Can We Know God?

Хеч бир ўйлаб кўрганмисиз, Худо Ўзи ким? Уни қандай билса бўлади? Кўриниши қанақа? Муқаддас Битикларда шундай дейилади: “Эгамиз Худо ягонадир.” У ҳар нарсага қодир. Унинг на боши, на охири ва на бирор нарсага эҳтиёжи бордир. У абадийдир, вақтнинг ҳукмидан четдадир. Чексиздир. Ҳамма нарсанинг яратувчиси бўлгани учун, У истаган ишини қилиши мумкин. Ўзининг чексиз севгиси билан, бизни яратишни танлаб, Уни таниб-билишимиз ҳамда У билан алоқа қилишимизни истади. Муқаддас битикларда аён бўлишича: У ўзгармас, муқаддас ҳамда барча ишлари билан ҳурмат-эътиборга лойиқдир. Шунга қарамасдан, У бизни Ўз оиласига фарзандликка қабул қилмоқчи. У бизнинг самовий Отамиз бўлишни хоҳлайди. Бироқ, У, кўзга кўринадиган ва кўринмайдиган оламнинг ҳам Шоҳидир. У бизнинг исёнимизга кўз юма олмайди. Унинг амрларини инкор этганларида, одамларнинг қилмишига қарши Унинг ғазаби аланга олади. Комил Ҳукм юритувчи сифатида, У, ҳақиқат ва солиҳликни ҳимоя қилади, гарчи бу вайрон этишни англатса-да. Дунё Худога қарши исён қилишга мубтало бўлган. Худо бизнинг исёнимиздан қайғуга ботган. Бироқ У ҳар нарсага қодир Худодир! Шунчалар қудратлики, ҳатто гуноҳкорга нажот бериб, уни севги ва солиҳлик ила ўзгартиришга қодир! У бизни Ўзига яқинлаштиради! Сабр-тоқат ва саҳоват билан, У, Ўз фарзандлари ҳақида қайғуради, уларга йўл кўрсатиб, далда беради. Унинг марҳамати чексиз, берган ваъдаларига содиқдир. У ҳар ерда ҳозир, биз тасаввур қилганимиздан-да каттароқдир... шу билан бирга қўл етадиган даражада яқин. Шоҳларнинг Шоҳи, шу билан бирга Ота ҳамдир. У ҳар жиҳатдан комил, бизга бўлган севгисида ҳам. У бизларни нафақат исёнкор сифатида, балки Ўзи яратган фарзандлари сифатида кўради, ҳамда бизни қутқаришни режа қилади. У бизларни Уни яқиндан таниб-билишга ва У билан алоқада яшашга чорлайди. Унинг қудрати ила қувонч ва тинчлик билан яшашга чақиради.