ferxpot als Kheenich fon te Yute. Tas is te mantel fon en Kheenich. Saa uns was paseere tuut. Tuust tuu uns rete, majesteet? Tuust tuu uns rete? Tee man waar pay Yeesus. Fraa, ich khëne tee man kaar net! Ich hon se paysamer kesiin. Tayn keweenliche tiiner. Wii is tas, yemant fon une ruf kuke? Tuu pist aach ëne fon tëne. Ich sin net fon tëne. Is khee tswayfel tas er pay Yeesus waar. Wayl tee is aach fon Kalilëya. Hau ap!!! Ich wees net fon was tuu xprechst. Yeesus hot sich rom kewëntt un xtram in Pheeter sayn aue kekukt, un Pheeter hot traan ketënkt an ti wërter woo te Hër tëm kesaat hat: Eep te haan kreye tuut, tuust tuu mich tray mool ap saan. (mit treene) Hër meyer hale tich aan, Tas ales kemach kept. Wex ti xlechtichkheet fon meyer ap un mach mich sauwer. Tii woerheet is was tu prauchst. Mach en kuut hërts an mich, oh Hërkot. Kep meyer noch mool tii frooheet woo khomt fon tayn retung. Un mach mich wilich Fer teyer se heere. Root weyer tich kehau hot? Un root mool weyer te neekste is woo tich haut? Lost noo! Ich hon kexikt: Lost noo! Nëmt em pis an te Konseel. Alo! Te Konseel fon te Kesets Mayster hot sich kesamelt fer Yeesus aus frooe. Saa uns, pist tu wërklich te Mesiias? Wen ich yoo saan, tuut teyer tas meyer net klaawe. un wen ich aych was frooe, tuut teyer niks antworte. Awer yets aan foran, setst te Soon fom Man an ti rechts sayt fom Almechtiche Kot. Pist tuu, tan, te Soon fon Hërkot? Yoo, ich sin! Weyer kept autoriteet fer tas se saan? Tas sin plasfeeme! Is xult! Meyer hon sayn aychne wërter keheyert! Meyer nëme en pis Pilatus. Kee! Kee! Fort mit tëm! Kee! Un tii hon em pis Ponsio Pilatus kenom, te xlechste kowerneyer fon ale reemixe kowerneyer. Pilatus selepst hot tausente layt konteneyert fer en langsame toot, tëne am pekraytse an em holsne krayts. Un was wolt teyer too hier, moynts soo frii? Tee waar unser folek am rom paple. Hot kroos unortnung kemach im market fom thempel. Was wërt tëm sayn xtroof sin? Konteneyer em! Ich siin khee uersach fer tee man konteneere. Tee is xult. Saat fer ti layt solte khee xtayer petsaale fer te khayser un saat weyer te Mesiias. En Kheenich. En Kheenich? Pist tuu te Kheenich fon te Yute? Tuu pist tas am saan. Tee hot in Kalilëya aankefag un yets is er too. In Kalilëya: Is tee man fon Kalilëya heyer? In tëm fal, Lose mer Herootes te julkeere. Tee is noch too in Yeruusalem, kël? Nëmt em pis Herootes. Weyer saast tuu tas tuu pist? Weyer sin tii woos tuu tisiple nënst? Fiil layt saan tuu teest wunere mache! Mach mool eene fer mich. Hër, tee hot ti kanse layt korompeyert. Tee nënt sich selwer te Kheenich. Tee man? En Kheenich? (hat am lache) Ayer Majesteet! Pextrooft em! Xikt em tsurik pay Pilatus. Tas is tëm sayn prowins. Tee man Te hot niks kemach fer te toote xtroof fertiine. Soo, xike ich tas er kexwaat kept, un lost em keen. Iwer ti Oostre, is tayn flicht en kefangne loos lose. Pefray fer uns Parapaas. Yoo. Parapaas Un tuu tee man in ti katee. Yoo. Los Parapaas loos. Pekraytst em! Yoo! Pekraytst em! Tuu, un tuu, xwaat em. Was pist tuu am waarte, Pilatus? Tee is Yeesus! Warom tuut teyer em soo kweele? Lost em loos! Tee is te Mesiias! Tee hot niks kemach! Tuut em uf xtele! Ti hon wayter hat kexraayt tas se Yeesus pekraytse solte. Tan hot Pilatus em tsum toot konteneyert. Hot Parapas loos kelos, te man woo se wolte, tee woo inkehukt kep waar wayl er tsucht aan kesaat hat un layt umkeprung hat. Un hot Yeesus ap kep fer pekraytst kewe. Wech! Kee wech! Tsurik! Kee wech! Kee foer wech! Playpt wech fon iim! Kee tsurik! Kee wech! Alo! Alo! Keet aus em weech! Macht Plats! Keet wech! Tuu, aus em weech! Xtay uf wën ich xike! Xtay uf! Xtay uf! Tuu! Wii is tayne naame? Simon fon Sireene, hër. Khom em helfe! Xnayt ti xtrike! Tuu, traa tas! Alo, kee! Wech! Tsurik! Lost em! Keet wech! Macht te weech uf! Tsurik! Keet wech! Tsurik! Mier prile weche tich, Hër. Trink tas! trink. Trink, Hër. Fraae fon Yeruusalëm, prilt net weche Meyer, awer prilt weche aych selepst un ayre khiner. Wayl, wën tas ales kemach kept wën tas hols kriin is was wërt paseere wën tas troke is? Tas Hërkot tich heleft! Mier peete fer tich! Alo, Kee! Keet runer! Keet! Xnel! Noch xneler! Yets tuu, kee! Noo foran, xneler, alo! Xneler! Yets, tuu! Kee! Yets, Tuu, kee foran! Alo, yets! Xnel temit! Krayts uf xtele. Xlaa ti khayl in! Mach ti xtrike loos! Fertsay se, Fater, tii wise net was se mache. Tee hot ti anere keret; sol sich yets selwer rete! Wën tuu wërklich te Mesiias pist, ret tich selwer! Kee fon tëm krayts runer! Tsaych uns yets ëne fon tayn wunere! Un Yeesus is pekraytst kep tswixich tswaay pantite, un ti profesii woo em Hërkot sayn profëte foer kextelt hate, foer hunerte yoore, hot sich in kehal. Kans sicher, is tas khee keweenlich klaytung. (am lache) Too! Los keen! Net ferayse! Meyer mache tas soo: Meyer tuun tas aus xpiile! Yoo! Meyer tuun tas mool aus xpiile! Ah, tuu host soo en klik! Was machst tuu temit yets woos tuu tas kewun host? Un en xilt is iwich sayn khop kenaalt kep woo kexrip waar: "Kheenich fon te Yute". Ret tich selwer wëns tuu wërklich te kheenich fon te yute pist. Pist tuu net te Mesiias? Ret tich selwer un uns aach! Klaapst tuu net an Hërkot? Unser xtroof is kerecht Awer tee, hot niks xlechtes kemach. Tënk an mich Yeesus, wëns tuu khomst als Kheenich. Ich ferxpreche teyer, tas tuu hayt noch im paratiis pist pay mich. Iwer mitach hot ti sun noo kelos se xayne un ti tunkelheet hot ti welt ketekt pis tray uer. Te foerhang fom Thëmpel hot sich in tswaay xtiker keris. (am prile) Fater in Tayn hënt kewe ich mayne kayst. Wan te reemixe ofitsier kesiin hot was paseyert is, hot eyer Hërkot keloopt, un saat: Keloopt say Hërkot. Tee man waar wërklich unxultich. Yoosef fon Arimatëya, konselier fom Heechste Konseel hat net tsuukextimt mit was ti anere konselierer kemach hate. Hot erlaupnis kriit fon Pilatos fer Yeesus sayne khërwer in en kraap tuun eep te samstach kheemt. Meyer pringe perfume fer em Hër sayn khërwer prepareere. Al khëne helfe. Awer xnel! Te samstach is klaych too! Sontachs moynts kans frii, sin ti fraae ans kraap kang mit te perfume woo se prepareyert hate. Ti hon kesiin tas te xteen woo tas kraap tsuu kemach hat, wech kehool kep waar. Awer, wii se rin kang sin, hon se net em Hër Yeesus sayne khërwer kefun. Warom suucht teyer pay te toote weyer leept? Tee is net hier. Tee is peleept! Tënkt an was Eyer saat fer aych in Kalilëya: Te Soon fom Man mus ap kep wëre fer ti sinter, mus pekraytst kewe un mus peleewe am trite taach. Heyert! Te xteen is wech kehool kep! Meyer sin rin kang, Te khërwer fon unser Hër is ferxwun! Was? Te khërwer is ferxwun? Tswaay mëner sin tsum foerxayn khom mit klënsich tsaych wii ti sun Un hon uns kesaat: Warom suucht teyer pay te toote weyer leept? Is woer! Klaapts uns! Klaapts uns! Meyer hons kesiin! Keet un kukt es selwer! Tas kraap is leyer! Te Hër ir fort! Pheeter, tuu must an uns klaawe! Yeesus is fer tswaay tisiple foer khom, woo klaych pay ti anere hiin sin. Te Hër is peleept! Tee is fer Simon foer khom! Meyer hon em net kekhënt; uf em weech. Awer wii er es proot keteelt hot, hon mer en kekhënt. In Emauus? Khoomix tas er tort hiin is. Tas ti friite pay aych is! Warom sayt teyer ferxrok? Warom hot teyer soo fiil tswayfle im khop? Kukt an mayn hënt un mayn fiis, un siit tas ich es selwer sin. Thupt aan mich un klaapts! Wayl en kexpëns hot khee flayx un khee knoche, wii teyer siit tas ich hon. Wii ich noch pay aych waar, hon ich ales kesaat was paseere mist. Ales was fon meyer kexrip waar im Mooses sayn kesets, in te Profëte sayn picher un in te Salme. Tas is was kexrip waar: Te Mesiias must layte, un am trite taach peleepe, un in sayne name. ti mensaaj fon royung un fertsayung fon sinte mus in ale natsioone aan kesaat kewe. am aanfange mit Yeruusalëm. Teyer sayt tsayer fon tëm tings Ich selwer xike aych was mayne Fater ferxproch hat, awer waart in te xtat pis ti macht fon uwe iwich aych khomt. Tas Hërkot aych seechent un halt. Ich hon ti kans macht kriit im himel un uf te eyert. Keet un macht tisiple in te kanse natsioone, un taaft se im naame fom Fater, fom Soon un fom Hayliche Kayst, un lërnt se heere un mache ales was ich uf kep hon. Un ich sin yeete taach pay aych, pis am ën fon te tsayte. Foer lang tsayt, hon ti profëte in ti Hayliche Xrifte kexrip, tas Hërkot en Mesiias xike teet fer ti sintiche layt rete un fereeniche mit Hërkot. Yeesus sayn leewe tsaycht tas eyer wërklich te Reter is. Te profët Isaiias xraypt: "Ti yungfraa wërt en khint waarte un kriit en puupche.” Un es is paseyert. Hërkot, torich sayn macht, hots ketuun tas Maria en khint uf ti welt preecht, wen se ach nii pay en man waar. Un tas khint waar Yeesus. Es xteet uf te Hayliche Xrifte tas te wuner fon sayn kepoer te sinaal fon Kot waar tas tas khint te Mesiias weyer, tee woo Hërkot "sayn Khint" nënt. Wën ti layt Yeesus kesiin hon, hon se ti natuer fom Hërkot sayn kraft kesiin. Tee hot ti layt keheelt un sayn sinte fertsayert, un tee hot tëne en plats ferxproch in sayne eewiche raych. Yeesus hot sayn leewe keopfert un hot te xtroof kenom fer ti kanse mënxe. Too is eyer peleept un hot ketsaycht tas sayn kraft kreeser is wii em toot sayn kraft. Yeesus saat: "Ich hon erlaupnis fer mayn leewe kewe un fer es noch mool tsurik kriin." Yeesus sayn leewe hot in kehal was ti profëte kexrip hate, un hot konfirmeyert tas em Hërkot sayn Haylich Wort eewich is un keet net feel, wii ti profëte kesaat hon. Yeesus is em Hërkot sayn wort. Torich Yeesus, wayst Hërkot sich selwer fer ti mënxe. Yeesus is khom fer uns leewe kewe in iwerflus, wii am aanfank, wii Hërkot te eyerxte man un ti eyerxt fraa kemach hot. Awer ti hon net an Hërkot ketraut, un hon tëm sayn komante net aan keheyert. In te Hayliche Xrifte xteet: "ale mënxe hon sinte" un "te loon fom sint is te toot." Ti layt woo sinte hon khëne net mit Hërkot leewe. Awer, soo wii Kot en kaprit kextelt hot uf em plats fon Aapraham sayne soon, hot eyer Yeesus kexikt fer uf te mënxe sayn plats xtërwe. Tee hot tas kemach tas tii woo an tee un Yeesus klaawe, in te presëns fon Hërkot khome khëne. Soo, tii woo Yeesus noo keen, wëre net kextrooft mit te hel, un leewe fer imer mit Hërkot. Wan Yeesus fon te toote peleept is, hot er kesaat: "Ti layt tuun in te kanse natsioone in mayne naame preetiche tas Hërkot ti sinte ferkept fon tëne woo sich arepenteere un sich noo tëm wëne. Yeesus saat aach tas er te Hayliche Kayst xike teet fer tii woo em noo keen fer tëne ti woerheet wayse, un kraft kewe fer Hërkot sayne weech noo keen. Wan ti sintich fraa sich arepenteyert hot un aankefang Yeesus noo keen als sayne Hër, saat Yeesus tëm: "Tayn sinte sin fertsayert. Tayne klaawe an mich hot tich keret". Yeesus saat tas wën en mënx wërklich an Hërkot klaapt, tas pewayst tas Hërkot tëm ti sinte ferkep hot. Yeesus, te Mesias, hot ti layt keruuf fer tëm noo keen. Tii woo tesitiert hon Yeesus noo keen, mise sayn relatsioon mit tëm aanfange mit tëne wërter: Hërkot, Teyer sayt kerechtich. Ich tanke Tich wayls Tuu mich liipst. Ich kewe traurich wayl ich net tayn ortnunge keheyert hon un sinte kemach keeche Tich. Ich tanke wayls tuu Yeesus kexikt host fer weche mich am krayts xtërwe, un wayl eyer fon te toote peleept is. Ich tanke wayl tee te xtroof kelit hot weche ti sinte woo ich kemach hon. Ich wil tayne weech noo keen, un Yeesus uf nëme als mayne Hër un Reter. Ich tanke wayls tuu mayn sinte fertsayert host, te weech uf kemach host tas ich pay tich khome teet un pay tich sin khënt fer imer in tayne Raych. Ich ferlange tas tuu meyer te Hayliche Kayst kepst fer mit meyer playwe un tayne weech tsayche. Tas tee mich kraft kept fer em se liipe mit mayn kans hërts un en leewe hon woo tëm tiint. Un tas ti layt em liipe uf ale plets fon te welt. Aamen. Yeesus hot fon sayn aanhënger kexproch: "Mayn xeef heere mayn xtim. Ich khëne se un tii khëne mich". Ti aanhënger fersamle sich, xpreche yeete taach mit em, xtuteere sayn wërter in te Hayliche Xrifte, fersuuche sayne payxpiil noo mache un tuun iwer tee xpreche fer anere layt. Yeesus fiert se un tuut se xtërke torich ti macht fom Hayliche Kayst woo in tëne sayn hërts leept. Ti tënke imer traan an was Yeesus kesaat hot fer sayn aanhënger eep eyer ruf is uf en wolek pis sayne troon im himel: "Hërkot hot mich ti kans autoriteet kep im himel un uf te eyert... Sayt sicher tas ich imer pay aych sin, pis am ën fon te tsayte ".