Did Jesus Come Back From the Dead?

Ҳеч ўйлаб кўрмаганмисиз, Исо Масиҳ ҳақиқатдан ҳам ўлиб, қайта тирилганмикан? Бунга қандай амин бўлишимиз мумкин? Исо уч йил мобайнида таълим бериб юрарди... бу орада У ортидан эргашганларни Ўзининг ўлими ҳақида огоҳлантирди, ҳамда ўлим устидан ғалаба қозониб, ҳаётга қайтишга ваъда берди. Бироқ улар Исо нима ҳақида гапираётганини тушунишмади. Издошларидан бири Яҳудо Ишқариёт Унга ҳиёнат қилди. Сўнгра эса диний раҳнамолар Исони жиноят қилганликда ёлғон айб қўйишди. Оломон бу ёлғонларга алданиб Унинг ўлимини талаб қилишди. Издошларидан баъзилари қочиб кетди, баъзилари яширинишди ва ҳатто Уни танимайман деб ёлғон гапирди. Яҳудо Ишқариёт бўлса виждони қийналганидан ўз жонига қасд қилди. Бироқ буларнинг бари Худонинг режаси эди – содир бўлганларнинг ҳаммаси Худонинг пайғамбарлари томонидан башорат қилинган эди. Исо иккита жиноятчи билан бирга, ўша вақтга хос бўлган усулда – хочга михлаб ўлдирилди. Исонинг ўлими тасдиқлангандан сўнг унинг мурдаси қабрга қўйилди ва римлик аскарлар томонидан қўриқланди. Учинчи куни эса, Исога эргашган баъзи аёллар Унинг танасини кўмишга тайёрлаш учун йўлга тушишди. Фаришталар қабр оғзидаги тошни суриб қўйишди ва соқчиларни даҳшатга солишди. Аёллар қабрга келиб, унинг бўшлигини кўришди ва фаришталар уларга гапириб деди, “Нимага сизлар тирик одамни ўликлар орасидан қидиряпсизлар? У бу ерда йўқ; У тирилди!” Аёллар Исонинг шогирдларига айтиш учун югуриб кетишди, бироқ шогирдлар уларга ишонишмади... ...токи Исонинг Ўзи уларнинг орасида туриб, “Сизларга тинчлик бўлсин”, демагунича 40 кундан ортиқ вақт мобайнида Исо уларга кўп марта кўринди. Осмонга кўтарилишидан аввал, Исо беш юз нафардан ортиқ одамга кўринди. Унинг қайтиб келгани ҳақидаги хабар бутун Рим империяси бўйлаб тарқалди. Унинг энг яқин шогирдлари бошқаларга кўрганлари ҳақида гувоҳлик беришди ва берган таълимлари учун ўлдирилишди. Мана энди улар тушуниб етдилар...ва ишондилар. Мана шу гувоҳлар сабабли биз Исонинг ўлими ва қайта тирилиши ҳақиқат эканлигига ишончимиз комил. Исо бизнинг гуноҳимиз учун бадал тўлади... бироқ Исо ўлим устидан ҳам ҳоким бўлгани учун қайта тирилди! У ҳозир ҳам тирик, ҳамда бир кун келиб, ўлигу-тирикларни ҳукм қилиш учун осмондан тушади. Исонинг ўлими ва қайта тирилишига сиз қандай жавоб берасиз?