Ривка
Үйлену тойы.
Ләйлә?
Не істеп жүрсің, Ләйлә?
Бүгін қызымыздың тойы ғой,
бірақ әлі бітпей жатқан көп жұмыс бар.
А-а, онда оларды басқаларға істет.
Кел мұнда жатып, біраз демалып ал.
Ертең демаламын.
А!
Ақымақ әйел.
Ха-ха, түрімізге қара.
Қатты жарасып кеттік.
Әйтеуір күлетін бірдеңе тауып аласың.
Жылағаннан күлген жақсы ғой.
Біздің үйлену тойымыз әлі есімде.
Сен не, сол күні де күлдің бе?
Ха-ха-ха, қайдағы күлген?
Қатты қорыққан едім.
Ол кезде әлі бала едік қой.
Енді түрімізге қара.
(ашынып) Қартайдық, ауру,
соқыр болдық.
Бала болдық дегенің не?
Қылшылдаған жас едік қой.
Мен қорыққан едім.
Бірақ сені сыйладым,
әкем де сенің отбасыңды сыйлады.
Уақыт қалай зымырап өтеді десеңші.
Біз бірге тұрып жетілдік қой, Мұса.
Сенен жақсы әйел ешқайдан табылмас еді.
Мен де сендей жақсы күйеу таппаспын.
Енді бүгін қызымызды ұзатамыз.
Жаңа өмірінде Құдай оған жар болсын.
(қуанып) Той басталатын уақыт таяп қалды.
Қорқасың ба?
Мен бе?
Жоқ.
Алаңдап отырмын.
Бірақ ойламауға тырысамын.
Ал мен саған соны ескерте беремін.
Бәрің ескертіп жатырсыңдар ғой!
Анашым,
сіз бүгін тым көп жұмыс істедіңіз.
Барып демалуыңыз керек.
Жоқ, ештеңе етпейді, балам.
Бұл күннің қызығын жіберіп алғым келмейді.
Бауырың осында болса ғой, шіркін.
Бірақ,
сізге айттым ба, айтпадым ба?
Дәуіт Жақыпқа өрісте жолықты.
Ол Жақыпқа тойға келмекші екенін айтты.
Дәуіт?
Сен осы аптада Жақыппен сөйлестің бе?
Жоқ, әрине, жоқ, анашым.
Жақып Әйүпке, ал Әйүп Сараға айтты.
Дегенмен
Дәуіт келеді.
Қуанбайсыз ба?
А,
қуаныштымын.
Дегенмен абайлап жүрсе екен деймін.
Римдіктер оны тапса...
Бүгін менің тойым ғой, ана.
Бәрі тамаша болады.
Сенің тойың.
Сондай тез өсіп кеттің.
Кеш болып барады.
Сенің киіне бастағаның дұрыс болады.
Қош келдіңіздер, апайлар. Рақмет келгендеріңізге!
Әрине біз келдік!
Әуре болдыңыздар ғой.
Апай рақмет сізге.
Рақмет.
Қандай тамаша күн! Ха-ха.
Енді, сенің киінетін уақытың келді ғой?
Дұрыс айтасыз.
Келе ғой сіңілім. Сені киіндірейік.
Дәлия, кел, қосыл бізге.
Сен сондай сұлу келінсің, Мәриям.
Қатты қобалжып отырмын.
Тойымыз болған күні бәріміз қобалжығанбыз.
А!
Қартайғанда саусақтар да дұрыс істемей қалады.
Осы жұмысты жас келіншектерге тапсырғаным жөн болар.
Менің кенже қызыма той күні айтатын біраз ақылыңыз бар ма, Нұра?
Өткен аптада сен маған
Исаның той жайлы астарлы әңгімесін айтып берген едің.
Күйеу жігітті қарсы алмақ болған он қыз туралы әңгіме, Ләйлә, есіңде ме?
Әрқайсысында шам бар болған.
Қыздардың бесеуі шамдарына құятын артық май алып шықты,
ал қалған бесеуі алмады.
Күйеу жігіт ұзақ уақыт кешікті.
О, ал Жақып кешікпесе екен.
Әйтпесе, ол ойын өзгертті деп ойлап қалармын.
О, ол кешігіп жатса, достарыңның әкелген майы жететін болу керек.
Бәрінің майы таусылып қалса, той дұрыс болмай қалады ғой.
Мен тойды қараңғыда тойлағым келмейді.
Негізінде бұл әңгімеде
көршілер күйеу жігіттің келе жатқанын хабарлаған кезде
майы тусылған қыздар басқалардан май сұрамақшы болды.
Бірақ артық май алған қыздар
бөліскенде, онда өздеріне той уақытында жағатын май жетпей қалар еді.
Сондықтан әлгі ақылсыз бес қыз май сататын біреуді таппақ болып шығып кетті.
Бірақ базар баяғыда жабылып қалған болатын.
Әрине, солай.
Бес ақылсыз қыз қайтып келген кезде
той бітіп, бәрі кетіп қалған болатын, сөйтіп осы қыздар жалғыз қалды.
(абыржып) Мен бірдеңені түсінбедім, апай.
Бұл әңгіме мен емес, қонақтар туралы ғой.
Меніңше, мұнда Иса үйлену тойы туралы айтып тұрған жоқ.
Ол біздің өміріміз туралы айтқан сияқты.
Біз бәріміз Исаның қайтып келетін күнін күтіп жүрміз.
Кейбіреуіміз Ол келместен бұрын өлерміз, дегенмен біз Оны қарсы алуға әрқашан дайын болуымыз керек.
Жүректеріміз
Оның Киелі Рухына кенеліп, Оған ұмтылу керек.
Ешкім бұны біздің орнымызға істей алмайды.
Әлгі қыздар бір-біріне май бере алмаған.
Сенің күйеуің
Құдайға бағышталған жүрегін саған бере алмайды.
Сен Құдайды өзің іздеуің керек.
Мен күні бойы Исаның сөздері жайлы ойланғанды жақсы көремін.
Ән айтамын.
Мінажат етемін.
Сен де солай істеуің керек, Мәриям.
Оны үнемі ізде. Одан саған даналық беруін сұра.
Өміріңнің әр күні - шамың үшін "көбірек май сатып алуға" мүмкіндік.
Жаңағы әңгіме - осыны ескертудің тамаша жолы.
Рақмет сізге, апай.
Оқасы жоқ, айналайын.
Ривка, қымбаттым,
Менің кенже қызыма той күні айтатын біраз ой-пікірлерің бар ма?
Бүгін сондай сұлусың, Мәриям.
Біз бүгін сенің шашыңды өте әдемі етіп жинап бергіміз келеді.
Сенің жайнаған көзіңе,
жарқыраған жүзіңе қарағанда
есіме Петір елшінің сөздері түседі.
Оның айтуынша,
қыздың көркі шашты әдемілеп жинауда немесе
алтын әшекей бұйымдарды тағып, әдемі киімдерді киюде емес.
Шынайы сұлулық сенің жан дүниеңнің ізгілігінде.
Сондай сұлулық мәңгі солмайды және
Құдай алдында аса бағалы.
Осыны есіңде сақта,
бүгіннен мәңгілікке.
Сенің шынайы сұлулығың ішкі дүниеңде.
Рақмет сізге, Ривка апай.
Сара,
сіңліңе айтар нәрсең бар ма?
Иә,
мен жақсы әйел болуды енді ғана үйрене бастадым.
Бір-екі айдан кейін жақсы ана болуды да үйренетін боламын.
Бірақ,
Ривка апай айтқан Мәриям мен Марта туралы астарлы әңгіме әлі есімде. Сенің есіңде ме?
Исаның оларға қонаққа келгені туралы ма?
Иә.
Сол кезде Ол шәкірттерімен бірге... ауылдық аймақта уағыз айтып жүріп,
әпкелі-сіңлілі Марта мен Мәриям тұратын ауылға келді.
Үлкені Марта болған және ол
қонақтарды күтпекші болып көп нәрселер әзірлеп,
қонақты жақсылап күтудің қамын ойлап зыр жүгіріп қызмет етті.
Ал
Мәриям,
ол да сен сияқты кішісі,
Исаның аяқ жағына отырып алып, Оның айтқанын тыңдады.
Марта Мәриямның көмектеспегеніне ренжіп, Исаға сол жайлы шағымданды,
бірақ Иса оған:
"Мәриям игілікті жағын таңдап алды,
оны одан ешкім айыра алмайды", - деді.
Меніңше,
мен Марта сияқтымын.
Менің
болашақта істелуге тиіс барлық жұмыстар туралы тез алаңдап кететінім бар.
Бірақ
жақсы әйел және жақсы ана болудың сыры - Киелі жазбаны оқып,
мінажат етіп, Исаның сөздері жайлы...
күнде ойланып-толғануда.
Мен Құдаймен бірге болып, жүрегімді тыныштандырып
Оның маған сөйлеуін өтініп, Оның даусын тыңдасам, онда...
Мартадан гөрі көбірек Мәриямға ұқсап
өмір сүретін боламын.
Рақмет саған, Сара.
Сара дұрыс айтты.
Біздің өміріміз күндерден тұрады.
Әр күнгі мақсатымыз - Құдаймен қарым-қатынасты басты құндылық ету.
Шынайы қуаныш осыдан келеді.
Күйеуің екеуің бақытты болыңдар,
Мәриям.
Нехемия пайғамбар айтқандай: "Құдайға деген қуаныш бізге күш-қуат береді".
Кішкентай нәрселерден
қуаныш табыңдар.
Және разы болыңдар.
Және әр күні мұқтаждықтарың мен... өтініштерің жайлы Құдайға Исаның атымен сиыныңдар.
Күйеуің бар болса да, жоқ болса да, солай өмір сүру керек.
Екеуіміз бұл жайында білеміз, иә, Дәлия?
(сенімсіз) Солай шығар.
Әрине, солай.
Құдай бәрімізді бірдей сүйеді.
Ал Пауыл елші үйленбегендер мен жесірлердің салт басты болып қалуының жақсы екендігін жазған.
Шын ба?
Иә. Оның айтуы бойынша, салт бастылар барлық күшімен Құдайға ұнауға ұмтылады.
Онда бойдақ болу ерекше батаның бір түрі болғаны ғой.
(жасырына) Бірақ бұны Мәриямға айтпаймыз.
Құдай өмірдің әр кезеңінде,
әр жағдайда игі бола береді.
Ол бізді сүйеді,
және бұл біздің некедеміз бе, жоқ па, баламыз бар жоқ па, соған байланысты емес.
Құдай бізді Өзімен ерекше қарым-қатынаста болсын деп жаратқандықтан сүйеді.
Ол әрқайсымызға қарап қуанады!
Біз тек Оның сүйіспеншілігін Иса арқылы қабылдауды үйренуіміз керек.
О, анашым
мен сізді сондай жақсы көремін.
Сізге барлығы үшін рақмет.
Мен сені әрқашан жақсы көремін
және күнде сен үшін мінажат етемін, балам.
Олар келді.
Күйеу жігіт келді!
Күйеу жігіт келді!
Уақыт болды! Жүріңдер, жүріңдер.
Ол келді!
Келін келе жатыр!
Қазір келеді!
Келін келе жатыр! Көрдім оны! Иә!
Дәуіт!
Келіпсің ғой!
Әрине, келдім, қарындасым!
Сенің тойыңа келмегенде!
Міне, ол, әке.
Біз келінге келдік.
Қандай сұлусың!
Жүрегімді баурап алдың
бір-ақ көзқарасыңмен,
бір ғана асыл тасымен алқаңның!
Тұрыңдар былай! Жолдан кетіңдер! Қайда ол? Қайда ол?
Не болып кетті мынау?
Тұрыңдар былай! Жолдан кетіңдер! Қайда ол? Қайда ол?
Той болып жатыр ғой!
Ұсталды ақыры!
Міне, ол!
Жіберуші болмаңдар! Ұстаңдар!
Әкетіңдер оны!
Жоқ!
Кеттік! Бұрыл!
Жүр!
Алып кетіңдер оны!
Жоқ!
Дәуіт!
Анашым!
Анашым!
Осы той сіз барған тойларға қай жағынан ұқсайды және қай жағынан ұқсамайды?
Нұра айтқан он қыз туралы әңгіменің біздің өмірімізге қандай қатысы бар?
Сіз Сараның әңгімесіндегі кімге ұқсайсыз, Мәриямға ма әлде Мартаға ма? Қай жағынан?
Нұра мен Сара айтқан әңгімелердің арасында қандай ұқсастық бар?
Құдаймен қарым-қатынасыңызды ең басты орынға қою үшін сіз не істей аласыз?
