Tuzimba tutya enkolagana ne Katonda we ensi yonna? Enkolagana zizimbibwa okusinziira ku busobozi bwaffe obw'okuwuliziganya Ate okusaba ye ngeri yaffe ey'okunyumyamu emboozi eziva ku mutima ne Katonda Yesu agamba nti bwetwogera mu ddembe naye era ne tumunoonya ne emitima gyaffe, Ajja kutuddamu okuyita mu mwoyo omutukuvu gwateeka munda mu ffe, nga ayogera ne emitima gyaffe bwetuba tusaba, tukiwulira mu mitima gyaffe bwetuba tumusanyusizza ate era tusobola okukiwulira bwetuba tumunyiiziza. kubanga kyatwagaliza kwe kubeera mu mukwano naye omungi ennyo ddala ate nga gwa namaddala olwo tusobole okubeera mu bulungi bwe ne eddembe lyatuwa buli lunaku. Awatali kusaba, tweyongera okubeera e wala ne Katonda Naye ate gyetukoma okusembera awali Yesu okuyita mu kwogera naye, Twongera okukula mu kumwagala. ate gyetukoma okumwagala, tweyongera okwagala byayagala, olwo ne tulema okukola ebyo ebiyinza okutabula enkolagana yaffe naye.