Can the Bible Be Trusted?

Ҳеч ўйлаб кўрганмисиз? Нима учун Исонинг издошлари Муқаддас Китобнинг ҳозирги нусҳаси унинг энг қадимги нусҳаси билан бир хиллигига ишонишади? Муқаддас Китоб – Худонинг табаррук Каломи бўлиб, 1500 йиллик даврни қамраб олади. У аслида китоблар хазинасидир, у бизга Худо ва Унинг барча одамларга берган хулқ-атвор қоидаларини ўргатади. Унга Таврот, Забур, Инжил ва Исонинг шогирдларига йўлланган мактублар киради. У Худо ижодининг бир қисми бўлмиш инсоният тарихидан бизга сўзлайди. Кўпчилик одамлар Муқаддас Китоб вақт ўтиши билан ўзгариб кетган деб ўйлашади. Бунинг сабаби унинг турли-туман таржималари кўплигидир. Дастлаб Муқаддас Китоб учта тилда ёзилган, кейинчалик эса кўплаб тилларга таржима қилинган. токи ҳар битта халқ Худонинг Каломини ўз тилларида ўқий олишсин. Айрим тилларга ҳатто бир неча марта таржима қилинган, бироқ уларнинг ҳаммасида бир хил хабар етказилган. Муқаддас Китобнинг ҳар битта нусхаси асл матндан таржима қилинганини унинг асл нусҳаси билан текшириб билиш мумкин. Сон-саноқсиз архиологик топилмалар ҳам замонавий таржималарнинг тўғри эканини тасдиқлайди. Мисол учун, Муқаддас Китобнинг 981 та қадимий қўлёзмалари милоддан аввалги 3чи ва милоднинг 1чи асрларига мансуб бўлиб, 20-асрнинг ўрталарида Ўлик денгиз яқинида топилган. Мана шундай қўлёзмалардан бири Буюк Ишаё Қўлёзмаси ҳисобланади. У Ишаё пайғамбар китобининг 66 та бобини ўз ичига олади. Унда Исо Масиҳнинг ҳаёти ва ўлими ҳақида башорат қилинади. Бу қўлёзма замонавий Муқаддас Китобдаги Ишаё пайғамбар китобининг айнан ўзидир. Каломнинг Исо Масиҳ ҳақида ҳикоя қилувчи қисми У билан бир вақтда яшаб ўтган шогирдлари томонидан 1чи асрда ёзиб қолдирилган. Улар ўз ёзганларини бошқа ҳудудларга жўнатишар, ерлардаги шогирдлар эса бу ёзувларнинг ҳақиқатга мослигини тасдиқлашар, лардан нусҳа кўчириб, Исонинг бошқа издошларига жўнатишарди. Ҳозиргача, Исо Масиҳ ҳақида ҳикоя қилувчи қадимий Калом қўлёзмаларнинг 25,000 дан ортиғи топилган. Уларнинг барчаси бир-бирига мос келади ва ҳозирги Калом билан бир хил. Британия кутубхонасида, ҳатто Муқаддас Каломнинг юнон тилида ёзилган тўлиқ нусҳаси ҳам сақланади. Синай кодекси деб аталувчи бу Муқаддас Калом милодий 350 йилда ёзилган бўлиб, ҳозирги Муқаддас Каломнинг айнан ўзидир. Бошқа бирорта қадимий матннинг нусҳалари Муқаддас Каломникидай кўп топилган эмас. Шундай қилиб, далиллар шуни кўрсатадики, қўлимиздаги Муқаддас Китоб минглаб йиллар аввал ёзиб қолдирилган Муқаддас Битиклардан иборат экан.