God's Rescue Plan

Баъзан бу дунё Сизга бузилиб бораётгандек туюлмайдими? Қандайдир хатолик юз бергандай? Азалда Худо дунёни эзгуликка тўла қилиб яратган эди. Бироқ биз Унга итоатсизлик қилиб, Унинг йўлларидан адашдик. Дунё бузилгани каби, биз ҳам бузилдик. Муқаддас Китоб буни гуноҳ деб айтайди. Гуноҳ бизнинг хатти-ҳаракатларимиздан тортиб юрагимизнинг ҳолатигача қамраб олади. Итоатсизлигимиз табиий оқибати эса ўлим, яъни ҳаёт манбаидан узилиб қолишдир. Айб, уят ва нопокликка юз тутганимизда, бу узилишни кўпроқ ҳис қиламиз. Бироқ муқаддас Худодан ажралган ҳолатда эканмиз, ўз кучимиз билан гуноҳларимиздан халос бўлиш ёки ҳаётимизни қайта тиклашга ожизмиз. Агар ҳаёт ҳикоямиз шу тариқа якун топганда жуда фожеали бўларди, аммо Худо биз учун Ўзи йўл ҳозирлади! У энг бошиданоқ нажот режасини тузиб қўйган эди. Худо ота-боболаримизга Ўз режасини аён қилди. Муқаддас Китобда айтилишича, Иброҳим Худонинг назарида солиҳ одам эди. Иброҳим Худога бўлган итоаткорлигини намоён этиш учун ўз ўғлини қурбон қилишдан ҳам қайтмади, бу эса Худонинг олқишига сабаб бўлди. Шунда Худо илоҳий тарзда аралашиб, Иброҳимга ўғлининг ўрнига қурбонлик қилиши учун бир қўчқор ҳозирлади. Худо адолатлидир, бинобарин бизлар Ундан ажралиб, халок бўлишга маҳкум эдик. Бироқ Худо бизларни шунчалик севгани учун, У билан бирга абадий ҳаётга эга бўлишимизни истайди. Иброҳимнинг ўғли ўрнига мўъжизавий тарзда қўчқор бергани каби, Худо Исони ҳам бизлар учун мукаммал бир қурбонлик сифатида тақдим этди. Исо гуноҳларимизни ювди, бизларни гуноҳнинг бадали бўлган ўлимдан халос қилди, ҳамда бизларни солиҳ одамларга айлантирди. Ўзи ҳам комил Худо бўлган Исо, бизнинг бузилиб бораётган оламимизда муқаддас ҳаёт кечириш учун, мукаммал одамга айланди. У бизнинг иснодимиз ва жазомизни Ўзига олиб ҳалок бўлди. Биз муносиб бўлган ўлим Унга насиб этди. Уч кундан сўнг эса, У бошқа ҳеч қачон ўлим кўрмаслик учун ўликлар орасидан тирилди. Мана шу Муқаддас Китобдаги хушхабардир, яъни Худо билан абадий ҳаётга эришишимиз учун Унинг Ўзи йўл ҳозирлагани ҳақидаги хабардир. Худонинг Масиҳ орқали сиз учун қилган ишларига имон келтирганингизда, У сизнинг шармандалигингизни шон-шараф билан, гуноҳингизни бўлса солиҳлик билан алмаштиради. Муқаддас Китобда шундай дейилади, "Гуноҳнинг эвази ўлимдир, бироқ Худонинг инъоми эса Раббимиз Исо Масиҳ орқали бериладиган абадий ҳаётдир”. Бу инъомга эга бўлиш учун аввало уни қабул қилишингиз лозим. Сиз бунга истаган пайтда ибодат орқали эриша олишингиз мумкин.