Азалда Худо ер билан осмонни яратиб,
Ўзининг мукаммал донолиги, қудрати ва улуғворлигини намоён этди.
Худо эркак ва аёлни Ўз суратида яратди.
Уларга Яратувчиларини таниб-билиш ҳамда Унинг номидан
ер юзини бошқаришлари учун қадрият ва мақсад ато этди.
Бу Худо билан одамлар ўртасидаги мукаммал муносабат эди.
Шунга карамай одамлар Яратувчиларига қарши исён қилдилар,
худди Худо каби бўлишни, ўзилари учун улуғворлик манбаига айланишни орзу этдилар.
Улар гуноҳ қилдилар.
Гуноҳ уларга доғ туширди,
инсоният билан Яратувчи ўртасидаги муносабатга рахна солди.
Барча инсонлар Худо билан айрилиқни мерос қилиб олдилар.
Биз шу бўшлиқни ҳис этиб, уни тўлдиришга уринамиз.
Бобилда улар Худодай бўлишни истаб, бир минора қуришди.
Уларга ўхшаб биз ҳам ўз қадр-қимматимиз ва мақсадимизга асос солишга аҳд қилганмиз.
Бироқ одамзоднинг хатти-ҳаракатлари ҳалокат билан тугайди.
Гуноҳ инсониятга кулфат келтиради.
Оилар орасига ҳамда биз билан Худо ўртасига айрилиқ солади.
Аммо раҳм-шафқатга ҳамда севгига бой бўлган Худо
инсониятни қутқариш учун бир режа тузган эди.
У ваъда қилинган Масиҳ - Исони ер юзига юбориб,
инсониятни Яратувчи билан яраштирди.
Исо мўъжизалар содир этди, Устоз каби таълим берди,
ҳамда гуноҳкорлар билан еб-ичди.
У Худонинг ҳузурида уюштирилажак буюк базм ҳақида,
унга ҳамма таклиф қилиниб, ҳурмат-эҳтиром топиши ҳақида сўзлади.
Хастаю, бева-бечоралар Унинг ҳузурига келар,
Исо уларга тегиб ҳаром бўлмас, аксинча уларга шифо берар ва аслига қайтарарди.
Одамлар бўлса яна бир бор Унга қарши чиқдилар.
Исонинг Ўзи бунга йўл қўйиб берди.
Одамларнинг барча иснод ва ҳақоратларига чидади.
Ўлимига саноқли лаҳзалар қолганида,
Исо ғайриоддий равишда гуноҳу-иснодларимизни Ўзига олди,
Худонинг ғазабидан ҳамда инсониятнинг Худо билан бузилган алоқасидан азият чекди.
Чунки Исо Ўзини қурбон қилмасидан туриб,
одамлар ўз савоб ишлари ёки диний анъаналари орқали Худога қайтишлари
ҳамда Худо билан алоқа қилишлари имконсиз эди.
Энди эса Худо Исони ўлимдан ҳаётга қайтарди!
У инсониятнинг гуноҳи ва исноди устидан бутунлай ғалаба қилди.
У ҳақиқий улуғворлик Худодан келишини ҳамда
ер юзидаги ҳеч бир нарса бунга соя сололмаслигини кўрсатиб берди.
Исо осмон шоҳлигига қайтиб, бизни Яратган билан алоқаларимизни тиклашга,
қадр-қиммат ва мақсадни шарафли манбаадан қўлга киритишга чорламоқда.
Унинг таклифини қабул қиласизми?
Агар Худо билан мулоқотда бўлишни истасангиз
қуйидаги ибодат билан имонингизни билдиринг:
