8. The Bible

બ્રહ્માંડના ઈશ્વરને સમજવાની શરૂઆત આપણે કેવી રીતે કરીએ? શરૂઆતમાં જ્યારે ઈશ્વરે પ્રથમ મનુષ્યો બનાવ્યા હતા અને તેમને સુંદર બગીચામાં મૂક્યા હતા, ત્યારે તેઓ તેમની સાથે ચાલ્યા હતા અને તેમને વ્યક્તિગત રીતે શીખવ્યું હતું. જ્યાં સુધી કે તેમના દૃષ્ટ નિર્ણયોએ તેમને તેમના પ્રેમ અને હાજરીથી અલગ ન કરી દીધા. તો પણ લોકો આશા વગર રહ્યા નહોતા. કારણ કે સમગ્ર ઈતિહાસમાં ઈશ્વરે એ લોકો સાથે વાત કરવાનું ચાલુ રાખ્યું હતું જેઓ તેમને પ્રેમ કરતા હતા અને તેમની સેવા કરતા હતા અને કોઈક વાર, જે તેમણે તેમને શીખવ્યું હતું તે લખવાની અને સાચવવાની તેમને આજ્ઞા કરી હતી. આ લખાણો બાઈબલ તરીકે ઓળખાતા 66 પુસ્તકોના સંગ્રહમાં એકત્ર કરવામાં આવ્યા હતા. બાઈબલના પુસ્તકોના વાંચન દ્વારા આપણે એ સમજવાનું શરુ કરીએ છીએ કે ઈશ્વર કોણ છે અને તેમણે શું વચન આપ્યું છે. એ ઉપરાંત, આપણે ક્યાંથી આવ્યા છીએ, આપણે કોણ છીએ અને આપણો હેતુ શું છે. કારણ કે બાઈબલના આજીવન માર્ગદર્શન દ્વારા આપણે તેમને જાણવા માટે આગળ વધી શકીએ છીએ અને એવી સ્વતંત્રતા અને જીવન મેળવી શકીએ છીએ જેનો કદી અંત આવતો નથી.