God's Rescue Plan

Сизге кээде дүйнө талкаланып калгандай сезилеби? Бир нерсе туура эмес болгондой сезилеби? Башында Кудай дүйнөнү жакшылыкка толтуруп жараткан. Бирок биз өз жолубузду тандап, Кудайга баш ийбедик. Дүйнө талкаланды, аны менен бирге биз да талкаландык. Ыйык Китеп бул көрүнүштү күнөө деп атайт. Күнөө биздин иш-аракеттерибиз эле эмес, ал биздин жүрөгүбүздүн абалы. Биздин баш ийбегенибиздин натыйжасы өлүм - өмүр булагынан айрылуу. Биз өзүбүздү айыптуу, уят жана күнөөкөр сезгенде, ошол бөлүнүүнү сезебиз. Бирок биз күнөөбүздөн арылуу үчүн же жашообузду калыбына келтирүү үчүн эч нерсе кыла албайбыз себеби Ыйык Кудайдан ажырап калганбыз. Биздин окуя ушуну менен бүтүп калса, өтө кайгылуу болмок - бирок Кудай чыгуу жолун берди! Ал башынан эле куткарылуу жолун даярдап койгон! Кудай биздин ата-бабаларыбызга Өзүнүн планын ачып берди. Ыйык Китеп боюнча Ыбрайым Кудайдын алдында ишенимдеги адил адам. Кудай Ыбрайымдын өз уулун курмандыкка чалууну каалаганын өзүнө баш ийүү катары кабыл алды. Бирок Кудай киришип, анын уулунун ордуна, курмандыкка чалуу үчүн кочкорду берди. Кудай адилеттүү, ошол себептен биз өлүмгө жана андан бөлүнүүгө татыктуубуз. Бирок ошол эле убакта Кудай бизди сүйөт жана биз Аны менен түбөлүк өмүр сүрүүбүздү каалайт. Кудай Ыбарйым бере турган курмандыкты кереметтүү түрдө кочкор менен алмаштырып койгондой эле, Кудай Ыйсаны биз үчүн жеткилең курмандык болууга даярдаган. Ыйса биздин күнөөлөрүбүздү жок кылды, бизди күнөөнүн айыбынан өлүмдөн бошотту жана бизди актады. Толук Кудай болгон Ыйса биздин дүйнөгө келип, жеткилең өмүр сүрүү үчүн адамга айланды. Ал өлгөндө биздин уятты жана жазаны өзүнө алды. Ал биз татыктуу болгон өлүмдү өзүнө алды. Үч күндөн кийин Ал эч качан кайра өлбөс үчүн тирилди. Бул Ыйык Китептин жакшы кабары - Кудай бизге Өзү менен чогуу түбөлүк өмүр сүрүү үчүн мүмкүнчүлүк берди. Кудай сиз үчүн Машаяк аркылуу кылган иштерге ишенгениңизде, Ал сиздин уятты урматка, айыбыңызды адилдикке алмаштырат. Ыйык Китепте мындай деп айтылган: "Анткени күнөө үчүн жаза – өлүм, ал эми Кудайдын белеги – Теңирибиз Машайак Ыйса аркылуу бериле турган түбөлүк өмүр". Бирок бул белекти кабыл алганда гана ал сиздики болот. Сиз бул белекти сыйынуу менен каалаган убакта кабыл ала аласыз.