Цорын ганц Есүсийн цус л бидэнд мөнх амийг өгнө гэхийн учир нь юу вэ? Бурхан бидний амийг цусанд минь байдаг гэж хэлсэн. Мөн түүнд дуулгавартай байхгүй бол бид амиа алдана гэдгийг анхааруулсан. Гэсэн ч бид түүнд дуулгаваргүй хандсан. Хэдийгээр бид өөрсдийн доторхоо өөрчлөхийг машид хичээсэн ч чадаагүй. Тийнхүү бузар муу бүхэн газар авсаар биднийг хянан захирах болов. Хүчирхийлэл даамжирч бүр их хүчирхийлэх болж бузар муухай бүхэн улам ёрын мууд хүргэв. Хүмүүний шударга бус байдал, хүчирхийлэл Бурханыг уурлуулж зүрхийг нь эмтэлж байлаа. Тиймээс тэр нэг л өдөр буруудсан бүхнийг зөв болгох онцгой нэгэн ирнэ гэж амласан. Зарим хүмүүс аугаа хүчирхэг хааныг хүлээж Олонх нь түүнийг бүх хорон муу хүмүүсийг усгах болов уу гэж бодож байсан биз. Харин оронд нь Бурхан хайраар өөрийгөө хүчин мөхөс бяцхан хүү болгож илгээжээ. Тэр бидний оронд, бидний гарт амиа алдахын тулд бидний хажууд өсөж торнин, амьдарсан. Учир нь цэвэр ариун бөгөөд гэм зэмгүй нэгэний цусанд л бидний бүх бузар муухайг угааж чадах хязгааргүй их амь агуулагддаг ажээ. Тэр бидэнд өөрийнхөө амьдралыг өгсөн шигээр бид түүнд итгэж, өөрсдийнхөө амьдралыг өгөх үед бидний судсаар түүний цус гүйж биднийг бузар муугаас угаан чөлөөлдөг. Тийнхүү бид түүнтэй хамт мөнхийн мөнхөд сайхан амьдарна.